Yog li ces hnub Halloween kuj los txog. Nyob rau sab ntuj tsaus, tej menyuam lawv yuav hnav ris tsho cuav mus ntawm lub tsev no rau lwm lub tsev thov thaj, khob qhov rooj qw nroo ntws “muab thaj los yog cia raug dag!” Raws li ib txwm, tsev neeg twg taws teeb nraum zoov ces txhais tias tsev ntawv zoo siab txais tos tej menyuam, tshuav tua teeb yog lub cim qhia paub tias lawv tsis koom tes rau. Nyob hauv qhov ntuj tsaus ntawd tis nrog daim duab zoo li dab thiab qhov tsaus ntuj, tus ntseeg Vajtswv puas yuav tas ntshai lossis nrhiav kev khiav nkaum tag nrho? Peb yuav tau ua tib zoo saib thiab coj li cas thaum uas ntsib ib lub txhij chim zoo li no?

Hnub no, yog hnub 30/10/2026, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Cathy Irvin dhau ntawm Zaj kawm TXHOB NTSHAI KEV TSAUS NTUJ

“Ib yam li ntawd, nej yuav tsum ci rau sawvdaws porn tej haujlwm zoo uas nej ua, lawv thiaj yuav qhuas nej Leej Txiv tus uas nyob saum ntuj ceebtsheej.” (Mathais 5:16).

Tom qab txoj kev zoo siab ntawm lub caij Halloween, muaj ntau yam ua rau peb yuav tau xav. Txawm yog tej menyuam yaus lawv kub siab lug tos hmo no los, tsis paub nws puas yuav tso siab tiag? Thiab cov ntseeg Vajtswv puas yuav zoo mus koom tej hnub zoo li no?

Ntawm kuv, kuv xav tias cov Pawg Ntseeg muaj cuab kav npaj ib lub rooj sib ntsib tseg rau tej menyuam yaus pauv qhov uas cia lawv mus ua si sab nraud. Hauv tuam tsev, tej menyuam yeej muaj kev ua si, txais tau qe thaj, haus dej qab zib, ua si ua ke nyob hauv ib qhov chaw tso siab lug, zoo dua.

Yog li cov neeg uas tsis muaj menyuam mos ne lawv yuav coj li cas nyob rau lub txhij chim zoo li no? Peb yuav suav tias ntawm no yog ib lub sijhawm nrog tej menyuam yaus hauv Pawg Ntseeg ua ke, lossis nrhiav dua lwm txoj kev nws zoo dua los nthuav tawm kev hlub thiab dhau los ua qhov pom kev rau Vajtswv nyob hauv tej haujlwm uas tab tom tshwmsim ib ncig yus?

Tswv Yexus nqua hu kom peb nthuav tawm Nws tus duab tshav ntawm sawv daws xub ntiag, kom lawv pom tej haujlwm zoo uas peb ua. Txhua tus cheem tsum ntsia pom Vajtswv txoj kev hlub dhau ntawm peb lub neej. Tshuav cov menyuam yaus, lawv tseem tsis tau paub tag nrho tej uas yus ntsib, yog li lawv cheem tsum tej neeg laus hlub, coj lawv kev thiab tiv thaiv lawv.

Kuv twb muaj zaum hloov cev mus rau tom tsev kho mob tseg rau cov menyuam yaus mus faib thaj rau tej menyuam uas lawv mob ntshav qab zib. Kuv kuj mus rau hauv Pawg Ntseeg pab cov menyuam. Tiamsis kuj muaj tej xyoo kuv tua teeb, nyob twj ywm hauv tsev. Tej zaum kuv twb sim dhau txhua txoj kev lawm.

Xyoo tas los, kuv tus ntxhais thiab kuv tus xeeb ntxwv xyaum kuv nrog lawv mus ua si hmo Halloween ntawd. Hmo ntawd, peb ua tib zoo saib cov menyuam tshuaj tej pob thaj uas lawv txais tau, thiab yuam kom lawv tsis txhob mus rau hauv tej tsev neeg uas lawv tsis paub.

Muaj ib zaug muaj ib tug yawg laus qhib qhov rooj thiab hu cov menyuam mus nqa thaj. Kuv cia li hais tias: “Thov txim yawm, peb twb hais kom tej menyuam txhob nkag rau hauv tus uas lawv tsis paub lub tsev lawm, yog li thov cai cia cov menyuam nyob nraum zoov xwb os.” Yawg hnov li ntawd, nws ncaws ncaws hau thooj yim thiab nqa thaj tawm nraum zoov faib rau cov menyuam. Thaum peb mus lawm, kuv xav twj ywm tias thov kom yawg kuj nkag siab tias vim li cas peb ho ua zoo li ntawd.

Kuv tseem hais rau tej menyuam ib ncig ntawd tias tseem tshuav ntau yim lawv tseem yuav faib thaj thiab, yog li tsis tas yuav maj nroos nqa ntau.

Tsis ntev xwb, kuv cim civ nug: “Yus tawm mus nraum zoov hmo no ua dabtsi?” Tas kuv pom tias yus muaj cuab kav siv lub sijhawm ntawd ke mus ke thov Vajtswv rau tej menyuam tab tom ua si sab nraud. Kuv thov Vajtswv rau tej menyuam yaus, rau cov tsev neeg nyob hauv lub nroog ntawd, thiab tag nrho cov neeg uas qhib qhov rooj tos tej menyuam.

Thaum taug kev mus, kuv kuj pom muaj qee tsev neeg muaj kev ntseeg li kuv. Lawv qhib qhov rooj sab nrauv faib thaj, tiamsis lawv tsis muaj dai tej daim duab dab nyob hauv lawv lub tsev ua kom txaus ntshai. Kuv pom lawv ua tib zoo hais rau tej menyuam yaus: “Vajtswv foom hmoov rau nej!” tas yuam kom cov menyuam ceev faj sib tuav tes mus.

Peb tsis cia tej menyuam coj tej lub ntsej muag zoo li dab, thiab lawv tus kheej kuj tsis xav mus ti tej lub tsev dab uas txaus ntshai. Yam dabtsi ua rau lawv nyiam tsuas yog lawv xav pom tej cev ris tsho sib txawv, txais qe thaj tas zoo siab rov qab los tsev.

Yog li kuv puas txhawb nqa txoj kev noj haus zoo siab rau hnub Halloween lossis txais yuav tej yam uas nws txuas nrog qhov tsaus ntuj uas yog kev phem? Yeej tsis txais. Tiamsis kuv xav siv lub sijhawm no zoo li ib lub sijhawm los nthuav tawm Tswv Yexus txoj kev hlub rau tej neeg ib ncig? Lo lus teb tias muaj.

Kuv xav ua yam zoo rau lub ntiajteb uas tseem tshuav ntau yam tsaus ntuj nti thiab xaiv tawm hauv Tswv Yexus qhov pom kev mus kom tau ci dhau ntawm yus lub neej. Tej zaum kuv tsuas muab ib qhov khoom plig me me yuav ntawm cov tsev muag ntawv ntseeg Vajtswv, ib daim lus tim khawv hais txog Tswv Yexus txoj kev hlub, los yog tej xov xwm qhia kom lawv paub zoo txog lub txhijchim Halloween, nrog rau ib me ntsis thaj ntawm qhov rooj. Txawm yog yuav xaiv txoj kev twg los, kuv kuj tsis xav kaw qhov rooj thiab sawv sab nrauv.

Vim Tswv Yexus nqua hu kom peb ua lub neej kom lwm tus ntsia pom Tswv Yexus qhov pom kev dhau ntawm tej haujlwm zoo peb ua. Nws teb: “Ib yam li ntawd, nej yuav tsum ci rau sawvdaws porn tej haujlwm zoo uas nej ua, lawv thiaj yuav qhuas nej Leej Txiv tus uas nyob saum ntuj ceebtsheej” (Mathais 5:16).

Yauhas 3:21 kuj ntuas kom peb ua raws li qhov tseeb ces “mus rau ntawm qhov pom kev”. Yog li, pauv qhov uas cia txoj kev ntshai ua rau peb nkaum, kuv xav xaiv mus hauv qhov pom kev thiab cia qhov pom kev ntawv tau nthuav tawm nyob hauv lub ntiajteb uas tseem tshuv qhov tsaus ntuj nti.

Thov caw nrog kuv peb thov Vajtswv ua ke: Tswv Yexus, kuv ua Koj tsaug vim Koj txoj kev hlub thiab tiv thaiv nyob hauv kuv lub neej txhua hnub. Thov pub rau kuv muaj kev txawj ntse kom paub xaiv yam uas zoo haum Vajtswv siab nyob hauv tej yam uas kuv tseem ua xyem xyav thiab tsis tau paub tseeb. Txawm yog tab tom nyob hauv qhov kev tsaus ntuj los, thov Vajtswv pab kom kuv tsis hnov qab tias kuv yog tus nyob hauv qhov pom kev. Thov siv kuv lo lus hais, tej haujlwm thiab txoj kev coj noj coj ua rau lwm tus kom nthuav tawm Vajtswv txoj kev hlub, kom qhov pom kev ntawd ci mus rau txhua tus dhau ntawm kuv lub neej. Kuv thov hauv Tswv Yexus Khetos lub npe, Amees.

Cov kwv tij txhua tus, txhua tsev neeg tej zaum nyias yuav xaiv nyias ib txoj kev txawv rau hmo no: nyob hauv tsev, coj tej menyuam mus nraum zoo, lossis mus koom ib lub rooj npaj tseg twg nyob hauv Pawg Ntseeg los xij. Qhov tseem ceeb yog peb yuav tau thov Vajtswv, ua tib zoo xaiv thiab ua haujlwm raws li lub siab qhia ncaj ncees nttawm Vajtswv xub ntiag. Tej zaum xyoo no koj yuav xaiv txoj kev no, xyoo tas los koj yuav pom lwm txoj kev phim dua. Tiamsis txawm yog koj yuav xaiv li cas los, cia Vajtswv txoj kev hlub, kev txawj ntse thiab qhov pom kev tau nthuav tawm dhau ntawm txoj kev uas ua koj ua koj lub neej. Kom nyob rau hauv qhov tsaus ntuj no, Vajtswv tus duab tshav yeej ci dhau ntawm peb lub neej.
Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.