Lơ 21/01/2022: Kơnơ̆ng Jing/ Tơlơi Lông Lăng

Ƀing ta hlak hmư̆ Tơlơi Lir Hơbĭt Khua Yang Rĭm Hrơi amăng Oneway Radio hăng lu tơlơi hrăm mơ̆ng Boh Pơhiăp Ơi Adai găn tơlơi mưn amăng tơlơi hơdip rĭm hrơi kơ lu čô mơnuih, tui sŏp hră CBN Devotional Daily. Čang rơmang tơlơi hơdip ƀing ta či phrâo nanao amăng jơlan đuaĭ tui Khua Yang rĭm hrơi.

Amăng tơlơi hơdip, nang ai hmâo lu wơ̆t ƀing ta bưp tơlơi lông lăng, tơnap tap. Jing ƀing đaŏ kơ Ơi Adai, ƀing ta khŏm hluh Ơi Adai dưi ngă abih bang bruă, ƀu hmâo bruă hơgĕt Ơi Adai ƀu dưi ngă ôh. Abih bang tơlơi tơnap tap ƀing ta bưp jing sa tơlơi lông lăng mơ̆ng Khua Yang, kiăng kơsem lăng ƀing ta đaŏ kơnang laih anŭn gưt tui Ñu mơ̆.

Hrơi anai, lơ 21/01/2022, Tơlơi Lir Hơbĭt Khua Yang Rĭm Hrơi iâu pơthưr ƀing ta hrăm hrŏm hơbĭt Boh Pơhiăp Ơi Adai hăng Missey Butler tui hăng akŏ tơlơi hrăm KƠNƠ̆NG JING TƠLƠI LÔNG LĂNG

Môis pơanăn anih anai jing Masa laih anŭn Mêriba, yua kơ ană plei pla Israel hmâo hil kơ ñu laih anŭn khĭn pơlông lăng Yêhôwa hăng laĭ: “Hmâo Yêhôwa dŏ tơ̆ng krah ƀing ta mơ̆? (Tơlơi Tơbiă 17:7)

Bă tơlơi hơ̆k mơak, Abih bang ană plei pla Israel hmâo sa tơlơi pơklaih hling hlang biă mă mơ̆ng ac̆ hlŭn kơtraŏ. Gơñu hling hlang lăng ƀuh hăng mơta, bruă Khua Yang pơkah Ia rơsĭ Mraih jing dua gah, kiăng ƀing gơñu hơ̆k mơak yak rơbat nao kar hăng rơbat ƀơi lŏn thu. Ƀing ta đơ̆k ƀuh tơlơi ră ruai anai čih amăng hră Tơlơi Tơbiă.

Miriam, amai kơ Môis, ba hlâo tơpul rơbat, hăng ƀing đah kơmơi taih hơgơr anĕt amăng phĕt adoh bơni kơ Khua Yang prŏng prin hloh kơ abih bang rơnŭk. Gơñu lăng ƀuh hăng mơta tơlơi dưi mơyang kơ Yêhôwa Ơi Adai hmâo pơklaih gơñu tơbiă đuaĭ mơ̆ng pơtao Pharaôn kơtư̆ juă laih anŭn ƀing tơhan Êjip kiaŏ tui kiăng pơ rai.

Sĭt biă mă ƀing ih hlăk pơmĭn ƀing Israel c̆i đĭ ƀơi “jơlah ia poh yă hăng tơlơi đaŏ” anai, amăng hrơi mông sui biă mă. Samơ̆ klâo hrơi rơgao đôc̆, gơñu pơhiăp brŏk hăng Môis, “Yua hơgĕt ih ba ƀing gơmơi mơ̆ng Êjip dui rai pơ anai, laih anŭn brơi ƀing gơmơi djai yua kơ mơhao ia?”

Wơ̆t dah Môis pô, ăt rơngiă hĭ tơlơi hơđơ̆ng mơ̆n. Ñu pơhiăp brŏk hăng Khua Yang, “Hơgĕt kâo c̆i ngă kơ ană plei pla anai?”

Ơi Adai hơđơ̆ng laĭ glaĭ Môis (hrup dah Ñu ƀu hling hlang sa mơta tơlơi hơgĕt ôh kơ khul bruă gơñu ngă).

“Nao bĕ ƀơi anăp ană plei pla,...Brơi ih taih bĕ boh pơtâo, laih anŭn ia c̆i tơbiă mơ̆ng boh pơtâo anŭn kiăng brơi ană plei pla mơñum.” Yua kơ tui anŭn, Môis taih ƀơi boh pơtâo laih anŭn ia tơbiă rai ƀơi anăp ƀing kong tha ƀuh. Môis pơanăn anih anai jing Masa, kiăng pia jing “pơlông lăng”, laih anŭn Mêriba, pia jing “ngă tơhnal” yua kơ ană plei pla Israel ngă tơhnal hăng Môis laih anŭn khĭn pơlông lăng Yêhôwa hăng laĭ: “Hmâo Yêhôwa dŏ tơ̆ng krah ƀing ta mơ̆?” (lăng Tơlơi Tơbiă 17:5-7).

Gơñu pơlông lăng Khua Yang, samơ̆ biă mă ñu, Khua Yang yơh jing Pô hlăk pơlông lăng ƀing gơñu.

Tơdang ƀing ta tŏ tui rơbat nao hăng ƀing gơñu amăng tơdrŏn har pơ-iă, ƀing ta c̆ơdơ̆ng thâo krăn rup ƀrư̆ hrơi ƀrư̆ jing rơnguă kơuăn biă mă. Khul tơlơi ană plei pla Israel ƀu ƀuh ôh, anŭn jing Ơi Adai ba gơñu pơ “tơdrŏn har kiăng pơlông lăng” yua kơ sa tơlơi kơñăm: kiăng kơ thâo amăng lăm pran jua gơñu hơgĕt hmâo sĭt, lăng kơ gơñu đaŏ kơnang laih anŭn gưt tui boh pơhiăp samơ̆ ƀu kiăng truh pơ khul tơlơi mơsêh mơyang kloh noh ôh.

Wơ̆t kơ amăng tơlơi hơdip kơ ta pô, ƀing ta ăt rơbat găn khul anih pơlông lăng phara phara. Ơi Adai yua tơlơi ră ruai anai amăng tơlơi c̆ih ruai ană plei pla Israel hrup sa tơlơi bơhmutu kơ hơdră jơlan ƀing ta.

“Hnŭn yơh, brơi ƀing ta gir hăng abih pran jua mŭt amăng tơlơi pơdơi anŭn , kiăng kơ ƀu hmâo sa c̆ô hlơi amăng ƀing ta lĕ rơbuh yua kơ hla tui hnal pơhmô kơ ƀing ƀu gưt hiăp” (Hêbrơ 4:11)

Mơta phŭn: jing Ơi Adai gir hăng khul tơlơi hmâo amăng rĭm c̆ô ƀing ta. Khul tơlơi ƀing ta iâu jing “tơlơi hơdip” kơnơ̆ng jing kar hăng tơdrŏn har kơ tơlơi pơlông lăng ƀing ta đôc̆. Yua hơgĕt ƀing ta ƀu brơi ôh Khua Yang pơkah hĭ khul “Ia rơsĭ Mraih” ƀing ta hlăk bư̆p amăng tơlơi hơdip? Khua Yang hmâo “lŏn ƀuăn” kiăng ba ƀing ta mŭt kiăng Ñu dưi pơrơđah tơlơi mơyang kơtang Ñu.

Hăng tơlơi khĭn, ƀing ta hrăm mă tŭ bĕ mơ̆ng ƀing mơnuih nao hlâo, tơlơi pơhrăm yom biă mă kơ tơlơi đaŏ, laih anŭn pơhơdơr bĕ kơ ƀing ta pô: “Anai kơnơ̆ng jing sa tơlơi pơlông lăng đôc̆”.

Rơkâo ƀing ta pioh mông iâu laĭ hrơ̆m hơbĭt: Ơ Khua Yang, Tơlơi hơdip anai, ba rai pơ kâo lu tơlơi pơlông lăng, rơkâo kơ Ih djru kâo, thâo hrăm mă tŭ mơ̆ng tơlơi hơdip mưn găn kơ ƀing mơnuih nao hlâo, kiăng dưi đaŏ kơnang kơ Ih amăng abih bang bruă. Kâo iâu laĭ, hăng anăn Khua Yang Yêsu Krist. Amen.

Ơ ayŏng amai adơi khăp hơeng, Ơi Adai dưi ngă abih bang bruă, ƀu hmâo bruă hơgĕt Ơi Adai ƀu dưi ngă ôh, samơ̆ tơlơi Ñu kiăng ƀuh ƀơi ƀing ta, hnŭn jing pran jua đaŏ kơnang, gưt asăp. Hrơi anai, ƀing ta hlăk bưp tơlơi pơlông lăng pă lĕ? Ƀing ta ƀuah brŏk Ơi Adai ha ƀôdah ƀing ta đaŏ kơnang kơ Ñu djru ƀing ta găn hĭ tơlơi pơlông lăng anai?

Kơkuh kơ abih bang ayŏng amai adơi, hơơc̆ mưi kơ abih bang ƀing ih hơmâo sa hrơi phrâo bă hăng tơlơi mơyun hiam laih anŭn c̆i dưi bưp glăi ƀing ih amăng hrơi pơgi!

Ơ ayŏng amai adơi khăp hơeng, tơdah ƀing ih kiăng hơduah hluh hloh dơ̆ng kơ Khua Yang ƀôdah ƀing ih hơmâo tơlơi hơgĕt kĭ kơ̆ kiăng tơña kơ ƀing gơmơi, c̆ih bĕ boh hră gah yŭ anai, anih mơit ƀơi fanpage amăng facebook, ƀôdah mơit email kơ: [email protected]. Khua Yang Yêsu khăp kơ ƀing ih. Ƀing gơmơi čang rơmang biă mă dưi pơlir hơbĭt hăng ƀing ih.

bình luận

Trở thành người đầu tiên bình luận cho bài viết này

RADIO MỚI NHẤT

Học Cách Yêu Thương Chính Mình

Tĩnh Nguyện Hằng Ngày

Vết Hằn Trên Ngón Tay

Tĩnh Nguyện Hằng Ngày

Vui Lòng Mang Lấy Gánh Nặng

Tĩnh Nguyện Hằng Ngày

Lời Hứa Cho Ai Trông Đợi Chúa

Tĩnh Nguyện Hằng Ngày

Bạn Đứng Phía Nào?

Tĩnh Nguyện Hằng Ngày

bình luận

CHƯƠNG TRÌNH RADIO

RADIO MỚI NHẤT