Gơs dơ̆, bŏl he gơlơh he be cau lòt gùng găm lòt tìs gùng digul blàng bras dùh tơ’al. Ală broă gơlik gơs gut dăr, dô bă mơpdơl tus lơh gar măt bŏl he jơngọ măt, ò git păl cơnđòa lòt tai mbe lơi. Sơlơ kơnòm pràn is să he koñ lòt găn, gen sơlơ jơh pràn. Hơ̆ la tài bơh bŏl he hŭi hwơr lah, gơs ală tŭ bŏl he càng lơh ò di là mìng sền rmê lọh gùng lòt, mơya păl dòn kơnòm wil tơl di Bơtau sơmbat kơ̆ gar gùng dà hơ̆.

Ngai do, ngai 23/06/2026 bơta Hòi Dăn Kòp Ngai dăn jà ală ồng mò oh mi bơtê bal Jơnau Yàng dê kơnờm dê bơta dong kòl Andrew Knox dê bơh Tơnggume SƠMBAT KƠ̆ TĔ TÊ BÈP

“Yàng Jehôwa, Bơtau Dong Tơwài mê, Bơtau Sàng Goh Israel dê, đơs be do: “Añ la Yàng Jehôwa, Yàng Tom Trồ bol mê, la Bơtau bơto bơta lơi la niam rlau jơh bol mê in, la Bơtau neh tề lam bol mê tòm gùng bol mê pal lòt.” (Esai 48:17)

Ngai cau Bèp di tơngkah ăñ bơh dô mho oă năm lài or di, tŭ ăñ lăm bar nă kọn klau dềt lòt tòm trung tâm thương mại nàng rwat dô yô khŏ jă jơng he ĭn. Tòm tŭ hơ̆ gơlơh sơlồng sơlang: bar nă kọn dềt kư̆ pras oă broă kơñhơl, rbăng khŏ jă tòm mơnang tiah gen sù wơl ală khŏ jă dờng khà rlau jơh, gen kơñhơl ò git jơh. Mơya, lồi dut ăñ kŭng jòi geh bàn dô yô khŏ jă pa niăm her he ĭn.

Tơnơ̆ sir dòp khà priă, bèp mơ kọn ăñ wèt tus hơ mpồng dờng. Ăñ pơnđơl sơmbat bar nă tê kọn, mơya ò kwơ, bŏl khai ò càng kơlôi sơnơng tus. Kọn klau dờng ntoat tus hơđap, kọn klau dềt geh lòi wơl hơ ngkơi. Tŭ kọn klau dờng ăñ ji cơnđòa lik bơh mpồng, gen nisơna dơh wơl. Nđợ jây ngkơi, tơnơ̆ cơnđòa lik bơh mpồng, să tom ăñ kŭng dơh wơl ya. Gen kọn klau dềt, đơs chò ndăng sơnđoh ndăng, kŭng nisơna ơm mŏmŏ tơnơ̆ cơnđòa jơng bơdih mpồng.

Jơh tơl nă bŏl he ơm mŏmŏ bơh dô nơm broă: Bơta àng mattơngai.

Tŭ hơ̆ là dul jơ mho, tơngai duh ngăn tian gơs cau lơi kŭng păl dơh wơl, ñìm măt mơ ai tê jơm măt. Bơta àng gơcrà tian gơs jơh tơl nă bŏl he ò bàn gŏ gùng tai nàng cơnđòa lòt pơnjat tai. Bar nă kọn klo ăñ driau dờng: “ Oih Bèp, gơcrà măt ngăn!”

Jơnau sŏng là behơ̆, ăñ mìng lơbơn niăm đơs: “Lik nàng tus di rơndeh ơ kọn.”
Jơh pe nă bèp mơ kọn ò gơs krơh măt tồ jơm măt, dilah gơs gen di ngăn. Mơya, ală kon klau ăñ gơs bơta kwơ dờng rlau lah: hơ̆ là să tòm ăñ. Mìng nđợ phụk lài, ală kon săng pơndăng ò càng sơmbat tê bèp, mơya tŭ do, gơs bar mpang tê dềt găm rbi jòi tê ăñ. Ală kon jòi rbi mpang tê ăñ jơl tus di tŭ ăñ ò jơm măt mơ tơ mù tê nàng ală kon sơmbat tê. Tŭ pe nă bèp mơ kọn neh sơmbat tê băl, kọn klau dờng ăñ ji đơs: “Bèp ơi, kọn rơp sơmbat kơ̆ tê Bèp mơ ñìm măt ngăn”
Bơta kơlôi sơnơng di ngăn! Kon klau dềt kŭng dô nùs băl bơta hơ̆.

Bar nă kọn klau dềt òhềt git lah să tòm bèp kŭng kŏng dùh tơ’al tơngai ne. Mơya, là dô nă cau dờng, ăñ rơp pơnring wơl, tòmgơl mơ lăm ală kon tus di rơndeh. Bơta ăñ càng tòm ală Kon la nùs dòn kơnòm wil tơl di bèp he. Tŭ bŏl he sơmbat tê băl cơnđòa lòt, nùs ăñ gơhào khuh nùs rngoh rngac diđap bơta dòn ală kon gơwèt tus hơ he. Bar nă kọn ñìm măt, sơmbat kơ̆ tê ăñ, jào phi jơh bar nă lòi bèp tề lăm.

Bèp hơđăng trồ kŭng kơp koñ bŏl he dòn kơnòm Kơnrẵn wil tơl behơ̆ sơl.
Bơta jrô ndơp tòm kọn mơnùs, bŏl he òs kơp koñ bơta at bồ. Bŏl he òs pơnđơl pràn is nàng lơh sir ală broă, mơya Yang Jesu neh đơs: “Bơh ơm bơdìh Añ, gen bol mê ò rgơi lơh bơta lơi ò.” (Jang 15:5). Gen behơ̆ ñchi bơh tai bŏl he kư̆ păl tìp bơta duh tơ ‘al ală bơta kơlôi rcang di băl mơ ală broă gơlik gơs, gen ò koñ sơmbat tus tê gơnap gơnoăr Kơnrẵn di?

Ală kon ăñ ji neh sơrbac sơrbăng dòp git lah bŏl khai ò jai tơl pràn mơ ò tŭ lơi ntoat cơnđòa lòt tus hơđap dilah ò sơmbat tê bèp. Ăñ đal git dô bơta krơi : dô nă kơnòm dềt ơn tê he tòm tê bèp, bŏl he kŭng càng sơmbat kơ̆ tê Bèp hơđăng trồ behơ̆. Digơlan bơh sơnrờp he găm kơlôi sơnơng, tài bơh săng lòi bơta at bồ rài kis he di la bơta ò tŭ lơi buơn. Mơya, tŭ bŏl he klọ săng, ò găm sơmbat kơ̆ ală bơta rngòt rngơt, ală nùs koñ is, mơya dòn kơnòm wil tơl di tòm bơta tề lăm Yang Dong Jesu, gen bŏl he rơp wă lọh jơnau ho pơgon Kơnrẵn di tòm Sră Goh:

Yàng Jehôwa, Bơtau Dong Tơwài mê, Bơtau Sàng Goh Israel dê, đơs be do: “Añ la Yàng Jehôwa, Yàng Tom Trồ bol mê, la Bơtau bơto bơta lơi la niam rlau jơh bol mê in, la Bơtau neh tề lam bol mê tòm gùng bol mê pal lòt.” (Esai 48:17)

Ai tĕ tê he, sơmbat tĕ tê Kơnrẵn mơ lòi Kơnrẵn tề lăm, tơ’ai lah tŭ măt he găm păl ñìm măt tài bơh ală bơta gơlòng bŏl glăr njơ̆-njŭt rài kis di.

Dan jà bol he dô nùs bal tòm bơta hòi dan: Khoai Bèp koñ gơboh, ưnngai Kơnrẵn tài bơh digul ală gùng lòt rài do bềng duh tơ’al mơ càl thul ơmul, Kơnrẵn òhềt lơi kon ơm kon đòi. Kơnrẵn la Bơtau ê gar lơbơn niăm ,òs sền gar kòp cơnđòa jơng kon lot. Ơ Yang, dăn tọh glài kon ĭn oă dơ̆ kon jọng să, kơlôi is să he lah rơp jòi is gùng lòt mơya săng pơndăng bơh mpang tê tề lăm Kơnrẵn di. Dăn Yang dŏng kọn dòp git lah, mìng sơnding să tòm mbur đar gơnap gơnoăr Yang di, gen bŏl kon ngăn rơp geh rlô lơngai. Bulah tŭ do măt kọn găm ñìm măt tài bơh ală broă gơlik gơs òhềt jòi bàn jơnau ho wơl, dăn ai kon ĭn bơta dòn nàng sơmbat kơ̆ tĕ tê Yang Dong Jesu. Dăn Yang Hwing Gọh tề lăm bŏl kon lik bơh tiah blàng bras bơta rngòt rngơt di, tồ cơnđòa lòt tòm nùs koñ gơklŏ gơcrà Bèp di. Kon jơh nùs họi dăn, kọn ai sơnđăn Yang Jesu Krist, Amen.

Ơ ală ồng mọ ọh mi koñ gơboh, digơlan tŭ do mo, bơta duh tơ’al gơcrà ală broă gơlik gơs găm lơh he in gơcrà măt, lơh he in dơrcul ò jòi bàn gùng lòt. Băñ pơnđơl is să he nàng ơnòng añ is hala bơklơn să he păl sền gŏ lọh ală bơta bơh gar măt đah poăc să. Kah tĕ lah he gơs dô nă Bèp niam her ngăn, rcang sir sơmbat kơ̆ tê he tề lăm he lòt găn ală bơta bŏl glăr kalke – mìng càng he tơl bơta dòn kơnòm nàng ơn tê dềt rhền he di tòm mpang tê dờng ngăn Kơnrẵn di. Bulah gar măt he păl ñìm măt, mơya kư̆ dòn kơnòm wil tơl di Bơtau găm at bồ rài kis tơnơ̆ he di.

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.