Txhua hnub dhau mus, peb txhua tus puav leej sawv ntawm ntau txoj kev xaiv sib txawv. Muaj tej kev xaiv nws me, cuag li tsis muaj dabtsi, tiamsis muaj cuab kav tsim tau txoj kev rau peb ua neej txhua hnub. Kuj muaj tej kev xaiv tseem ceeb, muaj cuab kav txiav txim rau txoj kev peb taug hauv lub neej. Nyob ntawm tej kev txomnyem ntawm tej kev cais ntawd, peb yuav ua li cas kom thiaj muaj kev xaiv txawj ntse thiab haum Vajtswv siab?

Hnub no, yog hnub 7/11/2025, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Michael Plemmons dhau ntawm Zaj kawm XAIV TXOJSIA KOM THIAJ CIAJ SIA

“Nimno kuv cia nej xaiv saib nej yuav txojsia lossis yuav kev tuag, nej yuav tej lus foom koob hmoov lossis tej lus foom tsis zoo; kuv thov lub ntuj lub teb nrog ua timkhawv rau tej uas hnub no nej xaiv. Nej cia li xaiv txojsia” (2 Kevcai 30:19).

Nyob rau hauv lub neej txhua hnub peb puav leej yuav ntsib txoj kev xaiv thiab txiav txim siab sib txawv. Peb lub neej tseeb tiag yog tag nrho ntawm tej uas peb xaiv. Muaj qee yam nws meej heev, ntawd yog txhua tus puav leej yuav tau xaiv: lossis txhais ruam nrog txojsia lossis txhais ruam hauv kev tuag. Tib neeg dhau los zoo li cas puav leej nyob ntawm tej uas peb xaiv.

Ntau txhiab xyoo dhau los, vim xaiv yuam kev, Adas thiab Evas nkawd thiaj poob kev txhaum. Txij ntawd los, tib neeg thiaj raug kis tus taug ntawm txoj kev tuag sab ntsujplig. Kev txhaum hloov pauv tib neeg, yeej ib txwm tau tsim los mus nrog Vajtswv lub tshwjchim ci ntsa iab, dhau los ua cov tib neeg nyob qab tswjhwm ntawm kev tsaus ntuj. Tiamsis ua ntej ntawm tej kev hloov pauv ntawd Tswv Yexus tau los yug. Nws muaj lub siab hlub tshua, qhia Txojmoo Zoo txog kev hlub, kev hlub tshua, thiab kev kho zoo. Tswv Yexus tsis yog tsuas qhia los ntawm lo lus hais xwb, tiamsis tseem dhau ntawm tes haujlwm nthuav tawm kev hlub, kom chwv txog tej neeg ib ncig.

Vajtswv yog ncaj ncees, yog li txhua txoj kev txhaum yuav tau raug txiav txim. Tiamsis vim hlub, Vajtswv thiaj txib Nws tib leeg tub raug txim hloov peb chaw. Dhau ntawd, peb thiaj tau los nyob ze Vajtswv, nyob hauv txoj kev sib raug zoo thiab txais txojsia tshiab ntawm Vajtswv los. Yog li, thaum peb txais yuav Tswv Yexus, nyob rau txhua lub caijnyoog hauv lub neej, peb thiaj kawm tau txoj kev xaiv ua li cas kom phim rau lub neej ntawm tus neeg uas twb hloov pauv lawm.

Tsis tas li xwb, cov neeg uas xaiv tsis txais yuav Tswv Yexus txojsia uas tuag theej muab pub dawb rau peb, txhais tias lawv mus hauv qhov tsaus ntuj tsis kam mus hauv qhov pom kev. Lawv lub siab thiab lawv tes haujlwm ua raug tswj los ntawm txoj kev qia dub. Kev txhaum tseb rau tib neeg lub siab muaj tej kev ntshaw yuam kev, yeej ib txwm yog kev phem. Peb pom muaj ib tug qauv ntawm txhua tus tib neeg uas lawv xaiv txoj kev tuag pauv qhov uas xaiv txojsia: Lawv lub neej zoo li tab tom khiav nrog ib lub máy chạy bộ, vim pheej raug nqus rau tej kev ntshaw thiab yam muaj nqis rau tus kheej.

Txoj kev caum no nthuav tawm dhau ntawm ntau tus yamntxwv sib txawv: muaj tus ntshaw hwjchim thiab tau kom coob tug hnov, muaj tus ho caum kev txaus siab rau tus kheej. Txawm yog yuav yog tus cwjpwm twg los, lub hauv paus thaum kawg nws yeej yog kev ntshaw, raws li lub siab nyiam thiab thaum kawg yog kev tuag mus ib txhis nyob hauv ntuj tawg xwb. Lawv lub neej yeej tsis muaj ib lub homphiaj twg dhau ntawm qhov uas txhua hnub tsuas ua lub neej rau tus kheej xwb.

Tiamsis, kuj muaj ntau tus xaiv lwm txoj kev. Lawv ntshaw kom tau tso dim ntawm txoj kev raug khi nrog kev tuag sab ntsujplig, yog li lawv thiaj xaiv txojsia. Tswv Yexus pub rau txhua tus muaj cai ywj pheej xaiv: Txais yuav Nws ua tus Cawm Seej, lossis mus raws li tus kheej txoj kev. Cov neeg uas xaiv ua lub neej pub rau Tswv Yexus yuav tau Vajtswv hloov pauv sab hauv rau sab nraud.

Cov neeg uas xaiv nrog Tswv Yexus mus yuav ua lub neej muaj homphiaj txawv neeg ntiajteb. Lawv yuav tsis lam qi muag dhau ntawm tej neeg ib ncig txoj kev txomnyem, vim lawv muaj Yexus Khetos lub siab. Lawv lub neej tsis raug nqus los ntawm lub hwjchim lossis tej kev txaus siab uas ploj mus sai sai, tiamsis raug cab mus rau yam zoo dua. Cov uas xaiv txojsia yuav tau hloov pauv hauv txoj kev sib raug zoo dawbhuv nrog Vajtswv.

Peb txhua tus puav leej yuav xaiv sawv ntawm ib txoj kev xaiv meej meej: xaiv txojsia lossis xaiv kev tuag. Tag nrho peb lossis lwm tus tab tom taug txoj kev mus rau ntuj ceebtsheej lossis tab tom taug txoj kev mus rau ntuj tawg, yeej tsis nyuaj rua peb zeem paub tias yus tab tom taug txoj kev twg, vim peb lub neej txhua hnub dhau ntawm tej lus hais, tes haujlwm ua, thiab txoj kev xaiv yog qhov pov thawj ua rau pom meej yus yog leej twg thiab yog leej twg tug.

Vajtswv hais rau cov pej xeem Yixalayees dhau ntawm Mauxes thaum lawv yuav mus nyob rau tebchaws cog lus tseg: “Nimno kuv cia nej xaiv saib nej yuav txojsia lossis yuav kev tuag, nej yuav tej lus foom koob hmoov lossis tej lus foom tsis zoo; kuv thov lub ntuj lub teb nrog ua timkhawv rau tej uas hnub no nej xaiv. Nej cia li xaiv txojsia” (2 Kevcai 30:19). Haiv neeg Yixalayees sawv ntawm ob txoj kev xaiv: ncaj ncees rau Vajtswv kom tau txais koob hmoov lossis tig nruab qaum kom raug foom tsis zoo. Txojlus ntawd yeej tseem siv tseg rau peb hnub no. Vajtswv tso ntawm peb xub ntiag tej kev xaiv, thiab Vajtswv hais kom peb yuav tau “xaiv txojsia”.

Tswv Yexus hais tias “Nws yog txoj kev qhov tseeb thiab txojsia” (Yauhas 14:6). Yog li, xaiv txais yuav Tswv Yexus yog xaiv txojsia. Tsuas yog thaum peb ua neej nyob hauv txoj kev sib raug zoo ua ke nrog tus Cawm Seej, peb thiaj muaj cuab kav xaiv tau tej yam haum Vajtswv siab, yog tej kev xaiv coj peb mus txais tau txojsia, kev dawbhuv thiab koob hmoov ib txhis.

Thov caw nrog kuv peb thov Vajtswv ua ke: Tus Tswv yog tus tso ntawm peb txojsia thiab kev tuag, thiab yeej tseem niaj hnub hu kom peb xaiv txojsia. Kuv paub tias kuv lub neej muaj ntau zaug xaiv yuam kev, ua rau khuv xim thiab khiav deb Vajtswv. Thov pab kom kuv txuas ruaj ruaj txoj kev sib raug zoo ua ke nrog Nws, thiab thaum sawv ntawm ntau txoj kev xaiv hauv lub neej txhua hnub, kuv yuav xaiv tau tej kev xaiv txawj ntse thiab haum Vajtswv siab. Kuv thov hauv Tswv Yexus Khetos lub npe. Amees.

Cov kwv tij txhua tus, puas muaj zaum twg koj khuv xim vim ib qhov kev txiav txim siab yuam kev hauv lub neej lawm tau? Thaum yuav tau ris tej yam tsis zoo los ntawm tej kev xaiv tsis txawj ntse, peb thiaj pom txog qhov tseem ceeb ntawm txoj kev xaiv yog. Yog li, ua ntej yuav txiav txim txim siab rau ib yam twg, qhov tseem ceeb yog peb yuav tau thov Vajtswv coj kev. Tib txhij ntawd tshuaj xaiv koj tej kev xaiv puas raws li Vajtswv tej lus kom paub tias tej kev txiav txim ntawd puas phim raws li txojcai thiab Vajtswv lub siab nyiam. Thiab ua ntej tshaj peb yuav tau ceev txoj kev sib raug zoo nrog Tswv Yexus, yog “txoj kev qhov tseeb thiab txojsia” kom dhau ntawd peb thiaj yuav xaiv tau tej kev xaiv txawj ntse thiab haum Vajtswv siab.

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj