Khiav mus khiav los, siv txhua feeb, thaum twg twb maj nroos, ceev nrooj – ntawm no yog sawv daws qhov teeb meem tam sim no! Muaj tej hnub, cuag lub neej no yeej tsis muaj ib feeb twg tau so. Ua qhov no tas twb txog lwm qhov tshwm tuaj, hauv kuv lub taubhau thaum twg twb muaj lub suab tshoov kom kav tsij tsuag tsuag: “Maj nroos, kav tsij tsuag tsuag, mus os!” Muaj tus tau nug tias: “Peb yog tib neeg xwb, tsis yog ib lub lwb hlau tsuas paub ua haujlwm xwb.” Nyob hauv ntau txoj haujlwm yuav ua, tsis paub peb puas hnov qab txoj kev ua neej tiag – ua neej kom zoo kawg nkaus thiab zoo siab txais yuav tej koob hmoov uas Vajtswv pub?

Hnub no, yog hnub 01/11/2026, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Gene Markland dhau ntawm Zaj kawm TAU TSIM LOS KOM UA NEEJ ZOO KAWG NKAUS

“Yog li ntawd, nej yuav tsum ua zoo kawg nkaus ib yam li nej Leej Txiv tus uas nyob saum ntuj ceebtsheej, nws yog tus zoo kawg nkaus.” (Mathais 5:48)

Nyob hauv txoj kev ua neej maj nroos li tamsim no, peb yooj yim raug nqus mus rau hauv lub neej qaug zog zis rau nyiaj txiag, mov noj, thaum twg twb xav yus “yuav tau ua qhov no, ua qhov tod”. Tas, nyob hauv qhov kev maj nroos ntawd, peb hnov qab ib yam tseem ceeb: Vajtswv tsim peb txhua tus los ib leeg muaj ib tug cwjpwm txawv, tsis muaj leej twg zoo sib thooj. Vajtswv tsis tsim peb los kom niaj hnub khiav caum txoj haujlwm no tas txog lwm txoj haujlwm, tiamsis cia peb ua ib lub neej kom puv nkaus li uas Vajtswv tau pub rau peb. Peb tau tsim los ua neej, tsis yog tsim los tsuas yog ua haujlwm xwb.

Tsis yog tias ua ntau txoj haujlwm ces yuav zoo, Vajtswv xav pom peb muaj lub neej tau hloov pauv nyob hauv Nws. Tswv Yexus hais tias: “Yog li ntawd, nej yuav tsum ua zoo kawg nkaus ib yam li nej Leej Txiv tus uas nyob saum ntuj ceebtsheej, nws yog tus zoo kawg nkaus.”

Peb pheej xam mus xam los, siv zog ua txhua yam kom tau tej uas yus ntshaw hauv lub neej. Peb ua tas zog, ua txoj haujlwm no tas txog lwm txoj cia siab tias yuav haum Vajtswv siab. Tiamsis yam uas Vajtswv xav tau tiag tiag tsis yog tej uas peb ua rau Vajtswv tiamsis yog peb txoj kev nrog Vajtswv sib raug. Kuv maj mam nkag siab tias, ua ntej xav txog tej uas yus yuav ua tau rau Vajtswv, kuv yuav tau kawm nyob hauv Vajtswv thiab so hauv Vajtswv txoj kev tshwm ntsej muag.

Kuv thov Vajtswv siv Nws cov ntshav los ntxuav kuv thiab tshwj kuv tawm rau Vajtswv, tshuaj tej qhov chaw uas tob hauv siab thiab ua kom huv yam uas tseem qias hauv kuv lub neej, ntawm tus ntsujplig, lub hlwb thiab tag nrho kuv lub cev. Txawm yog yus paub tias yus yog Vajtswv tug thiab twb txais tau kev cawmdim lawm los, kuv pom tias Vajtswv yeej tseem tshuaj thiab ntxuav yam uas nyob tob tshaj hauv kuv lub siab – zoo li ib chav tsev twb muab so kom huv si, tej qhov chaw siab uas tseem tshuav kab zaug cab sab. Vaj Ntsujplig, tus tshuaj tej qhov tob ntawd taw rau kuv pom tej uas cheem tsum tau ntxuav. Dhau ntawm Vajtswv qhov haujlwm hloov pauv, tej yam uas tseem dawm ntawd raug muab rhuav tshem, kuv dhau los ua ib laujkaub huv si, tseg rau Vajtswv siv.

Kuv kawm tau txoj kev tswj tus kheej kom dawbhuv zoo li lub laujkaub, kom Vajtswv siv kuv thiab ua Vajtswv tej haujlwm hauv kuv. Kuv feem yog ua neej, tshuav Vajtswv feem yog ua haujlwm. Pauv qhov uas siv zog ua txhua txoj haujlwm los ntawm yus lub zog, kuv kawm ua neej nyob hauv Vajtswv thiab cia Vajtswv ua haujlwm dhau ntawm kuv lub neej.

Kuv paub ib tug neeg dhau los thaum twg nws twb ua kom tej neeg ib ncig qhuas nws. Nws siv zog ua rau tej ntxhais pom nws. Nws lub hlwb thaum twg twb yog siv zog ua kom zoo tshaj, pauv qhov uas ua kom dhau los ua ib tug neeg zoo dua. Thaum kawg yawg yim siv zog, nws ho yim ua rau luag txav deb nws. Qhov no nws yuav tau nkag siab tias: Yuav tau ua lub neej kom zoo rau Vajtswv, tas lwm tus yuav pom tias qhov ntawd tsis tas koj yuav siv zog ua rau lwm tus pom.

Paub tias, muaj homphiaj nyob hauv lub neej yog zoo, tiamsis txhob pheej maj nroos tig mus rau tom ntej ua rau koj hnov qab saib taus yus tus kheej, thiab zoo siab txais yuav tej uas tab tom muaj tamsim no. Koj lub neej tamsim no, ntawm no, nws muaj nqis heev! Txhob cia peb lub siab pheej xav ntsoov txog taig kis “Yog li ntawd, nej tsis txhob txhawj rau tagkis, rau qhov tagkis yeej muaj kev txhawj txaus rau tagkis lawm. Kev nyuaj siab hnub twg yeej muaj txaus rau hnub ntawd, tsis tas yuav mus nrhiav kev nyuaj siab los ntxiv” (Mathais 6:34). Yuav tau ua tej uas Vajtswv tab tom ua hnub no, pauv qhov ua rau peb lub siab tsis muaj kev kaj siab vim taig kis yeej tsis paub tej xwm dabtsi yuav tshwmsim tuaj!

Paulus hais tias nws kawm tau txoj kev txaus siab rau txhua yam: “Kuv hais li no tsis yog kuv yws hais tias tsis muaj neeg hlub kuv, txawm yog kuv yuav nyob li cas los kuv yeej nyob tau. Kuv twb paub lawm hais tias, thaum tsis muaj noj tsis muaj hnav zoo li cas thiab thaum muaj ntau lawm ho zoo li cas. Kuv yeej paub tej uas tsis. yoojyim totaub no, tsis hais kuv nyob qhov twg thiab lub sijhawm twg, yuav tshaib yuav tsau, yuav muaj ntau muaj tsawg los kuv yeej tsis txhawj. Vim Yexus Khetos txhawb kuv lub zog, kuv thiaj tiv taus txhua tsav yam huv tibsi.” (Filipis 4:11-13).

Yuav tau saib taus qhov khoom plig muaj lub npe “hnub no”. Vajtswv tau tsim koj los zoo kawg nkaus. Vajluskub qhia paub tias Vajtswv paub zoo Vajtswv lub homphiaj tseg rau koj – lub homphiaj muaj kev kaj siab, tsis yog teeb meem. Nws kuj paub zoo tej kev ntshaw nyob hauv koj lub siab thiab tej kev ntshaw uas Vajtswv tso rau hauv koj lub neej. Tej haujlwm zoo uas Vajtswv pib ua nyob hauv koj, Nws yeej tseem yuav ua mus kom txog rau thaum tiav log. Tej zaum tamsim no koj tseem ntsia tsis tau pom tej ntawd, tiamsis Vajtswv tej lus cog tseg hnub no yeej tsis hloov pauv. Ua siab ntev thiab sawv khov kho. Koj yuav pom Vajtswv tso koj dim.

Tej zaum koj cheem tsum Vajtswv tso koj dim hauv lub sijhawm muaj kev txomnyem, lossis koj tsuas xav txog ib lub neej zoo dua tamsim. Txawm yuav zoo li cas los, nco ntsoov tias Vajtswv tsim txhua yam nyob hauv lub ntiajteb no, thiab Nws kuj yog tus uas tsim koj los. Nws paub zoo yam zoo uas Vajtswv tseg rau koj lub neej thiab Vajtswv yuav ua kom tiav lub homphiaj ntawd. Yog li, txawm yog tamsim no yeej tseem tsis tau tshwmsim los raws li yam koj ntshaw los, koj tso siab tau tias Vajtswv tab tom coj koj lub neej mus raws li Vajtswv lub siab nyiam zoo.

Thov caw nrog kuv peb thov Vajtswv ua ke: Ua Vajtswv tsaug vim rov qab yog ib hnub tshiab kuv tau ua neej nyob hauv koj txoj kev hlub. Nyob hauv lub neej maj nroos no, thov Txiv koj qhia rau kuv paub nres, so nyob hauv koj thiab saib taus txhua feeb tamsim no uas Vajtswv pub rau kuv. Thov tuav kuv lub siab kom txhob txhawj rau taig kis, kom kuv paub vam khom rau koj lub homphiaj zoo, ua lub neej kom puv ntoob rau hnub no thiab cia koj coj kuv mus raws li Vajtswv lub siab nyiam. Kuv thov hauv Tswv Yexus Khetos lub npe, Amees.

Cov kwv tij thaum uas txais yuav tej uas Vajtswv muab tso rau hauv siab thiab muab yus txoj kev ntshaw tso rau hauv Vajtswv lub siab nyiam, peb yuav saj tau txoj kev txaus siab uas Paulus tau hais txog, nrog rau Vajtswv txoj kev kaj siab tshaj peb tej kev nkag siab. Tso siab rau Vajtswv, vim koj yog tus uas Vajtswv tsim los thiab tau Vajtswv foom hmoov nplua mias.

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj