Thaum peb sawv saib rau tej qhov chaw loj thiab zoo nkauj — xws li tej toj roob siab lossis dej hiav txwv loj — peb pom tias peb tus kheej me heev. Tej lub sijhawn ntawd ua rau peb pom tias muaj tej yam nws loj thiab dav dua li peb lub qhov muag pom thiab peb lub siab totaub txog. Tiamsis yog tias tej yam uas Vajtswv tsim twb ua rau peb xav tsis thoob, ces Tus uas tsim lub ntuj thiab ntiaj teb tseem yuav tshaj qhov ntawd npaum cas!

Hnub no, yog 16/11/2025, peb kev Thov Vajtswv Txhua Hnub caw koj los mloog thiab kawn Vaj Tswv Txoj Lus los ntawn Xibfwb Joy Brunson, dlau lub npe: TUS TSWV UAS NPHAU TEJ TOJ ROOB SIB TXIG.

“Kuv yuav ua koj ntej mus kho kev rau koj, thiab muab tej hauv roob nphau kom tiaj sib txig” (Yaxaya 45:2)

Thaum tseem kawm ntawv, kuv yog ib tug pheej coj kev ua si – twb tsis muaj ib yam dab txuas nrog txojkev ntaus pob bóng rổ.Tab sis thaum kuv cov phooj ywg txhua tus mus kos npe sim rau hauv pab ntaus pob, kuv xav hais tias: “Sim seb zoo li cas!” Kuv twb tsis tshua paub cov cai ntawm kev ntaus pob, tiam sis tseem raug xaiv. Zoo li lawv tsuas xav kom tau ib tug los ntxiv rau kom txaus pab xwb.
Ntawm kev sib tw ntaus pob thawj zaug, kuv cia li tuav tau lub pob, kuv txhawj heev, cia li khiav ncaj nraim los rau lawv sab lub pob tawb. Ua ntej kuv yuav txawb lub pob, tus kws qhia qw nrov nrov tias: “Yuam kev lawm!” Kuv txaj muag kawg li, kuv cia li nres kiag. Txij thaum ntawd los, txhua zaum sib tw kuv txhawj xeeb heev.
Muaj ib zaug peb pab yuav sib tw nrog ib pab uas muaj suab npe nrov heev. Nyob deb saib, kuv xav hauv siab tias: “Zoo li lawv yeej tsis txaus ntshai npaum ntawv.” Tab sis ib tug neeg hauv lawv pab sawv tsees – zoo li siab zus, siab zus mus txog thaun lub teeb saum ru tsev ci plooj plooj tom qab nws lub tau hau. Kuv cia ua twj ywm nyob nrog txoj kev txhawj xeeb thiab ntshai. Tsis muaj ib yam txawv, tos hnub ntawd peb swb ntau heev.

Yam uas kuv nco txog tshaj plaws hnub ntawd yeej tsis yog qhov uas peb swb, tab sis vim kuv yeej tsis xam pom qhov no: pom tias yus me heev thaum ntsib ib yam loj.

Tej zaum ntev heev los lawm, peb twb tsis nco qab txog qhov no thaum peb xav txog ntawm Vaj Tswv.

Muaj qee leej thaum me los tsuas hnov txog zaj uas Tswv Yexus yog tus muaj lub siab dawb siab zoo. Muaj qee leej ho paub txog Vaj Tswv yog tus coj nruj thiab nyob deb. Yog li ntawd thiaj muaj ntau zaug peb cia li muab Vaj Tswv kaw rau hauv peb txojkev xav me me, tsis nco qab txog Vaj Tswv yog Tus muaj fwjchim. Vaj Tswv tsis yog muaj fwjchim xwb, tiam sis Nws tseem loj tshaj txhua yam.
Vaj Tswv tus uas cawm peb dim, kuj yog Tus ua siv lo lus hais kom lub qab ntuj muaj tshwm. Tus uas nplij peb siab kuj yog Tus uas kav cov hnub qub saum nruab ntuj.

“Kuv yuav ua koj ntej mus kho kev rau koj, thiab muab tej hauv roob nphau kom tiaj sib txig. Kuv yuav tsoo tej roojvag tooj kom tawg ua tej daim, thiab muab tej nqaj hlau txiav kom tu tas huv tibsi.” (Yaxaya 45:2)

“Kuv yog tus uas tsim lub ntiajteb… Kuv siv kuv lub hwjchim los nthuav lub ntuj; kuv kav lub hnub, lub hli thiab tej hnubqub huv tibsi.” (Yaxaya 45:12)

Kev fwm Vaj Tswv tsis yog peb txhawj xeeb thiab ntshai Nws, tiam sis yog peb qhuas thiab fwm Nws lub fwj chim uas loj kawg nkaus. Qhov ntawd txhais tias yus lub siab fwm tus Vajntxwv ntawn txhua tus vajntxwv.

“Vajtswv hlub txhua tus uas hwm nws ib tiam dhau ib tiam.” (Lu-kas 1:50)

Muaj tej lub sij hawm kuv thov Vajtswv ces kuv lub siab zoo siab heev – tsis yog vim yam kuv tab tom thov, tiam sis vim kuv paub tias tus uas kuv tab tom nrog sib txuas lus. Tus uas tuav tag nrho dej hiav txwv tseem mloog kuv lub suab. Tus uas muaj peev xwm ua kom toj roob tiaj tug los paub meej kuv npe.

Tej zaum niaj hnub nim no peb tsis pom tsob ntoo pos cig thiab tauv hluav taws cig coj kev, li hauv Vaj Tswv Txoj Lus, tiam sis peb tseem pe hawm tib tus Vajtswv ntawd. Tus uas tau faib dej hiav txwv ua ob sab, Tus uas kov yeej kev tuag, thiab Nws tseem tab tom ua hauj lwm rau niaj hnub nim no.

“Yexus Khetos, nws yeej zoo nws li qub; nag hmo thiab hnub no nws zoo li cas, nws yeej zoo li ntawd mus ibtxhis li.”(Henplais 13:8)

Yog li ntawd, thaum koj thov Vajtswv, cia li muaj siab tawv muab rau tus Tswv yam uas koj xav tau, tabsis tsis txhob nres ntawd xwb. Cia koj lub siab nco ntsoov Tus uas koj tab tom thov txog. Cia li qhib Phau Vajlugkub, nyeem Nws Txoj Lus, nyeem nrov- hais tawm. Cia qhov tseeb ntawn Vaj Tswv, tus uas loj kawg nkaus, hloov koj txoj kev saib pom txhua yam.

Tej pov roob loj tab tom thaiv koj los? Tsuas yog ib qhov pa ntawn Vaj Tswv xwb twb txaus ua rau tej hauv roob ntawd tiaj sib txig.

“Kuv yuav ua koj ntej mus kho kev rau koj, thiab muab tej hauv roob nphau kom tiaj sib txig.” (Yaxaya 45:2)

Thov caw nrog kuv peb thov Vajtswv ua ke: Vajtswv, me nyuam yaus ua Koj tsaug vim Koj yog tus uas tsim tag nrho lub qab ntuj khwb loj no, los Koj tseem mloog me nyuam yaus lub suab. Thov nco ntsoov qhia kuv kom ib txwm nco ntsoov Koj lub npe uas loj thiab muaj koob meej. Thov pub rau kuv muaj lub siab paub hwm thiab paub ntshai rau qhov uas kuv xav tsis thoob Koj lub hwjchim loj kawg nkaus, thiab ntseeg ruaj khov kho tias yeej tsis muaj lub hau roob twg uas Koj txo tsis tau kom tiaj tus. Nyuam yaus thov hawn ntawn Tswv Yexus Khetos lub npe Amen.

Cov phooj ywg hlub tshua , Peb pheej hnov txhawj xeeb ntau yam thaum ntsib kev sim siab, zoo li peb xav tias peb yuav tsum ris txhua yam ib leeg xwb. Tiam sis peb cia li tsa muag saib thiab nco ntsoov tias: Peb yog Vaj Tswv tug, Nws yog Tus loj dua txhua yam kev txhawj xeeb thiab txhua yam kev sim siab nyob hauv peb lub neej. Thiab thaum koj lub siab pib txhawj thiab ntshee, cia li cia Nws lub hwj chim loj kawg nkaus txhawb koj kev ntseeg, kom koj muaj siab tawv puv npo kev hwm thiab kev tso siab rau Vaj Tswv.

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.