Niaj hnub nim no, kev ntshai, kev txhawj cuag li yog peb tug phoojywg uas peb tsis nyiam tiamsis pheej nrog nraim peb. Tej xov xwm, lub ntiajteb ntxhov nyho, tej lub nra nyav hauv lub neej… txhua yam ua rau peb ntxhov siab, tsis muaj kev kaj siab. Tej zaug tsuas yog ib nyuas qhov kev xav xwb twb ua rau peb txhawj mus tag ib hnub. Tiamsis peb yuav tsum ua tib zoo tig mus saib: Qhov twg thiaj yog kev kaj siab tiag rau peb sab ntsujplig? Qhov twg thiaj yog lub chaw pheeb ruaj rau peb tiv dhau tej kev txhawj ntshai txhua hnub?

Hnub no, yog hnub 15/11/2025, kev thov Vajtswv txhua hnub thov caw sawvdaws nrog kawm Vajtswv txojlus ua ke nrog tus qhia Martha noebel dhau zaj kawm: TXHOB NTSHAI.

“Koj tsis txhob ntshai, koj cia li qhia mus tsis txhob tso tseg, 10rau qhov kuv nrog koj nyob. Tsis muaj leejtwg yuav ua tau phem rau koj, rau qhov kuv cov thwjtim muaj ntau leej nyob hauv lub nroog no.” (Tes Haujlwm 18:9-10)

Lub ntiajteb nim no cuag li kev ntshai tabtom siv zog ua haujlwm. Muaj ntau yam ua rau peb ntshai thiab txhawj. Tiamsis Vajluskub qhia tias: Ntshai tsis yog los ntawm Vajtswv los, yog peb tseev cia kev ntshai khi peb yuav ua rau peb ua tsis tau lub neej lawv li Vajtswv lub siab nyiam.

Dab Ntxwgnyoog thaum twg twb tseb txojkev ntshai rau hauv peb. Nws xav kom peb raug caij txuj, txog qib uas tsis muaj zog ua tej haujlwm uas Vajtswv cob. Tiamsis nej yuav tsum nco tias: Yog Vajtswv tuaj peb tos, leejtwg yuav kov yeej peb? Nyob hauv Tus Tswv, peb yog cov muaj yeej. Qhov tseem ceeb yog peb tuav ruaj Vajtswv txhais tes thiab kho khov txhais ruam mus.

Ib ntu no, kuv nyov rau hauv kev ntxhov siab thiab nyhav siab heev. Kuv ntshaw tau hnov Vajtswv lub suab meej meej. Hmo ntawd, thaum nyob ib leeg ntawm lub tog, kuv taij thov kom Vajtswv hais ib lo txhawb kuv. Kuv ntxub lub siab uas nyav qeeg no heev. Thiab tom qab kuv nthuav Vajluskub mus mus los los thiab ntsib nqe no:

“Koj tsis txhob ntshai, koj cia li qhia mus tsis txhob tso tseg, 10rau qhov kuv nrog koj nyob. Tsis muaj leejtwg yuav ua tau phem rau koj, rau qhov kuv cov thwjtim muaj ntau leej nyob hauv lub nroog no.” Tes Haujlwm 18:9-10

Nyeem tag, kuv lub siab puv npo kev kaj siab. Ua ntej ntawd kuv lub siab pheej txhawj ntshai tias yuav muaj yab dabtsi tshwm sim tuaj. Tiamsis thaum ntawd, tej kev xav no ploj mus tag. Kuv paub tseeb tias kuv tabtom nyob hauv Vajtswv txhais tes, thiab yuav tsum mus lawv li Vajtswv lub haum phiaj tau hu kuv. Kuv ntseeg tias kuv yuav tsis raug phem vim Vajtswv cov tubtxib pov hwm kuv. Txhua yam yeej zoo xwb. Leej twg xav li cas los tsis tseem ceeb, tib qho uas kuv tuav ruaj ruaj yog Vajtswv txojlus tau hais rau kuv.

Kuv pom tias Vajtswv txojlus tsis yog yog rau kuv tib leeg xwb, tiamsis tseem yog rau txhua txojkev ntshai hauv lub neej no. Peb tsis tag txhawj rau tej yam uas “yuav tshwm los.” Vajtswv yuav coj peb mus dhau txhua qhov. Vajtswv txib nws cov tubtxib povhwm peb, Nws kuj txib tej kwvtij ntseeg los txhawb peb. Tseem ceeb yog peb muaj Vajtswv txojlus yog kev kaj siab nyob nrog peb txhua lub sijhawm. Tsis hais hmo ntuj, thaum txhua tus pw tsaug zog, Vajtswv kuj tseem saib xyuas peb, tos peb taij thov Nws. Tus Tswv tseem nyob ntawd, Nws hlub peb heev. Yog li tsis txhob ntshai, rau qhov Tus Tswv yeej nyob nrog peb.

“Muab nej lub cev thiab lub siab lub ntsws rau tus TSWV kav, thiab cia siab rau nws, nws thiaj yuav pab nej; Nws ua kom nej txojkev ncaj ncees ci ib yam li lub hnub ci thaum tavsu. Ua siab ntev thiab tos tus TSWV ua nws tes haujlwm, tsis txhob nyuaj siab rau tej neeg uas vammeej, lossis cov neeg uas ua lawv tej kev phem tiav raws li lawv xav tseg lawm. Tsis txhob nyuaj siab lossis chim, tej ntawd tsuas ua rau muaj kev ntxhov siab xwb. Cov neeg uas cia siab rau tus TSWV yuav muaj teb muaj chaw nyob, tiamsis cov neeg siab phem yuav raug muab ntiab tawm mus.” (Ntawv Nkauj 37:5-9)

Thov caw nrog kuv peb thov Vajtswv ua ke: Ua Vajtswv Koj tsaug tau pub hwjchim, kev hlub thiab kev txawj ntse pab kuv tiv dhau tej kev txhawj ntshai. Thov pab kom kuv tuav ruaj Koj txojlus, tsis cia tej kev txhawj ntshai khi tau kuv. Thov ntuas kom kuv nco ntsoov tias Koj tej tubtxib yeej nyob puag ncig tiv thaiv kuv, vim Koj hlub kuv thiab nrog nraim kuv. Kuv xaiv qhov uas mus rau hauv Koj kev kaj siab tswjhwm kuv. Kuv taij thov los ntawm Tswv Yexus Khetos lub npe, Amees!

Ib tsoom phoojywg, tib neeg yeej nrhiav ntau txojkev los daws tej kev txhawj kev ntshai tiamsis tsis muaj dabtsi yuav zoo cuag li Vajtswv txojkev kaj siab. Nws paub tseeb tseeb txhua txojkev ntshai zais ntshis hauv peb lub siab thiab tsuas muaj Vajtswv thiaj muaj hwjchim hloov pauv tej kev txhawj dhau los ua kev kaj siab. Thaum peb kam fij tej kev txhawj ntshai rau Vajtswv, Peb yuav tau so hauv Vajtswv txhais tes thiab kev txhawj kev ntshai yuav tsav tsis tau los ze peb.

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.