Ib hnub tab tom tshwmsim raws li lub homphiaj ces txawm cia li muaj neeg hu tuaj, ib tsab xov uas cheem tsum yuav tau teb, lossis muaj leej twg tab tom tuaj nrhiav thaum uas koj rawm tshaj. Koj puas hnov tsis txaus siab? Peb tus yamntxwv thaum pib yog: “Vim li cas ho zoo li no?” peb tsuas ntsia pom yus lub sijhawm tau hloov pauv, ntau zaug tsis pom tias tom qab ib tug neeg cheem tsum tau hnov, tau tshua thiab xav tau kev pab. Hnub no yog muaj ib yam dabtsi twg xwb tim cia li tshwm los tab kaum koj lub homphiaj, tsis paub ntawd puas yog qhov kev ua rau koj muaj teeb meem, lossis ho yog ib lub sijhawm zoo Vajtswv tso ntawm koj xub ntiag?

Hnub no, yog hnub 03/11/2026, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Adam Howard dhau ntawm Zaj kawm TEJ KEV CUAM TSHUAM UAS XAV TSIS TXOG

“Thaum Yexus saib cov neeg coob coob ntawd, nws hlub lawv kawg li, rau qhov lawv ntxhov siab thiab tsis muaj leejtwg pab lawv, lawv zoo ib yam li pab yaj uas tsis muaj tus tswv yug” (Mathais 9:36)

Nyob hauv ntu Vajluskub no, peb pom qhov txujci tshwmsim tuaj. Tswv Yexus tab tom tham thiab daws cov thwjtim tej lus khuab xeeb Yauhas ̣nqe 14 tiamsis txog nqe 18, thaum Tswv Yexus tab tom hais, ces nws tej lus ntawd cia raug tav…

Ntawm no nyuam qhuav yog thawj zaug muaj neeg tav Tswv Yexus txoj kev sib tham. Txij li nqe 18 txog nqe 35, phau Mathais tham txog qhov uas tus neeg no tas txog lwm tus tuaj nrhiav Tswv Yexus nrog lawv tej kev cheem tsum sib txawv. Tsuas yog nqe 17 nyob hauv Vajluskub, Nws ntsib ntau tus tib neeg muaj mob, dig muag, raug dab, ntau zaug cov uas tuag lawm tib si. Zaj xwm no nyuam qhuav xaus rov txog lwm zaj xwm txuas ntxiv. Tiamsis tag nrho tej teeb meem sib txuas zws li no, Tswv Yexus yeej tseg sijhawm pub rau ib tug zuj zus. Nws tsis yog tsuas txhawm lawv qhov kev cheem tsum tamsim xwb, tiamsis nws ntsia pom thiab tshua txog lawv tus neeg tab tom nyob ntawm yus xub ntiag. Thiab tomqab tag nrho tej kev sib ntsib nrog tej txujci ntawd, Tswv Yexus lub siab yeej puv npo lub siab hlub tshua (Nqe 36).

“Thaum Yexus saib cov neeg coob coob ntawd, nws hlub lawv kawg li, rau qhov lawv ntxhov siab thiab tsis muaj leejtwg pab lawv, lawv zoo ib yam li pab yaj uas tsis muaj tus tswv yug” (Mathais 9:36).

Kuv cim civ nug, yog tias muaj npauv zaj xwm tshwm sim los raug rau peb, tsis paub peb puas tseem ua taus siab ntev? Ntau zaug tsuas yog teb luag hu ob peb zaug xwb lossis sib tham ntev me ntsis ntawm chaw ua haujlwm xwb kuj txaus ua rau kuv tas zog, tsis tau hais txog tus no txog lwm tus tuaj nrhiav kev pab. Peb yooj yim qaug zog vim hnub twg twb pom ib ncig yus muaj ntau tus tib neeg cheem tsum pab – dhau ntawm tej xov xwm, hauv kev, lossis hauv tsev neeg. Tiamsis, nyob hauv ntau qhov kev cheem tsum nrog tej zaum tav txoj haujlwm tab tom ua, Tswv Yexus yeej ntsia cov pej xeem los ntawm lub siab hlub tshua.
Tej zaum peb yuav suav tias vim Tswv Yexus yog Vajtswv yog li Nws thiaj ua tau txhua yam zoo li ntawd, tshuav peb tsuas yog tib neeg xwb. tiamsis thov txhob hnov qab, Vaj Ntsujplig tab tom nyob hauv peb. Vaj Ntsujplig yog tus hloov pauv peb lub siab thiab pub lub zog rau peb kom peb hlub lwm tus raws li txoj kev uas Vajtswv xav. Nws qhia kom peb paub hlub thiab paub tshua lwm tus, txawm yog thaum uas peb lub hlwb, lub zog thiab peb lub sijhawm cuag li tsis muaj lawm.
Sim xav saib, yog Tswv Yexus ua tug tsis paub cov neeg uas cia li tuaj nrhiav Nws yuav zoo li cas?

Txhais tias tus nom zov lub tuam tsev tus ntxhais yuav tuag pw twj ywm ntawd, tus pojniam uas nchuav cev nws tseem yuav tiv nws tus mob tsim txom nws. Ob tug dig muag yeej tseem ua neej tsaus ntuj nti, cov neeg raug dab los yeej tseem raug dab ntxwgnyoog lub voj hlua khi. Tej txujci ntawd, cov neeg ntawd lub neej tau hloov pauv, tau tshwm nyob hauv tej kev sib ntsib cuag li uas xav tsis thoob, vim Tswv Yexus txaus siab hlo nres ntawm tib neeg tej kev cheem tsum.

Tej zaum hnub no, yam uas xav tsis thoob nws yuav tav koj lub homphiaj lossis ho yuav qhib lub sijhawm rau koj zoo li ib tug neeg twg ntawd lub neej tau hloov pauv. Tsis paub peb puas zoo siab hlo tso txhua yam tseg, nres ntawm lwm tus kev cheem tsum thiab ntsia saib Vajtswv yuav ua dabtsi dhau ntawm peb lub siab mloog lus uas muaj lub siab hlub tshua?

Thov caw nrog kuv peb thov Vajtswv ua ke: Tswv Yexus, nyob ntawm tej lub sijhawm tsis khoom txhua hnub, kuv tsuas xav kom txhua yam tshwmsim los raws li tej uas yus twb npaj tseg. Thov zam txim rau kuv vim kuv pheej tsom ntsoov rau kuv tej haujlwm cia li ua poob cov neeg uas cheem tsum kev hlub thiab kev pab. Thov pub kom kuv muaj lub siab los txais yuav tej lub sijhawm tshiab uas Vajtswv muab pub, txaus siab hlo nres tos, mloog thiab nthuav tawm lub siab hlub tshua. Thov siv kuv tej haujlwm me txhua hnub, kom Vajtswv txoj kev hlub loj chwv txog lwm tus lub neej dhau ntawm kuv. Kuv thov hauv Tswv Yexus Khetos lub npe, Amees.

Cov kwv tij txhua tus, hnub no, thaum uas muaj leej twg ntawd cheem tsum koj, sim nres tos ib me ntsis saib seb ntawd puas yog ib qhov xwm ua tab kaum koj lossis tav koj lub homphiaj. Thov Vajtswv pub kom koj pom txog cov neeg uas cheem tsum hnov, cheem tsum pab ntawm xub ntiag. Peb yeej tsis paub tej thaum uas koj txaus siab hlo nres tos thiab tseg sijhawm rau ib tug neeg uas cheem tsum, Vajtswv ho siv tej yam uas cuag li me me ntawd ua kom muaj ib qhov kev hloov pauv loj nyob hauv lawv lub neej.

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.