Dunnia gơlơh bol he in gơdan kờn ală bơta mơ gơ cèng tus: jền priă, tiang pơnrơ, phan mơna, bơta hàm kờn…….mơya hớ ò di la tơnggu lồi dút mơ dô nă cau dòn Yàng in joi jat. Yàng hòi jạ bol he ơn nus kơlôi tus tơnggu dờng màng rlau, dô tơnggu mơ bơh gơ bol he git làm jonau gơtha ngan rài kis di, hớ la geh ơm tòm Yang, geh hưh nus bơh gơs Yang ơm băl mơ rài kis lơh àng gơ klo sơn đan Yang.

Ngai do, ngai 11/01/2025, Bơta Hòi Dan Kơp Ngai dan jà ală ồng mò oh mi bơtê bal jơnau Yàng kơnòm dê bơta dong kơl Escamp dê bơh tơnggume: KÒN KƠP KỜN NCAU RLAU MƠ YÀNG.

“Hơđang trồ, añ gơs ñcau rlau mơ Kơnràñ taih? Ai tòm ù añ ò kòñ bơta lơi ndai rlau mơ Kơnràñ. Bulah poac să mơ nùs nhơm añ siar roh, mơya Yàng Tom Trồ la bơta pràn kơldang nùs añ jê, mơ la pơnah añ jê gam sùm sùm” (Đơs Crih 73:25-26)

La dô nă cau git jak bơh âm nhạc, dul tòm ală bơta kwơ màng rlau jơh mơ ăn neh gơs hớ la dô pơ nah gơtang cassette lời wơl bơta tơmbơh bơr ăn mơ Thomas Andrew Dorsey tòm nam 1977. Tơm bơta tơmbơh bơr hớ, ồng neh yăl wơl oă bơta bơh rài kis is kung be broă lơh nhak ồng di. Ăn ò jai nàng yăl jơh rài kis ồng di, mơya kờn yăl dô êt pơnah kwơ rlau jơh tờm rài kis nhạc sĩ ồng di, la dô nă cau at bộ mpôl đơs chờ, mơ la cau cih chờ.

Thomas Dorsey deh tòm bòn Villa Rica, kơnhwal dềt Georgia, Hoa Kỳ. Tú khai găm la kơnòm dơng, ông gơlơh kờn ngăn đah ntas kơnhê bơh ală cau chài lơh ntas kơnhê gơltau jù tòm bòn Atlanta. Dô êt bơh hớ, ồng ai sơn đăn Georgia Tom mơ sơn tờm ngui piano tom mpôl nhak jazz. Tú ồng 17 nam, ông tus Indiana nàng joi jat bơta âm nhak ông di, Mơ lồi bar nam , ông tus Chicago, cih mat mut tom klờng lơh ntas kơnhê Chicago, nhơl băl mơ mpôl nhak jazz tom bon. Lồi bơh hớ, ông bơt bơtao dô mpôl lơh nhak is khai di, mơ gơlik gơs mpôl nhak lơh broă băl mơ Ma Rainey, la dô nă cau đơs chờ nhak blues tiang pơnrơ.

Nam 1928, ông lơh broă băl mơ cau chài ngui guitar Hudson Whitaker, cih chò mơ đơs dô nơm khà chờ geh kợp nhă sơn rơp tom nhak blues. Tom dô nơm báo cáo, khà chờ hớ geh tack rlau poh tơlak nơm chò . Thomas Dorsey geh kợp la cau cih chờ rlau 450 khà chợ blues mơ jazz, la cau bơt bơtao Dorsey House of Music tòm nam 1932, tiah lơh broă sơn rợp tơlik ală khà chờ ală cau gơs gơltau dụ.

Bulah tiang pơn rơ bơh oă bơta chồng nha, mơya rài kis ông di la dô nơm cơng tàng yăl tơlik dunnia ò ai bơta hon chờ wil tơl gơwet mơ cau dòn Yang in. Ông neh ơm tom bơta kop ji bồ mơ roh bar nam mơ geh bời. Nam 1930, bau ur mơ kon klau pa deh ông di neh sang rài.

Didap bơta gơlong bol glar do. Ông neh cih chờ goh “Take My Hand, Precious Lord” (gơtha la “ Ơ Yàng, Dan tề lam An). Jơnau khà chờ di ràng tơlik bơta lơbơn siou mơ ò tơl pran kon mơ nus di diđap bơta gơlong bol glar rài kis di.

“Tòm tú rài kis gơ hwài gi ga, ơ Yàng dan jơm gòm ãn.
Ãn rngot sền di dê rya dà lềng jơnhoa.
Ãn cù kir tí sền cal rbut, rbut dà lềng tàp dê ơhò.
Dan tề lam ãn, mơ ò lòi ãn lòt is dô nă”

Cau at bộ yau lơgar Mỹ di, Lyndon B. Johnson, neh kơp kờn gơs bơta đơs chờ goh do tom ngai pơjum bồc să tòm ồng di. Khà chờ do kung geh đơs tơm dô ngai mít-tinh bơh Martin Luther King Jr. at bộ lài mơ tú ông neh gơs cau tơn chớt.

lọt găn ală bơta gơlong bol glar hớ , cau nhạc sĩ đăl git Yang kơp kờn lam ông tus bơta tơm gơl. lồi bớ hớ ông đăl git la ông ò rgơi nàng joi jat ală nhak bơh lai mơ ông neh kơp kờn, mơ di ngan la rê wơl nàng duh broă Yang dô bắ don song.

Ồng neh bơt bơtao dô nơm mpôl đơs chờ tom Hiu Jum Goh Báp-tít Pilgrim, la tiah ông neh pơjum. Nam 1993, băl mơ dô êt nă cau lơh broă bal, ồng neh pơjum tom klac ală mpôl đơs chờ tom lơgar. tom bơta tơmbơhbơr nam 1977, ồng neh yăl ồng găm duh broă mơ mpôl đơs chờ bulah ồng neh găm 78 sơ nam.

Ală tú tơngai lồi rài kis di, Thomas Dorse găm gơs oă tiang pơn rơ bơh ală cồng nha mơ ông neh lời wơl âm nhạk jong rơ Yang in. ồng neh gơs oă phan bàn bơh âm nhak dờng lơgar Hoa Kỳ di, mơ geh oă cau cih mat be ală cau gơs tiang pơn rơ âm nhak di. Bulah ồng neh gơs tiang pơn rơ be hớ mơya Thomas Dorse neh yăl la ală broă mơ ồng neh lơh mơ găm gơs la tus bơh Yang Tom Trồ mơ bơh Yang, bơh ală broă Yang di.

Tơm ală chờ geh tiang pơn rơ ông di gơs khà chờ “Peace in the Valley” (gơtha la “Lơ ngai tòm thòng jrô ”). Dô nơm khà chờ tiang pơn rơ làm jơh lơgar. Khà chờ đơs bơh bơta bol glar mơ gơlong bol glar cau dòn Yang neh tip tom rài kis bơta dòn he di, mơ kung neh đơs bơh bơta kơp gơn dờng màng rlau jơh bơh bơta gơklo rài tơnớ. Kon sau Yang di rơp kis tom bơta tơlik mat Belat Kon di găm sum sum, ò găm tai dạ mat hala moat jrung tai. Tiah hớ, ming gơs bơta hon chò mơ lơngai sum sum.

Tom jơh rài kis ồng di, Thomas Dorsey neh cih chờ mơr dô rbô khà chờ jong rơ Yang, lời wơl ală kha chờ niam làm jơh Hiu Jum Goh tom ù mơ ò rgơi roat mơ phăn mơna.

Tom ală tơngai găm kis tơm ù, Thomas Dorsey neh joi bàn tơnggume rài kis ông di. Ồng neh đăl git ală bơta dunnia do ming la ing lơm. dạ croh bơta kis cau dòn Yang di ming joi bàn tom bơta tơm klac băl mơ Bơtau Krist, la taih gơs bơta kơp gơn, bơta lơngai, mơ gơs gơtha wiltơl rài kis in.

Bơh rài kis mơ broă lơh ồng Thomas Dorsey di, gơs bơta bơto tơng kah tom jơnau Yang lah : “ Dunnia bal mơ bơta hàm kòñ is gơ dê gơ rơp roh, mơya cau lơi lơh jat nùs kòñ Yàng Tom Trồ dê gen gam gơs sùm sùm.” ( IJang 2:17)

Yang Tơm trô ngui ală bơta moat jrung mơ roh rui nàng tơm gơl rài kis bol he di, be broă mơ Yang neh ngui ală bơta gơlong bol glar nàng dong kơl Dorsey rê wơl mơ Yang. Bơh ală bơta gơlik gơs be hớ la tú lơm pah nàng cau dòn Yang sang jơh bơta tồi glai mơ geh goh. sang jơh ală bơta ò niam nus Yang mơ broă lơh Yang di gơlik gơs cồng nha niam. Ală bơta bol glar hớ, bulah moat jrung ji sột, mơ la dô bơta broă lơh Yang di ngui nàng long tiêr bơta dòn he di mơ ceng bol he tus bơta wil tơl tom Yang.

Bol he găm kơp gơn bơta lơi dơng rlau tú neh git să tom Yang la Bơtau dong klas mơ ai bol he in bơta kis sum sum? Yang la bơta he kơp gơn nền ci, la bơta pran sum sum tom rai kis kơp nă bol he di. Be cau cih sră Đơs Crih neh ràng tơlik:
“Hơđang trồ, añ gơs ñcau rlau mơ Kơnràñ taih?Ai tòm ù añ ò kòñ bơta lơi ndai rlau mơ Kơnràñ. Bulah poac să mơ nùs nhơm añ siar roh, mơya Yàng Tom Trồ la bơta pràn kơldang nùs añ jê, mơ la pơnah añ jê gam sùm sùm.” (Đơs Crih 73:25-26)

Tú bol he đăl git gơ tha tú geh ơm tom bơta gơtơmklac dêt mêr mơ Yang, jơh ală bơta ham kờn mơ bơta kơp gơn rài do gơlik gơs ò kwơ màng tai. rai kis hon cho la phan ban dơng mơ Yang neh ai bol he in, kung la bơta hưh nus dơng mang rlau jơh kơp nă bol he là cau don Yang.

Dan jà bol he dô nùs bal tòm bơta hòi dan:
Khoai Yang kờn gơboh kon di, kon ưn ngai Yang Bơh Yang la Bơtau dong klas kon di mơ ai kon in rai kis hon chờ sum sum tom Yang. Ơ Yang, ală bơta gơ rê mơ dunnia mìng la ing lơm, mơya tom Yang kon geh joi bàn dạ croh hưh nus mơ bơta lơngai ngan. Xin dong kơl kon tus lơi kung ơn Yang la dớ sơn rợp tom rài kis kon di, ală bơta kon kơp gơn gơwet mơ Yang. dan nus nhờm kon di ò kơp gơn bơta lơi rlau mơ Yang, Tai bơh Yang la bơta pran nus kon di mơ la pơnah tơm rài kis kon di.

Kòn ai sơnđan Yàng Jesu Krist, hòi dan mơ Yàng Bèp. Amen.

Ơ ală ồng mọ oh mi kờn gơboh, dilah rài kis oh mi di lot lam jơh ală bơta gơlong bol glar be nhak sĩ Thomas Dorsey ò ơ? lời té tú jơ nàng sền wơl, ưn ngai Yang, mơ kah té dô bơta gơlong bol glar la dô nơm tú lơm pah nàng ai he in pran kơ dăng tom bơta dòn , nàng oh mi in gơlik gơs sang goh tom rài kis mơ gơlik gơs cồng nha rlau Yang in. oh mi găm ơm tơm bơta bol glar ò ơ? đơs té mơ Yang : “ Ơ Yang! Dăn Dong Kơl kon!”. Oh mi neh lot găn tơm sơn diang gơ long bol glar ò ơ? Kơ nơm té tơ bơta tơlik mat Yang di nàng oh mi lot lam jơh bơta lơ ngai wil tơl tơm Yang. Dăn jơnau Yang di ngai do ai nus nhờm oh mi gơ rê mơ Yang, Yang la bơta he kơp gơn, kơp kờn, mơ kung la bơta hon chờ bol he in kơp tú kơp jơ tom rài kis lot jat mơ Yang.

Ngai do, Bơta Hòi Dan Kơp Ngai dan jà ală ồng mò oh mi iat bar nơm khà chờ goh bơh ông Thomas Dorsey: ”Ơ Yang, Dăn dong Kơl Kon ”mơ“ Lơngai Tom Sơn Diang”. Kơp kờn ală chờ goh do sôr bơtrut bol he mut tơm ngai pa.

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.