Koj puas tau muaj ib zaug cim civ nug tias yam dabtsi thiaj muaj hwjchim hloov pauv ib yam phem los ua ib yam zoo? Ua neej nyob, muaj ntau zaug peb yuav yooj yim npau taws, ua tsis tau siab ntev, lossis pom tias tsis ncaj ncees. Tiamsis nyob hauv tej kev sim siab ntawd, muaj ib yam uas Vajluskub hais txog yog “ua ntej tshaj plaws” ntawd yog kev hlub. Thaum hnav Vajtswv txoj kev hlub txhua hnub, peb yuav tuav tau txoj kev koom ua ib lub siab thiab coj tau txoj kev kaj siab tiag los.

Hnub no, yog hnub 17/11/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Charmain Hibberd dhau ntawm Zaj kawm KOOM UA IB HAUV TXOJ KEV HLUB

“Qhov uas tseemceeb dua tej ntawd huv tibsi, nej ib tug yuav tsum hlub ib tug tiag tiag. Yog nej ua li no, nej thiaj yuav nyob taus ua ke” (Kaulauxais 3:14).

“Qhov uas tseemceeb dua tej ntawd huv tibsi, nej ib tug yuav tsum hlub ib tug tiag tiag. Yog nej ua li no, nej thiaj yuav nyob taus ua ke” (Kaulauxais 3:14).

Nqe Vajluskub no yog ib feem nyob rau hauv tshooj hais txog lub neej ntseeg Vajtswv. Kuv ntseeg tias yeej tsis muaj ib lo lus twg nws cia li xwb tim tshwm hauv Vajluskub. Yog li, thaum pom Kaulauxais 3:14 siv lo lus “Ua ntej txhua yam,” Tamsim ntawd kuv cia nres thiab xav.

“Yam ua ntej” uas peb tau nqua hu coj yog hnav txoj kev hlub, zoo li hnav ib cev ris tsho txhua hnub. Yog muab xav kom tob dua, koj yuav pom tias feem ntau tej teeb meem thiab kev tsis sib haum hauv lub neej puav leej pib los ntawm qhov uas tsis muaj kev hlub.

Piv txwv, thaum uas muaj ib lub tsheb cia li khiav dhau ntawm peb xub ntiag, ua rau peb yuav tau nres kiag peb lub tamsim ntawd – tsis paub peb puas yuav ua tau siab ntev thiab zam txim nthuav tawm txoj kev hlub pub rau tus tsav tsheb ntawd?

Lossis thaum txoj kev chim ua rau ib tug twg hais tej lus iab, tsis paub peb puas yuav xaiv txoj kev hlub los nkag siab, pauv qhov uas peb cia tej lus ntawd ua rau yus tu siab?

Yog tias txhua hnub peb cia txoj kev hlub tuav peb lub neej ces tej yam tsis zoo yuav dhau los ua tau yam zoo.

Peb muaj cuab kav xaiv ua siab ntev thaum uas muaj ib tug twg cia li txiav peb kev ntawm peb xub ntiag. Pauv qhov uas siv tej lus npau taws, peb hloov los siv tej lus maj mam zam kom tsis muaj kev sib ceg.
Txawm yuav ua dabtsi los, peb kuj txhob ua poob kev hlub. Txhob tswj tsis tau yus tus kheej thiab txhob cia kev npau taws kav. Peb yuav tau xaiv kev hlub los tuav txoj kev koom ua ib lub siab nrog yus tej kwv tij, Thiab nyob kom sib haum xeeb nrog tej neeg deb.

Nqe kevcai loj uas Vajtswv pub rau tib neeg yog pib ntawm kev hlub (Mathais 22:37-38). Ntawm no tsis yog ib lo lus txhawb lossis ib lo lus caw, tiamsis yog ib lo lus samhwm. Kev hlub yuav ua rau muaj nqis tshaj plaws nyob hauv Vajtswv lub tebchaws.

Thaum kuv loj thiab xav kom loj hlob hauv txoj kev ntseeg, kuv pom tias tej yam uas me nyob hauv lub neej no ho yog yam uas peb muab saib zoo zoo- ib yam li txoj kev uas peb ntsib tej teeb meem txhua hnub. Tiamsis yog thaum twg peb coj raws li Vajtswv lub siab nyiam ces tej yam uas cuag li me me ntawd, peb yuav sau tau qhov nqi zog loj nyob hauv Vajtswv lub tebchaws.

Cia li xaiv kev hlub. Ua zoo rau sawv daws. Saib taus kev sib haum xeeb. Thaum ntawd, tag nrho peb txhua tus yuav ua neej nyob hauv txoj kev koom ua ib lub siab, yog yam uas Vajluskub hu tias “ua ntej tshaj plaws”

Yog tias hnub no koj hnov nyuaj nthuav tawm kev hlub rau ib tug twg, lossis rau koj tus kheej, cia li thov kom Vajtswv pub lub zog rau koj dhau ntawm Vaj Ntsujplig, koj yuav muaj kev hlub ib yam li Vajtswv tau hlub peb.

Thov caw nrog kuv peb thov Vajtswv ua ke:
Tus Tswv, ntau zaug kuv hnov nyuaj los hnav txoj kev hlub. Thov zam txim rau kuv vim muaj tej lub sijhawm kuv xaiv ua raws li kuv txoj kev xav tsis zoo. Thov pab kom kuv hlub tau lwm tus ib yam li hlub kuv tus kheej, thiab hlub Vajtswv kom tag nrho kuv lub siab. Hnub no, kuv thov xaiv kev hlub, vim kuv paub tias ntawm no yog txoj kev uas siab tshaj plaws nyob hauv Vajtswv lub tebchaws. Thov Vaj Ntsujplig coj kuv kev kom ua lub neej zoo kawg nkaus. Kuv thov hauv Tswv Yexus Khetos lub npe. Amees.

Cov kwv tij txhua tus, thaum xaiv sib hlub, peb tab tom xaiv yam uas zoo tshaj plaws hauv Vajtswv lub tebchaws. Txoj kev hlub tsis yog tsuas tuav kom peb muaj txoj kev sib raug zoo ua ke nrog Vajtswv thiab nrog tib neeg xwb tiamsis tseem yog txoj kev cia Vajtswv tej koob hmoov ntws los. Ntau zaug, tsuas yog ib nyuag qhov haujlwm me xwb kuj txaus los hloov pauv ib tug neeg lub neej. Yog li, nco ntsoov tias, txhua zaug uas koj xaiv hlub pauv qhov uas npau taws lossis tsis txaus siab, koj tab tom tseb ib lub noob kev kaj siab thiab koob hmoov mus ntev lawm tom ntej.

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.