Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab.

Ntau lub koom haum ntseeg Vajtswv lawv muab hnub 1 hli 11 txhua xyoo ua hnub Nco Txog Cov Thwj Tim los txhawb nqa Vajtswv thiab nco txog Vajtswv cov tub txib, nco txog tus uas muaj koob nto npe thiab tus uas tsis muaj npe tib si. Thaum hnov lo lus “thwjtim” peb ho xav li cas thiab peb yuav tau coj li cas rau cov “thwjtim”? 

Hnub no, yog hnub 01/11/2021, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Dianne Neal Matthews dhau ntawm zaj kawm KEV HLUB PUB RAU COV THWJTIM

Rau qhov peb twb hnov xov hais tias nej muab siab rau ntseeg Yexus Khetos thiab nej hlub Vajtswv haiv neeg txhua tus huv tibsi (Kaulauxais 1:4)

Lub hauv paus pib ua kev nco txog cov thwjtim tej zaug yog pib rau tiam thib plaub, nyob rau tej lub Pawg Ntseeg uas lawv npaj tej kev cai nco txog tseg rau cov ntseeg tau tuag rau Vajtswv lub npe yog cov uas muaj koob npe nrov thiab cov tsis paub npe tib si. 

Tej kev nco txog no thaum kawg dhau los ua kev nco txog tseg rau txhua tus thwjtim tsis yog tsuas tseg rau cov tuag vim Vajtswv lub npe xwb. Txog xyoo 837, Giáo Hoàng Gregory IV tau samhwm tsab cai kom ua kev cai nco txog cov thwjtim thawj thawj nyob rau hauv thoob plaws koom haum Txiv Plig  (Giáo Hội Công Giáo). 

Nyob rau tiam hloov pauv, (thời kỳ cải chánh) muaj ib txhia Koom Haum Txojmoo zoo (Tin Lành) lawv rov txhais tias kev cai nco txog cov thwj tim yog ib txoj kev cai nco txog Pawg Ntseeg koom ua ib lub siab raws li Vajluskub qhia tias txhua tus ntseeg puav leej yog “Thwjtim”. Niaj hnub no, cov Koom Haum nyob rau sab Hnub poob lawv yeej tseem coj txoj kev cai nco txog no rau hnub 1 hli 11 tshuav Koom Haum sab Hnub Tuaj lawv ua qhov kevcai nco txog no rau thawj hnub as thiv tom qab Koob Tsheej Vaj Ntsujplig Nqis Los. 

Txawm yog feem ntau peb txhua tus puav leej nkag siab txog lub ntsiab ntawm lo lus “thwjtim” tiamsis muaj tsawg tus heev kam siv lo lus no rau yus tus kheej thiab tej kwv tij nkauj muam koom tib txoj kev ntseeg. Peb hais daws peb zaj tias “Kuv tsi yog Timtswv es yuav ua tau dawb huv tag nrho”. Peb kuj xav ib yam li ntawd rau lwm tus thiab. 

Nco qab ntsoov tias txhua tus thwjtim lawv kuj yog tib neeg ua tsis tau txhua yam thiab tiamsis lawv muab lawv txoj kev ntseeg mus cog rau ntawm Tswv Yexus Khetos thiab koom tib tug Vaj Ntsujplig uas tab tom ua haujlwm nyob rau hauv lawv. 

Dhau ntawm tes haujlwm tshaj tawm txojmoo zoo rau cov neeg tsis tau ntseeg, peb kuj tsis txhob hnov qab tias peb tseem tshuav ib teg haujlwm tseem ceeb rau lwm tus “thwjtim” thiab. Tswv Yexus hais tias neeg ntiajteb yuav paub tias peb yog Nws thwjtim dhau ntawm txoj kev hlub ib leeg hlub ib leeg, “Yog nej ib leeg hlub ib leeg, sawv daws thiaj yuav paub hais tias nej yog kuv cov thwjtim.” (Yauhas 13:35). 

Paulus qhuas cov ntseeg nyob hauv Pawg Ntseeg Kaulauxais txog “Rau qhov peb twb hnov xov hais tias nej muab siab rau ntseeg Yexus Khetos thiab nej hlub Vajtswv haiv neeg txhua tus huv tibsi” (Kaulauxais 1:4). 

Vajtswv txojlus kuj ntuas peb, “Txhua lub sijhawm uas peb pab tau lwm tus, peb yuav tsum pab, tiamsis peb yuav tsum pab cov ntseeg heev dua.” (Kalatias 6:10). 

Paub tias cov ntseeg yuav tau siv zog kom coj cov neeg tab tom raug kev puastshuaj los ntseeg Tswv Yexus, tiamsis peb kuj tsis txhob tseg txoj kev sib raug zoo nrog lwm tus thwjtim. Thaum peb muaj txoj kev sib raug zoo li ntawd, twb yog peb tab tom nthuav qhia txoj kev cawmdim ncaj ncees.

Thov caw nrog kuv peb thov Vajtswv ua ke: Ua Vajtswv Koj tsaug vim nyob hauv Koj, txhua hnub puav leej yog cov thwj tim hnub, hnub uas peb nthuav qhia txoj kev hlub rau cov kwv tij nkauj muam koom txoj kev ntseeg. Thov pub kom peb txoj kev ua neej sib hlub yuav nthuav qhia Koj txoj moo zoo. Kuv thov hauv Tswv Yexus Khetos lub npe. Amees.

Cov kwv tij txhua tus, “Txhua lub sijhawm uas peb pab tau lwm tus, peb yuav tsum pab, tiamsis peb yuav tsum pab cov ntseeg heev dua.” Nyob rau hauv Pawg Ntseeg, tej pab pawg, nyob hauv tej pawg me puas muaj tus kwv tij twg tab tob txom nyem, cheem tsum kev pab lossis tsis muaj? Cia li nthuav qhia txoj kev hlub rau tej thwjtim kiag hnub no.

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawd cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.