Nyob hauv lub neej, yuav muaj tej tus neeg tshwm sim tuaj thiab dhau los ua tus phooj ywg nrog peb mus ua ke, tej zaug yuav yog ib tug phooj ywg txheeb, ib tug hauv tsev neeg. Thaum muaj lawv ua rau peb hnov tso siab, sov so. Thiab yog koj twb ntsib dhau qhov uas muaj ib tug neeg pheej caum koj tsis tseg, tej zaug koj yuav saj tau txoj kev zoo siab thaum uas paub tias Vajtswv kuj xav kom tau nyob ze peb. Nws xav kom peb nrog nraim nws, nrog Nws ua ke txhua kaujruam, txhua lub sijhawm hauv lub neej.

Hnub no, yog hnub 10/07/2025, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia LuAnn K. Edwards dhau ntawm Zaj kawm TUS PHOOJ YWG NROG MUS TSHWJ XEEB

Vajluskub: “Tus Tswv, txhua tus uas paub koj, lawv yeej cia siab rau koj; koj yeej tsis muab ib tug twg uas los cuag koj tso tseg li. (Ntawv Nkauj 9:10).

Puas tau muaj zaum twg koj tau ib tug neeg lossis ib tug tsiaj twg pheej caum koj ua ke tas li? Tej zaug nws yog ib tug menyuam yaus raws koj, lossis ib tug tsiaj nws caum koj tsis tseg. Tiamsis… tsis paub koj puas tau raug ib tug os caum koj lawm los tsis tau?

Thaum ntawd, kuv tsev neeg nyob hauv ib lub tsev yug tsiaj me me. Tom peb qab tsev ces muaj ib lub pas dej zoo nkauj. Kuv nyiam mus ncig qhov chaw ntawd, tas zaum ntawm ntug pas dej saib cov vuab kib hauv tawm tuaj. Ntau zaug kuj muaj ob peb tug os dej los da dej ua si. Thiab muaj ib xyoo, kuv pom muaj ib tug os ntuj zoo nkauj heev, nws yog ib tug lau zoo nkauj heev.

Hnub ntawd tus os ntawd cia li tshwm ntawm ntug pas dej. Kuv maj mam txav mus kom ti thiaj tsis ua rau tus os ntshai. Tiamsis kuv nyuam qhuav hais ob peb lo xwb, nws twb ya lawm. Hnub tom qab, kuv sim nqa ob peb daim ntxhais bánh mì nrog. Kuv muab pov rau hauv pas dej, ntsia pom nws nyob deb deb nyiag ntsia, tiamsis tsis kam los noj. Kuv cia nws noj tas rov qab mus rau tom qab tsev, kuv zaum ntawd saib.

Ua mus ua tuaj, qhov uas pub os noj pauv los ua ib txoj kev coj txhua hnub. kuv nqa bánh mì mus, tus os nws ua luam mus deb deb, tos thaum twg kuv los tsev thiaj nyiag kev rov qab los noj. Tsuas yog ob peb hnub tom qab xwb, txhua yam nws txawv lawm. txhua zaug uas pom kuv tawm tuaj, ces nws ua luam los ti kuv. Ua mus ua tuaj nws pib ntseeg siab rau kuv zoo li ntawd.

Thiab kuj zoo ib yam li uas tus os ntawd ntseeg siab rau kuv, peb kuj muaj cuab kav ntseeg siab rau Vajtswv ib yam li ntawd, tus uas nyob ze peb, saib xyuas peb, thiab tsis muaj hnub ua rau peb raug kev puas tshuaj.

Muaj ib hnub tej zaug, tus os nws pom kuv tuaj lig nws tos tsis taus. Thaum kuv nyob hauv tsev, kuv hnov quaj quaj ntawm qhov rai tuaj. Kuv tsa muag ntsia pom nws siv nws tus kaus los txaug txaug daim hlau, ib yam li tab tom “khob” qhov rooj tiag tiag! Tus os tab tom nrhiav kuv, tos kom nws tau noj rau lub sijhawm uas nkawd sib ntsib. Kuv rov qab nco txog Tswv Yexus tej lus hais: “Cia li khob qhov rooj, qhov rooj thiaj yuav qhib rau nej” (Mathais 7:7). Kuv qhib qhov rooj, thiab kuv yeej tsis ua rau tus noog tas kev cia siab.

Ib yam li ntawd, Tswv Yexus zoo siab hlo qhib qhov rooj, txais yuav peb los rau hauv Nws txhais tes. Nws paub peb cheem tsum dabtsi, thiab Nws yuav pab kom txaus nkaus rau peb. Qhov tseem ceeb yog peb yuav tau ruaj siab nrhiav Nws tiag tiag, ntshaw kom tau hnov Nws tejlus, thiab xav tseg lub sijhawm nyob ntawm Nws ib sab.

Muaj ntau tus mus txog qhov twg kuj xav kom muaj tej tsiaj nrog nraim lawv. Tshuav kuv… muaj tus os dej! Muaj qee zaug thaum kuv tab tom nkag los hauv tsev, tig rov qab mus saib pom tus os nws maj mam caum kuv qab. Saib hnov zoo siab heev!

Kuv xav txog Tswv Yexus, Nws kuj xav kom peb nrog Nws mus ua ke ib yam li ntawd. Tswv Yexus hais tias: “Cia li nrog kuv mus…” (Mathais 4:19). Vajtswv nqua hu kom peb nrog Nws mus ua ke txhua hnub, ncaj ncees ua lub neej raws li Vajtswv lub homphiaj sib hlub uas Vajtswv tseg rau peb txhua tus lub neej.
Tiamsis, muaj ib hnub, cuag li tus os nws nrhiav tau yam uas tseem ceeb dua rau nws. nws ya mus thiab tsis rov qab los lawm.

Tshuav Tswv Yexus ces txawv. Thaum peb mus nyob ze Vajtswv, nrog Nws mus, Nws yuav tsis muaj hnub tso peb tseg. txawm peb nyob qhov twg, xav ntsib dhau yam dabtsi, los ntseeg tias Vajtswv yeej nyob ntawd, nrog peb ua ke txhua hnub.
“Tus Tswv, txhua tus uas paub koj, lawv yeej cia siab rau koj; koj yeej tsis muab ib tug twg uas los cuag koj tso tseg li. (Ntawv Nkauj 9:10).

Thov caw nrog kuv peb thov Vajtswv ua ke
Tus Tswv! Kuv ua Koj tsaug rau Koj txoj kev ncaj ncees thiab kev hlub uas Koj pub nplua mias rau peb lub neej. Txawm yog kuv yuav qeeb lossis yuam kev los Koj yeej ua siab ntev tos thiab ua siab mos muag caw kuv tig rov qab los rau ntawm Koj. Thov pub kom kuv muaj lub siab zoo, ntshaw kom tau nrog Koj txhua hnub, ib yam li tus phooj ywg ua ke tsis xav ncaim mus deb. Kuv ntseeg tias thaum kuv nrhiav koj, koj yuav xyab tes los txais yuav kuv. Kuv thov hauv Tswv Yexus Khetos lub npe. Amees.

Cov kwv tij txhua tus, peb sawv daws puav leej ntsib dhau ntau txua kev sib txawv, tiamsis muaj ib yam tab pov yog: thaum peb nrhiav Vajtswv tiag, Nws yuav teb peb tej lus thov. Vajtswv txoj kev hlub tsis hloov, thiab Vajtswv niaj hnub tos peb kom tau nyob ze Nws – nrog tag nrho lub siab. Thaum peb nyob ze Vajtswv, Vajtswv yuav tsis muaj hnub tso peb tseg, nws yuav hlub thiab nrog nraim peb ua ke mus ib txhis.

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.