“Bolglăr, siou, lagah lagan, kơp kờn geh dong kơl…” lah bơta mơng ơs gơlơh rài do, tom rài oă lơh broă nàng joi phan sa. Gen bơta lơi lah bơta he păl lơh? Sră Goh ai he in git lah Yang lah Bơtau ai pràn pa ală cau lơi git gơn kơnòm di Yang mơ jao jơh ală broă he dê Yang in.

Ngai do, ngai 15/11/2024, Bơta Hoi Dan Kơp Ngai dan jạ ală ông mọ oh mi bơtê băl jơnau Yàng dê kơnơm dê bơta dong kòl ông Mikayla Barnes bơh tơnggume: PRÀN PA CAU LƠI GƠN KƠNÒM DI YANG.

“Mơya cau lơi gơn kơnòm di Yàng Jehôwa gen rơp geh pràn pa, bol khai rơp pò pơnđar par jơnhoa hơđang kung be klàng bung; bol khai rơp ntoat mơ ò bòl glar, bol khai rơp lòt mơ ò lơgah lơgañ.” ( Esai 40:31)

Tú tơngai slet rlau Yang bơtô tơng kah ăn oă ngăn tòm rài kis lot jat Yang, hớ lah jơh gơnoar broă Ynag jao ăn in mìng lah dòn bơr. Mơya, jơh tơl nă bol he păl kong oă bơta bol kup kơyran. Hớ lah bơta ơniai tus bơh đah bơdih hala tus bơh đah dơ lăm să tờm poac să he dê. Digul ală bơta hớ, bol he đăl git he ò tơl pran hala gơs bơta kơlôi sơ nơng pa ò ơ? Ăn geh dô bơta boto tơng kah lah he ò do yoăm “Lơh be lơi nàng he ple klas bơh bơta bol glăr do?” Ăn păl git dòn kơnòm di Yang mơ đơs mơ Yang lah: “ Ơ Yang, kon mìng git jao jơh Yang in ală bơta do, dan Yang dong kơl kon”. Tú bol he tơm gơl bơta kơlôi sơ nơng he be hớ, bơh lài or ăn rơp đơs lah lơh ală broă bơh pran is ăn ji. Gen ngai do ăn jao jơh Yang in mơ iat jơnau Yang ji. Gen tang be hớ, bol he geh pha lin rlau tơm bơta tơm lơh đah hweeng.

“Bulah behơ̆, Yàng Jehôwa kơp gơn nàng ai bơta nđàc bol mê in, Kơnràñ rơp guh nàng yal tơlik bơta nđàc sơngit bol mê in. Bơh Yàng Jehôwa la Yàng Tom Trồ song ring. Lơngai jơh tơl nă cau in gơn kơp Kơnràñ! (Esai 30:18)

Ăn gơlơh găm oă pơnah siou tơm bơta jao phi Yang in jơh ală broă. Ăn ò hòi dan mơ Yang bơh tú sơn rợp, ăn sum lơh is broă tom he 90%, gen mơ hớ hoi dan mơ Yang dan Yang lơh broă găm wơl. Bơta kơ lôi sơ nơng ăn ji ò jao jơh Yang in ăn ò dòn lah Yang rơp lơh sir ală broă ăn in, gen be hớ ăn neh lơh jơh ală broă tòm ăn, dilah Yang ò dong kơl ăn gen ăn kung lơh sir rau.

Gơs do dớ ne, ăn kơp kòn geh dô nơm rơn dêh pa, tài bơh rơn dêh yau neh ò găm niam tai. Jơ hớ ăn hoi dăn mơ Yang tề lam ăn, mơya tơm nus nhờm ăn ji, ăn kòn geh rơn deh tú jơ hớ tơn. Gen tàng ăn lot sac rơn dêh mơ ngui gơ, ăn gơlơh ò git sac rơn dêh lơi tài bơh kung oă ngăn rơn dêh. Digul oă bơta sac rwah be hớ mơ ò tu lơi ăn lụp Yang lah : “ ăn neh lơh nên jat nus Yang hala ò?. Chồng nha lah ăn gơs rơn dêh pa mơya ăn păl tơm wơl cau tom in pơnah jien riê dờng rlau mơ jen tơngai ăn ji. Mơya tom tú tơngai kălke hớ, Yang ku ràng tơlik bơta kon gơboh Yang di gơwet mơ ăn. Ăn neh gơs broă lơh niam rlau gen ăn rgơi tơm wơl jen priê. Mơ ăn kung hok git lah Yang lah cau tòm tơm ală pơnah rài kis ăn ji, păl lah Bơtau ăt bộ tom jơh ală broă ăn neh lơh.

Jơnau Yang di tom Esai 30: 18 hơ mơ bol he lah Yang găm kơp gơn nàng ràng tơlik bơta kòn gơboh mơ bơta nđacYang di. Yang lah Yang Tơm Trô don song, Bơta pran mơ bơta lơngai Yang di rơp ai cau lơi git gơn kơnòm di Yang. Plai soh ngăn tơm broă lơh ăn ò đăl git bơta kon gơboh mơ bơta nđac Yang di tài bơh ăn ò tus mơ Yang mơ kơnòm di Yang.

Esai 40: 31 neh cih: “ Mơya cau lơi gơn kơnòm di Yàng Jehôwa gen rơp geh pràn pa,bol khai rơp pò pơnđar par jơnhoa hơđang kung be klàng bung;bol khai rơp ntoat mơ ò bòl glar,bol khai rơp lòt mơ ò lơgah lơgañ.”

Jơnau Yang lời wơl, bol he git lah Yang Tom Trô kơp gơn nàng rang tơlik bơta nđac mơ pran kơdăng Yang di. Đăl git jơnau song hớ, gen bol he ơn nus nhờm lơh nên dòn kơnòm Yang nàng đăl git bơta niam mơ bơta pran ò ơ? Ngai do, kis lè lè, tus mơ Yang, kơp gơn bơta niam mơ pran pa Yang ai hơđăng oh mi.

Dan jà bol he dô nùs bal tòm bơta hòi dan:
Ơ Yang, dăn toh glai kon in oă dớ kon kơnòm pran tom kon di mơ ò joi jat bơta pran bìng lìu bơh Yang. kis digul bơta hàm kờn mơ oă joi jat broă lơh kơp ngai dăn Yang ai kon in nus nhơm git gơn kơnòm Yang, nàng kon “ ntoat mơ ò bòl glar,bol khai rơp lòt mơ ò lơgah lơgañ” be jơnau Yang neh hơ.
Kòn ai sơnđan Yàng Jesu Krist, hòi dan mơ Yàng Bèp. Amen.

Ơ ală ồng mò oh mi kòñ gơboh, găm gơs pơnah lơi tom rài kis oh mi dê kơnòm di pran tom mơ ò kơnòm Yang nang lơh sir ò ơ? ngai do, tus té mơ Yang tom lơbơn siou oh mi di, jao Yang in jơh ală broă, kơnòm Yang kơp tú kơp jơ nàng bơta pran Yang di geh bìng lìu tom rài kis oh mi di.

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.