Thaum koj saib koj tus kheej hauv lub txom iav, koj xav li cas txog koj tus kheej? Tsis paub tej kev xav thaum ntawd puas yog qhia tseeb txog koj tus kheej? Nyuaj siab rau qhov uas peb tib neeg muaj ntau tus pheej cia tej kev xav poob qes, txaj muag npog peb lub neej tiag uas muaj nqis . Tiamsis muaj ib qhov tseeb uas koj yuav tsum paub: Koj txoj kev xav txog ko tus kheej nws txawv Vajtswv txoj kev xav txog koj. Vajtswv tsis thuam, tsis txiav txim – Vajtswv hlub koj vim koj yog koj tus kheej.

Hnub no, yog hnub 23/09/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Lorie Hartshorn dhau ntawm Zaj kawm KOJ MUAJ NQIS NPAUM CAS NYOB HAUV VAJTSWV LUB QHOV MUAG?

“Tiamsis Vajtswv qhia rau peb hais tias Vajtswv hlub peb kawg li, rau qhov thaum peb tseem ua neeg txhaum Yexus Khetos tuag txhiv peb.” (Loos 5:8)

Koj puas tau nug koj tus kheej tias: “kuv ntsia pom kuv tus kheej zoo li cas?” Tseg ib me ntsis sijhawm los xav. Tej kev xav mus dhau hauv koj lub hlwb hnub no yog dabtsi? Ntawd yog tej lus txhawb lossis tej lus cem?

Muaj ntau tug lawv pheej coj tus cwjpwm uas cim civ thuam yus tus kheej. Nyob ntawm qee tus, lawv ho niaj hnub xav tias lawv tsis muaj kev txawj ntse, tsis muaj peev xwm, tsis vam meej, thiab tej kev xav no pheej ncig mus ncig los rau hauv lawv lub hlwb tsis tu…

Vajtswv tsis zoo siab rau tej kev xav li ntawd. Tseeb tiag, tej kev xav ntawd tsis yog los ntawm Vajtswv los. Vajtswv yeej tsis ntsia saib peb los ntawm lub siab thuam thiab txiav txim, Tiamsis Nws hlub txhua yam uas Nws tsim los, nyob hauv muaj koj thiab kuv tibsi! Tiamsis vim li cas coob tug lawv ho tsis saib lawv tus kheej raws li qhov uas Vajtswv ntsia pom lawv? Tej zaug lawv siv yuam kev tus “tshim ntsuas” lawm.
Thaum uas koj pom tias koj zoo tsis tau txaus, koj cia li nug tias: Vim li cas ho zoo li ntawd? Feem ntau, lo lus teb yog koj pheej muab koj tus kheej piv mus nrog lwm tus, lossis koj raug cuam tshuam tsis zoo los ntawm tej kev txhaum yav dhau los, lossis koj cim civ cia siab rau tej yam uas tsis muaj tseeb rau koj tus kheej. Tej zaug koj twb hnov lo lus hais dag tias: “Yuav tsum yog tus zoo thiab keej tshaj, koj yus thiaj li yog tus neeg muaj nqis”.

Ntawm no yog ib lub haum phiaj uas siab tshaj dhau lawm, tsis muaj leej twg yuav ncav cuag. Peb yuav hnov ntxhov siab, tu siab yog tias peb cia ntau yam los nias peb tus kheej thiab pheej xav tias yus zoo tsis txaus. Tiamsis Vajtswv saib koj zoo li cas? Yooj yim xwb, Vajtswv hlub koj. Vajtswv nkag siab tias tsis muaj leej twg hauv peb cov no zoo li. Txawm yog peb tsis muaj hnub ua tau raws li Vajtswv tus tshim, yog li Vajtswv thiaj ua ib yam uas zoo kawg nkaus yog – pub Cawm Seej Tswv Yexus rau peb.

Cawm Seej Tswv Yexus yog tus zoo kawg nkaus, Nws ua tiav Leej Txiv lub haum phiaj. Thaum peb ntseeg siab rau Nws thiab nrog Nws sib raug zoo ua ke, peb yuav txais tau txoj kev hlub uas Vajtswv npaj tseg rau peb. Thaum ntawd peb yuav saib peb tus kheej los ntawm Vajtswv txoj kev hlub, tsis yog los ntawm tej lus iab liam tsis muaj pov thawj. Ib nqe nyob hauv Vajluskub muaj hwjchim ua pov thawj rau tej no:
“Tiamsis Vajtswv qhia rau peb hais tias Vajtswv hlub peb kawg li, rau qhov thaum peb tseem ua neeg txhaum Yexus Khetos tuag txhiv peb.” (Loos 5:8).

Vajtswv nthuav tawm Nws txoj kev hlub rau peb los ntawm qhov uas Nws muab Nws tus kheej tuag theej peb. Koj puas paub tias, nyob hauv Vajluskub, Vajtswv hais mus hais los tshaj 300 zaug tias Vajtswv hlub peb? Vajtswv xav kom peb ntseeg txoj kev hlub ntawd, kom peb txais yuav thiab hlub peb tus kheej. Paub tias koj tau Vajtswv hlub yog tus yaum sij tseg rau koj kawm hlub yus tus kheej. Vajtswv tsis xav kom koj cem yam uas Vajtswv tsim los – muaj koj tus kheej tib si. Yog li, cia li tsum txhob cem yus tus kheej lawm, rau qhov Vajtswv hlub koj tshwj xeeb heev!

Thov caw nrog kuv peb thov Vajtswv ua ke:
Ua Vajtswv tsaug rau Koj txoj kev hlub pub dawb rau kuv. Thov pab kom kuv nco ntsoov tias Kuv yog tus uas koj tsim los muaj nqis ntawm koj. Thov qhia kom kuv saib kuv tus kheej los ntawm koj lub qhov muag kev hlub, tso tej kev xav tsis zoo tseg. Thov kom koj coj kuv kev, kom kuv saib taus kuv tus kheej, saib taus lwm tus thiab ua ib lub neej nthuav tawm Vajtswv txoj kev hlub. Kuv thov hauv Tswv Yexus Khetos lub npe. Amees.

Cov kwv tij, koj yog ib tug uas Vajtswv tsim los, thiab Vajtswv hlub koj tsis yuav ib yam dabtsi. Txhob cia koj txoj kev tub qaug ntawm koj tus kheej npog qhov kaj uas yog txoj kev hlub Vajtswv pub koj. Koj cia kawm saib koj tus kheej raws li Vajtswv lub qhov muag – yog ib lub qhov muag puv npo kev hlub, zam txim, thiab saib muaj nqis. Txhob cim civ txo tus kheej nqes, vim koj tau Vajtswv tsim los muaj nqis, muaj nqis txog qhov uas muab Nws tus kheej tuag theej rau koj. Cia txoj kev hlub ntawd coj koj kev kom koj hlub yus tus kheej, thiab ua lub neej zoo kawg nkaus hauv Vajtswv txoj kev hlub.

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.