Tej zaum peb yuav tseg tag nrho ib tiam neej los tos “ib lub sijhawm zoo”: tos txog thaum muaj nyiaj ntau thiaj pib fij nyiaj, thaum twb muaj haujlwm zoo ua nyob hauv lub neej thiaj kam ua raws li Vajtswv lub suab hu. Tiamsis puas tau muaj zaum twg koj xav tias, Vajtswv tsis tau muaj ib zaum twg tos thaum “peb zoo kawg nkaus”? yuav zoo li cas yog yam uas Vajtswv xav siv tsis yog feem uas peb twb muaj txaus siv tsis tas, tiamsis yog feem tsawg nyob ntawm peb thaum uas peb tseemmuaj tsis txaus?

Hnub no, yog hnub 28/10/2026, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Eddie Jones dhau ntawm Zaj kawm TUS POJ NTSUAM LUB NYIAJ NPIB

“Rau qhov lwm tus muab lawv tej nyiaj uas seem coj tuaj tso xwb, tiamsis tus pojntsuam uas pluag pluag no, nws muab hlo ob lub txiaj toog uas nws muaj tuaj tso huv tibsi.” (Malakaus 12:44)

“Yexus nyob ze lub phijxab uas sawvdaws coj nyiaj tuaj tso hauv lub Tuamtsev; Yexus saib cov neeg uas tuaj tso nyiaj. Muaj cov neeg npluanuj ntau leej tso nyiaj ntau ntau rau hauv lub phijxab; thiab muaj ib tug pojntsuam pluag pluag muab ob lub txiaj toog tuaj tso rau hauv. Yexus hu nws cov thwjtim los cuag nws thiab hais rau lawv hais tias, “Kuv qhia tseeb rau nej hais tias tus pojntsuam uas pluag pluag ntawd tso nyiaj ntau dua lwm tus. Rau qhov lwm tus muab lawv tej nyiaj uas seem coj tuaj tso xwb, tiamsis tus pojntsuam uas pluag pluag no, nws muab hlo ob lub txiaj toog uas nws muaj tuaj tso huv tibsi.” (Malakaus 12:41-44).

Muaj ntau zaug Vajluskub qhia rau paub txog Vajtswv tus tshim ntsuas tsis zoo li tib neeg tus ib txwm ntsuas. Nyob hauv zaj xwm cov neeg ua zog hauv vaj txiv hmab tus uas tuaj ua lig lig los yeej txais tau nqi zog nplua mias ntawm tus tswv. Ob npib nyiaj ntawm tus pojntsuam ho muaj nqi dua cov neeg nplua nuj tej nyiaj. Txawm yog yam uas luag suav tias yog neeg tub nkeeg lossis tsis muaj nqis. Tswv Yexus kuj ntsia pom ib qhov muaj nqis txawv. Thaum uas Malis zaum ntawm Tswv Yexus kotaw thiab ua tib zoo mloog Tswv Yexus qhia, Nws hais tias: “Malis xaiv tau yam uas zoo, yog feem uas tsis muaj neeg txeeb ntawm pog mus” (Lukas 10:42).
Nco txog zaj xwm cov npib nyiaj, Tswv Yexus hais: “Rau qhov txhua tus uas muaj lawm, yuav muab ntxiv kom lawv muaj nplua mias; tiamsis tus uas tsis muaj, txawm yog nws muaj mentsis xwb los yuav muab rho ntawm nws mus” (Mathais 25:29). Mloog li ntawd, peb yooj yim xav tias: “Yog Vajtswv xav kom peb fij ntau dua, ces Vajtswv yeej yuav muab nyiaj, sijhawm thiab dag zog ntau ntxiv rau yus.” Tiamsis ntau zaus, tej ntawd tsuas yog qhov kev xav ntawm ib tug neeg uas qaug zog zis txog qhov uas nws saj tsis tau Vajtswv ua tus tu nws lawm.

Tej zaum peb pheej xav tias yus cheem tsum “ntxiv” thiaj yuav ua tau ntau yam dua. Tiamsis Vajluskub ho ua rau peb pom txawv. Paulus lub neej tsis yog tsuas ua rau peb pom thaum lub caijnyoog zoo lossis muaj txaus txhua yam. Yawg sau hauv 2 Kauleethaus 4:8 tias: “Peb niaj hnub raug kev nyuaj siab, tiamsis peb tsis pooh siab; muaj qee zaus peb kawg tswvyim, tiamsis peb tsis tws kev”.

Tej uas Paulus ntsib dhau ua rau nws tsis tos txog thaum txhua yam dhau los muaj nqis tas thiaj ncaj ncees rau tej haujlwm Vajtswv cob. Tiamsis peb ho pheej yws: “Thaum twg Vajtswv xav kom kuv ua tej no, ces Vajtswv mam muab ntxiv rau kuv.” Mloog cuag li yog, tiamsis tom qab lo lus nug ntawd ntau zaug ho yog ib qhov kev tsis txaus siab: tej uas Vajtswv pub yeej tseem tsis tau txaus, Vajtswv txoj kev pab yeej tseem tsis tau txaus, Vajtswv txoj kev hlub yeej tseem tsis tau txaus. Thiab yog pheej xav li ntawd, yeej txawv tsis deb thaum uas peb xav hais tias txawm yog tej uas Tswv Yexus ua pub rau peb los yeej tseem tsis tau txaus siab ua rau peb mloog Nws lus.

Lwm tus muab lawv tej nyiaj seem “tso rau hauv lub xab” fij nyiaj. Tshuav tus pojntsuam “fij tag nrho” tej uas pog muaj. Tshuav peb ces zoo li cas? Peb puas tau muab tag nrho peb lub siab rau tej haujlwm uas Vajtswv cob rau peb lawm tau? Peb puas tau tseg lub sijhawm txaus, dag zog nrog rau lub siab hlub tshua thiab txojsia mus qhia rau lwm tus lawm tau? Lossis peb tseem yuav tos ib lub suab hu meej meej lossis ib lub sijhawm loj txaus thiaj kam nqes peev ua?

Peb tus Vajtswv Nws pib ntawm tej yam uas yooj yim: ib txoj haujlwm me, ib qhov nyiaj fij tsawg tsawg twb tsis ntau npaum cas, lossis ib qhov haujlwm ua twjywm tsis muaj leej twg paub txog. Tiamsis twb yog nyob hauv tej yam me me ntawd, tej haujlwm hauv Vajtswv lub tebchaws ho tau txhawb nqa thiab loj hlob. Vajtswv pub rau peb txhua yam uas peb cheem tsum. Peb feem yog txaus siab hlo muab fij rau Vajtswv tag nrho tej uas yus tab tom.

Thov caw nrog kuv peb thov Vajtswv ua ke: Tswv Yexus, ua Koj tsaug vim Koj yog tus nkag siab kuv lub siab. ntau zaug kuv pheej xav tias yuav tau cheem tsum sijhawm, ntxiv peev xwm lossis nplua mias dua thiaj yuav ua tau Vajtswv haujlwm. Thov zam txim thiab cob qhia kuv, kom kuv muaj lub siab zoo li tus pojntsuam pluag ntawd, paub ntseeg Vajtswv thiab zoo siab hlo fij txhua yam uas yus muaj rau lawv. Thov siv feem uas me tshaj ntawm kuv fij rau Nws, thiab pab kom kuv ncaj ncees rau txhua yam uas Vajtswv muab cob rau kuv hnub no. Kuv thov hauv Tswv Yexus Khetos lub npe, Amees.

Cov kwv tij, tej zaum hnub no peb tsis tas yuav tos kom yus muaj sijhawm txaus mam pib. Saib tej uas Vajtswv tso rau hauv yus txhais tes hnub no, txawm yog tsuas yog ib me ntsis sijhawm xwb, nyiaj txiag lossis tej koob hmoov me me twg ntawd. Tej zaum tej ntawd yeej tsis ntau npaum li tej uas peb qhov muag pom, tiamsis Vajtswv yuav siv tej me me ntawd los ua kom ntau tshaj peb txoj kev xav. Tej uas peb tab tom tuav yeej tsis tau yog qhov kev txiav txim. Qhov tseem ceeb yog tsis paub peb puas kam muab rau Vajtswv txhua yam uas yus tab tom muaj?
Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.

bình luận

Trở thành người đầu tiên bình luận cho bài viết này