Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab.

Yog ib tug ntseeg Vajtswv, peb yuav tau paub Vajtswv, paub txog Vajtswv lub siab thiab tej uas Nws lub siab nyiam kom thiaj yuav ua lub neej tsimnyog rau Nws. Yam uas zoo yog tej uas peb cheem tsum paub txog Vajtswv twb tau muab nthuav qhia nyob rau hauv phau Vajluskub yog Vajtswv cov lus uas cawm neej txojsia. 

Hnub no, yog hnub 16/02/2022, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Daphne Delay dhau ntawm zaj kawm PAUB VAJTSWV

Muaj tej yam uas tus Tswv uas yog peb tus Vajtswv tsis qhia rau leejtwg paub; tiamsis Nws twb qhia Nws tej kevcai rau sawvdaws kom peb thiab peb tej xeebntxwv ua raws li tej kevcai ntawd mus ibtxhis (2 Kevcai 29:29)

Niaj hnub nim no, peb hnov mus hnov los lo lus xws li feem haujlwm thiab tham qhia. Thiab peb txhua tus yuav tau ris lub nra txog tej uas yus tau ua nyob rau hauv txhua seem, txij li ntawm tsev neeg mus txog rau sab nraum ntiajteb. Vajtswv tsis yog tsuas tshua txog tej ntawd xwb tiamsis Vajluskub tseem qhia meej meej rau peb tias peb yuav tau nthuav qhia txog peb txhua txoj kev txiav txim siab nyob rau hauv lub neej xws li nyob hauv Loos 14:12 tau sau,

“Peb txhua tus nyias yuav tau qhia nyias zaj rau Vajtswv” (Loos 14:12). 

Qhov no puas ua rau koj ntshai? Kuv xav hais tias yuav ntshai heev yog tias koj tsis paub Vajtswv thiab tsis paub Nws tus dej siab. Tiamsis kuv yeej tsis ntseeg tias tej uas Vajtswv yuam kom peb ua yog yuav ua rau kom peb ntshai. Kuv ntseeg tias lub luag haujlwm uas peb nyias yuav tau qhia nyias zaj nyob rau saum tej uas peb nkag siab thiab tej uas tau nthuav qhia rau peb lawm. Muab ua lwm lo lus hais, muaj tej yam Vajtswv muab zais cia, tiamsis kuj muaj tej yam Vajtswv tau xaiv nthuav qhia rau peb kom peb muaj cuab kav ua tau raws li Vajtswv txoj kev npaj nyob rau hauv ntiajteb no. Thiab yim tau Vajtswv nthuav qhia ntau rau peb ces peb yim ua tau ntau. 

Lub ntiajteb no puv npo tej tib neeg tsis paub txog Vajtswv tus dej siab thiab Nws lub siab nyiam. Twb yog vim li no ntiajteb yim hnub yim muaj kev kub ntxhov, nyob tsis sib haum, muaj kev txhaum thiab kev tuag. Thaj chaw twg tsis muaj kev nkag siab ces thaj chaw ntawd muaj yeeb ncuab tswj. Lo lus “Nkag siab” muaj ob lub ntsiab. Ib yog tsis muaj kev totaub, ob yog txhob txwm hnov qab ib yam dab tsi twg. Muab piv txwv, thaum uas hais tias kuv tsis nkag siab txog txoj kev kho tsheb ces ntawd tej zaug yog kuv tsis muaj kev kawm paub txog seem no, tiamsis kuv kuj txhob txwm hnov qab txog lub peev xwm tshawb nrhiav thiab, kawm nws. 

Paub tias yog tsis kawm tej kev paub txog kev kho tsheb, kuj tsis muaj kev txhaum dab tsi, tiamsis muaj ntau seem nyob rau hauv lub neej, tshwj xeeb yog tej teeb meem nyob rau hauv sab ntsujplig tsis yog li ntawd. Tsis nkag siab yeej tsis yog ib txoj koob hmoov. Tsis nkag siab txog tej yam nyob rau sab ntsujplig ces phom sij heev. 

Paulus hais tias, “Kuv ua li no kom dab Ntxwgnyoog thiaj ntxias tsis tau peb; rau qhov peb twb paub nws tes haujlwm tas lawm” (2 Kauleethaus 2:11)  

Muaj dua lwm phau txhais sau tias “kom dabntxwgnyoog thiaj tsis muaj zoo chaw dua peb” (Bản Nhuận chánh). Twb yog vim li ntawd Vajtswv xav nthuav qhia qhov tseeb rau Vajtswv tej menyuam thiab peb tej menyuam tib si. Vajtswv yeej tsis xav kom peb pheej ua lub neej nyob rau hauv txoj kev tsis paub, raug dag ntxias poob kev muaj yeej. Txoj kev paub tau nthuav qhia yuav cawm tau txoj sia, hais txog sab nqaij tawv, hais txog sab ntsujplig thiab txhua yam nyob nruab nrab. Dab ntxwgnyoog paub tej no thiab Vajtswv kuj paub tej no. 

“Muaj tej yam uas tus Tswv uas yog peb tus Vajtswv tsis qhia rau leejtwg paub; tiamsis Nws twb qhia Nws tej kevcai rau sawvdaws kom peb thiab peb tej xeebntxwv ua raws li tej kevcai ntawd mus ibtxhis” (2 Kevcai 29:29)

Muab ua lwm lo lus hais, peb muaj lub luag haujlwm yuav tau kawm, nrhiav, muab cim nco thiab rov qab qhia rau lwm tus. Kuv tsis xav tias thaum txog lub sijhawm kawg hauv lub neej, peb muaj cuab kav hais tias, “oh, kuv tsis paub tej no”, lossis “oh, kuv tau hnov qab cov lus tshoov siab ntawd”. Paub tias Vajtswv yog tus ua siab ntev thiab puv npo kev hlub. Tiamsis qhov uas Vajtswv nthuav qhia tseg rau peb nws muaj nws homphiaj. Tag nrho tiam no tej zaug yuav txais tau xov xwm txog txoj kev no lossis lwm txoj kev los ntawm tej uas peb paub thiab tej uas peb tau ua pub rau yam peb tau paub. 

Koj sim xav seb Vajtswv hnov zoo li cas thaum uas pom Nws tej menyuam muaj kev txomnyem, muaj kev tu siab, muaj kev quaj ntsuag, ua xyem xyav, tiamsis qhov tseeb tiag Vajtswv twb pub txoj kev pab rau lawv nyob hauv Nws txojlus lawm. Vajluskub yog lub hauv paus nthuav qhia rau peb. Vajtswv kuj pub Vaj Ntsujplig rau peb, tus uas yuav pab peb. 

Peb muaj lub luag haujlwm nyias yuav tau nthuav qhia nyias zaj, tiamsis tsis yog yus cim civ ua txhua yam uas yuav tsis muaj kev pab. Cia siab tias peb txhua tus yuav paub txog peb lub luag haujlwm thiab ua raws li ntawd. Thiab kuv thov Vajtswv tias koj yuav nrhiav tau txoj kev zoo siab loj nyob rau hauv txoj kev nrhiav pom no, ib yam li tus sau  Ntawv Nkauj tau hais: 

“Koj tej lus cog tseg ua rau kuv zoo siab npaum li tus neeg uas mus nrhiav tau ib lub qhov nyiaj” (Ntawv Nkauj 119:162).

Thov caw nrog kuv peb thov Vajtswv ua ke: Ua Vajtswv Koj tsaug vim tej uas tau nthuav qhia nyob rau hauv Koj txoj lus pab kuv paub Vajtswv, paub Koj tus dej siab thiab Koj lub siab nyiam. Thov pub rau kuv kom kuv hlub Koj txojlus txhua hnub, thiab thov kom kuv tag siab ua lub neej raws li Koj lub siab nyiam. Kuv thov hauv Tswv Yexus Khetos lub npe. Amees. 

Cov kwv tij txhua tus, koj tab tom paub Vajtswv zoo li cas? Nyob rau hauv thiv no, koj yuav ua li cas kom paub Vajtswv lub siab nyiam thiab paub Vajtswv tus dej siab ntau dua?

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawd cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.