Koj pheej ua tim khawv qhia txog Vajtswv thaum twg? Puas yog ntawd yog thaum uas koj twb npaj hom phiaj zoo zoo lawm, nrog ib tus txheej txheem twb npaj ua ntej? Yog tias Vajtswv cia li qhib ib lub sijhawm zoo rau koj qhia koj npaj tsis tau txhij no yuav ua li cas? Tsis paub koj puas muaj lub siab tawv qhia yus txoj kev cia siab? Vajtswv nqua hu kom peb tsim dheev, ntuas peb tias txhua lub siab puav leej ntshaw kom tau txoj kev cia siab ntawd tiag, thiab thaum peb tau caw dhau los ua ib tug neeg coj qhov tseeb uas yog qhov pom kev mus rau lwm tus, txawm yog lub sijhawm thiab tsis yog tib si.

Hnub no, yog hnub 14/11/2025, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia dhau ntawm Zaj kawm NPAJ TXHIJ QHIA TXOJ MOO ZOO.

“Kuv yeej tsis txajmuag qhia txojmoo zoo li; txojmoo zoo yog Vajtswv lub hwjchim uas cawm tau txhua tus uas ntseeg dim.” (Loos 1:16-17).

Muaj ib zaug tav su ntsiag to, thaum kuv tab tom sawv tos hauv chaw yuav khoom, muaj ib tug txiv neej txav los ze. Thaum ntawd kuv tsis quav ntsej nws pes tsawg, pheej mloog lub suab nkauj txij thaum xyoo 90 uas lawv tso nrov nrov. Xwb tim yawg cia li tav kuv txoj kev xav los ntawm ib lo lus nug: “Yam dabtsi ua rau koj muaj zog thiab pom txog lub ntsiab lus ntawm txoj kev ua neej?”

Yawg hais ib yam li kuv thiab yawg wb yog ob tug phooj ywg ntev xyoo twb sib swm zaum haus café ntau xyoo, tsis yog ib tug neeg nyob deb ntawm cov teeb hauv cig tim qhov muag ntawd thiab lub máy suav nyiaj nrov nroo ntws.

Kuv nres ib pliag. Kuv ncia ncia ob peb los. kuv xav tias kuv tau hais ib yam dabtsi txog kev ntseeg nyob hauv Yexus Khetos. Tiamsis lub sijhawm ntawd txaj muag kawg, maj nroos. Yawg cia li luag thiab teb tias yawg tsis tau hnov dua txog Tswv Yexus, tas qhia txog ib zaj uas cuag li twb npaj txhij lawm, thiab yog lub zog ntawm lub ntiajteb, li cas thiaj yog ua neej zoo.

Yog li txoj kev sib tham thiaj xaus lawm.

Tiamsis txoj kev iab siab tsis tu li.

Kaum xyoo dhau los, kuv yeej ib txwm nco ntsoov lub sijhawm ntawd. Nws yeej ua rau kuv lub siab mob. Kuv nco yawg lub ntsej muag, nco yawg tej lus hais thiab cim civ nug: tsis paub txhua yam yuav zoo li cas, yog tias kuv kam qhib siab qhia kuv txoj kev cia siab rau nws?

Paulus tej lus hais nyob hauv Loos 1:16-17 nrov tuaj ntuas kuv:

“Kuv yeej tsis txajmuag qhia txojmoo zoo li; txojmoo zoo yog Vajtswv lub hwjchim uas cawm tau txhua tus uas ntseeg dim. Txojmoo Zoo ntawd, xub qhia rau cov Yudais thiab tom qab ntawd mam li qhia rau lwm Haivneeg. Txojmoo zoo qhia hais tias tus uas ntseeg thiaj yog tus uas ncaj ncees tabmeeg Vajtswv, txij thaum pib mus txog thaum xaus, raws li Vajtswv txojlus sau tseg lawm hais tias, “Tus uas ua lub neej ncaj ncees yog tus uas ntseeg, tus ntawd yuav tau txojsia”

Txojmoo Zoo ntawd tsis yog ib txoj kev ntseeg ntawm tus kheej; nws yog Vajtswv lub hwjchim coj tau txoj kev cawmdim los. Ntawd tsis yog ib txoj kev ntseeg txog sab kev ntseeg, tiamsis yog txoj kev cawmdim tseg rau neeg ntiajteb. Nws tsis yog txoj kev txhawb zog rau txhua tus, tiamsis yog txoj kev cia siab tseem tshuav pub rau lub ntiajteb no.

Thaum nco txog lub sijhawm ntawd, kuv tsis txaj muag ntxiv, puv npo txoj kev ntseeg dua tshiab, tshoov kom kuv mus muaj zog. Lub sijhawm ntawd nthuav tawm ib yam nyob tob tob: kuv xav kom sawv daws paub txog Tswv Yexus, tsis yog vim “kuv cheem tsum yuav hais”, tiamsis vim Vajtswv yog txhua yam. Nws yog txoj sia, yog kev hlub, thiab yog kev kaj siab. Kuv kuj xav kom lwm tus kuj tau paub yam uas kuv paub – tias Tswv Yexus muaj cuab kav cawm cov tib neeg uas muaj lub siab puas ntsoog, ua rau kom cov neeg muaj lub siab tsis kaj siab tso siab, thiab pub txoj sia ib txhis rau lawv.

Nyob hauv 2 Timautes 4:2, Vajluskub ntuas kom peb yuav tsum tau “Koj yuav tsum muab siab rau qhia Vajtswv Txojlus, tsis hais lub sijhawm twg los koj yuav tsum qhia. Koj yuav tsum ua siab ntev qhuab ntuas sawvdaws, yaum sawvdaws los ntseeg thiab txhawb sawvdaws lub zog” Lub sijhawm nyob rau lub chaw muag khoom hnub ntawd nws yeej tsis yog sijhawm zoo, kuj tsis npaj ua ntej, tiamsis ho muaj nqis tshaj plaws. Tej zaug koj kuj yuav muaj ib lub sijhawm zoo li ntawd – ib txoj kev xav yeej caum rawv qab mus ib txhis. Tsis yog teeb meem khi koj cia, tiamsis cia tshoov koj siab, ntuas kom koj nco ntsoov tias lub ntiajteb no cheem tsum Tswv Yexus mus txog qhov twg, thiab koj lub siab ntshaw kom tau sawv daws kuj tau ntsib Tswv Yexus li cas.

Txawm yuav tig tsis tau lub sijhawm rov qab, tiamsis peb muaj cuab kav nkag mus rau txoj kev npaj txhij, zoo siab thiab tsis muaj kev txaj muag!

Cia siab tias peb yog cov neeg qhia Tswv Yexus lub npe kom zoo, puv npo kev ntseeg thiab kev hlub. Thaum qhia Txojmoo Zoo, peb tsis yog tsuas “ua kom tiav peb feem”, tiamsis tseeb tiag peb tab tom coj ib tug neeg mus rau txoj kev sib raug zoo muaj nqis nyob rau hauv lawv lub neej. Thiab yeej tsis paub, tsuas yog ib lo lus qhia ncaj ncees hnub no yuav qhib ib txua kev dua tshiab hauv tus neeg ntawd lub neej.

Thov caw nrog kuv peb thov Vajtswv ua ke: Tswv Yexus thov zam txim rau kuv vim thaum uas kuv ua twjywm ntsiag to, tsis qhia Vajtswv lub npe. Thov tso txoj kev hlub kub siab lug rau cov neeg uas tsis tau paub Vajtswv. Thov pub kom kuv muaj lub siab tawv, tsis yog qhia txog txoj kev ntseeg xwb, tiamsis tseem qhia txog Vajtswv lub npe nyob hauv txoj kev hlub. Thov pab kom kuv qhia Txojmoo Zoo nrog txoj kev zoo siab thiab kev ntseeg, npaj txhij ua tim khawv txog Vajtswv rau txhua qhov uas kuv mus. Kuv thov hauv Tswv Yexus Khetos lub npe. Amees.

Cov kwv tij, cia li khiav tawm hauv txoj kev ntshai, tso tej yam ua rau koj qaug zog cia. Txhua hnub puav leej yog ib lub sijhawm zoo tseg rau koj qhia koj txoj kev cia siab, muab Tswv Yexus txoj sia thiab kev hlub qhia pub rau tib neeg ntiajteb.

Thaum peb muaj lub siab tawv qhia txog Nws, ces txoj kev cia siab, kev kaj siab thiab kev cawmdim yuav ntws lug, nrog lub hwjchim hloov pauv lwm tus lub neej thiab peb tus kheej. Thov kom qhov pom kev ntawm Txojmoo Zoo yuav tsis raug zais cia hauv peb lub siab, tiamsis yuav ci rau txhua qhov uas peb txhais kotaw tsuj txog.

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.