Tòm raì kís, oă tŭ dơ̆ bol he sền là ò tơl niam, ò di păl nàng geh Yàng ngui. Ala bơta tìs tòm rài yau hala lơbơn lơño ngai do lơh să tòm he geh nhàr, kơlôi lah he ờ tơl jak chài nàng rgơi lơh tòm broă dờng Kơnràñ dê. Mơya bơta crih crài lah Yàng ò kơp he là wil tơl sồng Yàng ngui. Yàng găm jòi kòp nơm hwềng nùs sùm rcăng nàng geh tòm gơl mờ geh tề lăm bơh bơta nđàc Kơnràñ dê.

Ngai do, ngai 06/11/2024, Bơta Hòi Dan Kòp Ngai dan jà ồng mò oh mi bơtê bal Jơnau Yàng dê kơnòm dê bơta dong kòl Marissa Nordlum bơh tơnggume BƠH TIAH SỒT RƠMĂÑ TÚS TIAH BƠTA NĐÀC.

“Añ la cau dềt rlau jơh tòm ală cau sàng goh; bulah behơ̆ Kơnràñ neh ai añ in bơta nđàc hơ̆, nàng añ bơto yal làng bol bơdìh in bơta pas gơs ò git lơh Bơtau Krist dê.”
(‭‭Ephesô‬ ‭3‬:‭8)

Añ găm sùm kah tòm dồ ngai hơ̆, tŭ rgum bơ jum băl tòm hìu jum. Tŭ hơ̆, añ găm là dồ nă cau bơ srăm tòm ò dŭ, găm kơno dồ bă nền cê cau bơtê bơh bơta ùr klau jat nùs koñ Yàng mờ dồ rài kís sàng goh. Ngai hơ̆, añ là cau lăm pơ jum mpồl ùr ruh-pơnu, mơ ya tŭ añ ơm kơno, dô bơta kơlôi sơnơng sùm gŏ tòm bồ tơngngoh añ; ngăn Yàng rơp geh dồ nă cau di păl rlau mờ añ tòm tiah añ ơm ntào do. Añ gŏ să tòm bềng bơta ờ tơl. Bulah añ neh pơn đơl nàng tòm gơl mờ kís dồ rài kís sàng goh, mờ ya añ sùm găm kah bơta ta tìs añ neh lơh tòm tŭ añ găm là dồ nă cau lòt bơ srăm. Tòm bồ tơngngoh añ sùm gớs jơnau đớs broă añ neh lơh là tồi dờng ngăn, ngăn là ò di păl nàng Yàng ngui añ lơh tòm lơgăr Kơnràñ. Añ sền añ neh là cau sang sơ bì, bơh añ ò di păl nàng geh Kơnràñ ngui.

Tơnơ̆ wơl, añ đăl git lah bơta Yàng sền dờng màng ò di lah broă bơta añ neh lơh tìs oă bè lơi. Kơnràñ sền dờng màng rlau jơh là nùs nhơm añ. Kơnràñ kơp koñ nàng sơm bời, lơh wơl añ, mờ bơh bơta lơbơn lơñio añ, Kơnràñ sòl àng gơklŏ Kơnràñ dê. Kơnràñ gớs dồ bơta crih crài nàng lơh bơta he sền gŏ là bè neh bơ cah hala ò di păl nàng lơh phăn ngui tòm lơgăr Kơnràñ dê. Bơh yau òr tus dê ngai do, Kơnràñ sùm sak rơ hwah cau sền là ò di păl nàng lơh broă rcăng dờng màng Kơnràñ dê, mờ bơta hơ̆ neh geh ràng tơlik loh làng kòp pang Sră Goh.

Rlau mơ jơh tơl nă cau, cau bơtê Pol neh gŏ loh làng bơta ò di păl là mpè lơi. Ồng mờng òs sền să tòm he la “tòm ală cau glài hơ̆ añ la cau glài kơnjơ̆ rlau jơh.” (‭‭I Timôthe‬ ‭1‬:‭15‬). Lài mờ tŭ lơ gớs Pol, bơh bơta yăl Jơnau Niam làng bol bơ dìh in gen ồng Sau-lơ, là cau sùm kup kơr yăn mờ tơn chơt ala cau dòn Yàng Je-su. Mơya, tơnơ̆ tŭ tìp Yàng, ồng neh geh sơn đăn là Pol mờ dòp rọ dồ bơta pa. Yàng neh sac ồng Pol nàng yăl Jơnau Niam làng bol bơ dìh in mờ tề lăm oă cau tus mờ Bơtau Kríst, bulah rài yau ồng bềng glài.

Cau bowto Pol neh đơs tòm Ê-phê-sô 3:8-9:
“Añ la cau dềt rlau jơh tòm ală cau sàng goh; bulah behơ̆ Kơnràñ neh ai añ in bơta nđàc hơ̆, nàng añ bơto yal làng bol bơdìh in bơta pas gơs ò git lơh Bơtau Krist dê, mơ lơh jơh tơl nă cau in git loh bơh bơta rơndap broă ndơp ndơr dê, neh pồn ndơp bơh ală rài yau tòm Yàng Tom Trồ la Bơtau crơng gơs jơh ală phan.”

Ồng ò ƀà sil nàng sền să tòm he là bềng bơta ò niam. Ồng git nền tòm lài òr ồng là bềng bơta tìs, mờ ya ồng găm pràn kơldăng nàng đớs bơh bơta nđàc Yàng dê là niam bè lơi. Ồng kung ò ƀà sìl tŭ đớs bơh bơta lơbơn lơño să tòm he, bơh ồng git bơh lơbơn lơño hớ, bơta pràn Bơtau Kríst dê geh ràng tơlik loh làng (2 Kô-rin-tô 12:9). Bulah neh lơh tìs oă ngăn, Yàng găm ngui ồng Pol dồ bă bềng gơnoăr nàng bơt Hìu Jum Goh bồ dà. Ồng neh cih 13 tòm 27 Sră Goh pa. Crih crài ngăn, Yàng neh tòm gơl dồ rài kìs sồt rmăñ lơh gớs phăn ngui nàng lơh ò nàng lơgăr Kơnràñ dê.

Añ neh lùp ís oă dơ̆ ngăn să tòm neh “ săng sơ bì” lik bơh gùng dà Yàng dê, bơh kơlôi lah să tòm ò di păl. Tŭ sền wơl ala năm găm bớsrăm tòm ò dŭ, añ sền gŏ bơta nđàc Yàng neh jòi dê añ dê gùl tiah bềng glài mờ bơta hòi jà añ rê wơl tòm bơta gơ jrăñ sang glài. Bulah bol he neh lơh tìs lơi, hala sền gŏ he neh gơkrăm jrô bè lơi tòm lài òr, Yàng sùm geh gùng dà ngui tŭ hơ̆ nàng lơh gớs kwơ bol he he in. Kơnràñ koñ sơm bơì nùs nhơm he, mờ bơh hơ̆, Kơnràñ rơp ngui bol he nàng nàng lơh gơklŏ sơn đăn Kơnràñ.

Ngai do, dilah bol he găm sền là ò di păl nàng geh Yàng ngui, gen kơlôi tús dê cau bơto Pol. Bulah bol he sền să tòm “ là dồ nă cau ò di păl ngăn” gen bơta koñ gơboh Yàng Tòm Trồ dê bơh Yàng Je-su Krist sùm là cơng tàng bơta sơ lơ̆u wơl. Kơnràñ sùm koñ ngui bol he dê tŭ do nàng lơh dòng ò nàng lơgăr Kơnràñ hơ đang ù do. Koửàñ kơp koñ nàng lòt băl mờ he, tề lăm kòp nă cau tus dê bơta nđàc crih crài Kơnràñ dê. Bol he sùm rcăng nàng hơ wơl jơnau hòi jà Yàng dê, bè cau bơto Pol neh lơh, nàng jòng rơ sơnđăn Kơnràñ sơl ơ?

Dan jà bol he dô nùs bal tòm bơta hòi dan:
Ưn ngaì Yàng bulah kòn lơbơn mờ tồi glài. Kơnràñ geh gùng dà nàng ngui tòm broă dờng màng Kơnràñ dê. Dăn pà ai kòn in bơta pràn mờ nùs khin cha nàng lik klàs bơh ƀà sìl tôì glài, mơ hơ wơl jơnau hòi jà Kơnràñ dê. Dăn ai kòn in lơh gớs phăn ngui gớs kwơ tòm plàng tê Kơnràñ, nàng tòm pà bơta koñ gơboh mờ bơta dong klàs dê ala cau gut dăr bol kòn. Kòn jơnùs hòi dăn. Tòm sơn đăn Yàng Je-su Kríst, A-men.

Ơ ồng mọ, oh mi koñ gơboh, dilah bol he găm gớs nùs kơn jơ̆ bơh tồi glài hala lơbơn să tòm he, gen kah té lah Yàng sùm sền gŏ bơta chài rgơi dê tòm dơ lăm să tòm he. Kơnràñ koñ nàng sơm bời, yờ tơng guh mờ ngui să tòm he nàng rơ sìh bơta koñ gơboh mờ bơta nđàc Kơnràñ dê. Bañ săng sơ bì ís să he, mờ ya cơn đoà lòt jat jơnau hòi jà Kơnràñ dê, dòn nền lah bol he rơp lơh gớs phăn ngui dờng màng nàng cèng bơta nđàc Kơnràñ tús dê tòm dunnia do.

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.