Tej menyuam lawv pheej nrhiav kev khiav nkaum thiab zam tej khoom noj uas lawv tsis nyiam. Cov neeg laus los kuj txawv tsis deb, peb pheej zam tej yam uas yuav ua rau peb xav thiab qaug zog. Tiamsis lub neej tsis yog thaum twg twb tso cai rau peb xaiv feem uas sib. Thiab ntau zaug, twb yog tej uas “nyuaj nqos” ntawd ho tog twj ywm rau hauv peb ntau yam muaj nqis dlua.

Hnub no, yog hnub 10/11/2026, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Jennifer E. Jones dhau ntawm Zaj kawm KOOB HMOOV TOM QAB KEV IAB SIAB

“Kuv pom hais tias txojkev txomnyem uas tamsim no peb raug yeej piv tsis tau lub tshwjchim ci ntsa iab uas Vajtswv yuav pub rau peb yav tom ntej no.” (Loos 8:18).

Tej zaum yam uas zoo tshaj thaum loj hlob yog thaum uas koj kuj muaj cai txiav txim ua ntau yam hauv lub neej. Tsis muaj leej twg yuam koj yuav tau tu txaj chaw du lug, cheb tsev, so tsev lawm. Thaum kuv muaj 21 xyoo, yog ib qhov kev txiav txim siab tseem ceeb thaum kuv ua kuv lub neej yog: txij no mus kuv yuav tsis noj cov taum Hà Lan lawm.

Kuv ntxub cov taum Hà Lan no, puag thaum ub los. Txhua zaus zaum saum rooj noj mov, kuv muab zais rau ntawm tej ntawv so rooj lossis muab kauv rau hauv qab nplaig ib me ntsis nti pov tseg. Thaum loj tuaj lawm, cov phooj ywg pheej saib ntsoov kuv txhua zaus uas kuv dig cov taum no tawm ntawm kuv tais feev lossis kua dis pov tseg. Yuav tau muab tais kom tas tsis tshuav ib ntsiav li kuv thiaj tso siab noj mov.

Tsuas yooj yim yog kuv tsis nyiam tus ntxhiab xwb. yog li thaum loj hlob txaus lawm kuv thiaj txiav txim siab, txiav txim tsis noj ntxiv.

Kheev lam nyob hauv lub neej, yam dabtsi tsis nyiam ces yus muaj cai dig tawm zoo li ntawd mas. Yog tau xaiv, kuj yuav taw txog ob peb yam uas kuv xav muab tshem tawm hauv kuv lub neej txhua hnub, thiab kuv ntseeg tias koj los kuj xav li ntawd. Txawm yog yuav yog lub nra nyhav li cas lossis ib qhov kev tsis tso siab twg pheej khuam rawv hauv siab los, ntau zaug lub neej yeej muab tso ntawm peb qhov muag ib rooj noj puv npo tej yam uas yus tsis txais tos.

Koj puas xav paub ib yam zoo txog cov taum Hà Lan no? Raws li cov tub txawg sab kev noj haus, taum Hà Lan no nws zoo rau yus lub dag zog heev. Nws muaj cov tshuaj zoo uas yog vitamin A, vitamin C, sắt thiab ntau yam zooo ntxiv. Nws tseem ntxiv Protein yog yam uas cheem tsum heev rau lub cev. Leej twg yuav ua cas paub tau tej ntsiav taum me me zoo li ntawd ho muaj ntau yam zoo li ntawd pab rau yus lub cev?

Tej kev sim siab nyuaj kuj zoo li cov ntsiav taum no. Txawm yog nws nyuaj nqos los, nws ho muaj nqis rau tus ntsujplig. Tej yam uas ua rau peb ntxhov siab tej zaum nws ho yuav ua rau peb ua tau siab ntev. Tej kev tag kev cia siab tej zaug ua rau peb yuav tau tig rov qab mus ntsia tej uas yus tab tom cia siab thiab kawm ntsia txoj kev ua neej ntawm ib qhov kev dav dua. Tej kev sib raug zoo puas tsuaj lossis tej lub lim cheem tseem tsis tau ua tiav tej zaum nws ho yog tus ntaiv coj peb mus txog rau lub sijhawm zoo tomqab. Tag nrho txhua yam, txij li yam zoo, yam phem txog tej uas phem tshaj – puav leej tab tom sau los ua kom muaj nqis rau koj, kom koj dhau los zoo dua yog lawv li Vajtswv tej lus cog tseg nyob hauv Loos 8:28.

Tej zaum lub sijhawm no, saum koj rooj mov hauv lub neej tab tom muaj ib tais noob taum Hà Lan puv nkaus uas koj yeej tsis xav noj. Thiab yog koj ua ntsej muag tshaus ntsho rau tej ntawd ces yeej yog ib yam uas yooj yim nkag saib tau. Yeej tsis paub tau tsam tej kev sim siab no ho yog lub hauv paus zaub zoo muaj nqis rau koj tus ntsujplig. Yuav tau ntes koj lub siab khav theeb “yoo”. Thiab cia Vajtswv tu koj tus ntsujplig los ntawm tej yam uas cheem tsum kom koj sawv khov kho rau ntawm tej lub caijnyoog muaj kev txomnyem.

Vim tej uas peb tab tom ntsib dhau hnub no tej zaum nws tsis yog qhov xaus, ib yam li Paulus tau txhawb: “Kuv pom hais tias txojkev txomnyem uas tamsim no peb raug yeej piv tsis tau lub tshwjchim ci ntsa iab uas Vajtswv yuav pub rau peb yav tom ntej no.” (Loos 8:18).

Thov caw nrog kuv peb thov Vajtswv ua ke: Tus Tswv yog Leej Txiv tus kuv hlub! Kuv ua Vajtswv tsaug vim Koj nkag siab zoo kuv tej kev qaug zog, ib yam li tej kev txomnyem uas kuv ntsib thiab txoj kev uas kuv khiav nkaum. Thov zam txim rau cov neeg uas pheej nroo, qaug zog yav dhau los rau tej uas tsis tshwmsim raws li lub siab nyiam. Thov siv tej kev sim siab tshwmsim ntawd los cob qhia kuv, kom kuv paub ua siab ntev thiab ntseeg Vajtswv. Thov coj kuv mus ntxiv rau hauv txoj kev ntseeg, txawm yog thaum uas kuv tsis tau nkag siab txhua yam uas Vajtswv tab tom ua. Kuv thov hauv Tswv Yexus Khetos lub npe, Amees.

Cov kwv tij txhua tus, tej zaum twb txog lub sijhawm uas kuv yuav tau nrhiav kev zam tej yam uas yus tsis xav. Pauv qhov uas tas kev cia siab rau lub caijnyoog tsis tau hloov pauv, yuav tau kawm paub muab txhua yam fij rau Vajtswv thiab ntseeg siab rau Vajtswv. Tej kev sim siab uas peb ntsib tej zaum nws yuav nyuaj, tiamsis Vajtswv yuav siv txhua yam los cob qhia peb txoj kev ntseeg, qhuab ntuas peb lub siab thiab pab kom peb loj hlob. Cia li muab tej ntawd fij rau Vajtswv thiab ntseeg tias Vajtswv yeej tseem tab tom ua haujlwm hauv koj thiab dhau ntawm koj, txawm yog nyob rau lub caijnyoog uas yus tsis xav.

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.