Tềl sồt bơta pơndăng săng dê gơs dơ̆ kùng ò gơhòr mhàm, mơya ji pơnồr sùm jơl jơh dô rài kis. Hơ̆ la tŭ oh mi pờnđòl jơh pràn he nàng tòm gơl wơl bơta dòp rò bơh di dô nă cau mơ oh mi kờñ goboh rlau jơh, mơya hơ wơl mìng la dô bơta ơm mŏ mọ̆ ngềt ngòt. Ală plai nùs bơcah lề làc bơh kòl pơndang sang git joi nting đah dô nơm tơwờr tề răm niam, kờñ gơboh jơh nùs dòp rò he? Dilah oh mi găm lùp is he gơri đah lơi digùl dunnia bềng liu bơta pơndăng sang do, gàn bơta yal yau bol he kùng kơlôi sơnừng bal ngai do la jơnau hơwơl lơbờñ niam ai oh mi in.

Ngai do, ngai 22/6/2026, tơnggu hoi dăn kòp ngai dăn ja ông mò oh mi kơlôi sơnưng bal jơnau Yàng kơmòm bơta dong kòl bơh Gene Markland bơh tonggu me BÈP ALĂ CAU KÒN ĐÒI DÊ.

“Yàng Tom Trồ…. là Bèp ală cau kòn đòi dê.” (Đơs Crih 68:5)

“Đơs chò tĕ Yàng Tom Trồ in, đơs chò tĕ jòng rò sơnđăn Kơnràñ; đos chò tĕ Kơnràñ in la Bơtau haò hơđăng mhwàl; sơnđăn Kơnràñ lâ Yàng Jehôwa, chò hòp tĕ di đap Kơnràñ. Yàng Tom Trồ ơm tòm tiah sàng goh Kơnràñ dê, là Bèp ală cau kò đòi dê, mơ la cau cahrñà song ring ală cau ùr bơnrau in. (Đơs Crih 68:4- 5).
Billy tih dờng tòm bơta gơlik gơs bềng bol glăr kalkê. Geh deh tom dô nơm hiu nhă siău siar, dô yô pơnì rge bi di neh àñ ơnòng gơnoar broă dong bơta kis. Tŭ kơlồi kah bơh cau bèp tơm tòm bi golơh lù li tian gơs gơlơh be ò găm gơs. Siơ̆u rùp cau bèp, Billy sền tơnggờr di bàp yo mơ bàp êt khai di nàng bơtê gơlik gơs dô nă cau klau ngăn.

Mè bi di la dô nă cau ùr lơbơñ niam. Mò găm sền Sră Goh kòp ngai bi in kơnò. Bơta pơndơl pràn mò di krơi is ngăn, nàng rgơi lờh mè ndang, mơ bồr ndơp ơnih siơ̆u bơh cau bèp ndang. Bơta pràn dô nă cau mè pơnrau di kùng gơs rnoas, mơya mò neh sih tòm nus bi di ală găr sơntil bơta dòn sơnròp. Bơh ală bơta kơlồi kah yau òr, Billy neh gờñ gơboh đos chò mơ sùm kòp gơn tus àng drim Ngai Rlô. Kòp dơ̆ tus tŭ mpôl lăm chờ pờ bơr hoi ja Hiu Jum Goh dô nus bal jòng ro Yàng, Billy sùm la cau ngăc ngăr rlau jơh. Ông jê gloh tơhir ơn Kơnràñ in jơnau jòng rò bơh tòm nus nhờm. Gơwèt mơ bi, Hiu Yàng la tiah mìng dùl lơh bi in gơri bal ting hơ̆.

Oă năm lòt găn, Billy kùng gơs dơ̆ tìp wơl bèp he di, mơya bơta gơtòm klĕ hơ̆ gơlơh be dô nơm gùng dô gah: dilah Billy ò joi, bèp bi kùng ò tŭ lơi wèt tus hơ bi. Bơta gơlik gơs dòng rlau jơh tŭ ùr klau Billy rò kon ùr tonhoà. Sền di kòn ùr dềt tòm tê, nus Billy bềng liu kờñ gơboh mơ git ưn ngai Yàng. Bi kòp kơñ kòn kòn ùr he gơs dô nă bàp yo, mơ bi kùng kờp kơñ bèp geh sền gŏ kòn sau he.

Bi neh jòi mơ yal bơta chò hòp mơ jơh nus ja bèp tus còp. Bơta tòm tip gơlik liah mơ pơndùt dô bă mhăr ngăn. Oă poh tơnơ̆ hơ̆, Billy găm gơs nus dờng ơnàng pơyoa rùp mơ ală bơta bơh kòn dềt hiu nhă dờng in, kùng be cau bèp găm kis tòm tiah ngai.

Tŭ lơmpah ne, tòm tŭ rcăng lòt kơnhơl rlô bal mơ hiu nhă mơ ròp lòt găn di tiah mơ bèp di ơm, Billy dòn lah bèp he ròp chơ hòp tòm tŭ gh tìp kòn sau. Bi hoi điện nàng rơndap tŭ tòm tip. Mơya hơ wơl bơta kòp gơn bi di la dô cơnhŏ dà mrềt: “Bèp oă ngăn broă, lồi poh hơ̆ bèp gơs broă rau.” tơnơ̆ mơ oă pơnđơl pràn roh gơn kơnòm mìng nàng geh dô êt tŭ pleh lùp còp, Billy nrơt nrơl. Bi jề sồt đal git lah bèp he ò ơn nus kơlôi, ông ò kờñ sền gŏ kòn sau he, kùng ò kờñ sền gŏ hiu nhă bi di.

Plai nus Billy di krơ̆ wơl, mơ bơta hiă hăt gơguh. Jơh dô rài kis kol pơndăng săng mơ tŭ do gơlik gơs dô sèng jè sồt pa- tŭ kòn ùr bi kùng kol pơndăng săng. Tòm bơta gơhào gơjràñ gơtòm klai mơ nùs kas màng di pal, Billy neh ntao mơ bơtao pơnggàr rài kis he in. bi neh đos mơ bèp găn di điện thoại: “jơh rài kis do bèp neh pơndang sang kòn. Kòn neh pal kong bơta sền ò sơp bèp di bulah kòn ò tŭ lơi lơh tis. Tŭ do bèp kùng pơndang săng kòn sau he! Kòn ò tŭ lơi kòñ kon ùr he pal lùp: ‘ơ Bèp, ñchi bơh tai ông pang ò gơboh kòn?’ Bơh di tŭ jơ do, kòn ò ai tŭ lơmpah bèp in tai nàng lơh jê sồt kòn ùr kòn di tai. Bèp geh lơngai să tòm toh sơl? Bèp neh geh pha rau!”

Hơ̆ la tŭ lồi dùt bol khai tòmbơh bơr bal. Billy gơpừ tòm tŭ kal máy. Bi mùt tòm hiu vệ sinh, tềl mpông, ntao sơnđing di ơnih tuh mat mơ ñìm. Ală dà măt jề sồt di neh hòr, blai soh mơ roh gơn konòm hòr lik be hiòng dà hơđăng muh măt bi di. Bi gơlơh he be gơkòl săng lòi mơ kòn đòi wil tơl. Ò di mìng să tòm bi ò gơs bơta gơboh bèp di, mơ tŭ do kòn ùr kàs màng bi di kùng kol roh dô nă ồng pang kờn gơboh. Bơta jề sồt hơ̆ dờng ngăn, lòt rlau mơ bơta kòng ơt bi di.

Mpàng tê Billy di sơmbăt kơ̆ di ƀòng rao măt, bi ơlĕ ơdàr cơnđòa mơ tòm tip mơ muh măt jề sồt he di tòm krơh. Mò tòm tŭ klăm jơngo rlau jơh bơta roh gơn kơnòm hơ̆ di, plai nus bi dòp git bơta pơndòm pơniang Bèp Hơđăng Trồ dê:
“Ơ kòn klau, să tòm Añ là Bèp kờñ goboh kòn dê. Bơta kờñ gơboh Bèp di la bơta kờn gơboh ò tŭ lơi lồi. Bèp găm ơm sùm ting hơ̆, ò tŭ lơi lòi măt bơh di kòn. Tòm tŭ kòn iang tòm bơta dô nus bal mơ mpôl đơs chò, Bèp neh ơm ting hơ̆ mơ ñŏ hừh nùs bơh di kòn. Tòm tŭ kò ts nrah di gùl ală bơta lơh nền kalkê, să tòm Bèp neh lăm gùng kòn pơnjat cơnđòa dô bă ờm. Tŭ kòn pơnđơl pràng lơh sìr broă, Bèp neh ơm di gah kòn nang chồl bơtrồt kòn. Mơ tŭ kòn ùr kòn lik ràạừt tơnggu rơndap niam rlau jơh Bèp dê, Bèp kùng neh ơm ting hơ̆ nàng chò hòp hòn chò ò git lơh bal mơ kòn. Ơ kòn klau, Bèp găm sùm ơm bal mơ kòn, sùm sùm la behơ̆.”
Yàng pơnjat pơnjat pơndòm nus bi: “cau bèp đah poac să rgơi săng lòi kòn, mơya ơ kòn, kòn gơs jơh dô nơm hiu nhă dờng hơđăng trồ, mơ jơh tơl nă kùng kờñ goboh kon. Rlô tĕ tòm bơta rìng longai do kòn yơ, kòn klau kờñ goboh Bèp dê.”
Sră Goh neh cih lah Yàng Tom Trồ la: “Bèp ală cau kòn đòi dê” (Đơs Crih 68:5). Să tò Yàng Jesu kùng neh đơs nền lah: “Bơh să tòm Bèp kòñ goboh dê bol mê” (Jang 16:27).

Bơh di ngai hơ̆, tom ală ngai wèr cau Bèp dê, Billy sùm ơn dô tŭ jơ hòi dăn krơi is nàng jòng rò Bèp Hơđăng Trồ. jơnau hoi dan hơ̆ sùm pơndùt mơ dô jơnau jòng rò kờñ goboh: “jong rò Ngai cau Bèp di, ơ Bèp Hơđăng Trồ kòn dê! Kòn kờñ gơboh Bèp dê!”

Dan jà bol he dô nùs bal tòm bơta hòi dan: Khoai Bèp Hơđăng Trồ kờñ goboh, kòn ưn ngai Kơnràñ bơh Kơnràñ la Bèp kờñ goboh kòn dê, la Bơtau sơmbòi jơh nus nhờm lề làc. Dăn Kơnràñ kơrwà jơh nus nhờm găm gơkòl săng lòi, ai bơta rìng lơngai lòt rlau jơh ală bơta wờng git kòn dê. Dăn dòng kòn dòp git lah tòm tơwòr tê răm niam Kơnràñ dê, kòn gơs dô hiu nhă kờñ goboh găm sùm sùm. Dăn dòng kòn ò kis tòm bơta sràt bơtăng, mơya kis tòm bơta khat goboh- bơh kòn la kòn kờñ goaboh Bèp dê, geh Bèp kờñ gơboh ròng siăm sền gàr. Kòn jơh nus hoi dăn tòm sơnđăn Yàng Jesu Krist, Amen.

Ơ ală ông mò oh mi kờñ goboh, di gơlăn ông mò oh mi kùng găm cèng tòm he ală tềl sồt bơh bơta pơndang săng. Di gơlăn la cau bèp, cau mè hala ală cau kờn gơboh rlau jơh neh ò tŭ lơi ai ông mò oh mi in bơta kờñ goboh mơ ong mò oh mi di pal dòp geh. Mơya dan kah tĕ lah, bơta sền ò sơp dunnia do dê ò đơs wơl bota kàs màng ngăn ông mò oh mi dê. Ông mò oh mi la phăn lơh gơs cau chài bơt ù dờng rlau jơh dê, la kòn kơñ goboh geh gàr nền mơ bơta mhàm să tòm Yàng Jesu dê. Bulah jơh dunnia do pơrlac nggkơi mơ ông mò oh mi, kơ̆ tĕ nus. Bơh gơs dô nă cau Bèp ò tŭ lơi lòi mat bơh di bol he, Kơnràñ neh kờñ goboh ông mò oh mi lai mơtŭ ông mò oh mi gơlik gơs rùp să, mơ sùm ơm ting hơ̆ nàng gơrwà ông mò oh mi tòm nus.

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.