Neh gơs tŭ lơi oh mi neh til mpông, ơm nggui mŏ tòm jơngo mơ lah pơrhơng is să tơm he bơh dô bơta gơjrãn mơ kòn tòm trồ mhô? Bol he ơs mut tòm gơnoăr broă lơh mè bèp mơ oă bơta kơp gơn, mơya gen ntao diđap bơta song ngăn lah să tòm he kung la ală cau kòn bềng ală têl sồt rmãn. Bol he ơs kol ãn kơnjợ pal lơh dô nă cau bèp krơh niam, dô nơm tiah king crŭ ò geh tiah lah pơrhơng. Mơya ngăn la, ò gơs klơng lơi bơto bol he lơh cau bèp. Dilah oh mi kung găm ceng dô nơm bơta kơlôi sơnưng behơ̆, gen ngai do, bol he pal ơn băl ală bơta ãn kơnjợ hơ̆ di jơng Yàng la Bèp Hơđăng Jong, Bơtau gơs bêng gơnăp gơnoăr nàng tề lăm oh hơđăng gùng lòt kălkê dô.

Ngai do, ngài 26/06/2026, Bơta Hôi Dan Kơp Ngai dăn jà ală ồng mò oh mi bơtê bal Jơnau Yàng kơnơm dê bơta dong kơl Martha Noebel dê bơh tơnggumê ALĂ CAU BÈP Ò WIL TƠL.

“Yàng Jehôwa nđàc sơngit di cau duh rngòt di Kơnràñ, Ò gơkrơi be bèp nđàc sơngit di ală kòn khai dê behơ̆ sơl.”(Đơs crih 103:13)

“Bơh ală tap trồ la jơnhoa hơđang ù kàr lơi, Gen bơta kòñ gơboh kơ̆ dơn Kơnràñ dê kung dờng kàr hơ̆ sơl gơwèt mơ ală cau duh rngòt di Kơnràñ. Đah mattơngai lik la ngài mơ đah mattơngai mut kàr lơi,Gen Kơnràñ kung tă sang bơta tìs glài bol he dê ngài kàr hơ̆ sơl. Yàng Jehôwa nđàc sơngit di cau duh rngòt di Kơnràñ, Ò gơkrơi be bèp nđàc sơngit di ală kòn khai dê behơ̆ sơl.” (Đơs crih 103:11-13)

Dô nă cau bèp tòm rai do ndrơm băl be dô nơm “broă lơh ò hềt sir”- ò gơs dô nă cau lơi wil tơl, bulah ming dùl lơm. Tian gơs kòn dơ̆ sơnrơp ãn jê kung neh 33 sơnăm, ẵn găm dơp git jrô ndơp bơta hơ̆. Ãn neh hôi dăn dăn Yàng ai kòn ur ãn in nùs kơ̆ dơn liu làc, bơh ãn sùm ai kon nàng … Lơh gơnoăr broă bèp. Gùng dà bơtô kòn ãn jê ơs la “long mơ tis” (mơ digơlăn kòn ãn rơp đơs la “long mơ rngòt rngơt”!). Ãn sùm lup is: “Ãn gơs krãn ci ir hala ò?” hala “Ãn neh lơh rưng digul bơta krãn cê mơ bơta chò hơp hala ò?”

Crih crai ngăn, Yàng Tòm Trồ neh lơh bềng ală ơnih lơhoêt lơhoat bơta siơ̆u roh tòm ãn. Bơta nđàc Kơnrãn neh gơlik gơs phăn lềp gơđêt ală bơta gơtơmklĕ tòm hiu nhă. Tai bơh git he la dô nă cau bèp hơđăng ù bềng bơta ò wil tơl, ãn sơlơ pal cang gơri hơ Bèp hơđăng trồ rlau jơh tai.

Yàng Jêsu neh yal bơta yal yau do:

“Yàng Jesu đơs tai lah: “Gơs dô nă cau ne gơs bàr nă kòn klau. Kòn oh đơs mơ bèp lah: ‘Ơ bèp, dan tòmpà añ in phan jơtài mơ añ rơp gơs.’ Gen cau bèp tòmpà phan jơtài bol khai in.” (Luca 15:11-12)

Ãn kơnjợ bơh gơnoăr broă rong siam bar nă kòn mơ bar nùs nhơm pha is ò Tŭ lơi là buôn soh. Nàng gen dô ngai nê, cau bèp hơ̆ pal ntao diđap dô bơta bơtê toán kălkê: ntao diđap bơta kơp kỡn bềng bơta ò kơlôi sơnưng kon klau put dê. Ông neh lơh nền tòmpà phăn gia tai bar nă in, bulah git digơlăn ală kòn neh ò hêt rcăng sir. Cau oh tơnơ̆ neh ngui prong preh jơh ală bơta, ai cau bi gen gơduh tòm bơta hưh nùs is, pơnhừ să ai lơh he là dô nă cau niam. Ală bơta kơlôi sơnưng hơ̆ la dô bơta tis dơng ngăn tòm bơta bơtô kon, mơya ngăn, Yàng Tòm Trồ neh ngui să tờm ală bơta gơlik gơs hơ̆ nàng cèng wơl kon klau put ri wơl. Ală cau bèp ò wil tơl bơtê tĕ gùng dòn kơnơm Yàng, bơh Kơnrãn sùm gơs gùng nàng lơh sir gùng dà wil tơl Kơnrãn dê.

“Bơh kòn klau lơh ƀàssìl bèp, kòn ùr ntào tòmdră mơ mè, ƀan tòmdră mơ po me khai dê, mơ cau sò tơm dê mê la cau tòm hìu nhă mê dê.Mơya đah mơ añ, añ ai bơta gơn kơnòm mơ tơnggòr sền Yàng Jehôwa, añ rơp kơp gơn Yàng Tom Trồ la bơta dong klàs añ jê; Yàng Tom Trồ añ jê rơp iat añ.” (Micê 7:6-7)

Oh mi găm gơs ãn kơnjợ ir bơh gơnoăr broă lơh bèp hala ò? Broă kỡn gơboh mơ tề lăm kòn kơp ngai ngăn roh oă kơlôi pràn rlau mơ bol he kơlôi oă ngăn. Gơs dô bơta nền cê: bol he ò rgơi lơh sir niam gơnoăr broă dô dilah ò bơtê git bơh Bơtau Niam Rlau Jơh. Dilah cơnđòa lòt, oh mi rgơi jak rlau mơ dô ết nă cau; mơya tòm tŭ gơs ală oh mi gơs bơta dòn bal lòt bal digah, oh mi rơp gơlik gơs dô nă cau bèp crih crai rlau jơh. Bãn ai lơh basil jà ală cau bèp ndai lòt nỗ bal cà phê, pờ băl Sră Goh mơ tơmpà bal ală bơta git lam bơtô sôr kòn. Lơh tĕ la cau lòt lai ràng tơlik ală bơta kơlôi moat, kơlôi rcăng tòm nùs he. Bơh lôi dut lah, ală cau bèp ò wil tơl la ală cau pơgru niam rlau jơh bal mơ gơp.

Hơđăng rlau jơh, ală cau bèp dunnia bềng ală bơta siơ̆u be bol he pal cang king crŭ tom Bèp Hơđăng Trồ wil tơl. Kơnrãn sên dơng mang kơp bơta pơnđơl pràn dềt rhên bol he dê, nàng lơh ală bơta krơi is jat nùs kỡn Kơnrãn. Kơnrãn rgơi ngui ală bơta neh lơh tis nàng bơto bol he git pơndềt să, mơ ngui bơta lơbơn bol he dê nàng ràng tơlik gơnăp gơnoăr phalin Kơnrãn dê.

Bơta ò wil tơl ò di la tơnggu nàng bol he dơp rò ơm bơdơh wơl. Lơh mè bèp la dô cơnđòa lòt bơtê ò dơh: bơtê gùng dăn să mơ kòn, bơtê gùng bal mơ kòn hôi dăn mơ bơtê bal gùng kơnhơl bal mơ kòn. Tòm tŭ jơh nùs ntao diđap ală bơta rngòt rngơt mơ ală bơta tơmlơh đah dơlăm, bol he găm pờ dô tŭ lơmpah tơm bơkoat kỡn gơboh tòm hiu nhă. Dô nă cau bèp ming ngăn kong alah tòm tŭ săng lơi , mơya rơp geh công nha tom tŭ kơ̆ nùs lot bal mơ kòn mơ gơn kơnơm tòm Bơtau Krist. Gơnoăr broă lơh bèp ò ai ală hwềng soan buôn gơduh nùs in, mơya ai ală nùs nhơm dòn kơnơm, rcăng sir pơnjat dòn kơnơm Yàng kơp ngai.
“Yàng Jehôwa nđàc sơngit di cau duh rngòt di Kơnràñ, Ò gơkrơi be bèp nđàc sơngit di ală kòn khai dê behơ̆ sơl.”(Đơs crih 103:13)

Dan jà bol he dô nùs bal tòm bơta hòi dan: Khoai Yàng là Bèp kỡn gơboh, kòn ưnngai Kơnrãn bơh nđàc geh hoi Kơnrãn la Bèp, mơ geh Kơnrãn don kơnơm jao gơnoăr broă lơh bèp hơđăng ù do. Dăn prăp gar kòn sum ơm tòm bơta kỡn gơboh mơ bơta nđàc wil tơl Kơnrãn dê kơp ngai. Dăn tuh bềng nùs kon bơta niam lơnhơn nang kon git pơndềt să diđap ală bơta tis, mơ ai kòn in bơta jak chai nàng tề lăm hiu nhă lòt jat gùng dà Kơnrãn dê. Dăn bơto kòn git gùng tơmpà wil tơl ală kas mang đah hwềng ală kòn kòn dê, ò di ming mơ bung bơr bơtô sôr lơm mơ ya mơ să tơm rai kis tơmgơl pa kòn dê. Dăn ai kòn in git kơ̆ nùs lòt bal mơ sùm la gơtung gơtơmklĕ cèng ală kòn tus rềp Kơnrãn rlau tai. Bulah kòn găm oă bơta ò wil tơl, dăn Kơnrãn pơnjat bơt mon kòn, nang găn dê rai kis kòn, ală kòn kòn dê geh sền gŏ bơta kỡn gơboh ò lôi să tòm Kơnrãn dê. Kòn jơh nùs hôi dăn tòm sơnđăn Yàng Jêsus Krist, Amen.

Ơ ală ồng mò oh mi kòñ gơboh, ală kòn ò càng dô nă cau bèp “cau wil tơl” ò tŭ lơi lơh tis. Bơta kòn càng la dô nă cau bèp mơ poăc mơ mham, git dơp rò bơta tis tòm tŭ he lơh tis mơ git cun gơltăng hôi dăn mơ Yàng tòm tŭ ò rgơi lơh ală bơta. Bãn gơplơ̆ nùs tòm tŭ oh mi sền gŏ he ò hềt tơl niam, bơh bol he gơs dô nă cau cau Bèp hơđang trồ sùm rcăng sir ai bơntơl ală pơnah siơ̆u mơ bơta kỡn gơboh sum sum. Kơp kỡn bơta bơtô sôr ngai do rơp bơntơl tai pràn kơldăng nàng oh mi pơnjat kơ̆ nùs lòt bal mơ kòn, tòm bơta gơtơmklac dềt mêr mơ Bơtau Krist. Hôi dăn oh mi in mơ hiu nhă in gơs dô ngai pa bềng liu bơta lơngap lơngai, mơ git la geh tơwor tê kỡn gơboh Bèp Hơđăng Trồ dê găm kwoăr să tơm rai kis oh mi dê.
Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.