Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab

Peb coob tug yeej swm zaj xwm txheej tham txog Xaxoos thiab Dalidas nkawd. Tiamsis nej puas tau muaj ib zaug xav nug tias, ua li Xaxoos cov plaub hau puas yog yawg lub hauv paus muaj zog loj? Lossis lub zog loj ntawd nws muaj ib lub ntsiab tob dua? 

Hnub no, yog hnub 02/04/2023, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Lina Johnson dhau ntawm Zaj kawm XAXOOS LUB ZOG LOJ

“Ces Xaxoos thov hais tias, "Tus Tswv uas kav ib puas tsav yam, thov nco txog kuv lauj! Vajtswv, zaum no thov koj pub rau kuv rov muaj zog li qub ib zaug ntxiv, kom kuv pauj tau cov Filitees no. Kuv chim heev vim lawv muab kuv ob lub qhovmuag kaus povtseg lawm” (Cov Thawj Tswj 16:28).

Qhov uas Xaxoos tau yug los twb tau qhia paub ua ntej lawm nyob rau hauv Cov Thawj Tswj 13:2-7). 

“Lub sijhawm ntawd, muaj ib tug txivneej npe hu ua Manau-as nyob hauv lub nroog Xaulas. Nws yog xeem Das. Nws tus pojniam yeej ibtxwm xeeb tsis taus tub li. Tus Tswv ib tug timtswv los rau Manau-as tus pojniam pom thiab hais rau nws tus pojniam hais tias, "Koj yeej ibtxwm xeeb tsis taus tub, tiamsis tsis ntev koj yuav xeeb menyuam thiab yuav yug tau ib tug metub.  Koj nco ntsoov tsis txhob haus cawv txiv hmab lossis cawv ntsim lossis noj tej zaub mov uas txwv tsis pub noj ; thiab tom qab uas yug tau koj tus tub lawm, koj yuav tsum tsis txhob txiav nws cov plaubhau hlo li, rau qhov yuav muab nws fij ua ib tug Naxis rau Vajtswv txij hnub uas yug tau nws los. Nws yuav pib ua tes haujlwm uas pab tso cov Yixalayees kom dim ntawm cov Filitees txhais tes” 

Tus neeg Naxis yog neeg zoo li cas? Vajluskub nyob rau hauv Teev Npe 6:2-8 qhia tias ntawd yog ib tug neeg muaj lub siab ntshaw thiab cog lus kom tau Vajtswv saiv tshwj xeeb los ua raws li Vajtswv lub homphiaj uas twb tau teem tseg lawm. Muaj peb txojcai nyob rau hauv tus neeg Naxis tej lus cog tseg: tsis noj lossis tsis haus ib yam dabtsi ua los ntawm tej txiv hmab xws li, cawv, kua txiv hmab, tej txiv hmab qhuav; tsis chwv lub cev tuag lossis lub cev yuav tuag; tsis lo txiav plaub hau thaum uas tab tom nyob rau lub sijhawm cog lus. 

Thaum xaus lub sijhawm cog lus , tus neeg Naxis yuav txiav nws cov plaub hau fij rau Vajtswv. 

Nyob hauv Vajluskub, Xaxoos yog ib tug nyob rau hauv peb tug neeg Naxis coj raws li cov lus cog tseg thaum tus neeg Naxis uas nyuam qhuav yug los. Tshuav dua ob tug yog Xamuyees thiab Yauhas Npatitus nkawd. Nyob rau hauv peb tug no, lawv niam lawv txiv yog tus sawv ces lees tej lus cog tseg. 

Vim tej lus cog tseg, tseg rau tus neeg Naxis, Xaxoos thiaj tau xaiv tshwj tawm los ua Vajtswv tes haujlwm mus tag nrho yawg lub neej. Yawg yuav tau coj raws li tej lus cog tseg no. Tiamsis peb paub tias Xaxoos tsis ua raws li ntawd. Yawg haus cawv, noj zib muv muab hauv ib tug tsov ntxhuav lub cev tuag los. Yawg kuj siv ib lub kauj tsaim nees zag los nrog cov tub rog Filitees sib ntaus. Yawg tsis lo chwv rau tej cev tuag, tiamsis yeej tsis muaj dabtsi tshwmsim tuaj thaum uas yawg chwv. Tsis tas li ntawd yawg tseem khav txog tej yam uas yawg ua tau thiab. 

Ces Dalidas nkag los rau hauv yawg lub neej. Thaum kawg, Xaxoos thiaj qhia rau nws paub tias thaum uas ua lub neej raws li cov lus cog tseg txog tus neeg Naxis no, yawg tsis tau cai txiav plaub hau, ces Dalidas txawm cia li ua haujlwm sai. Thaum Xaxoos tab tom pw tsaug zog, Dalidas tau tso neeg muab yawg cov plaub hau chais. Xaxoos tsim dheev los nws xav tias ntshai nws tseem muaj zog li qub, tiamsis Vajtswv twb tsis nrog nws nyob lawm. Cov lus cog tseg twb raug rhuav thaum uas yawg cov plaub hau tsis tshuav lawm. Vajtswv lub zog loj twb tsiv tawm ntawm yawg mus lawm. 

Xaxoos twb tsis lees tias lub zog loj no yog Vajtswv li. Yawg txoj kev khav theeb tau ua rau yawg raug kev puam tsuaj. Tiamsis zaj xwm txheej tsis yog xaus qhov no xwb. Sijhawm dhau mus, yawg cov plaub rov qab ntev tuaj. Tseem ceeb dua, yawg txoj kev ntseeg kuj loj hlob. Nyob rau hauv Cov Thawj Tswj 16:28, peb pom Xaxoos pib cia siab rau Vajtswv. 

“Ces Xaxoos thov hais tias, "Tus Tswv uas kav ib puas tsav yam, thov nco txog kuv lauj! Vajtswv, zaum no thov koj pub rau kuv rov muaj zog li qub ib zaug ntxiv, kom kuv pauj tau cov Filitees no. Kuv chim heev vim lawv muab kuv ob lub qhovmuag kaus povtseg lawm” 

Nyob rau hauv cov lus taij thov no, Xaxoos lees hais tias Vajtswv yog yawg lub zog loj. Cov plaub hau tsuas yog lub cim qhia txog muab nws tus kheej fij rau Vajtswv xwb. Vajtswv tso cai rau Xaxoos rov qab tau coj raws li tej lus cog tseg rau cov neeg Naxis dua ib zaug ntxiv, thiab tom qab ntawd siv Vajtswv lub zog loj los ua tiav raws li Vajtswv lub siab nyiam. 

Zoo ib yam li Xaxoos, peb yuav tau ua tib zoo ceev faj tswj yus tus kheej tshwj tawm tseg rau Vajtswv siv.

Thov caw nrog kuv peb thov Vajtswv ua ke

Vajtswv, kuv ua Koj tsaug vim nyob rau hauv lub ntiajteb dav li dav no, kuv tau Koj xaiv thiab tshwj tawm los ua Koj tes haujlwm. Thov Vajtswv Koj pab kom kuv nco ntsoov tias Koj yog kuv lub hauv paus muaj zog, kom kuv tuav rawv lub siab txo hwjchim thiab mloog lus. Thov Vajtswv Koj siv kuv txhais ko tes me me no ua Koj tej haujlwm loj rau Leej Txiv Koj lub tsev. Kuv thov hauv Tswv Yexus Khetos lub npe. Amees. 

Cov kwv tij txhua tus, peb yuav tau ceev faj rau tej koob hmoov uas Vajtswv pub! Peb yuav tau mloog lus thiab ceev faj, tsis pub kom yeebncuab muaj sijhawm nyiag tau peb lub hauv paus zog uas Vajtswv pub rau peb. Peb yuav tau qhuas Vajtswv txog tej haujlwm uas Vajtswv ua dhau ntawm peb.

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.