Gơs tŭ lơi he pơnđơl jơh pràn kơldăng nàng lơh dô nơm broă gơlơh be càng lơh mhăr tơn, gen tồ tŭ lơi sền wơl, he nrơt nrơl dòp git hênh hŭi hwơr bơta dờng màng rlau jơh? Gơs tŭ bŏl he kơlôi rcang lơh broă Yang, ngac ngar phi să tòm he tòm ală broă, ală tơnggume bàn mơ măt, nàng mơpdơl lòi nùs he hut hung – la croh dà bơta kis gơlik gơs bơh gơ. Tài bơh cau sò tơm hwing soàn bŏl he di la dô nă cau jak chài rơndăp rlau jơh. Khai la dô nă cau it tŭ lơi brồ lơh hơđap, mơya jak chài rơndăp ală “cau blac pơrlồm” nàng tơrgòm bơta ơn nùs kơlôi bŏl he di lik bơh tiah tòmlơh hwing nùs. He gơs nền cê tiah ơm gen Yang jào phi he ĭn sền gar tŭ do găm gơs rĭng lơngai sơl?

Ngai do, ngai 30/06/2026 bơta Hòi Dăn Kòp Ngai dăn jà ală ồng mò oh mi bơtê bal Jơnau Yàng dê kơnờm dê bơta dong kòl Ben Ledger dê bơh Tơnggume SỀN GAR TIAH TÒMLƠH

“Prap gàr tĕ nùs kòn dê dô bă kơrhia rlau jơh, Bơh ală croh dà bơta kis gơlik bơh di gơ.” (Jơnau Pơnđik 4:23)

“Ơ kòn añ jê, ơn tĕ nùs kơlôi bơh ală jơnau añ đơs, Ai tồr iat tĕ ală jơnau đơs añ jê. Bañ lòi ală jơnau hơ̆ dô ngài bơh di mat kòn, Prap gàr tĕ gơtòm dơlam nùs kòn. Bơh ală jơnau hơ̆ la bơta kis ală cau lơi in jòi jat gơ, Mơ la bơta sơmbòi să jan bol khai in. Prap gàr tĕ nùs kòn dê dô bă kơrhia rlau jơh, Bơh ală croh dà bơta kis gơlik bơh di gơ.” (Jơnau Pơnđik 4:20-23)

Ăñ găm ntào hơđăng ñhơt găm bềng dà tŭ măng ti, măt sền gut dăr lăm blàng dờng. Ală chi che jơm ndơp ală cau , mơya ò tŭ lơi pồn ndơp jơnau ntas. Jơnau driau dờng băl mơ jơnau ñhŏ kơñhơl gơs rềp gơs ngài bơh ală đah. Ăñ ò suk ơm lòt, măt sền gut dăr, tơ’ai lah ò hŭi sền đah ngkơi. Hiu pơñat broă yau ơm lồi dut tiah do la tiah ơm wil tơl nàng pồn di cờ mpồl bŏl he di, mơya gơwèt mơ cau sền gar tiah pồn, ăñ gơhao gơjrañ ală dơñăng hơ̆ – bŏl gơ neh kơryan măt sền bŏl he di tus bri hơ ngkời.

Nisơna, ală jơnau họi driau ntas bơh đah ne tiah. Bar nă cau bal mơ ăñ lik bơh nhar bri, ntoat jat tơnơ̆ là cau tòm mpồl ndai. Ăñ ñìm măt sền, pơnđơl sền bŏl khai cèng at cờ lơi sơl. Mơya ò, bŏl khai geh mpồl ndai bàn lài gen sơmbat te pit ai cờ. Tŭ do, bŏl khai pal ntoat dô nàng ò kòl kup lơh cau dĭ.

Tơnơ̆ tŭ bŏl khai ntoat tus tiah rĭng lơngai mpồl hìu tòm di, ăñ gŏ nisơna dô nă cau lơnggơh digah kiau. Dô nă cau tòm mpồl ndai mơpdơl tơmut tòm tiah blàng dờng pah gòi, mơ dô nă cau tai jat ngkơi. Bar nă tòm dô mpồl lài là cau kòl cau ntoat powrrdô, gen tŭ do gen wang wơl mpồl cau ne.

Nisơna, pe nă bŏl he mut tòm bơta ntoat pơrlòng bar nă cau dô ntoat. Mơya, mìng nđợ jây, ăñ kah rngal wơl: ăñ gơs gơnoăr broă dờng màng – ăñ la cau sền gar cờ!

Mơya ăñ kah wơl gen neh òbat rau. Pa Pơrlac wơl bồ, plai nùs ăñ gơprơm: dô nă cau tòm mpồl dai neh mut tòm hìu prap ală phăn bơh tŭ lơi rau, yò nha cờ mpồl he di gen mhăr ntoat tus di blàng jơng gùng đah ne.

Ăñ ji ngkọ driau dờng, sôr ọh mi dơh wơl broă ntoat jat ală cau lòng bŏl he, mơya ò kwơ. Kai “điệu hổ ly sơn” jak chài ngăn gen lơh bŏl he ĭn kŏng alah. Jơ do koñ kup cau kơñau cờ, mpồl he ò git lơh mbe lơi tai mìng ntoat dê tiah blàng mpồl cau ne, tiah tòmlơh mơ cau sò tơm neh rcang lài. Ăñ kŭng pơnđơl jơh pràn nàng ntoat jat, mơya khai kư̆ ngài ngăn mơ rọh thit.

Ò tơl bar phuk tơnơ̆, ală bơta neh kŏng alah. Tiah tòmlơh neh kòl tơrlah, nha cờ bŏl he di gơtòmut tòm tê cau ndai.

Jơh ală bơta kŏng alah hơ̆ crap wơl bơh jơnau “tiah lơgar”. Ăñ neh tơlik măt tòm tiah digul mpồl he di, sền gar jơh gul ngai, mơya sơlơ̆ wơl lòi gòi tiah dờng màng bơh bơta ò drơng kơp – tŭ lơh nền cê bơta tòmlơh ăñ ò tŭ lơi kơlôi tus.

Gơs oă tap sèng tơm Sră Goh đơs bơh lơgar. Tŭ Yang Tom Trồ họi Lẩm, ồng neh lòt tus dô nơm bọn lơgar pa mơ ntào sàl tơm digul tiah hơ̆. Mơya, ồng mìng bơtào gơs dô nơm sàl ing:

“Bơh hơ̆, khai lòt tus hơ mơnơm đah mattơngai lik Betel, gen lơh sàl; đah mattơngai mut Betel, mơ đah mattơngai lik gơs Ahi. Khai lơh tềng hơ̆ dô nơm cơnòng duh khoai Yàng Jehôwa in mơ hòi dê sơnđan Kơnràñ.” (Sơnròp Gơlik Gơs 12:8)

Lơh dô nơm cơnòng duh khoai be klòng cờ đah hwing. Hơ̆ la jơnau đơs nền cê bơta dòn, lơh nền bơta at bồ Yang di hơđăng tiah he sền gar, gen kung gơn kơnòm gơnap gơnoăr hơđăng trồ nàng sền gar tiah dà lơgar. Lọh lang, Kơnrẵn neh at bồ tòm digul toan hơ pơgon.

Nđợ rbô năm tơnơ̆, nô nă cau Nac Crih ndai neh tus. Rềp digah đah mattơngai lik tiah Apram bơtào cơnòng duh khoai lài or, Yang Jesu mut tòm blàng bras kòl lơh bap têm. Tơnơ̆ bơh hơ̆ mo “Tŭ hơ̆, Yàng Hwềng lam Yàng Jesu tus tòm ƀlàng ngềt ngơt, nàng kong cà ràk ơniai.” (Mathiơ 4:1). Bơh bơta pha lin gơklŏ diđap cau sò tơm, Yang Jesu pơnjat tai gơnoăr broă bơtào dà lơgar đăng trồ hơđăng ù. Tŭ do, bơta sền gŏ hơ̆ ò di găm tơrgòm tòm lơgar Israel, mơya Kơnrẵn găm pò gùng dà nàng cơnđòa mut tòm hwing nùs kòp nă bŏl he. Digul bơta lơh dĭ tồi glài di, Bơtau Dong Klàs wil tơl neh tơlik mat nàng tơnrọh ală che sreng di, cèng bơta khat gơboh tus ală cau kòl jam ĭn.

Mơya Kơnrẵn dŏng bŏl he tă lik nàng lơh broă lơi?

Tồ bŏl he khin cha cơnđòa mut mơ geh pit ai ală “lơgar” Yang Tom Trồ họi sac. Tồ bŏl he drơng kơp diđap ală kai kơrmơ̆i Satan di, ò gơtơn dùh bơh dưa ală “phăn lòng” dunnia tŭ khai jòi pit ai ală tiah bơkah lơngồt lài la gơri hơ Yang. Mơ lòi bŏl he chồl bơtrut, rcang lài ọh mi ĭn băl bơta dòn, dô nùs băl ntoat guh pò ơnang dà lơgar Jơnau Niăm hơđăng gùng dà pa rơp tus.

Dan jà bol he dô nùs bal tòm bơta hòi dan: Khoai Yang koñ gơboh, Bơtau sền gar mơ at bồ hơđăng rài kis kọn! Dăn Yang tọh glài ală tŭ kọn lơbơn lơño ĭn, tồ nùs kọn kòl hwài jat ală phăn lòng dunnia di mơ găm gi ga gơnoăr broă Yang jào. Dăn Yang Hwing Gọh pơrlai hwing soàn kọn, dŏng kọn òs drơng kơp sền gar tiah tòmlơh bơta dòn, đal git bàn ală kai kơrmơ̆i cau sò tơm di. Dăn ai kon ĭn nùs khin cha mơ bơta dòn bơr wil tơl nàng cơnđòa lòt jat tòm nùs koñ Kơnrẵn tồ pò ơnang lơgar trồ. Kọn jơh nùs họi dăn, ai sơnđăn Yang Jesu Krist. Amen.

Ơ ală ồng mọ ọh mi koñ gơboh. Ơm wơl tĕ dô êt digul bơta kơlôi rcang rài kis di mơ sơwì is nùs he: Yang Tom Trồ găm họi jà he ntào sền gar tơm tiah lơi tơm rài kis đah hwing? Gen hwing nùs he – tiah gơri òs at bồ Yang di – gơs găm lòi gòi tài bơh koñ gơboh ală “cau sò tơm” gen cà rak sôr lòt tus hala ò? Cau sò tơm jak blac pơrlồm ngăn, gơ òs ngùi ală bơta kơlôi rcang mơ bơta ơnnia dunnia di nàng lơh bŏl he ĭn hŭi hwơr bơh tiah sền gar tòmlơh. Mơya Bơtau Dong Klàs bŏl he di neh pha lin. Kơnrẵn koñ he kơrmap gar hwing nùs, mơ chồl bơtrut he ntào tơngguh nàng tòmpit geh ai dô “bă tiah pa” Jơnau Niăm ĭn. Băñ lơi bơta giga gơs măt hơđăng gùng dà đah hwing he di. Drơng kơp tĕ, ntào kơ̆ tiah he ơm sền gar, mơ rcang sir cơnđòa lòt jat tŭ Kơnrẵn họi jà.

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.