Gơs tŭ lơi ồng mò oh mi kơ lôi sơ nơng lơh be lơi nàng ală cau gùt dar rgơi sền gŏ Yang gan dê rài kis gơs oă ngan broă mơ bềng bơta kơ lôi rcang sơl? Bol he òs jòi bơta tơlik mat Yang Tom Trồ dê tòm ală bơta krơi is dờng ơnàng hala ală bơta git làm đah hwềng crih crai, mơya gơ hŭi Yang gan dê ala broă lơh dềt rhền rlau jơh tòm rài kis kòp ngai. Ngai do, bol he dô nus bal sền sơwì bơta niam mơ bơta jak chài Yang dê gan dê bơta ràng tơlik àng gơcrà gan dê ala bơta gơ lơh be os mòng.

Ngai do, ngai 05/07/2026, Bơta Hòi Dan Kòp Ngai dăn jà ală ồng mò oh mi bơtê bal jơnau Yàng dê kơnòm dê bơta dong kòl mò Martha Noebel bơh tơnggume: BƠTA JAK CHÀI RÀNG TƠLIK GAN DÊ BƠTA KIS OS MÒNG

‘Yàng Tom Trồ kung niam nùs mơ yal bol khai in git bơta gơklŏ crih crài jơnau ndơp ndơr hơ̆ digùl làng bol bơdìh la mbe lơi, hơ̆ la Bơtau Krist ơm tòm oh mi la bơta gơn kơnòm oh mi dê, tồ geh pơnah tòm bơta gơklŏ Yàng Tom Trồ dê. ‘ (Kôlôse 1:27)

“Tòm tŭ bơtau ùr Seba sền gŏ ală bơta jak chài Salômôn dê, gơlang bơtau neh bơt, Ală phan sa bơkah di cơnòng sa bơtau dê, ală tiah nggui ală cau kwang bơtau dê, hìu ơm ală dĭ gơna, bơta rơndap broă ală cau duh broă bơtau dê, ală phan soh bol khai dê, ală cau kwang yò tơrnòm, mơ ală phan ơn chu mơ bơtau ơn pơdơng tòm hìu duh khoai Yàng Jehôwa dê, gen mò gơ dô jơh hwềng nùs. (I Ală Bơtau 10: 4-5)

Gơs tŭ lơi he lùp ñchi bơtài Yang Tòm Trồ kòñ cih wơl ală bơta dềt rhền gơ lơh be òs mòng tòm Sră Goh taih? Bol he buơn ngan nàng wờng ñchi bơtài dô nă mò bơtau ur ryŭ ryơm be Seba geh lơh krơi di đap bơta jak chài, bơta pas gơs rlau jơh, mơ nus duh rngot jrô ndơp mơ Salômôn ơn pơdơng Yang in. Mơya, Salômôn gơs bơta jak chài lơi bulah mìng bơta rơndap phan sa kung tơl nàng lơh dô nă cau gơs tiang pơnrơ be mò pal lơh krơi is jong rơ? Digơlan bơta yò sa hơ̆ pas sơm ngan, mơ phan soh ală cau dĭ gơna dê geh tàñ bơh phan pasgơs rlau jơh. Mơya bă tiah nggui ală cau krwang bơtau dê gơs bơta lơi krơi is taih? Mơ ñchi bơ tài mò lơh krơi dê đap bơta rơndap ală tơrnòm dê?

Bơta do chồl bơtrut añ sền wơl dê bơta kis đah hwêng añ jê. Añ dòn lah Yang Bèp sum ji gloh tơrhir dê bơta rơndap tap sèng rài kis bol he dê, gan dê ală bơta dềt rhền mơ òs mòng rlau jơh, cau ndai rgơi đal git bơta gơ klŏ Yang dê. Oă tŭ bơta bol he at bồ rài kis đah bơdih kung ràng tơlik dô pơnah bơta rơndap đah hwềng soan, mơ kung la krơh ràng tơlik nus nhơm Bơtau Crơng Gơs. Tòm bơta àng gơcra hơ̆, bơtau ur Seba neh đơs:

‘Pal jòng ro Jehôwa Yàng Tom Trồ bơtau dê, bơh Kơnràñ niam nùs bơtào bơtau hơđang sơbàn Israel dê! Tài bơh Yàng Jehôwa kòñ gơboh Israel sùm sùm, gen Kơnràñ neh bơtào bơtau lơh gơs bơtau at bồ jat bơta song ngan mơ song ring.” ‘ (I Ală Bơtau 10:9)

Ală cau gơp să tòm hiu nhă añ dê la cơng tàng kis wañ jơ nau song do dê. Hiu nhă bol khai sum rơndap ring niam mơ bềng tơl bơta ring lơ ngai. Pơnah dờng bơta ring lơ ngai hơ̆ gơs kơnòm dê bơta kis bềng kơrhia. Bol khai cơn đoà tòm bơta jak chài Yang Tom Trồ dê, gan dê bơta kòñ gơboh Yang Jesu, gan dê bơta duh broa bơto yal Jơ nau Niam, mơ gan dê bơta at bồ don song tòm bơta kis kòp ngai. Bơh hơ̆ añ đal git tê gơnap gơ noar Yang dê lơh broă pran kơldang mơ kis wañ, be ală bơta nđàc đah hwềng lơh broă tòm rai kis he.

Yàng Tom Trồ niam nus yal tơlik bơta jak chài Yang dê kòp nă bol he in (Jakơ 1:5). Tŭ Bèp kòñ gơboh ai pà bơta jak chài kòp ngai, gơs tŭ ală bơta tề lam hơ̆ tuh be os mòng tian gơs he tồn lah hơ̆ la bơta kơlôi sơ nơng is he dê. Bơta đal git ală bơta kơlôi sơ nơng sơn tòm bơh Yang Hweng rơp pơnđơl bơta don bol he dê, cơng tang loh lang bơta krơi is “Bơtau Krist ơm tòm oh mi” (Kôlôse 1:27). Bơta rơndap đah hwềng Yang dê geh tàñ bơh ală pơnah dơng ơnàng tus ală pơnah dềt rhền jrô ndơp tòm rài kis, la bơta àng nàng tề cèng cau ndai tus bơta duh rngòt jak chài ring niam Yang dê.

Să tòm añ neh git lam bơta do oă dơ̆ . Pa do añ lòt lơh broă, nisơna añ “kơ lôi sơ nơng” kòñ lòt dô bơta jơnum mơya bơh sơn ròp añ òhềt kơ lôi sơ nơng rơp gơs mat. Mơya hơ̆ la dô bơta lơh nền jak chài tài bơh ală pơnah dềt tòm bơta jơnum hơ̆ dong kòl añ pleh oă bơta ò gơs kwơ. Añ chò hòp ngan tài bơh neh dòn bơr bơta chồl bơtrut jak chài Yang dê. Añ sền dờng màng ală tŭ jơ geh Yang Hweng Goh sol pơnđang mơ tề lam, bulah broă dơng hala dềt.

Mơ moat jrung ngan, añ neh oă dơ̆ pleh bơta hòi jà ơm ờm hơ̆. Dô pơnyơu tòm tŭ añ ơm tòm kơnhai rlô klơng, tŭ rê tòm hiu mơ mè bèp, añ lơh nền lòi jơh phan tòm rơndeh tơn. Añ kư̆ lòi ală phan be hơ̆ tài bơh bơta alah mơ rngòt pal rơndap wơl ală broă. Ồng mò oh mi kơlôi sơ nơng añ neh oă dơ̆ ò ơn nus ơn tôr dê ală bơta tơngkah tòm nus, sôr pal dơh wơl. Công nha añ neh tơn roh la oă tŭ lơm pah rgơi dong broă ală cau ndai, tài bơh ò rgơi ai cau ndai in lòt bal rơn deh.
Gen ồng mò oh mi be lơi taih?? Ngai do, añ chồl bơtrut ồng mò oh mi rac dan mơ Bèp Hơ đang trồ ai pà ală bơta kơlôi sơ nơng nang lơh pa wơl bơta rơndap tap seng tòm rài kis kòp ngai he dê. Tơnơ̆, lòi tŭ jơ ngềt ngơt iat kơno jơnau Yang. Digơlan, ồng mò oh mi lơh krơi dê đap oă bơta dờng ơ nàng kung be bơta dềt rhền mơ Yang rcang nàng lơh broă mơ tòm gơl rài kis he.

Dan jà bol he dô nùs bal tòm bơta hòi dan: Khoai Bèp Hơ đang trồ, kòn ưn ngai Yang tài bơh bơta jak chài mơ bơta rơndap krơi is mơ Yang sum rơndap hơ đang rài kis kòn. Dan Yang toh glai kòn in ală tŭ sơr bac sơr bang, dơh wơl hala ò ơn nus ơn tôr dê bơta tơngkah Yang Hweng dê. Dan Yang ai pà kòn in đah hweng ngac ngar nang đal git bơta tề lam Yang dê tòm ală pơnah dềt rhền kòp ngai. Dan Yang at bồ bồ dơngoh kòn, dong kòn git at bồ tŭ jơ, broă lơh, mơ tồr tiar bơta kis kòn nàng lơh àng sơn đan Yang Jesu Christ geh yò tơngguh. Dan bơta kòñ gơboh mơ bơta ang Jơnau Niam geh sol pơnđang gan dê rài kis kòn, nàng ală cau lơi geh tìp kòn bàn bơta tơlik mat Yang dê. Kòn ai sơnđan Yàng Jesu Krist, hòi dan mơ Yàng Bèp. Amen.

Ơ ală ồng mò oh mi kòñ gơboh, rài kis đah hwềng ò dê gan dê bơta wil tơl hala bơta rơndap ring niam đah bơdih, mơya tŭ nus nhơm he duh rngot Yang, bơta jak chài Yang dê rơp bư tus bơta bol he at bồ ală bơta tòm bơta kis kòp ngai. Dô bă tiah lơh broă gơs bơta rơndap niam, dô bơta kis git kơrhia hala ngac ngar don bơr bơta chôl bơtrut lơbơn niam bơh Yang Hwềng – jơh ală bơta hơ̆ gơlik dô sèng đơs chò kis wañ jong rơ Yang. Ngai do, ồng mò oh mi mơ añ lùp ờm Yang lah Kơnràn kòñ lơh pa wơl bơta rơndap lơi tòm bơta lơh broă bol he dê. Tom tŭ bol he niam nus lòi Yang at bồ ală bơta dềt rhền, rài kis bol he rơp gơlik jơnau cơng tang pran kơldang đơs bơh Yang ală cau gùt dar in.

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.