Puas tau muaj zaum twg koj cim civ nug tias yam dabtsi ua rau ib tug neeg nyuaj txais kev ntseeg ua luaj lawm tau? Tej zaum tsis yog vim lawv tsis xav txais, tiamsis vim peb qhia nws deb dhau lawv lub ntuj. Peb ib txwm swm tej lus nyob hauv Vajluskub, tshuav tus neeg uas mloog peb ntawd tej zaum tsis tau hnov dua lossis nkag siab tej ntawd. Siv txhua txoj kev los qhia tiamsis nws tsis hloov qhov tseeb. Tiamsis paub muab yus tso rau tus neeg mloog qhov chaw kom thiaj nkag siab yam uas lawv tab tom xav thiab ntsib dhau, dhau ntawd nrhiav kev qhia Vajtswv rau cov neeg uas muaj siab thiab nyob ze lawv dua.

Hnub no, yog hnub 13/11/2026, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Ben Ledger dhau ntawm Zaj kawm TXAWJ QHIA QHOV TSEEB

“Kuv xyaum ua li txhua haivneeg ua. Kuv ua li ntawd saib puas yuav pab tau qee leej rov los ua neeg tshiab.” (Henplais 9:22b)

Kuv nyiam caij tsheb loj nrog kuv tsev neeg mus kev deb mus so. Txog qhov uas npaj ris tsho xwb kuj ua rau kuv zoo siab! nyob ntawm kuv, yam uas zoo tshaj yog ua li cas kom tso txhua yam txaus nkaus rau hauv tsheb txhob pub khoom thaiv lub tsom iav tom qab. Paub tias yeej tseem muaj qee txojcai, piv txwv li tej khoom nyhav thiab tej khoom tsam chaw yuav tau muab tso ua ntej. Tiamsis ib zaug mus rov qab muaj dua ib qhov khoom txawv, yog li txhua zaum mus nws zoo li ib lo lus twv yuav tau nrhiav kev daws. Thaum no, kuv tsev neeg muaj ntxiv peb tug ntxhais, qhov uas npaj khoom mus so dhau los nyuaj tshaj ntau npaug yav dhau los… tiamsis nyob ntawm kuv, txoj kev zoo siab ntawd yeej tsis ploj mus.

Tsis ntev no, kuv tsev neeg muaj sijhawm taug kev deb mus hla dhau ntau lub xeev. Muaj lub sijhawm peb so hauv tej chaw so. Kuj muaj tej txua kev so ntawm tej kev. Tshuav tej txua kev peb txiav txim ua tsev ntaub so.

Yog li, dhau ntawm tej khoom siv peb cheem tsum nqa, kuv yuav tau nqa tej khoom ua tsev ntaub thiab. Tseem ceeb dua yog lub tsev ntaub. Xyoo dhau los, kuv yuav ib lub tsev ntaub pheej yig, dav txaus rau kuv tsev neeg pw nraum zoov. Lub tsev no nws loj thiab nyhav heev yog li raws li txoj kev yuav tau muab nws tso ua ntej. Tiamsis zaum no tsis ua li ntawd. Tseeb tiag, nws yog ib qhov khoom kawg uas kuv muab tso tom qab kawg rau hauv tsheb.

Vim li cas ho zoo li no?

Vim txhua zaus uas ua tsev ntaub dhau los, kuv paub tias lub tsev ntaub yuav tau tso rau thaj chaw uas muab yooj yim tshaj. Txhua zaum uas mus nrog pojniam ua tsev ntaub, wb mus txog chaw ces tsaus ntuj lawm. Ua tsev rau thaum tsaus ntuj twb nyuaj, yog li wb yuav tau muab tag nrho cov khoom thau nqes los nrhiav lub tsev ntaub no xwb.

Twb yog tej uas kuv ntsib dhau no ua rau kuv pom tias muaj tej yam uas cuag li hloov pauv tsis tau, tiamsis nyob rau qee lub sijhawm nws yeej yuav tau muab hloov kom phim. Homphiaj yeej zoo li qub, tsuas yog txoj kev kom ua tau lub homphiaj ntawd yuav tau ua kom zoo dua xwb. Paulus kuj ua li ntawd thaum uas mus txog rau lub nroog Athees. Raws li ib txwm, yawg mus hauv tej tsev sab laj nrog cov pej xeem sib tham, tiamsis zaum no yawg tsis siv tag nrho lub sijhawm nyob ntawd. Tus sau phau Tes Haujlwm sau tseg:

“Thaum Paulus nyob hauv lub nroog Athees tos Timautes thiab Xilas nkawd, nws porn lub nroog ntawd muaj mlom ntau heev, nws ntxhov siab kawg li. Nws mus hauv lub tsev sablaj, nws niaj hnub nrog cov Yudais thiab lwm Haivneeg uas hwm Vajtswv thiab cov neeg uas tuaj rau ntawm tej khw sib cav.” (Tes Haujlwm 17:16-17).

Paulus tau coj mus rau ntawm Alepankus yog ib qhov chaw nto npe lug rau tiam thaum ntawd. Ntawm no Paulus siv tej uas nws pom hauv Athees los qhia rau lawv kom lawv yooj yim nkag siab thiab txais yuav. Lub ntsiab yeej zoo li qub – txog Tswv Yexus thiab Nws txoj kev sawv hauv qhov tuag rov qab los- tsuas yog yawg pib zaj xwm txawv xwb. pauv qhov uas hais txog Yeluxalees lossis rho cov cev lus tej lus, Paulus ua tib zoo ua rau lawv nco txog daim duab uas lawv ib txwm swm: daim phiaj zeb “PE TUS VAJTSWV UAS LAWV TSIS PAUB”. Thiab rho cov neeg nto npe tej lus.

Txawm yog tham luv luv xwb los, Paulus yeej xaus ttau qhov tseeb hauv nws zaj lus qhuab qhia. Thaum kawg, kuj muaj tus pauv siab ntseeg (Tes Haujlwm 17:34). Qhia Txojmoo Zoo rau cov neeg uas cuag li tsis paub dabtsi txog Vajluskub yog ib qhov kev sim siab loj. Tiamsis thaum tau Vaj Ntsujplig coj thiab ntseeg rau qhov tseeb txog tej uas yus qhia tawm, Paulus zoo siab txais yuav qhov kev sim siab ntawd.

Zoo ib yam li Paulus, peb yog cov ntseeg Vajtswv tau Vaj Ntsujplig coj, tau Leej txiv muab txoj haujlwm qhia Txojmoo Zoo uas muaj nqis. Thov kom peb paub zoo siab txais yuav lub sijhawm zoo Vajtswv pub los ua tim khawv txog Vajtswv, txawm yog qhov no yeej tsis yooj yim.

Thov caw nrog kuv peb thov Vajtswv ua ke: Leej Txiv, ua Koj tsaug vim Koj tau muab lub nra rau kuv qhia Txojmoo Zoo. Thov zam txim rau txhua zaus uas kuv txaj muag, kuv coj nruj thaum qhia moo zoo ua rau lwm tus nyuaj los ntseeg Vajtswv. Thov Vaj Ntsujplig pub kev txawj ntse rau kuv kom kuv paub mloog, nkag siab nyob hauv txoj kev txuas nrog cov tsis tau ntseeg, tiamsis yeej tseem tuav ruaj ruaj lub ntsiab lus ntawm qhov tseeb nyob hauv Tswv Yexus. Thov siv kuv lub neej thiab lo lus hais kom coob tug paub Tswv Yexus txoj kev hlub thiab kev cawmdim. Kuv thov hauv Tswv Yexus Khetos lub npe, Amees.

Cov kwv tij txhua tus, ib ncig koj puas muaj cov neeg uas cuag li tsis tau paub dua Vajtswv? Txhob txaj muag tshais ruam tawm hauv tej txoj kev qub, hloov pauv txoj kev txuas nrog lwm tus thaum cheem tsum. Peb muaj cuab kav siv txhua txoj hau kev thaum sib tham, tiamsis qhov tseeb yeej tsis hloov pauv. Thaum qhib siab txais yuav Vaj Ntsujplig ua tus coj, peb yuav pom muaj lub sijhawm zoo uas yav dhau los yus hla dhau. Hnub no, kom sim saib ib ncig saib; puas muaj leej twg uas Vajtswv tso ntawm koj ib sab, kom koj pib nrog lawv tham thiab qhia txog Vajtswv rau lawv?

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.