Nyob rau hauv lub ntiajteb muab txoj kev cim civ ua, ywj pheej thiab ua tiav khiav ceev li tamsim no saib hlob, txoj kev qaug zog lossis kev puas tshuaj cuag li raug ua saib tsis taus. Peb pheej hnov tej lo lus xws li yuav tau “ntseeg yus tus kheej” lossis “Koj muaj cuab kav ua tau txhua yam.” Tiamsis nyob hauv lub neej, qhov tseeb yog tej “hauv roob” nws siab tshaj peb lub peev xwm. Peb lub zog, lub hlwb ntse thiab lub peev xwm puav leej muaj nrim. Yog li, thaum sawv ntawm tej kev sim siab, yuav ua li cas kom peb thiaj nrhiav tau kev kaj siab thiab lub zog loj thaum tus kheej twb qaug zog zis lawm?

Hnub no, yog hnub 09/11/2026, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Bernadette Canepa dhau ntawm Zaj kawm VAM KHOM VAJTSWV TXOJKEV HLUB

“Kuv porn zoo hlub koj ces txaus lawm. Kuv yuav pub kuv lub hwjchim rau tus uas qaug zog.” (2 Kauleethaus 12:9)

Nyob rau lub caij 40 xyoo, kuv txiav txim rov qab mus kawm ntawv kom kawm tas kuv daim ntawv qib siab. Kuv xav rov qab mus kawm ntawv txawm yog kuv twb laus lawm, ntawm no yog yam uas kuv tsis ua zoo txuag thaum kuv tseem hluas. Kuv xaiv kawm saum fuab cua vim ke kawm ke ua haujlwm. Tiamsis cov rooj kawm nws qhib sib txuas zaws. Yuav tau kawm tag nrho ib nra xyoo rau yim lub thiv.

Thaum pib nws tsis ua cas, tiamsis thaum pib dua ib chav tshiab, kuv pom cuag li sawv ntawm ib lub roob loj loj tsis paub ua li cas thiaj yuav kov yeej. Qhov kev sim siab loj rau kuv yog chav đại số. zaum kawg uas kuv kawm chav no twb yog zaj xwm tshwmsim kaum ntau xyoo dhau los, cuag li kuv twb hnov qab tej ntawd tas.
Kuv hnov ntshai, ntshai tsam yus tuav tsis tau feeb dhau uas tus kheej tau siv zog khaws tseg. Tsis ntev tomqab, kuv muaj sijhawm mus koom ib qhov kev pehawm nyob hauv tsev kawm ntawv. Thaum uas tus qhia nws tham txog qhov uas tso siab plhuav rau Vajtswv hauv tej kev txomnyem hauv lub neej, kuv lub kua muag pib ntws lug. Sawv ntawm tej kev sim siab nyhav dhau lub zog, kuv pom tias yus qaug zog thiab tsis muaj kev ntseeg.

Txawm yog yuav tas zog npaum cas los, Vajtswv txojlus yeej ntuas tias: “Kuv porn zoo hlub koj ces txaus lawm. Kuv yuav pub kuv lub hwjchim rau tus uas qaug zog.” (2 Kauleethaus 12:9).

Nyob hauv phau Vajluskub uas yog cov neeg Yudais lus, lo lus “txaus” muaj lub ntsiab tias txoj kev muab pub txaus nkaus thiab tsis muaj ib zaum twg yuav tsis txaus. Hauv kev ua neej, Vajtswv tsis tshem tej kev txomnyem lossis kev sim siab ntawm peb tib neeg mus, tiamsis Vajtswv ua haujlwm nyob hauv tej kev qaug zog ntawd. Nws cog lus tias Nws txoj kev hlub Nws lub zog txaus txhawb peb ua neej dhau txhua hnub, txawm yog peb tab tom nyob rau ntsus kev tsov rog twg. Nyob rau peb feem, peb yuav tau paub yus lub nra kom txais tau tej paj txiv uas Vajtswv pub.

Yog li kuv thiaj suam npe mus kawm ib lub rooj cob qhia sab nraud. Kuv kuj nrhiav cov lus qhuab qhia saum fuab cua thiab vam khom lwm tus ib ncig pab. Vajtswv pub kev hlub dhau ntawm kuv txoj kev siv zog thiab lwm tej cuab yeej uas kuv yuav kawm tau. Tomqab yim thiv maj nroos, kuv kuj kawm tau feeb A. ib qhov ua rau kuv txaus siab.

Tej no yog los dhau ntawm Vajtswv txoj kev foom koob hmoov. Raws li Vajtswv tej lus qhia, thaum peb paub zoo yus txoj kev qaug zog thiab yus txoj kev muaj nrim, ces nyob qhov ntawd, peb yuav saj tau lub zog, kev hlub thiab Vajtswv txoj kev ncaj ncees ntau dua.

Yog li txawm yog koj tab tom yuav ntsib lub roob twg los, tej kev sim siab ntawd puas ua rau koj ua xyem xyav qaug zog, ces kuj yuav tau nco ntsoov tias txoj kev qaug zog yog qhov chaw cia Vajtswv txoj kev hlub tau nthuav tawm. Txhob vam khom tus kheej, tiamsis yuav tau Vajtswv khom Vajtswv txoj kev hlub puv npo thiab Vajtswv lub zog. Thaum peb ncaj ncees ua tiav peb lub nra thiab muab tej paj txiv pub rau Vajtswv, peb yuav ntsia pom Vajtswv lub zog coj peb dhau ntawm “txhua lub roob” nyob hauv lub neej, kom dhau ntawm tej ncov roob ntawd, txhua lub hwjchim puav leej yog muab fij pub rau Vajtswv.

Thov caw nrog kuv peb thov Vajtswv ua ke: Tus Tswv, txhua zaug uas kuv qaug zog thiab nkees hauv txoj kev tom ntej, thov Vajtswv pab kom kuv paub vam khom rau Vajtswv txoj kev hlub thiab Vajtswv lub zog. Tus Tswv, kuv paub tias kuv muaj kev qaug zog thiab muaj nrim yeej ua tsis tau dabtsi yog tsis muaj Vajtswv kev pab. Thov kom dhau ntawm tej kev txomnyem, kuv yuav paub Vajtswv txoj kev hlub thiab Vajtswv lub zog loj npaum cas nyob hauv kuv lub neej.
Kuv thov hauv Tswv Yexus Khetos lub npe, Amees.

Cov kwv tij, “lub roob twg” uas koj tab tom ntsib nyob rau thiv no? txoj haujlwm twg lossis lub nra twg uas koj pom nws nyhav dhau koj lub zog? Cia Vajtswv tej lus hnub no ntuas koj tias Vajtswv txoj kev hlub thiab lub zog puav leej yog txaus nkaus rau koj. Cia li vam khom rau Vajtswv txoj kev ncaj ncees, ua kom zoo yus feem haujlwm tshaj uas yus tau muab cob. Vim Vajtswv yeej tsis tso tus uas vam khom rau Vajtswv tseg thiab ncaj ncees rau txhua txoj haujlwm uas me tshaj nyob hauv lub neej txhua hnub.

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.