Thaum luag dai cov teeb zoo li lub taub dag pib tshwm txhua qhov ntawm tej chaw muag khoom thiab puv npo saum fuab cua puv nkaus, koj hnov zoo licas? Kub siab lug, ua xyem xyav, lossis yeej tseem muaj kev khuam siab? Niaj hnub no, Halloween tau tib neeg saib zoo li ib lub caij rau lawv muab lawv tus kheej hloov mus ua lwm tus thiab ua si. Nyob ntawm cov ntseeg, ntawm no yog ib lub caij tseg rau peb ua tib zoo xyuas, tshwj xeeb yog tej menyuam yaus kuj mus ua tej no thaum uas lawv tsis tau nkag siab tag nrho txhua yam, lawv kuj tsis paub txog tej kev phomsij uas yuav tshwmsim tuaj. Yog li peb yuav coj li cas kom thiaj tuav tau yus lub siab nyob hauv txoj kev kaj siab, thiab ke tiv thaiv tau thiab thov Vajtswv rau cov menyuam?

Hnub no, yog hnub 29/10/2026, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Cathy Irvin dhau ntawm Zaj kawm KEV XAIV

“Cia siab rau tus Tswv kom kawg koj lub siab lub ntsws. Tsis txhob cia siab rau koj tej kev txawj ntse.” (Pajlug 3:5)

Lub caij Halloween rov qab los txog dua. Tej chaw muag khoom puv npo tej ris tsho thiab tej ntsej muag cuav: tej taub hau neeg muab riam chob, tej txhais tes cuav lo ntshav li, nas tuag, nrog rau ntau tus neeg cuav txaus ntshai, dab ntxwgnyoog thiab tej daim duab txaus ntshai.

Kuv cov menyuam xeeb kuj tab tom yuav mus ua si rau lub caij Halloween, mus koom txoj kev ua si “muab qe thaj lossis raug zes”. Kuv tsev neeg tsis xav tej menyuam hnav cov ris tsho txaus ntshai, kuv thiaj mus xaiv tej ris tsho zoo me ntsis.

Xyoo dhau los kuv tus ntxhais xeeb muaj plaub xyoos nws txia ua ib tug ntxhais vajntxwv. Nws taij kom tau rau nkawm khau pob taws siab, tias peb paub tias nws yuav mus tsis tau deb thaum rau nkawm khau no. thaum kawg nws thiaj txiav txim rau khau thể thao, tiamsis nyuam qhuav mus tau ib ntu xwb nws twb pib nroo mob thiab nkees lawm. Yog tias tseem rau khau pob taws siab thiab, tej zaum nws yuav tiv tsis taus.

Tsaus ntuj hnub ntawd yog ib qhov uas ntxhov nyho. Kuv tus ntxhais xeeb tsis kam mus rau hauv cov tsev uas ua txaus ntshai, nws pheej nkaum nraum kuv nruab qaum thaum mus dhau. Kuv hais rau nws tias tsis tas mus kom txog ntua ntawm qhov rooj, kuv hais rau nws tias tej ntawd tsis muaj tseeb.

Saib nws thaum ntawd, kuv cim civ nug ib tug menyuam yaus li ntawd nws xav li cas thaum uas ib ncig nws puav leej yog cov neeg uas txaus ntshai li ntawd. Tej zaum nws tseem tsis tau paub cais tias qhov twg yog ua si, qhov twg yog phomsij. Nws tsuas paub tias yus tab tom ntshai, thiab thaum ntshai lawm, nws nrhiav cov laus nkaum rau hauv tej laus.

Qhov kev xav no ua rau kuv lub siab ntshaus ntsho. Me nyuam yaus cheem tsum tej neeg loj ntau dua li qhov uas peb xav. Lawv cheem tsum tau coj kev, tiv thaiv. Thiab ua ntej tshaj plaws, lawv cheem tsum tej laus paub muab lawv fij rau Vajtswv los ntawm txoj kev thov Vajtswv.

Yog li, hnub ntawd kuv txiav txim mus ib ncig lub nroog ntawd, thiab thov Vajtswv ncig lub nroog thov Vajtswv rau tej menyuam uas tab tom ua si nraum zoov, thov Vajtswv tiv thaiv lawv thiab tiv thaiv tej menyuam yaus. Feem ntau kuv tsis mus ua si rau tej lub txhij chim li ntawd, ntawm no yog thawj zaug uas kuv nrog cov xeeb ntxwv mus ncig lub nroog nrog sawv daws ua ke.

Txhua xyoo, lo lus nug ntawd tig rov qab los txog kuv: “Peb puas yuav zoo nrog cov menyuam mus lossis nyob hauv tsev? Yuav kaw qhov rooj lossis qhib qhov rooj kom muaj sijhawm qhia Vajtswv?”

Kuv xav tias txhua tsev neeg nyias muaj nyias kev xaiv ntawm Vajtswv xub ntiag. Vajluskub yeej tsis muaj ib qhov kev taw kev twg meej meej rau tej lub sijhawm zoo li no. tiamsis txawm yog peb yuav txiav txim li cas los, muaj ib yam uas tsis tsimnyog hnov qab yog: yuav tau thov Vajtswv rau tej menyuam mos.

Kuv yeej tseem nco ib zaj xwm tshwmsim thaum uas kuv nyuam qhuav ntseeg Vajtswv.

Muaj ib hmo, muaj ib tug menyuam nkag los hauv kuv tsev thov thaj. Saib lub ntsej muag cuav uas nws coj, kuv hais tias:

“Pog yuav muab thaj pub tsis tau dab”.

Nws hle hlo nws lub ntsej muag cuav thiab teb:

“Pog, kuv tsuas ua txuj xwb. Kuv yog ib tug menyuam yaus tiag. Pog thov koj pub ib cov thaj rau kuv os?”

Kuv cia li luag.

Tiamsis kuv pom tias nws mus ib leeg. Tsis muaj niam txiv lossis neeg laus nrog ua ke nyob tos. Thaum ntawd, kuv tsis quav ntsej txog nws lub ntsej muag cuav lawm. Ntawm kuv xub ntiag yog ib tug menyuam mos tab tom taug kev hauv qhov tsaus ntuj tsis muaj neeg nyob ib sab.

Kuv teb: “Tau mas!” tas kuv muab ib cov thaj cev rau nws, hais kom ua zoo ceev faj thiab nrhiav tej phooj ywg nrog mus ua ke.

Tej duab, lossis tej tus duab txaus ntshai thaum kawg kuj yuav raug tshem mus thaum uas Halloween xaus. Tiamsis sab nrauv yeej yog ib qhov kev phomsij tiag uas tej menyuam yaus lawv tsis tau muaj peev xwm paub lossis cim civ tiv thaiv lawv.

Yog li, yam uas tshua txog tsis yog xaus ntawm puas zoo cia tej menyuam mus koom Halloween. Peb yuav tau cim civ nug yus puas tab tom nyob ib sab, mloog, tiv thaiv thiab thov Vajtswv rau tej menyuam.

Vajtswv tej lus nyob hauv Pajlug 3:5-6 sau:

“Cia siab rau tus Tswv kom kawg koj lub siab lub ntsws. Tsis txhob cia siab rau koj tej kev txawj ntse. Txhua yam uas koj ua koj yuav tsum nco ntsoov tus Tswv, nws thiaj yuav coj koj taug txojkev uas yog txoj tseeb.”

Thaum sawv ntawm tej kev xaiv uas peb tsis paub tias yuav ua li cas, yuav tau nrhiav Vajtswv pauv qhov uas tsuas vam khom rau yus tus kheej txoj kev nkag siab. cia Vajtswv tej lus ci rau hauv yus txoj kev xav, kom txoj kev txawj ntse los ntawm Vajtswv los taw kev rau peb.

Kaulauxais 3:15a kuj qhia tias: “Cia Yexus Khetos txoj kev kaj siab nyob hauv nej”.
Pauv qhov cia txoj kev txhawj ntshai txiav txim rau yus yuav coj li cas, peb yuav tau nrhiav Vajtswv ua tus coj, tuav peb lub siab kom muaj kev kaj siab thiab xaiv yam uas ntse tshaj los tiv thaiv tej menyuam.

Thov caw nrog kuv peb thov Vajtswv ua ke: Vajtswv yog Leej Txiv muaj kev hlub, ua Vajtswv tsaug vim Koj yog tus tu thiab tiv thaiv kuv lub neej. Hnub no, kuv thov fij tej menyuam nyob ib ncig kuv rau koj. Thov Vajtswv tiv thaiv cov menyuam dhau ntawm tej yam ua rau lawv ntshai, tej yam tsis zoo, nrog tej kev phomsij uas cov menyuam lawv tsis paub. Thov Vajtswv pub rau cov neeg uas ua txiv, ua niam, thiab yog pog yawg kom muaj kev txawj ntse qhia tej menyuam thiab tiv thaiv cov menyuam. Thov Vajtswv qhia rau lawv kom lawv paub nrhiav Vajtswv ua tus coj thiab ua lub neej zoo li Tswv Yexus tus duab ci hauv ntiajteb. Thov Vajtswv txoj kev kaj siab kav kuv lub siab thiab coj kuv mus raws li Vajtswv lub siab nyiam txhua hnub. Kuv thov hauv Tswv Yexus Khetos lub npe, Amees.

Cov kwv tij txhua tus, txawm yog koj yuav xaiv nyob hauv tsev lossis nrog tej menyuam mus koom kev ua si Halloween los, thov kom txhob hnov qab yam uas tseem ceeb dua yog: nyob ntawm tej menyuam, tiv thaiv lawv thiab thov Vajtswv rau lawv. Vim tej menyuam tseem yau lawv tseem tsis tau paub tej kev phomsij ib ncig yus, lawv cheem tsum tej neeg laus tuav lawv tes, thiab peb kuj yuav tau kawm ntseeg siab rau Vajtswv, ntseeg nws coj peb dhau ntawm txoj kev uas peb tab tom taug.

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.

bình luận

Trở thành người đầu tiên bình luận cho bài viết này