Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab.

Koj tis lub ntsiab lus li cas rau ib txoj kev zoo nkauj tshaj plaws tsis muaj dabtsi piv tau? Ntawd puas yog txoj kev zoo nkauj sab nraud thiab ua rau tib neeg nyiam, yog sab nqaij tawv ntxim nyiam lossis koob npe nto moo lug? Nyob rau hauv Vajtswv qhov muag, tag nrho tej ntawd puav leej tsis muaj qab hau. Ib lub siab hwm Vajtswv thiab mloog Vajtswv lus puav leej yog txoj kev zoo nkauj uas tsis ploj li. 

Hnub no, yog hnub 13/09/2022, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Kathleen Grimm Welty dhau ntawm Zaj kawm KEV ZOO NKAUJ TSHAJ PLAWS

“Nej tsis txhob xav hais tias nej yuav tsum ntxias plaubhau zoo zoo lossis coj nyiaj coj kub lossis hnav tej tsoos zoo zoo nej thiaj yuav zoo nkauj.  Tsis yog li ntawd, qhov uas nej zoo nkauj yog qhov uas nej muaj lub siab dawb siab zoo thiab paub cai, thiaj yog qhov uas Vajtswv pom hais tias muaj nqis” (1 Petus 3:3-4)

Tus ntxhais ua yeeb yam plaub hau daj thiab tus tub seev cev sib tw nto npe: Lawv muaj yam dab tsi zoo sib thooj dhau qhov uas lawv tau nyiaj hli siab tshaj li triệu đô? Ib yam uas kuv saib pom yog tib neeg xav lawv txog kev zoo nkauj, uas yog lawv lub cev sab nraud. 

Txoj kev xav no txawm cia li muaj thaum kuv nyob ntawm chaw xa ntawv (bưu điện). Txhua hnub kuv yeej tsis xav li cas thaum nres tos nrog coob tug qhua lawv ua tsis taus siab ntev tos, thiab nrog rau ntau lub chaw rau ntawv nyob ib ncig. Tiamsis hnub no, kuv saib ntsoov rau hauv txoj kev uas tsim muaj tus tem xa ntawv. Lawv tau  ua zoo zoo los ntawm tej daim duab muaj tib neeg muaj lub cev ntaj ntsug zoo nkauj. Txoj kev tsim muaj no tau hnov qab tej yam tsis zoo uas ib tug tib neeg muaj. Thaum uas txav zuj zus mus rau tom ntej yuav xa kuv pob khoom, kuv cim civ nug tsis paub xyov leej twg thiaj yog tus txaus los tshwm ntsej muag nyob rau ntawm lub tem xa ntawv ntawd. 

Puas yog lub chaw tsim tus tem no lossis cov nom tswv loj lawv tau rho txheeb kom xaiv ib tug neeg uas lawv nyiam thiab lawv hwm? Lossis cia kuv tham txog ib tug neeg uas lawv yuav tau xaiv. Txawm tsis yog ib tug ntxhais plaub hau daj zoo nkauj nyob rau hauv 47 xyoo hauv lub neej. Lossis tus ntxhais ntawd, twb muaj plaub hau liab, ua ntej uas dhau los zas tshuaj thiab pleev tshuaj. Nws yuav tau phua taub hau kom rho ib tug pob txhab taub hau. Thaum no nws ib phab taub hau  mlos ib qhov loj loj, cov tawv taub hau mlos ib qhov kheej kheej dav li 10cm. ib lub qhov txhab caws pliav nyob ib ncig ntawm qhov mlos ntawd. Thiab saib nws yeej tsis tshuav plaub hau ntau lawm. 

Tej uas kuv tham txog no yeej tsis zoo ib yam li daim duab uas nyob rau hauv tus tem ntawv li. Tiamsis kuv tab pov tias kuv tus niam hluas zoo nkauj tshaj ntau tug muaj koob nto npe. Nws tsim nyog tau txheeb npe nyob rau hauv tus tem xa ntawv tshaj dua lwm tus tub sib tw muaj koob nto npe. 

Kuv tus niam hluas, Marilyn nws muaj ib txoj kev zoo nkauj nyob sab hauv uas riam yeej txiav tsis tu. Tua tshuaj mus tej zaug nws tsuas rhuav tshem  tau kuv tus niam hluas cov plaub, tiamsis yeej rhuav tshem tsis tau nws lub siab. Nws ua nws lub neej yog ib tug ntseeg Vajtswv, thiab nws lub qhov muag saib ntsoov mus rau lub mom kub ib txhis. Nws qhuas Vajtswv txhua lub sijhawm. Nws lub cev sab nqaij tawv tej zaug yuav muaj mob, tiamsis nws tus neeg tiag yeej tsis hloov. Tiv nrog txoj kev mob ntawm sab nqaij tawv, nws yeej muaj kev ntseeg khov – txawm yog nyob rau lub sijhawm uas muaj kev txomnyem. 

Vajtswv txojlus nyob rau hauv 1 Petus 3:3-4 qhia: 

“Nej tsis txhob xav hais tias nej yuav tsum ntxias plaubhau zoo zoo lossis coj nyiaj coj kub lossis hnav tej tsoos zoo zoo nej thiaj yuav zoo nkauj.  Tsis yog li ntawd, qhov uas nej zoo nkauj yog qhov uas nej muaj lub siab dawb siab zoo thiab paub cai, thiaj yog qhov uas Vajtswv pom hais tias muaj nqis” 

Txawm yog yuav muaj kev txomnyem ntawm sab nqaij tawv los, kuv tus niam hluas nws yeej muaj lub peev xwm pab lwm tus. Vim nws mus tsis taus kev yog li nws thiaj xaiv hu xov tooj rau sawv daws: xa ntawv mus ua khoom plig, xa cov lus txhawb zog; ua tim khawv qhia tias txhua tus muaj cuab kav yuav tau txais kev zam txim thiab dhau los zoo kawg nkaus thaum nyob rau hauv Tswv Yexus. 

Kuv tau hnov nws hu xov tooj nrog nws ib tug phooj ywg sib tham. Kuv pom kuv tus niam hluas luag thaum teb tias: “Kuv tsis ua cas! Tshuav koj ne zoo li cas?” Nws tsis yws vim nyob puag hauv nws lub siab, nws yeej tsis ua li cas. Nws yeej yuav tau txais kev kho zoo – nws paub li ntawd. Nws tau hais rau kuv tias Tswv Yexus muaj cuab kav kho zoo rau nws ib yam li uas Tswv Yexus tau kho tus neeg tuag tes tuag taw nyob rau hauv Vajluskub. Tsuas yog ib lub sijhawm luv luv xwb, Vajtswv muaj cuab kav hloov nws tus neeg tsis zoo dhau los zoo nkauj tamsim ntawd. Lossis Vajtswv kuj muaj cuab kav kho kom nws zoo thaum uas nws ntsia pom Tswv Yexus saum ntuj ceebtsheej. Nws yeej hnov txaus siab rau tag nrho ob txoj kev xav no. Twb yog vim li no nws thiaj tiv taus txoj kev txomnyem vim kab mob. Nyob ntawm txoj kev cia siab rau ntuj ceebtsheej, nws mus hauv Tswv Yexus, txawm yog tej qog yuav ua rau  nws muab nws txhais ko taw txiav pov tseg los Marilyn paub tias yus tab tom mus yog kev. 

“Cev zam zoo rub tau neeg lub siab, thiab kev zoo nkauj txawj ploj mus, tiamsis tsimnyog qhuas tus pojniam uas hwm tus Tswv.” (Pajlug 31:30). 

Yog li kuv yuav sau ib tsab ntawv mus rau tus thawj tuav lub tsev xa ntawv: “Yog tias tau txojcai xaiv ib tug neeg kom tsim nyog muab nws tus duab coj los luam tawm ua lub cim nco txog, kuv thov tsa rau Marilyn Grimm Sturm.” Tiamsis kuv hnov qab lawm! Txawm yog koj tus duab me me ntawd yuav tau luam tawm nyob rau hauv txheej triệu tus con tem xa ntawv los, qhov ntawd kuj yuav piv tsis tau rau qhov uas koj lub npe tau sau ib zaug nyob rau hauv phau ntawv uas cawm tib neeg txojsia. Marilyn Sturm twb tau Yexus Khetos txheeb npe lawm.

Thov caw nrog kuv peb thov Vajtswv ua ke

Tus Tswv, ntev los no kuv tau ntaus nqi tsis yog rau txoj kev zoo nkauj. Tej yam zoo nkauj sab nraud tsuas yog nyob ib ntus xwb, tiamsis tus tib neeg nyob sab hauv hwm Vajtswv thiaj yog tseem ceeb tshaj plaws. Thov Vajtswv Koj pab kom kuv dhau los zoo kawg nkaus nyob rau hauv koj, ua lub neej haum Koj siab, kom kuv lub npe tau muab sau cia rau hauv phau ntawv uas cawm neeg txojsia. Kuv thov hauv Tswv Yexus Khetos lub npe. Amees.

Cov kwv tij, Vajtswv muaj cuab kav muab koj tus kheej tej yam tsis zoo ntawd pauv los ua zoo. Tsuas yog yuav koj ntseeg siab thiab mus hauv Nws xwb, yeej tsis muaj ib txoj kev txomnyem twg yuav tav tau koj txoj kev dhau los zoo kawg nkaus. Koj lub neej yuav dhau los ua lub hauv paus, nthuav tawm Vajtswv lub hwjchim zoo kawg nkaus mus rau txhua tus.

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.