Rài kís dồ nă cau dờng tòm Yàng là ò siơŭ bơta duh broă. Duh broă geh ràng tơlik bơh rài kís dồ nă cau jat krơh Yàng Dong Klàs, Bơtau neh tús nàng duh broă oă cau. Là cau neh geh crơng gớs jat rùp să Yàng, bol he geh hòi sach nàng kís dồ rài kís dờng rlau tai, hơ̆ là geh jòng yờ tơng guh mờ lơh gơ klŏ àng sơn đăn Yàng bơh bơta duh broă.

Ngai do, ngai 13/11/2024, Bơta Hòi Dan Kòp Ngai dan jà ồng mò oh mi bơtê bal Jơnau Yàng dê kơnòm dê bơta dong kòl Esther Griffin bơh tơnggume GEH CRƠNG GỚS NÀNG DUH BROĂ.

“Bơh Kòn mơnus neh tus ò di nàng Cau duh broă khai in, mơya nàng duh broă cau in mơ phi bơta kis Khai lơh gơs phan tơwài oă cau.”‭‭ (Mak‬ ‭10‬:‭45)

Bol he rơp chờ hờp tŭ geh dồ nă cau rơp rcăng lài phăn sa he in, jà he huk dồ ly caphe, hala lơh bol he broă ndai. mìng là dồ broă lơh dềt rhền neh cèng tús oă bơta mờ chò hòp dờng rlau mờ bơta he kơlôi tús, hơ̆ bơh kòp bol he koñ geh dồ nă cau koñ gơboh dê he.

Nùs duh broă là bơta păl càng ngăn tòm bơta dòn bol he dê; mơya bơta duh broă hơ̆ ngăn là dồ bơta kal ke nàng lơh. Bơh cồng nha tồi glài dê, jat mờng òs, bol he gơlik gớs koñ gơboh să tòm he ralu jơh. Mờya bơta hơ̆ ò di là bol he gơkòl kup kơr yăn tòm bơta kís hơ̆

Yàng Je-su là rùp niam rlau jơh bơh rài kís yờ tơng guh mờ lơh gơklŏ àng sơn đăn Yàng Tòm Trồ hơ̆ đăng dunnia do. Kơnràñ neh ràng tơlik dồ rài kís bềng lìu Yàng Hwềng Goh, dồ nă cau dî kŏng bol glăr Yàng Tòm Trồ dê (Ê-sai 52:13-15). Yàng Je-su tús tòm dunnia ò di nàng cau duh broă mờ ya nàng duh broă cau in:

“Bơh Kòn mơnus neh tus ò di nàng Cau duh broă khai in, mơya nàng duh broă cau in mơ phi bơta kis Khai lơh gơs phan tơwài oă cau.”‭‭ (Mak‬ ‭10‬:‭45)

“Oh mi gơs tĕ nùs kơlôi be Yàng Krist Jesu neh gơs. Kơnràñ neh gơs rùp să be Yàng Tom Trồ, mơya Kơnràñ ò sền bơta ring bal mơ Yàng Tom Trồ la bơta pal sơmbat prap; Kơnràñ neh sang lòi is să he, ai rùp să be cau dĭ gơna, mơ gơlik gơs be kòn mơnus. Kơnràñ neh gơs rùp să be dô nă cau, gen pìn pơndêt is să he, dòn bơr jơl chơt, tian gơs chơt hơđang chi pơng.” (‭‭Philip‬ ‭2‬:‭5‬-‭8)

Ò gơs bơta kòñ gơboh lơi dờng rlau mơ bơta kòñ gơboh bơh bơyô he mơ phi bơta kis he.” (Jang‬ ‭15‬:‭3‬). Buh lah duh broă cau ndai ò ràng tơlik dồ bơta koñ gơboh dòng rlau, mơ ya hơ̆ là broă lơh ràng tơlik bơh nùs koñ gơboh.

Phi-líp 2:1-8 neh ai git bulah ồng Pol ơm tòm hìu jàm, mờ ya ồng sùm tơng kah cau dòn Yàng tòm tiah Phi-líp bơh dồ rài kís krơi ís bơh dunnia. Ồng tơng kah bơh dồ nơm krơh dờng rlau ngăn, hơ̆ là Yàng Je-su, mờ tơng kah bol khai păl gơ lik té bè Kơnràñ. Sơn ròp păl kơlôi tús dê cau ndai, tơnơ̆ tús să tòm he.
“Bañ lơh bơta lơi bơh nùs sềt pơniă hala bơh bơta gơklŏ ò kwơ, mơya pìn pơndêt tĕ să, kòp nă sền cau ndai la dờng màng rlau mơ he.” (Philip‬ ‭2‬:‭3)

Do ò di là bơta pa, bơh Yàng Je-su neh đớs bol he păl koñ gơboh cau gut dăr he bè să tòm he:
“Ai bơta sồr lam bàr kung behơ̆ sơl: ‘Mê kòñ gơboh tĕ di cau gơp ƀòn he be he.’” (Mathiơ‬ ‭22‬:‭39)

Kơlôi té dunnia rơp bè lơi tŭ kòp nă cau wă mờ lơh jat Jơnau Yàng nàng duh broă? gen ngăn, broă do là kal ke ngăn nàng geh gơlik gớs mìng là tŭ he guh rê hơ đăng trồ. Mơya di lah bol he kư̆ lơh jat Jơnau Yàng mờ cèng dồ nùs nhơm cau ndai in lài tơ̆ nơ̆ là să tòm he, gen ngăn broă hơ̆ rơp túp rơng gô dờng dê rài kis, broă lơh, broă bol he geh jào. Tòm ngai do, kơlôi tús broă lơi mờ bol he rgơi lơh nàng duh rngòt oh mi he. Gen kah té Yàng Hwềng Goh sùm là Bơtau tề lăm mờ lòt băl mờ bol he tŭ boh he găm kís hơ đăng dunnia do.

Dan jà bol he dô nùs bal tòm bơta hòi dan:
Ưn ngài Yàng Je-su bơh neh lời kòn in dồ nơm krơh wil tơh bơh bơta duh broă mờ pìn pơn dềt să he. Dăn dong kòn in sùm ròng dồ nơm hwềng nùs duh broă, duh rngòt mờ koñ gơboh cau ndai bè să tòm kòn. Kòn jơh nùs hòi dăn, tòm sơn đăn Yàng Je-su Krist, A-men.

Ơ ồng mọ, oh mi koñ gơboh, git đăp Yàng Je-su neh dòn bơr mờ pìn pơn dêt să, chơt ala bol he, bol he rơp ai nùs gơn kơnơm Kơnràñ nàng kís dồ rài kís pơn dềt să mờ duh broă sơl? Gen rac dăn té mờ Yàng dong kòl bol he ò di mìng git kơlôi să tòm lơm, mơya kơlô tús dê cau ndai tai, bulah oh mi tòm bơta dòn hala ò dòn. Bơh git lah, bơta nđàc mờ bơta dong klàs geh ràng tơlik loh làng bơh dồ rài kís koñ gơboh mờ bơta duh broă bol he dê.

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.