Tŭ ơm diđap ală bơta lề lac bơh bơta lơh nền tìs glài he gơlik gơs, he gơs tŭ lơi sơwì lùp is : “gen Yang găm gơs koñ gơboh dô nă cau be ăñ sơl?” tŭ tơlik mat bơh ală cồng nha iơh gơlik tus, bassil basso gut dăr he, lơh bŏl he ĭn mìng koñ dô pồn ngài ngăn bơh diđap măt Yang. Mơya jơnau Yang tơngkah lah bulah ală bơta neh bơcah lề lac,Kơnrẵn găm jòi nàng tơrbŏ ală bơta bơcah lề lac rài kis he di, jơmgòm bŏl he bơh bơta koñ gơboh mơ ai pà he ĭn tŭ lơmpah nàng sơntom wơl.

Ngai do, ngai 07/07/2026 bơta Hòi Dăn Kòp Ngai dăn jà ală ồng mò oh mi bơtê bal Jơnau Yàng dê kơnờm dê bơta dong kòl Jordan Buntgen dê bơh Tơnggume ÑÌM RAC BƠH ALĂ BƠTA LƠH TIS ĬN

Yàng Jehôwa ơm rềp mơ ală cau gơs nùs jê sồt, Mơ dong klàs ală cau ò gam gơs bơta gơn kơnòm.” (Đơs Crih 34:18)

“Dabit đơs mơ Nathan lah: “Añ neh tìs glài mơ Yàng Jehôwa.” Nathan ho lah: “Yàng Jehôwa neh sang tồi glài bơtau dê; bơtau rơp ò chơt. Bulah behơ̆, bơta do bơtau neh lơh kai nàng ală cau sò tơm di Yàng Jehôwa đơs tràl sơrbil di Kơnràñ, gen tàng kòn klau neh deh bơtau in rơp chơt.” Gen Nathan rê hìu. Yàng Jehôwa lơh kòn dềt mơ bau ùr Uria neh deh Dabit in, mơ khai gơs kòp jê kơnjơ̆. Dabit hòi dan mơ Yàng Tom Trồ kòn dềt hơ̆ in. Khai ơt sào, mut tòm hìu mơ bic tòm ù mang àng. Ală cau kwang kra tòm hìu nhă khai dê ntào di gah khai nàng yò tơngguh khai bơh di ù, mơya khai ò bài, mơ kung ò sa phan sa lơi bal mơ bol khai.” (II Samuel 12:13-17)

Jơnau yăl tơnggit bơh bơtau Da it òs sum bư geh tiah jrô ndơp tòm gùng dà cơnđòa lòt jat Yang ăñ ji. Ồng neh kis dô rài kis khin cha, ràng tơlik ală bơta jrô ndơp rlau jơh dunnia di. Tài bơh hơ̆ gen, Yang Hwing Gọh ngùi ală tŭ gơlơngơr hơ̆ gen lòng tiar, yò đo hwing soàn bŏl he ngai do. Mơya di ngăn lah, bơta lơh ăñ gơlơh dô nus mơ gơtòmklac jrô ndơp rlau jơh gơwèt mơ bơtau do ò di là ală tŭ geh oă cồng nha pha lin, mơya hơ̆ là ală tŭ gơtup pừ mơ tồi glài ồng di.

Gùng dà jòi wơl ri hơ Bèp dờng ăñ ji sơntom bơh tòm tiah jrô tồi glài, be bơtau Dabit lài or. Gơwèt ho ồng, broă gơlik ồng păl kŏng tồi glài di la bơta kis kọn kơnòm dềt du. Gơwèt hơ ăñ, broă gơlik gơs hơ̆ la bơta bơcah lề lac broă ur klau. Ò gơs bơta pơnji pơnkôr lơi rlau la păl ntào is dô nă lơm, ò gơs bơta pràn lơi tŭ sền dà măt gơhor hơđăng bơta lề lac bơh broă sac rwah tìs, phà tơnlah he lơh gơlik gơs.

Suk ơm sền gut dăr, ăñ ò gŏ bơta lơi rlau mơ ală tềl sồt jrô tòm gar măt ală cau he jơh nùs koñ gơboh di mơ dềt mềr mơ he. Bơta ji sồt moat jrung gơtơnguh tŭ ăñ dòp git dô jơnau sŏng ngăn lah: rơp ò gơs tŭ lơi tai găm ală tŭ yò sa băl mơ hiu nhă tai, ò găm gơs tŭ họi điện thoại tombơhbơr jŏ jong tai, mơ ăñ rơp ò tŭ lơi tai là dô nă cau tòm hiu nhă rĭng lơngai di tai.

Tơnơ̆ mơ tŭ cah is, ăñ gơtơn kram tòm ală ngai ji sồt, pơnji pơnkôr diđap ală cồng nha ò niam bơh tê he mơ lơh gơlik gơs. Ăñ ò suk ơm tài bơh ală broă lơh tìs, ji sồt moat jrung bơh ală cồng nha srat bơtang, mơ rngoh rngac sền wơl ală broă gơlik gơs lề lac mơ bơh să tòm ăñ păl kŏng. Ăñ lòt găn ală klăm jơngọ hwing soàn di oă ngăn tian gơs ò jai kòp jơh. Digul ală ngai klăm jơngọ hơ̆, ăñ ò rgơi đal git tai plai nùs koñ gơboh bơh hwing nùs Yang ai he ĭn tai. Ăñ òhềt git tai lah Bơtau Dong Klàs găm koñ gơboh kơ̆ dơn ntào tềng hơ̆, kơp gơn ăñ prap tơrgòm ală bơta bơcah lề lac rài kis di nàng ơn tòm mpang jơng Kơnrẵn, tồ Kơnrẵn ĭn put tiah sồt mơ sơmbòi ală tềl sồt.

Bơta basil baso cahrña is să tòm he gơrwàng gut dăr lơh bŏl he mìng git ntoat dô pồn lik bơh Yang. Mơya ăñ ò git lah, bơta basil baso, tồi glài mơ bơta ji sồt plai sọh he di rơp geh ala wơl bơh ală bơta niăm rlau jơh bơh dô nă Bèp găm ntoat mhăr lik bơh mpồng nàng dòp rò kọn klau lềng làng ri wơl hiu. Ăñ neh òhềt git bơta jrô ndơp bơta sơmbòi lơh wơl pa găm kơp gơn he ơm hơđah di tiah brong jrô ji sồt di.

“Gen Dabit pơndòm pơniang Batseba, bau ùr khai dê, mơ tus bic mơ khai. Khai tơnggơs dô nă kòn klau, mơ bol khai tơmoh sơnđan kòn klau hơ̆ la Salômôn. Yàng Jehôwa kòñ gơboh di Salômôn, mơ tài bơh Yàng Jehôwa kòñ gơboh di khai, Kơnràñ sồr cau gơnoar hwơr Nathan tus tơmoh sơnđan khai la Jedidia.” (II Samuel 12:24-25)

Bulah cồng nha tồi glài găm be òs, Yang Tom Trồ ò pơndut bơta rơndăp tap sèng Kơnrẵn di hơđăng rài kis Dabit. Kơnrẵn sơlơ lơh broă tòm bơta nđàc mơ bơta sơmbòi. Rài kis Salomon là cơng tàng kis gơnap gơnoăr lơh wơl pa ĭn Kơnrẵn di hơđăng rài kis bơtau Dabit. Mơ tơ’ai lah Kơnrẵn găm lơh broă ală broă dờng rlau tai tòm pah rài Salomon.

Tŭ do, rài kis ăñ ò kòl cap hala lơh nền ală bơta lơh tìs tòm pah rài yau or. Yang ò lòi ăñ ơm tòm bơta ji sồt moat jrung hala kòl basil baso. Kơnrẵn neh at bồ nàng lơh wơl pa bơta gơn kơnòm bơh dô rài kis pa, jat be Kơnrẵn neh lơh bơh Bơtau Dabit lài or. Mơya ală bơta neh rọh rơp ò tŭ lơi geh ai wơl, mơya Yang neh ai pà ăñ ĭn bơta gơn kơnòm mơ gơtha pa nàng cơnđòa lòt jat tai. Tŭ do, tiah yò sa dềt wơl bơh bơta hon chò bơh ală muh mat pa gut dăr tiah cơnòng sa, jơnau driau ñŏ, hừh hơh mơ bơta gơtòmklac là ală phăn bàn gen ăñ khat gơboh tòm pà băl. Điện thoại ăñ ji bềng wơl ală tin nhắn, jơnau họi mơ ală rùp – ală bơta tơngkah ăñ lah găm geh sền dờng màng, geh wă wờng mơ geh koñ gơboh. Hơđăng rlau jơh, ăñ git he neh geh tơmut tòm hiu nhă đah hwing Kơnrẵn di, geh ai pà dô nơm să jan pa là kọn Yang Tom Trồ di, dô nơm sre bri băl găm sum sum ò tŭ lơi rọh.

Dan jà bol he dô nùs bal tòm bơta hòi dan: Khoai Yang la Bơtau lơbơn niăm mơ bềng nùs koñ nđàc. Kọn Ưnngai Yang neh chơt hơđăng chi pơng tài bơh tồi glài kon. Ơ Yang! Kọn dòn kơnòm Yang! Kọn dăn dòp rò bơta tọh glài, bơta nđàc mơ nùs nđàc sơngit gen Kơnrẵn neh tơwài glài kon ĭn. Kon lơh nền ò lòi tồi glài at bồ rài kis he di tai, mơ sac cơnđòa lòt jat Kơnrẵn jơh nùs. Khoai Yang Hwing Gọh, dăn Kơnrẵn at bồ rài kis kọn, pơndòm pơniang hwing soàn kọn mơ dŏng kọn sền gŏ Kơnrẵn tòm ală broă dềt rhền kòp ngai. Kọn kơp koñ rài kis he rơp la bơta àng digul tiah klăm jơngọ, gơklŏ gơri hơ Yang Tom Trồ! Ưnngai Kơnrẵn neh dŏng tơwài rài kis kọn mơ cih wơl rài kis kọn di. Kọn jơh nùs họi dăn, Kon ai sơnđăn Yang Jesu Krist, Amen.

Ơ ală ồng mọ ọh mi koñ gơboh, gơs ală cồng nha tồi glài di, ală bơta sac rwah tìs glài di, ò dòn jat Jơnau Yang. Mơya ală nốt nhạc moat jrung hala ală pơnah rài kis cah is hơ̆ ò tŭ lơi tòm pơndut, tŭ rài kis bŏl he geh ơn tòm tê Bèp Hơđăng Trồ. Kơnrẵn rơp ò săng lòi he gơtơn kram sum tòm tiah klăm jơngọ bơta basil baso. Băñ lòi bơta basil baso lơh he ĭn ơm ngài bơh Yang tai, cơnđòa lòt tĕ tus ho Yang tŭ do mo bơh jơh ală bơta lơbơn lơño he di. Kơp koñ tơnơ̆ mơ tŭ họi dăn do, he rơp tơl bơta khin cha nà klọ săng ơnòng kơnjơ̆ bơta cahrña, mơ pò hwing nùs dòp rò mham mang Dong Klàs Yang Jesu di.

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.