Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab.

Dhau ntawm Vajluskub, peb pom tau tias Vajtswv tsim muaj tej tug nrim txwv kom peb tsis txhob mus dhau thiaj li tsis ntsib teeb meem. Yog hais tias peb xaiv txoj kev khiav deb ntawm Vajtswv txhais tes mus, peb yuav ntsib teeb meem, cua daj cua dub thiab tej tsiaj qus nyias ntxhw tos tom peb. Yog peb mloog lus tsis mus dhau tus nrim ntawd, peb yuav nyob kaj siab rau hauv Vajtswv txhais tes. 

Hnub no, yog hnub 02/09/2022, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Andy Hollifield dhau ntawm Zaj kawm SAB NRAUM TUS NRIM

“Cov neeg pe tej mlom uas tsis muaj nqis dabtsi yeej tsis muab lub siab npuab koj.” (Yaunas 2:9). 

Nyob rau hauv kuv pab tshis, muaj ib tug hu ua Bella. Bella pheej nyiag khawb qhov av ntawm zaj laj kab nyiag khiav tawm mus sab nraud . Tiamsis thaum hnov kuv lub suab, ces nws nkag kiag rov qab los rau sab hauv ib yam li yeej tsis tau muaj dab tsi tshwm tuaj – nws ua cuag li nws yeej tsis tau mus dhau tus nrim thaiv ntawd. 

Bella ua cuag li uas nws yog tus tswv ntawm hav zaub no – nws zoo li ib tug dev mloog lus dua li uas yog ib tug tshis. Nws zoo siab heev thaum pom kuv, khiav los ntawm kuv thaum kuv hu thiab nrog kuv mus txhua qhov hauv lub tiaj zaub no. Nws tseem nrau lwm tus tshis yog tias cov ntawd txav los ti. 

Tiamsis Bella tsis paub tias qhov uas nws nyiag kev khiav tawm mus sab nraud tau ua ib tug qauv phem rau lwm tus tshis. Tsis ntev xwb ces, tag nrho pab tshis yuav xyaum nyiag nkag tawm sab nraud mus noj zaub. Lawv nyob ib ncig ntawm zaj laj kab thiab khiav rov qab los rau hauv thaum pom kuv tuaj. Lawv tsis paub tias zaj laj kab ntawd yog tsim los tiv thaiv lawv, thiab tseg ib tug nrim rau lawv. Kuv xav kom lawv yuav tau nyob twj ywm rau sab hauv, thiab kuj yog thaiv txhob pub cov tsiaj uas tab tom nrhiav tom nqaij noj sab nraud. Tus laj kab xov yog cov hlua xaw hlaus thiab muaj hluav taws xob, ntseeg tias ob qhov no txaus yuav tav tau tej tsiaj nyaum. 

Kuv pom tias tshis thiab neeg muaj tej yam zoo sib thooj. Tag nrho tshis thiab neeg puav leej tawv ncauj, muaj lub siab tawv thiab txiav txim siab ua yam uas yus xav txawm yog ntawd yuav yog yam uas phomsij. 

Dhau ntawm Vajluskub, Vajtswv tsim muaj ib tus nrim rau peb tsis yog vim Vajtswv qia dub. Vajtswv paub tias yam dab tsi tab tom nyob sab nraud tos ntsoov tawm tsam peb. Nyob sab nraud, peb yuav tau tawm tsam nrog yeebncuab txoj kev tua. Nyob rau sab hauv peb yuav ua tau lub neej tso siab lug thiab kaj siab lug. Vim Vajtswv twb tav yeebncuab lawm. Thaum peb mloog Vajtswv lus, Vajtswv yuav tsis cia ib yam dab tsi rhuav tshem nkag tau los rau hauv peb. Thaum uas peb ua yuam kev thiab mus dhau tus nrim ntawd, ces peb yuav ntsib tej yam teem meem tsis zoo mus tag ib sim neej. 

Kom kawm tau zaj kawm no, Yaunas tau ntsib dhau ib nthwv cua loj heev, tom qab ntawd nws raug muab pov rau hauv dej, muaj ib tug ntses loj heev nqos yawg thiab yawg yuav tau nyob rau hauv ntses plab peb hnub peb hmos. Yaunas tau ntsib dhau tag nrho tej no nws thiaj kam lees kev txhaum. Thaum Vajtswv tso Yaunas tawm hauv ntses plab los, yawg tsis khiav nkaum lawm. Yaunas yeej mus qhia nyob rau hauv lub nroog Nini-ves - ntawm no tej zaug yuav yog ib zaj kawm ceeb toom muaj zog rau sawv daws txog kev lees txim thiab kev ceev faj nyob rau hauv Vajluskub. Qhov teeb meem yog Yaunas txawm cia li muaj lub siab tsis zoo thiab ntxub, yawg liam txim rau Nini-ves txog txoj kev txomnyem uas yawg tau tiv, lawv tsimnyog raug li ntawd.  Dhau ntawm zaj kawm txomnyem no, Vajtswv tau qhia rau Yaunas txog Vajtswv lub siab  ntev - Vajtswv txoj kev ua siab ntev tsis muaj nrim yog tias peb paub tso kev txhaum tseg. 

Yaunas yeej tsis zoo siab txais yuav tej nqe zog zoo uas nws tau ua. Yawg qhia ib zaj thiab muaj tshaj li 120.000 tus neeg los tso kev txhaum tseg. Yaunas txoj kev chim tau ua rau yawg poob txoj kev hlub thiab lwm tus txoj kev saib taus nws, txawm yog nws tau mloog Vajtswv lus. Peb hnov pab Yaunas khuv xim heev vim rau qhov nws twb ua tej haujlwm zoo tiamsis nws ho tsis tau txais yuav tej nuj nqes zoo ntawm nws tes haujlwm ntawd. 

Peb puas tab tom tos ntsoov khiav tawm ntawm Vajtswv txoj kev tiv thaiv? Peb puas kam ua poob txoj koob hmoov thaum mloog lus thiab khiav mus mus los los rau sab nraum tus nrim? Peb yuav pom txhua yam txawv ntau heev yog tias peb tsev neeg tab tom yuam kev zoo li cov pej xeem nyob rau hauv lub nroog Nini-ves. Peb puas kam mloog Vajtswv lus, mus pab peb tsev neeg tso kev txhaum tseg thiab los ntseeg rau yav tom ntej no? Vajtswv yuav tsis txib Yaunas mus cuag lawv, tiamsis Vajtswv yuav txib koj.

Thov caw nrog kuv peb thov Vajtswv ua ke

Tus Tswv es, muaj ntau zaug kuv tawv ncauj tsis mloog koj lus, txhob txwm hla dhau tej nrim uas Koj tau txhos cia, thaum kawg kuv cim civ ua rau kuv poob mus rau tej qhov phom sij. Ua Vajtswv Koj tsaug vim muaj ntau zaug Koj tau cawm kuv thiab coj kuv rov qab los ntawm txoj kev noj qab nyob zoo. Thov Vajtswv Koj qhia rau kuv paub tias qhov twg yog nrim, kom kuv paub mloog Koj lus txhua lub sijhawm. Kuv thov hauv Tswv Yexus Khetos lub npe. Amees.

Cov kwv tij txhua tus, koj puas tab tom mus yuam kev rau sab nraum ntawm Vajtswv tus nrim lawm? Cia li tig rov qab los rau hauv Vajtswv tus ciam kev hlub uas Vajtswv tau tsim muaj, kom tau txais kev zoo siab nyob rau hauv txoj kev mloog lus. Kuj ib yam li ntawd dhau ntawm peb lub neej, coob tug yuav tso kev txhaum tseg thiab tig rov qab los cuag Vajtswv.

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.