Puas tau muaj zaum twg koj cim civ zaum twj ywm rau ntawm ntug hiav txwv, saib dej ntas mus ntas los tsis muaj qhov xaus thiab pom yus lub siab xwb tim cia li sib zog lawm mentsis? Lub sijhawm ntawd tsis yog tsuas yog kaj siab xwb, tiamsis tseem yog ib lo lus ntuas kom kuv nco txog ib qhov tseeb yog: Vajtswv lub siab hlub tshua tsis tu. Dhau ntawm daim duab tej dej ntas tsis tu los rau ntawm ntus dej, tej zaug Vajtswv tab tom ntuas kom peb txhua tus nco ntsoov tias: Vajtswv lub siab khuvleej kuj zoo ib yam li ntawd, tsis muaj hnub so, tsis muaj hnub tas.

Hnub no, yog hnub 08/07/2025, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Byron Bohnert dhau ntawm Zaj kawm NTHWV CUA KHUVLEEJ

Vajluskub: “Tus Tswv txojkev hlub uas ruaj khov thiab nws txojkev hlub tshua yeej muaj tsis paub kawg, Txojkev hlub ntawd muaj txhua hnub, ib yam li lub hnub niaj tagkis tawm tuaj” (Nkauj Quaj Ntsuag 3:22-23)

Koj sim xav saib: daim duab uas dej ntas rau tom hiav txwv los rau tim ntug tsis tu, nthwv no tas rov qab txog lwm nthwv, tsis muaj sijhawm so. Tsis ntev los no, Vajtswv nthuav qhia txog ib qhov tseeb tias: Vajtswv lub siab khuvleej kuj zoo ib yam li tej nthwv cua ntawd: tsis tu, ruaj thiab tsis muaj hnub nres cia.

Phau Nkauj Quaj Ntsuag 3:22-23 sau:
“Tus Tswv txojkev hlub uas ruaj khov thiab nws txojkev khuvleej yeej muaj tsis paub kawg, Txojkev khuvleej ntawd muaj txhua hnub, ib yam li lub hnub niaj tagkis tawm tuaj”

Yog tsis muaj Vajtswv lub siab hlub tshua, tsis paub peb puas tseem nres taus khov kho. Vim thaum Vajtswv npau taws, txoj kev chim ntawd nws tseem loj tshaj cua daj cua dub; tiamsis thaum Vajtswv nthuav tawm Vajtswv lub siab hlub tshua, Vajtswv txoj kev hlub ntawd yuav maj mam thiab mos muag zoo li tej nthwv dej ntas tom hiav txwv.

Vajtswv hlub peb ntau txog qhov uas, txhua zaug peb txhob txwm ua yam uas tsis raws li Vajtswv siab nyiam, ces peb lub siab mob heev. Tsis yog tias tsuas nyuaj siab dhau xwb, tiamsis txoj kev mob ntawd txiav kiag Vajtswv lub siab, ib yam li txoj kev mob siab ntawm ib leej txiv hlub nws tej menyuam tiamsis raug tej menyuam ntxeev siab rau nws.

Koj puas tseem nco thaum uas koj raug koj ib tug txheeb ze ua rau muaj kev tu siab? Yog koj zoo li kuv, tej zaug lub sijhawm ntawd koj nyuaj siab heev. Tsis paub ua dabtsi, tag kev cia siab vim hnov zoo li tsis muaj neeg quav ntsej txog yus. Tej zaug tus twg los twb ntsib dhau tej no. Tiamsis txawm yuav chim npaum twg los, tsuas yog tus tod thov txim xwb, ces peb ho muaj lub siab muag thiab zoo siab hlo zam txim.

Sim tso peb tus Vajtswv rau lub caijnyoog zoo li ntawd, tej zaug peb yuav nkag siab tau ib feem twg ntawm Leej Txiv saum ntuj lub siab. Nws hlub peb ntau heev, thiab Nws xav nthuav tawm nws lub siab hlub tshua tseg rau peb. Txawm yog thaum uas peb ua txhua yam puas tas, Vajtswv yeej zoo siab hlo ntxiv ib lub sijhawm tshiab rau peb.

Thiab yam uas zoo yog, Vajtswv twb cog lus rau hauv 1 Yauhas 1:9 lawm:
“Tiamsis yog peb lees peb tej kev txhaum rau Vajtswv, Vajtswv yog tus ncaj ncees, nws yuav ua raws li nws tau coglus tseg lawm, nws yuav zam peb tej kev txhaum thiab nws yuav ntxhuav peb tej kev txhaum huv tibsi mus”

Tshuav kuv, kuv xav zaum ntawm ntug hiav txwv, hnov tej suab dej ntas thiab cia lub hlwb tsau tsawv rau tej suab ntawd. Txhua zaug uas muaj sijhawm mus tom hiav txwv rov qab los, kuv hnov yus cuag li yog “ib tug neeg tshiab”. Hiav txwv tej zaug yuav txaus ntshai, tiamsis kuj muaj qhov ntsiag to, muaj zog thiab kaj siab, zoo ib yam li tus uas tsim peb los. Tag nrho tej uas muaj nyob rau hauv lub ntiajteb no puav leej nthuav tawm Vajtswv tus yamntxwv, muaj Vajtswv lub cim. Tiamsis nyob ntawm kuv, hiav txwv yog ib daim duab sawv cev meej meej rau Vajtswv, yog lub hauv paus siav, yog lub zog thiab yog kev kaj siab.

Kuv pom tej nthwv dej ntas zoo heev. Txhua zaug uas ntas los txog tim ntug, nws ntsawj ib mentsis suab zeb xyaw ntawm no mus rau qhov tod. Vim yog ua li no hiav txwv tsis muaj ib zaum twg zoo li qub, nws pauv tsis so thiab thaum twg twb pom tshiab. Thiab kuv xav tias, Vajtswv kuj ua ib yam li ntawd rau peb tej kev txhaum. Nws cia tej nthwv cua kev hlub tshua ntsawj dhau ntawm peb lub neej, ntsawj peb tej kev txhaum tawm, kom txhua hnub peb rov qab tau hloov dua tshiab.

Daim duab zoo nkauj ntawd tau pab hu nkauj ntseeg Vajtswv Audio Adreanaline muab tso rau hauv zaj nkauj Ocean Floor. Nyob hauv zaj nkauj, tus sau hais txog tej kev txhaum uas tau ua rau yawg hnov muaj kev txaj muag. Tiamsis, tej qhov yuam kev ntawd piv zoo li tej nthwv dej ntsawj mus, zoo li tej suab zeb raug ntsawj tas txhua zaug uas dej ntas tuaj.

Kuj ib yam li ntawd, txhua hnub Vajtswv xav kom peb saj tau Vajtswv lub siab hlub tshua, zoo li ib txoj kev hlub ua rau kom peb tau hloov dua tshiab tsis tseg thiab nco Vajtswv tshav ntuj zoo li Vajtswv tej lus hauv 1 Xwm Txheej 16:34:
“Cia li ua tus Tswvtsaug, vim nws yogtus zootshaj plaws; Nwstxojkevhlubnyobruaj khovmus ibtxhis tsis kawg”

Thov caw nrog kuv peb thov Vajtswv ua ke
Tus Tswv uas muaj kev hlub, kuv ua Vajtswv tsaug vim Vajtswv lub siab hlub tshua tseg rau kuv txhua taig kis. Ua Vajtswv tsaug txawm yog kuv tsis muaj zog, ua txhaum thiab tig nruab qaum rau Vajtswv los, Vajtswv yeej ua siab ntev tos thiab zoo siab hlo zam txim rau kuv. Ua Vajtswv tsaug vim Vajtswv txoj kev lub, tsis muaj hnub hloov pauv uas Vajtswv tseg rau kuv lub cev no. Thov Vajtswv hloov pauv kuv tus ntsujplig kom txhua hnub kuv muaj lub zog tshiab nplua mias los ntawm Vajtswv los, ib yam li nthwv cua ntsawj dej ntas rau tim ntug tsis tu. Kuv thov hauv Tswv Yexus Khetos lub npe. Amees.

Cov kwv tij txhua tus, tej zaug nyob rau hauv lub neej, peb txhua tus kuj tau yuam kev dua, hnov tias yus tsis tsimnyog. Tiamsis muaj ib yam zoo yog Vajtswv tsis tos txog thaum peb zoo kawg nkaus Vajtswv thiaj hlub peb! Vajtswv hlub txawm yog thaum peb tsis muaj zog, thiab zoo siab hlo ua kom peb muaj lub zog tshiab txhua hnub, yog li, txawm yog nag hmo yuav zoo li cas los, hnub no, koj yeej muaj cuab kav pib tau, nyob rau ntawm Vajtswv tej nthwv cua kev hlub tshua uas tsis txawj hloov ntawd!

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.

bình luận

Trở thành người đầu tiên bình luận cho bài viết này