Peb pheej xyaum ua raws li tus neeg uas peb nyiam thiab peb xav. Tib txhij ntawd peb kuj nkag siab tias peb tsis txhob xyaum raws li tus neeg uas peb tsis nyiam. Yog li, lo lus nug hnub no yog: “Koj puas hlub Vajtswv? Koj puas xav kom dhau los zoo li Vajtswv?”

Hnub no, yog hnub 08/11/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Benjamin Brittain dhau ntawm Zaj kawm COV NEEG XYAUM UA RAWS LI VAJTSWV

“Vim nej yog Vajtswv cov menyuam uas Vajtswv hlub yog li nej yuav tsum xyaum ua nej lub neej raws li Vajtswv tus yam ntxwv. Nej yuav tsum hlub lwm tus ib yam li Yexus Khetos hlub peb, thiab nws muab nws txojsia los theej peb lub txhoj . Qhov ntawd zoo ib yam li tej tshuaj tsw qab uas luag muab fij rau Vajtswv thiab yog yam uas Vajtswv porn zoo yuav” (Efexaus 5:1-2).

Thaum nyuam qhuav loj hlob, kuv pom kuv ob tug kwv xyaum ua raws li kuv txog txhua yam nyob rau hauv lub neej. Ntawm tus cwjpwm, kev hais lus, tej kev ua si uas kuv ua, thiab ntau zaug tej zaj movies uas kuv nyiam, tej game, nkauj thiab lwm yam uas kuv nyiam; thiab qhov ntawd ua rau kuv hnov tsis zoo siab! Thaum no peb nyias twb loj nyias tas, ib leeg nyias muaj nyias ib tug cwjpwm, thaum no kuv ho xav kom peb muaj kev sib raug zoo thiab koom coj tus cwjpwm zoo thooj tib yam dua.

Vajtswv yeej tsis poob siab thaum uas peb ua neej thiab coj tus cwjpwm zoo li Vajtswv. Tsis tas li ntawd, Vajtswv tseem caw Vajtswv cov menyuam los xyaum raws li Nws! Qhov no yog ib qhov haujlwm nyuaj, tiamsis txhawb tau peb zog thaum peb muaj Tswv Yexus yog tus qauv rau peb xyaum. Thiab thaum peb vam khom Vajtswv dhau los ua ib tug dawbhuv, Tswv Yexus yeej tsis txaj muag hu peb ua nws cov kwv tij (Henplais 2:11).

Tiamsis xyaum raws li Tswv Yexus yuav zoo li cas nyob rau hauv peb lub neej? Yog peb nyeem ntxiv nyob hauv Efexaus 5, peb yuav nrhiav tau qee lo lus teb.

Nqe 8-10 sau tias: “Yav tas los nej yeej nyob hauv qhov tsaus ntuj, tiamsis nimno nej cov uas ntseeg Vajtswv, nej twb los nyob hauv qhov porn kev lawm. Yog li ntawd, nej yuav tsum ua nej lub neej kom phim qhov uas nej yog cov uas nyob hauv qhov porn kev. Twb yog qhov porn kevf ntawd ua rau nej ua tau txhua yam zoo, ua neeg ncaj ncees thiab hais lus tseeb. Nej yuav tsum ua tib zoo saib, saib nej yuav ua yam twg thiaj li haum Vajtswv siab” Peb tau nqua hu los ua lub neej nyob rau hauv qhov kaj thiab ci rau lub ntiajteb ib ncig los ntawm nthuav tawm tej tus cwjpwm zoo, ncaj ncees, tseeb, thiab muab qhov tsaus ntuj nthuav tawm.

Efexaus 5:15-1 hais ntxiv: “Yog li ntawd nej yuav tsum ceevfaj thiab ua zoo. Tsis txhob ua li cov neeg ruam, tiamsis nej yuav tsum ua li cov neeg uas muaj tswvyim. Nej yuav tsum siv txhua lub sijhawm kom muaj nqis, rau qhov niaj hnub no tej neeg ua phem kawg li” Thaum no peb paub tias peb tau hu los rau hauv qhov kaj thiab ua lub neej kom txawj ntse nyob rau hauv lub ntiajteb no. No yog ib lo lus samhwm peb yuav tau maj mam ua. Nco ntsoov “Txhua hnub puav leej yog phem”. Yog li, lo lus nqua hu kom peb xyaum raws li Yexus Khetos yog ib lo lus nqua hu ceev. Peb tsis tas yuav ntsia ib qhov twg ntawd deb deb thiaj ntsia pom tib neeg txoj kev phem. Kev phem, kev nruj tsiv tab tom tshwm sim txhua qhov. Thiab tib txoj kev pab tawm tsam txoj kev phem yog siv txhua lub sijhawm los ci qhov pom kev uas yog Txojmoo Zoo rau hauv qhov tsaus ntuj.

Yog li, cov kwv tij, peb yuav tau maj nroos thiab ua lub neej kom tsimnyog muaj kev txawj ntse thiab nyob hauv qhov kaj, xyaum raws li Tswv Yexus tus qauv.

Thov caw nrog kuv peb thov Vajtswv ua ke:
Ua Vajtswv tsaug rau qhov koj hlub thiab cawm kuv. Thov pub kev txawj ntse thiab lub zog rau kuv kom kuv xyaum raws li Tswv Yexus koj tus qauv, kom kuv lub neej ua qhov kaj rau tsev neeg thiab zej zog. Thov Vajtswv pab kom txhua hnub hloov pauv kuv los ntawm Vajtswv koj tej lus, kom kuv lub neej nthuav tawm Vajtswv tus duab zoo rau tej neeg ib ncig. Thiab tus Tswv, thov siv kuv kom kuv mus coj tau coob tug los cuag koj. Kuv thov hauv Tswv Yexus Khetos lub npe. Amees.

Cov kwv tij txhua tus,
Vajtswv puas tab tom ntuas koj txog ib yam dabtsi twg yuav tau hloov pauv? Lossis koj puas hnov tau tshoov siab los nrhiav Vajtswv ntau dua? Peb tau nqua hu kom dhau los ua cov neeg xyaum raws li Vajtswv, ua lawv li Nws tus qauv, ua lub neej sib hlub thiab nthuav tawm Vajtswv tus duab tshav ci. Peb tau nqua hu los ua lub neej zoo li peb Leej Txiv. Cia siab tias koj yuav txiav txim siab yog thiab ua ib qhov haujlwm twg hnub no los nthuav tawm lub siab xyaum ua raws li peb tus Vajtswv.

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw: [email protected]. Tswv Yexus hlub koj. Thiab peb xav kom txuas tau nrog koj.