Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab.

Koj puas tau ntsib dhau txoj kev nkees vim pheej ua lub neej hnub dhau hnub nws zoo li qub? Koj tos yam dabtsi tshiab nyob hauv lub neej? Vajtswv txojlus hnub no txhawb kom koj ntseeg siab rau Vajtswv yog tus yuav hloov pauv koj lub siab dua tshiab thiab pub rau koj muaj kev zoo siab txhua hnub.

Hnub no, yog hnub 28/12/2023, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Kim DeHoog dhau ntawm Zaj kawm HLOOV TXOJ KEV SAIB DUA TSHIAB

“Tus Tswv, koj tshawb saib kuv lub siab thiab lub neej, koj yeej paub zoo.” (Ntawv nkauj 139:1)

Peb yooj yim poob mus rau txoj kev qaug zog yog tias pheej ua mus ua los tej yam uas peb ib txwm ua. Kuv tus kheej yog tus uas ntsib dhau zoo li no rau txhua hmo noj hmo nrog tsib tug neeg hauv kuv tsev neeg. Yog li kuv tsuas quab yuam tus kheej thiab yeej tsis xav nrog tsev neeg noj hmo nrog rau cov kwv tij nus muag. Kuv pom tias kuv tsis tau muaj ib zaum twg nug lawv txog ib hnub dhau los lawv zoo li cas thiab tsis txais tos qhov uas lawv muaj ntsej muag noj hmo ua ke txhua hmo. Xav txog lub sijhawm ntawd kuv hnov khuv xim . Lub sijhawm no kuv paub tias noj hmo nrog tsev neeg ua ke yuav tsum muab tso ua ntej.

Tej yam uas tshwm sim los raug rau kuv ua rau kuv pom hais tias kuv yuav tau ntsib txoj kev nkees nyob hauv lub neej no. Qaug zog, thiab tsis zoo siab vim pheej ua tej uas ib txwm ua dhau los. Txawm yog kwvtij, phoojywg lossis yus tus txijnkawm puav leej muaj txojkev qaug zog thaum uas pheej ua lub neej zoo li qub xwb. Piv txwv li thaum peb pom daim phuam ntxuav muag poob rau hauv pem teb peb paub tias ntawd yog leej twg li. Thiab peb yooj yim paub tias tus neeg ntawd coj li cas vim peb ib txwm nrog nws ua phoojywg zoo thiab paub zoo nws tus cwjpwm.

Nyob hauv txoj kev nrog tus Tswv mus txhua hnub los kuj zoo ib yam nkaus li ntawd, yuav muaj qee lub sijhawm peb hnov qaug zog. Puas tau muaj zaum twg koj mus pehawm Vajtswv tiamsis tsaug zog zis? Puas tau muaj zaum twg koj hais tias kuv twb mloog mus mloog los zaj lus qhuab qhia ntawd ntau zaug los lawm. Puas tau muaj zaum twg koj cim civ nug hais tias koj kawm tau yam dabtsi ntawm ntu Vajluskub uas yus nyuam qhuav yeem tau? Tej zaum peb yuav nkees vim peb tej lus thov Vajtswv.

Thaum uas peb nkees Vajtswv ces ntawd yog yam uas phomsij heev vim peb yuav tsum tau paub tias Vajtswv yog tus muaj hwjchim. Thaum peb ib txwm ua lub neej nrog txojkev ua neej txhua hnub thiab hnov qaug zog ces peb yeej tsis pom yam ntawd yog yam zoo uas Vajtswv ua lawm. Tej zaum peb txhua tus puav leej paub ntu Vajluskub Nkauj quaj ntsuag 3:23: “ txojkev hlub ntawd muaj txhua hnub, ib yam li lub hnub niaj tag kis tawm tuaj.”

Yog tias peb thov Vajtswv kom Vajtswv hloov pauv tej yam uas peb ntsia pom ntawd ib puas tsav yam ntawd yog lub siab nco Vajtswv tshav ntuj txog txhua yam uas Vajtswv tau ua pub rau peb.

Yog li, yuav ua li cas peb thiaj yuav hloov pauv tau thiab tsis nkees? Tej zaug peb txhua tus puav leej ib txwm paub tias 2+2=4, peb nco hauv siab qhov no thaum nyuam qhuav kawm ntawv theem 1. Tiamsis dhau ntawm phép tính cộng no peb tseem kawm phép tính nhân, trừ, chia. Nyob ntawm Vajtswv txhua lub caijnyoog sib txawv hauv lub nej no peb yuav ntsib ntau yam tshiab nrog Vajtswv ua ke. Yog tiag Vajtswv txoj kev cob ntuas peb ib zaug nws hloov lawm ib yam lossis Vajtsv txoj kev hlub uas muab pub rau peb nws txawv mus dhau txhua hnub ces yuav loj hlob tsis tau thiab peb yuav pom tsis meej txog Vajtswv txoj kev hlub uas tsis muaj hnub yuav hloov pauv.

Tej yam uas tshwm sim ib ncig nyob ntawm peb nws muaj nqis tseg rau peb yuav siv txog tom qab no. Thaum peb xav tias peb tsis muaj kev sib txuas ua ke nrog tej neeg ib ncig thiab thaum uas peb pom tias peb yog cuab yeej tseg rau Vajtswv siv ces peb yuav paub Vajtswv siv tej lub caijnyoog ntawd los cob qhia peb. Yog tias peb hnov nkees ces peb twb ua poob ntau zaj kawm uas Vajtswv xav qhia rau peb nyob hauv lub neej no lawm.

Vajtswv txojlus hais tias peb tau tsim los zoo kawg nkaus. Yog tias Vajtswv khuv xim vim Vajtswv tau tsim koj los lossis Vajtswv tag kev cia siab rau yam uas koj ua ces koj yuav hnov zoo li cas? Lossis Vajtswv hnov tsaug zog los ntawm peb txoj kev pehawm Vajtswv no ua cas? Tiamsis Vajtswv txojlus nyob hauv Ntawv nkauj 139:4 sau tias: “ txawm yog thaum kuv tseem tsis tau hais lus los koj twb xub paub ua ntej lawm hais tias kuv yuav hais dab tsi.”

Vajtswv yeej nrog nraim peb nyob thiab xav kom peb ua neeg tshiab txhuab hnub, dhau ntawd Vajtswv tseem xav kom peb nrog Vajtswv tham. Tshaj qhov ntawd, Vajtswv tseem xav kom peb siv peb lub peev xwm ua rau kom Vajtswv tau koob meej.

Kom txais tau Vajtswv txoj koob hmoov peb yuav tau ua raws li yam Vajtswv qhia , siv lub sijhawm los qhuas Vajtswv tus uas niaj hnub ntuas peb kom peb nco ntsoov tias Vajtswv pab peb kom peb muaj zog tiv taus dhau tej kev qaug zog nyob hauv lub neej no. Cia li qhuas Vajtswv lub npe dawbhuv yog tus uas nag hmo hnub no thiab nyob mus ib txhis tsis hloov pauv. Vajtswv nrog peb nyob thiab saib xyuas peb.
Feem ntau peb txhua tus puav leej muaj txoj kev sib raug zoo ua ke. Yog tias peb tsis suav tias ntawd yog ib qhov txujci Vajtswv ua nyob hauv peb lub neej ces peb yuav tsis paub Vajtswv lub hwjchim. Yog tias peb ua li no ces tej neeg ib ncig peb yuav ntseeg tias Vajtswv yog tus muaj hwjchim thiab ua tau txhua yam. Yog li peb paub tias Vajtswv yog tus hloov pauv peb kom peb ua rau Vajtswv tau koob meej.

Thov caw nrog kuv peb thov Vajtswv ua ke
Ua Vajtswv tsaug vim koj yog tus tsim kuv los zoo kawg nkaus . Ua koj tsaug rau zaj kawm hnub no ntuas kom kuv nco ntsoov tias kuv yuav tau tseg sijhawm los nrhiav Vajtswv koj txojlus nyob hauv kuv kom kuv hloov dua tshiab txhua hnub. Thov Vajtswv koj tshem tej kev xav tsis zoo ua rau kuv qaug zog mus. Tiamsis kuj thov kom Vajtswv koj pab kom kuv paub tias kuv tsuas hloov pauv raws li koj lub siab nyiam thaum kuv paub saib txhua yam los ntawm ib qho tshiab, kuv thov hauv Tswv Yexus khetos lub npe A-mees.

Cov kwvtij, koom tib qhov teeb meem tiamsis muaj ntau txojkev los ntsia thiab daws sib txawv. Koj yuav tau saib ntsoov mus rau ntawm Vajtswv ua ntej qhov uas tsuas saib ntsoov rau koj tej teeb meem uas koj ntsib. Vajtswv xav kom koj tau txais txojkev zoo siab txaus siab thiab nco Vajtswv tshav ntuj txhua feeb nyob hauv lub neej no. Cia li mus rau hauv Vajtswv txojlus thiab nrhiav Vajtswv txhua hnub.

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.