Hnub nyoog laus yeej ib txwm txuas nrog txoj kev qeeb, tsis muaj zog, thiab ua tsis tau ntau yam. Tiamsis hnub nyoog laus tsis yog qhov chaw xaus, tiamsis yog lub qhov rooj qhib mus rau ib txua kev tshiab no yuav zoo li cas? Ntawd yog txoj kev zoo kom peb ua ib lub neej zoo dua, muaj zog dua, thiab tau txais tag nrho tej uas Vajtswv pub rau peb. Koj puas zoo siab hlo nkag rau lub neej laus raws li ib txoj kev ntsia pom dua tshiab?

Hnub no, yog hnub 10/11/2025, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia dhau ntawm Zaj kawm TSIS NTSHAI LUB HNUB NYOOG LAUS.

“Thov cia peb niaj tagkis tau txais koj txojkev hlub uas tsis paub kawg kom puv npo peb lub siab, peb thiaj muaj lub siab xyivfab thiab hu nkauj tas peb simneej” (Ntawv Nkauj 90:14).

Tib neeg pheej sib txhawb tias yuav tau xav deb xav dav tsis txhob taug txoj kev qub. Thiab kuv xav siv qhov kev xav no los coj kuv lub neej kom ua tau ib lub neej muaj zog, kaj saib thiab puv npo txhua yam zoo.

Tus sau Ntawv Nkauj tau hais rau Vajtswv tias:
“Thov cia peb niaj tagkis tau txais koj txojkev hlub uas tsis paub kawg kom puv npo peb lub siab, peb thiaj muaj lub siab xyivfab thiab hu nkauj tas peb simneej” (Ntawv Nkauj 90:14).

Thaum pib dhau lub hnub nyoog 50 xyoo, muaj ntau tus hauv peb tab tom nrhiav lub neej “uas tsis muaj hnub nyoog” thiab lub zog uas tsis muaj nrim. Lawv tsis raug khi nrog yav dhau los, kuj tsis hais tias yuav tsis txais yuav tamsim. Cov neeg uas tsis ntshai lub neej laus lawv paub txais yuav txhua yam zoo li lub sijhawm los kawm, kom loj hlob, thiab yim hnub yim ua lub neej kom yog li lub homphiaj uas Vajtswv tau tsim lawv los.

Ib ncig ntawm peb muaj tej tus neeg tab tom “tuag zuj zus mus” raws li lub caijnyoog tiamsis lawv lub neej yeej puv npo lub zog. Lub zog ntawd yog los ntawm qhov uas lawv ua lub neej nyob hauv Vajtswv tej lus, ua lub neej raws li lub homphiaj uas Vajtswv tau tsim lawv los. Kuv cia siab tias thaum txog lub neej laus lawm, peb yuav tau loj hlob sab ntsujplig thiab txais yuav lub neej nplua mias uas Vajtswv pub.

Peb kuj muaj hwjchim nyob hauv Tswv Yexus cov ntshav. Kuv nco txog kuv yawg koob, yawg tamsim no tab tom nrog Vajtswv nyob thiab tabtom taug saum txoj kev “nyiaj kub”. Yawg nyiam hu zaj nkauj “lub hwjchim nyob hauv Tswv Yexus cov ntshav” thiab thaum yawg hu yawg tsis nrhiav lus lawm. Thaum kuv muaj 10 xyoo, yawg thauj kuv mus saib pab hu nkauj hauv yawg Pawg Ntseeg. Kuv yeej tseem nco ntsoov yawg lub ntsej muag liab ploog thaum siv zog hu zaj nkauj: “LUB HWJCHIM NYOB HAUV TUS MENYUAM YAJ COV NTSHAV DAWBHUV! Zaj nkauj ntawd yog kuv yawg daim duab tau nias cim rau hauv kuv lub siab ib qhov tseeb tias: lub hwjchim nyob hauv Tswv Yexus cov ntshav tseem siab dua txhua lub hwjchim txawv.

Lub hwjchim kuj tau nthuav tawm nyob rau hauv txua kev thaum laus. Muaj ntau tus laus lawv tsis tshua quav ntsej txog nyiaj txiag, tshwj xeeb yog thaum lawv tej menyuam twb loj hlob. Lawv muaj sijhawm ntau rau tus kheej, caum lawv txoj kev ntshaw, lossis pib ib qhov kev ntshaw dua tshiab.

Vajtswv kuj tso rau hauv ib tug tib neeg nws muaj nws ib tug cwjpwm zoo txawv. Thaum laus lawm, peb pib nkag zuj zus mus rau hauv txoj kev ua neej uas Vajtswv twb teem rau peb lawm. nyob ntawm kuv, nws yog kev ntshaw pub rau Vajtswv, rau tsev neeg, rau lub tebchaws, sau ntawv, cob qhia thiab mus rau ub rau no. Kuv yeej txais tau meej meej tias txhua lub xyoo uas dhau mus tsuas yog txoj kev npaj, kom thaum no kuv tau nkag mus txuam xyaw rau hauv sab ntsujplig uas kuv niaj hnub ntshaw. Kuv kub siab lug rau tus cwjpwm thaum laus uas Vajtswv pub rau kuv. Koj kuj muaj ib tug cwjpwm ua neej txawv uas Vajtswv tseg rau koj.

“Lawv zoo ib yam li tej ntoo uas cog ze rau ntawm ntug dej uas txi txiv raws caij raws nyoog tej nplooj los tsis qhuav li. Thiab txhua yam uas lawv ua puavleej tiav.” (Ntawv Nkauj 1:3).

Peb kuj tau Vajtswv pub rau muaj dag zog. Raws li lub ntsiab: dag zog muaj ntsiab tias: muaj zog nyob thiab loj hlob, muaj peev xwm tseem ruaj nrees thiab ua haujlwm tau zoo muaj zog ntawm sab nqaij tawv thiab sab siab ntsws.

Vajluskub sau: “Thaum Mauxes tuag, nws hnubnyoog muaj ib puas nees nkaum xyoo; txawm yog nws laus heev los nws tseem muaj zog thiab qhovmuag porn kev zoo” (2 Kevcai 34:7). Zoo kawg nkaus li! Mauxes yeej ib txwm puv npo lub zog txawm yog thaum uas yawg twb laus heev lawm.

Niaj hnub nim no, phaum uas yug los rau ntu uas muaj menyuam coob tab tom nkag los mus rau lub neej laus puv npo lub zog. Hauv txoj kev nrhiav “lub hauv paus ntawm lub neej hluas”, lawv hloov pauv txoj kev uas peb ntsia rau lub neej laus. Lawv pom tias xyaum dhia ua si yog txoj kev pab kom peb txhob laus sai sai. Xyaum dhia ua si pab kom peb tej plawv hlab siab hlab ntsws, tej pob txhab thiab lub neej nqaij tawv muaj zog. Xyaum dhia ua si yuav tshuab tau kom cig tus nplaim taws ciaj sia nyob rau peb txhua tus.

Laus tsis tau txhais tias yuav muab tso tseg, tiamsis yog ua lub neej ruaj nrees, paub hlub tus kheej thiab tuav tau lub neej sib npaug zos, muaj kev txaus siab.
Thaum nyob rau lub caij no, cov neeg uas muaj hnub nyoog 50 xyoo yuav ntau dua cov nyob qab 50. Yog li, peb yuav tau kawm txoj kev ua neej kom puv npo kev kub siab lug txawm yog nyob rau ntu neej laus kom saj tau Vajtswv lub hwjchim thiab tawg paj txi txiv rau Vajtswv tes haujlwm.

Thov caw nrog kuv peb thov Vajtswv ua ke: Ua Vajtswv tsaug los ntawm Vajtswv txoj kev hlub Vajtswv lub hwjchim, hnub nyoog tsis yog tus nrim rau kuv, tiamsis dhau los ua lub sijhawm rau peb ua lub neej txaus siab nyob hauv Koj. Thov pub kom kuv muaj lub zog, muaj tus cwjpwm muaj zog puv ntoob los ntawm koj los, txawm kuv nyob rau lub hnub nyoog twg los, kuv yeej ua tau lub neej zoo kawg nkaus, muaj kev zoo siab thiab ua kom Vajtswv koj tau koob meej. Kuv thov hauv Tswv Yexus Khetos lub npe. Amees.

Cov kwv tij txhua tus, hnub nyoog tseeb tiag nws tsuas yog ib tug lej suav xwb, tiamsis txoj kev peb xaiv ua lub neej li cas thiaj yog yam yuav txiav txim rau tag nrho. Vajtswv yog lub zog uas tsis muaj hnub tas, txawm peb tab tom nyob rau ntu twg hauv yus lub neej. Thaum Vajtswv tshuab cov pa tshiab ntawd rau peb, peb yuav saj tau lub zog tshiab, kom txhua hnub peb puav leej yuav ua tau lub neej zoo, zoo siab thiab ci ntsa iab hauv Nws. ntawd thiaj yog lub hnub nyoog laus uas tsimnyog ntshaw, ib lub neej laus ua rau Vajtswv tau koob meej thiab tseg tau ib tug qauv ua qub txeeg qub teg zoo rau tiam tom qab.

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj