Sră cih bơta rơn dap tap sèng bol he di dô bă wil tơl ngăn. Mơya rài kis lot găn ò rgơi nàng lơh jat bơta rơn dap hớ. Gơs ngai ală bơta lik gơs gơtơn tus dô bă nisơna lơh sơ lộng sơ làng jơh ală bơta he rơn dap lài, lơh he in pal săng tơlik bơh bơta mờng ơs kợp ngai di nàng tơm toh mơ dô bơta lik gơs nisơna di đap he di. Bol he sac rwah ơn broă lơh là dớ sơn rợp he di, hala he rơng wơl tài bơh la gơs kwơ cau ndai in? Bơta yăl tơnggit ngai do dong bol he sền wơl gùng lọt jat Yang, nàng git nền bol he git săng jơh ală bơta rơn dap is he di mơ lời wơl bơta rơn dap niam lơhơn Yang Tơm Trồ in hala ờ.

Ngai do, ngai 29/06/2026, Bơta Hòi Dan Kòp Ngai dăn jà ală ồng mò oh mi bơtê bal jơnau Yàng dê kơnòm dê bơta dong kòl Paula L. Stansbury bơh tơnggume: BƠTA PRAN TÚ PRAN KƠDĂNG KON MƠNUS DI Ò WIL TƠL

“Mơya Añ neh hòi dan mê in, tồ bơta dòn mê dê ò gơhuc. Behơ̆ tus di tŭ mê rê wơl hơ Añ, gen lơh tĕ oh mi mê in kơ̆ nùs.” (Luka 22:32)

“Ơ Simôn, Simôn, do cà Satan kòñ nggum ngkhiang bol mê be kòi mi. Mơya Añ neh hòi dan mê in, tồ bơta dòn mê dê ò gơhuc. Behơ̆ tus di tŭ mê rê wơl hơ Añ, gen lơh tĕ oh mi mê in kơ̆ nùs.”(Luka 22:31-32)

Ngai lồi nàng dợp bơta cih dong kơl bơtào đah hwêng neh rlau. Neh rlau dô ngai, ăn lơh nền săng jơh ală broă , lời wil tơl tú jơ mhô nàng lơh sir ală bơta cih hớ.
Tú jơ hớ, dô nă cau gơp bơyô dệt mêr hoi điện ăn in. Khai gơ lơh rơngoh rơngac mơ đơs:”ăn kơp kơng geh gơs bơta dong kơl”.

Rài kis khai di nđac sơngit ngăn, bơh oă nam neh rlau khai neh sền gar bau klau găm ơm tơm bơta kọp ji kơn jớ oă dớ. Oh mi rgơi kơlôi sơ nơng tus di nus nhờm an tú jơ do: dô đah la gơnoar broă mơ bơta cih neh lơh nền, dô đah là bơta ò tơl bơta pran lồi ală bơta gơ lòng is he di. Ăn ơm di đap dô bơta sac rwah kăl kle ngan.

Ưn ngai Yang oă ngăn, oă ngai bơh đáp hớ, ăn nisơna kơnô dô khà chờ Goh “ Sức Thiêng Ban Cho Tôi” geh cih nam 1987 bơh Rich Cook. Sèng đơs chờ jong rơ Yang digul bơta klăm jơngo cih nang dong kơl mơ sôr bơtrut ăn oă ngan tơm jơ hoi dăn mơ Yang tơm àng drưm ngai hớ. Mơ di tú jơ bol glar kăl kle hớ, ală sèng đơs chờ hớ sôr bơtrut nus nhờm an di. Ăn dợp git he pal gơs nus nhờm Jong rơ Yang Bep Goh. Tú wet nus mơ Yang, ăn dợp geh bơta lơngai mơ gơnoar pran nàng lơh jat gơnoar sôr Yang di. Bơta rơn dap is ăn di pal dòn bơr mơ lot jat nus kờn Yang di. Gen tàng be hớ, ăn rơp đơs mơ bơyô ăn di:”di sơl, ăn rơp tus.”

Bơta do lơh an in kơlôi sơ nơng bơh bơta tơm bơh bơr Yang Jesu mơ Piêr di.
Tơm Luka 22:31-32, Yang Jêsu đơs mơ ồng la: “Ơ Simôn, Simôn, do cà Satan kòñ nggum ngkhiang bol mê be kòi mi. Mơya Añ neh hòi dan mê in, tồ bơta dòn mê dê ò gơhuc. Behơ̆ tus di tŭ mê rê wơl hơ Añ, gen lơh tĕ oh mi mê in kơ̆ nùs.”
Băl mơ nus khin cha poăc să di, Piêr đơs loh la: “Ơ Yàng, añ neh rcang sir nàng kong jàm kong chơt bal mơ Yàng.”(Luka 22:33). Jơ hớ bồ tơngoh mơ nus nhờm ồng di lơh nền rơp lot jat mơ Yang Jêsu dô bă jơh nus.

Mơ Yang Jêsu đơs lah: “Ơ Pier, Añ đơs mơ mê, ngai do tŭ iar òhềt nrau, gen mê rơp pơndang pe dơ̆ lah ò git Añ.”(Luka 22:34)

Bulah jơnau đơs nền be hớ mơ Piêr neh săng Yang pe dớ. Tơm bơta lơbơn siau kon mơnus di, di đáp bơta gơlòng dờng be hớ, Piêr ò tơl pran, ò lơh jat bơta he neh lơh nền. Ông dợp git bơta pran is poăc să di ò tơl. Ông kơp kờn dô bơta nền ci rlau tai: gơnoar hơ đăng trồ nàng prap kớ bơta dòn di đap bơta gơ lòng bol glar.

Bulah bơta gơ lòng an di khợc khơr rlau mơ ală bơta Piêr neh lot găn, ală bơta rơn dap kung ò jat be he kơp kờn. Mơya an git Yang Tơm Trồ gơs bơta rơn dap niam rlau ăn in tơm ngai hớ. Mơ kung be ông Piêr, an kơp kờn geh gơs gơnoar pran bơh Yang nàng dong kơl dô nă cau bơyô tơm gơ lòng bol glar. Tú an neh jơh nus duh khoai Yang tơm mho ngai hớ, gơnap gơnoar pran Yang di neh tơm gơl an lik gơs dô bơta pơn dờm pơn iang di ngan.

Crap wơl, bơta mơ an neh rlô broă lơh nàng dong kơl cau gơp bơyô an di ngai hớ ò lơh broă cih sră ruc wơl. Gơs dớ Piêr neh ruc wơl, neh săng Yang, ò tơl pran tơm tú lơnbơn siau. Mơya Yang ò săng ông dô đah. Pơrlơh wơl Yang neh bơtào wơl ồng mơ jào ồng in gơnoar broă tơm Hìu Jum Goh sơ rơp (Broă 2:40-41), lơh sôr bơtrut oh mi băl bơta dòn. Kung be hớ, ală bơta bol glar an neh lot găn ò kơryan an gơs nus kờn gơboh, ò duh broă Yang hala ò kis Yang in.

Dan jà bol he dô nùs bal tòm bơta hòi dan: Khoai Yang kờn gơboh, tài bơh Yang sùm kớ nus nàng tề lam rài kis kon di, jơl jơh di tus kon kơdăng nus lơh jat bơta rơn dap is he di. Dăn toh glai kon in tài bơh oă dớ kon ting jat tơnggume is kon di tian gơs ò gơs nus kah kơlôi tus di cau ndai. Dăn Yang tắ tơlik bơta jong să kon di nàng kon in git pơn dệt să gơn kơnờm di gơnap gơnoar hơ đăng trồ di. Dăn pợ mat đah hwêng kon in, gơs nus khin cha săng bơta rơn dap is he di nàng lik gơs bơta sôr bơtrut di cau ndai. Kon ơn jơh bơta kơlôi rcăng, bol glar tơm ngai do tơm mpang tê at bộ Bep Sang Goh. kon Jơh nus hoi dăn tơm sơn Đăn Yang Jêsu krist, A-men.

Ơ ală ồng mò oh mi kờn gơboh, rgơi geh gơs ngai do oh mi găm tơm lơh mơ bơta àn kơnjớ is he di la bơta mơ cau ndai ò rgơi sền gó mơ mat. Rgơi gơs hớ là bơta kọp jê jó jòng, siau jèn pria, roh jơh bơta tơmklac sac sor, hala ò geh gơs cồng nha tian gơs oh mi ò geh gơs bơta lơi nàng pạ ai cau ndai in. Oh mi sền di rài kis he di mơ kơlôi la:”să tơm he kung kơp gơn bơta dong kơl, be lơh he tơl pran nàng dong cau ndai tai?” mơya tú di tú hớ, Yang Tơm Trồ găm ngùi he dô bă pran kơldăng. Bàn jong tus di tú ală broă geh bơ song rau mơ rơp sơn tờm duh broă. Kứ pơjat tai tơm bơta hoi dăn, sôr bơtrut, yợ tơngguh mơ gơs nus kờn gơboh di cau gut dar he bơh ală bơta Yang neh ai oh mi in ngai do. Tú lik gơs dà lơngai cau ndai in tú he găm lơbơn siau, oh mi neh git làm bơta gơnap gơnoar mơ bơta nđac wil tơl Yang Tơm Trồ di dô bă drô dơp rlau tai hơ đăng rài kis he di. Dăn Yang ai pran pa nàng oh mi kứ lot tus, mơ lik gơs dà croh bơta sôr bơtrut oă cau in tơm ngai do.

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.