Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab.

Feem ntau coob tug suav tias txoj kev “ib tug ua pauj ib tug” yeej tsis ua li cas, thaum uas muaj ib tug neeg twg tau ua rau koj puas tsuaj tej yam muaj nqis. Tiamsis yog cov neeg tau cawm los ntawm Tswv Yexus cov ntshav uas muaj nqis, peb yuav tau xyaum lawv li Nws tus qauv, tsis yog tsis pub ua pauj xwb tiamsis tseem thov Vajtswv pab rau cov uas tsimtxom yus. 

Hnub no, yog hnub 30/03/2022, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Brad Henry dhau ntawm Zaj kawm TXHOB UA PAUJ

Thaum luag thuam nws, nws tsis teb luag ib los li; thiab thaum luag tsimtxom nws, nws tsis foom luag, tiamsis nws muab tej ntawd tso rau Vajtswv tus uas txiav txim ncaj ncees (1 Petus 2:23)

Puas tau muaj ib zaug twg koj siv zog ua tej haujlwm zoo tiamsis cuag li txhua tus lawv yeej txhob txwm tsis pom tej haujlwm uas koj tab tom ua? Puas tau muaj ib zaug twg koj muab tag nrho koj lub hlwb thiab lub siab tso rau ib teg haujlwm twg tas ces txawm cia li muaj lwm tus txeem los txeeb tag nrho txhua lub koob meej ntawd lawm? Puas tau muaj ib zaug twg koj raug luag liam txim? Yog tias koj yeej tsis tau ntsib dhau tej no dua li, kuv xam tias thaj chaw uas koj ua haujlwm yog ib lub chaw ua haujlwm zoo tshaj plaws hauv lub ntiajteb niaj hnub nim no. 

Vajluskub tham txog Tswv Yexus nyob rau hauv 1 Petus 2:23 li no: 

“Thaum luag thuam nws, nws tsis teb luag ib los li; thiab thaum luag tsimtxom nws, nws tsis foom luag, tiamsis nws muab tej ntawd tso rau Vajtswv tus uas txiav txim ncaj ncees” 

Tswv Yexus muaj cuab kav tav txhua lo lus foom phem, hem, yuav tawm tsam Nws dhau qhov uas hu cov tub rog uas yog cov timtswv saum ntuj ceebtsheej los cheb txhua tus thiab txhua yam uas phem mus. Tiamsis yog Tswv Yexus ua li ntawd, ces ntshe peb twb tsis dim lawm. Tswv Yexus tau ris lub txim uas tsimnyog peb yog  tus yuav tau ris, Nws muab tus kheej raug tuag kom peb thiaj tau cawm los ntawm peb txoj kev ntseeg txais yuav Vajtswv txoj kev hlub. 

Yog li, yog thaum peb ntsib tej lus foom, lus hais phem, ua saib tsis taus vim peb ua haujlwm zoo, kav tsij ua siab tawv thiab txhob ua poob lub sijhawm nthuav Vajtswv qhia rau lawv. Feem ntau cov tib neeg tseem ua haujlwm zoo li ntawd los vim lawv yeej tseem nyob rau hauv qhov tsaus ntuj, tsis paub qhov tseeb txog Vajtswv. Txhob hnov qab tias peb lub homphiaj ua neej nyob hauv lub ntiajteb no tsis yog nrhiav nyiaj los txhab ntxiv rau cia hauv tsev cia nyiaj lossis npaj ib txoj haujlwm rau tus kheej mus rau qhov siab. Peb tes haujlwm, cov tib neeg tau txais kev cawmdim, yog dhau los ua qhov kaj rau lwm tus. 

Yog koj yog tus neeg nqis tes ua haujlwm, koj paub tseeb tias peb tsis yog tus yuav tau txiav txim rau yus txoj kev muaj. Yog Vajtswv txhais tes nyob nrog ces txhua yam yuav loj hlob. Yog Vajtswv tshem Nws txhais tes lawm ces peb tes haujlwm yuav pob puas. Yog li txhob cia kev khav theeb ua rau koj xav hais tias koj yog tus ua tag nrho txhua yam. Thaum peb paub tseeb tias yus yeej tsis yog leej twg ces txawm yog yuav muaj leej twg ua saib tsis taus, thuam, los peb kuj hnov tias tsis tas yuav nrog cov neeg no sib cav, tsis tas nrog lawv sib hais kom muaj yeej swb ua tus dab tsi. 

Vajluskub tham txog Tswv Yexus li no tias “Muab tus kheej fij rau tus uas txiav txim ncaj ncees.” 

Cia li thov Vajtswv kom peb muaj txaus kev ntseeg tsis ua pauj. Thov Vajtswv kom Vajtswv siv peb muaj hwjchim thaum uas peb tsis cia kev khav theeb ua tab kaum peb tej lus tim khawv. Tswv Yexus tau ua li ntawd. Thaum uas Nws raug ua saib tsis taus los Nws yeej tseem thov Vajtswv pab rau cov neeg uas ntes Nws. Tseem tshuav coob tug tib neeg nyob rau hauv lub ntiajteb no yeej tseem tsis tau paub txog Tswv Yexus. 

Hais raws li kev ncaj ncees, yog tsis los ntawm Vajtswv kev hlub ces peb kuj phem ib yam li lwm tus, yog li txhob txiav txim rau lwm tus lossis nrhiav kev yuav ua pauj lawv. Nco ntsoov tias koj tsis tsimnyog, kuj txais tsis tau kev cawmdim los ntawm koj kev siv zog. Vajtswv yog tus uas tau los nrhiav cawm koj. Tag nrho yog Nws txoj kev hlub.

Thov caw nrog kuv peb thov Vajtswv ua ke: Tus Tswv, ua Koj tsaug txawm yog kuv ua tsis tsheej dab tsi los, Koj yeej tseem hlub kuv, tuag theej kuv saum ntoo khaublig txhiv kuv rov los. Thov pab kom kuv paub hlub Koj thiab hlub tej neeg ib ncig, zam txim thiab thov Vajtswv pab rau cov neeg uas ua rau kuv muaj kev tu siab thiab dhau los ua ib qhov pov thawj cia siab rau Koj txoj kev hlub. Kuv thov hauv Tswv Yexus Khetos lub npe. Amees.

Cov kwv tij txhua tus, zaug ntxiv, yog tias koj hnov tiv tsis taus lawm no ces cia li thov Vajtswv rau yus tus kheej. Zaug ntxiv, yog muaj lwm tus hais lus saib tsis taus, ua tsis zoo rau koj, cia li thov Vajtswv pab rau lawv. Zaug ntxiv, yog kev khav theeb xav ntxig nws tus tw phem rau hauv, cia li thov Vajtswv pub rau koj muaj lub siab tiaj tus thiab paub tswj tus kheej. Zaug ntxiv, yog koj xav tias txhua tus tab tom tawm tsam koj, cia li xav txog ntoo khaublig. Cia li txais yuav koj ib hnub zoo kawg nkaus thiab tsis tas txhawj dab tsi. Vajtswv paub tej uas tab tom tshwm sim thiab Nws yog tus txiav txim ncaj ncees. Cia li muab koj lub siab khav theeb tso rau ntawm ntoo khaublig.

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawd cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.