Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab.

Tej hnub uas nyias yuav tau nyob nyias twj ywm hauv tsev vim tus kab mob kis Covid-19 tau ua rau peb coob tug raug khuab nyob rau hauv tsev, mus tsis tau rau tom tuam tsev pehawm Vajtswv ua ke. Yog li thaum txojcai nyias nyob nyias twj ywm hauv tsev ntawd tau qhib, koj puas ntshaw kom tau mus pehawm? Raug khuab rau hauv tsev yog yam uas hloov tsis tau, tiamsis txhob cia ib yam dab tsi muab peb txoj kev hlub Vajtswv thiab hlub tej tib neeg txhaum khuab cia. 

Hnub no, yog hnub 28/03/2022, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Emily Pippin dhau ntawm Zaj kawm  RAUG KHUAB RAU HAUV TSEV

Tus Tswv, kuv twb yuav tuag, kuv tos ntsoov koj txojkev cawm dim; kuv cia siab ntsoov rau koj tej lus (Ntawv Nkauj 119:81)

Ntawd yog xyoo 1963, txawm los nag daus loj thiab cua ntsawj loj heev hauv lub nroog Boston thiab ncaj rau lub sijhawm muaj kev thov Vajtswv ua ke thaum hmo plaub. Vim mus tawm tsis taus rau nraum zoov yog li peb thiaj txiav txim siab nyob hauv tsev thiab npaj kev pehawm hauv peb lub tsev. 

“Niam peb tsav tsis tau tsheb maj mam mus rau tom tuam tsev li los? Kuv xav ntsib tej phooj ywg, xav mloog Xibhwb Starr qhuab qhia, thiab xav paub saib kuv yuav thov Vajtswv rau leej twg”. Ntawd yog kuv tus tub muaj 6 xyoo npe hu ua Donnie nws tej lus ntshaw. 

Donnie nyiam lub sijhawm tau thov Vajtswv nyob tom tuam tsev heev. Thaum cov poj niam mus rau hauv chav tseg rau cov poj niam, cov txiv mus rau chav tsev rau cov txiv tsev, kuv tus tub thiab nws tus phooj ywg hu ua Chukie nkawd yuav tau koom pab txiv neej yog cov neeg laus thiab yam uas zoo yog nkawd mus koom tau zoo heev. 

Thaum uas hnov tus menyuam nug li ntawd, kuv yuav tau ua tib zoo hais, “Metub mus tsis tau li os nawb. Tawm mus nraum zoov lub sijhawm no phomsij heev. Tub ceev xwm twb yuam kom txhua tus tsis txhob mus nraum zoov tsuas tshwj thaum muaj haujlwm ceev nrooj xwb. Tsuas yog leej twg nyob ze tuam tsev thiaj lo mus xwb”. 

Peb paub tias yeej tsis muaj ib yam dab tsi yuav tav tau Xibhwb npaj nws lub sijhawm thov Vajtswv. Xibhwb lub chaw nyob nrug deb tuam tsev li 3Km thiab feem ntau yuav muaj ib tug neeg siv lub tsheb uas mus tau rau saum cov daus no mus tos Xibhwb. 

Tig rov qab los rau kuv tsev neeg kev pehawm Vajtswv, peb hu nkauj qhuas Vajtswv, nyeem Vajluskub thiab sib tham uas ke txog lub ntsiab lus nyob rau hauv feem Vajluskub ntawd thiab tej uas peb yuav muab coj los siv tau. Nyuam qhuav xaus xwb. Donnie khiav ncaj nraim mus rau hauv chav pw, pheeb rau ntawm phab ntsab, saib cov daus tab tom ntau zuj zus, nws thiaj nug hais tias: “Niam koj puas xav tias lawv lub sijhawm pehawm tom tuam tsev xaus lawm los tsis tau?” 

“Tej zaug yuav xaus lawm thiab,” Kuv teb. 

“Koj puas xav tias Xibhwb los mus tsev lawm tau?” 

“Tej zaug yuav los lawm”. 

“Niam kuv puas hu tau rau xibhwb nug saib hmo no zoo li cas, puas muaj leej twg thov txais yuav Tswv Yexus?” 

“Tau, metub! Niam xav tias ntshe xibhwb yuav zoo siab heev thaum uas paub hais tias koj nco txog cov neeg uas lawv yuav mus tau rau hauv tuam tsev thiab koom kev pehawm.” 

Donnie hu xov tooj thiab tseem zoo tshaj tej uas kuv xav, nyob rau hmo uas daus puv nkaus txhua qhov, hauv kev thov Vajtswv tsuas muaj neeg tsawg tsawg xwb, tiamsis ho muaj ib tug neeg txais yuav Tswv Yexus. 

Donnie zoo siab heev thiab dhia paj paws ntsoos thaum uas tham rau peb mloog txog tej uas tau nrog Xibhwb sib tham, “Niam, muaj ib tug neeg nyob sab nraud tsis paub Vajtswv tau tawm mus nraum zoov rau hmo no thiab tau hnov tej lus timkhawv tias Tswv Yexus hlub thiab tau tuag rau yawg, zoo kawg nkaus li puas yog?” 

Ntawv Nkauj 119:81 sau, “Tus Tswv, kuv twb yuav tuag, kuv tos ntsoov koj txojkev cawm dim; kuv cia siab ntsoov rau koj tej lus”. 

Donnie thiab wb peb tug menyuam ntxiv puav leej ntshaw kom cov tib neeg uas tsis tau paub Vajtswv tau txais kev cawmdim. Lawv tshua txog cov tib neeg uas tab tom puas tsuaj, lawv thov Vajtswv rau tej phooj ywg thiab tej neeg ib ncig tsis tau paub Vajtswv, thiab zoo siab thaum uas hnov lossis pom ib tug neeg los koom rau hauv Vajtswv tsev neeg. 

Yog ib tug ntseeg Vajtswv, peb yuav tau muaj lub siab tawv ua tim khawv qhia peb txoj kev ntseeg rau lwm tus. Ntawm no yog lub sijhawm yuav tau nthuav tawm kom meej, tsis tas txaj muag txog peb tus Vajtswv uas loj kawg nkaus thiab Nws txoj kev cawmdim tau ua dhau ntawm Nws tus Tub Tswv Yexus. 

Peb tus Xibhwb nyuam qhuav npaj tiav tej zaj kawm txog Vajtswv thiab Nws yog tus zoo li cas raws li Vajluskub: 

Vajtswv yog tus muaj kev hlub, Vajtswv ntshaw kom cov tib neeg tsis tau txais kev cawmdim lawv mus cuag Nws. 

Vajtswv yog tus ua siab ntev, pub txojsia ib txhis rau peb kom tau nrog Nws nyob ua ke. 

Vajtswv yog tus muaj lub siab hlub tshua, tab pov rau peb tias Nws twb zam peb tej kev txhaum thiab tsis nco txog tej kev txhaum ntawd ntxiv lawm: “Hnubtuaj deb hnubpoob npaum li cas, tus Tswv tshem peb tej kev txhaum mus povtseg deb npaum li ntawd” (Ntawv Nkauj 103:12). 

Peb muaj cuab kav ua tim khawv qhia “Vajtswv yog tus zoo li cas” thiab loj hlob lub siab zoo siab thaum uas hnov xov txog leej twg tau txais kev cawmdim, los koom rau hauv Vajtswv Pawg Tseeg, dhau los ua tus tau nrog Yexus Khetos kav. 

Tej zaug koj tsis raug khuab rau hauv tsev vim kob nag daus. Tej zaug thaj chaw koj nyob yeej tsis muaj daus. Tiamsis txhob cia peb cov ib tug twg raug khuab txog qib uas yuav nthuav qhia tsis tau Vajtswv txoj kev hlub thiab Nws kev zoo siab nyob rau hauv peb txoj kev sib raug zoo nrog Vaj Leej Txiv dhau ntawm Vaj Ntsujplig.

Thov caw nrog kuv peb thov Vajtswv ua ke: Tus Tswv, thov ua rau kom kuv muaj lub siab ntshaw Koj, zoo siab hauv txoj kev sib raug zoo ua ke nrog Koj thiab kub siab lug nthuav tawm Koj txoj kev hlub pab rau cov tib neeg tabtom puastsuaj kom lawv tau txais kev cawmdim. Kuv thov hauv Tswv Yexus Khetos lub npe. Amees.

Cov kwv tij txhua tus, nyob rau lub sijhawm tsis ntev los no, koj tabtom ntshaw kom tau nrog Pawg Ntseeg pehawm ua ke nrog Vajtswv zoo li cas? Koj puas tshua txog cov neeg tab tom puas tsuaj yuav tau hnov txoj moo zoo thiab yuav ntseeg Yexus li cas? Yog tias tej hnub dhau los koj tab tom txias zuj zus thiab tsis quav ntsej, hnub no cia li los cuag Vajtswv thiab ua rau kom koj muaj lub siab tshiab ntshaw sib cog lus ua ke rau Vajtswv.

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawd cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.