Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab.

Thaum tus kab mob kis Covid-19 nyuam qhuav pib mob, tsis muaj leej twg yuav xav txog tias nws yuav mob ntev npaum no. Ntsib tej kev txomnyem ntau, tej zaug coob tug yuav khuab xeeb thiab nug tias vim li cas Vajtswv ho tsis ua ib yam ab tsi, thaum twg Vajtswv mam ua rau kom tus kab mob kis no tsis mob ntxiv…

Zaj kawm hnub no txhawb koj ruaj siab rau Vajtswv, tab pov tias koj yuav ntsia pom Nws txoj kev zoo.

Hnub no, yog hnub 11/06/2021, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Jane Samuel dhau ntawm lub npe RUAJ SIAB RAU VAJTSWV THAUM TSEEM MUAJ KAB MOB KIS

Kuv paub tseeb hais tias kuv tau ua neej nyob saib ntsoov tus Tswv tes haujlwm zoo thaum tsis tau tas kuv sim neej. (Ntawv Nkauj 27:13).

Kuv yog ib tug neeg tsis nyiam nyob coob coob ua ke, kuv yuav tau lees tias ntau zaug kuv hnov muaj kev txhaum vim kuv nyiam thaum uas luag sam hwm tsab cai, kaw qhov rooj, tav tsis pub mus rau ub rau no, thiab kom nyias nyob nyias twj ywm. Kuv yuav tsis tas poob sijhawm los xav txog tej lo lus nug xws li, “Hnub no kuv yuav mus qhov twg, ua ab tsi?, “Puas muaj homphiaj twg tseg rau lub thiv xaus? “thaum mus txog thaj chaw ntawd, yuav hnav ab tsi, nrog leej twg ua si, mus ua si thaum twg?” … kuv hnov zoo siab txog lub caij tamsi no. tseeb tiag, kuv yuav hnov txhawj thaum uas lub sijhawm no tas lawm, ib yam li koj tab tom caij lub tsheb kiv ces tamsi cia li nres kiag.

Hmoov tsis zoo, tej yam kuv hnov zoo siab no ho tsis tau txais yuav nyob rau ntawm txhua tus. Coob tug poob kev nrhiav nyiaj, ib txhia ua neej txhawj txog txoj sia, ib txhia yuav tau tawm tsam nrog tus cwjpwm ntshai nyob ib leeg, txhawj xeeb; thiab lwm tus, ib yam li kuv txiv tsuas nyob ib leeg kho siab heev thaum uas tsis muaj niam lawm, tshuav kuv ces ho nyob deb.

Kuv tau nyeem ib phau ntawv tus sau hais tias pauv qhov uas nug Vajtswv, “thaum twg”, “vim li cas”, “Yuav ua li cas”, Peb tsuas ntseeg Nws xwb. Paub tias tej lus nug no nws yuav ncig mus ncig los hauv peb lub hlwb xav. Thaum twg Vajtswv mam li cia kom tus kab mob no tsis mob ntxiv thiab Vajtswv yuav ua yam ntawd li cas. Vim li cas Vajtswv ho tsis ua kom tus kab mob txhob mob ntxiv ntxov me ntsis thiab vim li cas Vajtswv ho cia kom ntau tug ua lub neej txom nyem, nrog txoj kev txhawj ntshai.

Tseeb tiag, thaum tej lub sijhawm zoo li no peb txoj kev ntseeg thiaj lis raug sim tiag tiag.

Kev ntseeg rau ntawm Vajtswv yog ab tsi? Ntawd puas yog lub peev xwm tshem tau tej toj roob hauv pes? Ntawd puas yog lub peev xwm foom phem rau ib yam twg thiab ntsia pom nws qhuav tamsis ntawd? Lossis hais ib los ces tamsim ntawd lo lus ntawd txawm muaj tseeb? Txawm yog tej ntawd yuav tshwm sim nyob hauv Vajtswv lub hwjchim thiab Nws tus dej siab, tiamsis kev ntseeg tsuas yooj yim tias ntseeg Vajtswv xwb thaum uas txhua yam ib ncig peb tshwm sim tsis zoo li peb xav.

Henplais 11:6 Hais meej,

“Tus uas tsis ntseeg yeej ua tsis tau haum Vajtswv siab, rau qhov tus uas xav los cuag Vajtswv, tus ntawd yuav tsum ntseeg hais tias yeej muaj Vajtswv tiag, thiab Vajtswv yuav muab nqi zog rau tus uas los cuag Vajtswv.

Txawm yog peb tsis paub tias thaum twg peb tau txais nqi zog lossis yuav tau txais yam ab tsi, tiamsis yuav tau ntseeg tias Vajtswv yog tus yuav muab nqi zog rau tus uas nrhiav Nws. Ntawd yog peb txoj kev cia siab – cov neeg muaj kev ntseeg. Peb ntseeg tias yuav ntsia pom Vajtswv txoj kev ncaj ncees txawm yog peb tsis paub tias thaum twg mam lis muaj tej ntawd. Peb sim peb txoj kev ntseeg dhau ntawm kev ua siab ntev kom ua pov thawj tias Nws yog tus tsim nyog rau peb ntseeg siab.

Tsis ntev los no, wb tus ntxhais xav kom wb pab nws rov kho dua nws lub chaw pw. Wb ob niam txiv teb tias wb yuav pab nws ua tsis tau rau lub thiv no. wb tus ntxhais saib wb yam li tsis txaus siab, tiamsis sim xav saib wb tus ntxhais yuav xav li cas thaum uas nws paub hais tias vim li cas wb ho tsis tau pab nws ua rau lub thiv yuav xaus no. ntawd yog vim wb twb yuav ntau yam khoom heev rau nws lub hnub yug yuav los txog tom qab ob peb hnub ntawd. Feem ntau Vajtswv kuj yuav ua ib yam li no rau peb thiab. Nws muaj tej yam zoo dua uas peb tsis paub. Yog peb ua siab ntev ntseeg Nws, Vajtswv cog lus tias peb yuav pom Nws txoj kev zoo.

Thov caw nrog kuv peb thov Vajtswv ua ke: Tus Tswv, tsis paub tias thaum twg tus kab mob kis Covid 19 no mam xaus. Txawm yog tsis paub tias peb lub neej taig kis tseem yuav ntsib tej kev txomnyem, kev sim siab twg los peb yeej yuav ntseeg Koj thiab ntseeg tias peb yuav saj tau tej haujlwm zoo ntawm Koj kev ua siab ntev hauv kuv lub neej. Kuv thov hauv Yexus Khetos lub npe. Amees.

Cov kwv tij, txawm yog tamsi no koj ntsia tsis pom, tsis xam pom txog los Vajtswv lub homphiaj yeej yog lub zoo tshaj plaws. Nws muaj tej yam zoo dua tseg rau koj. Yog li txawm yog lub sijhawm tamsi no yuav zoo li cas, yuav tau ruaj siab thiab ntseeg siab rau Nws.

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!
Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawd cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.