Bol he ơs mờng đòm jat cau mơ he kờn gơboh hala cau he jong rơ. Băl mơ hớ, bol he kung păl git lah bol he ò di đòm jat ală cau mơ hư ò kờn. Be hớ, sèng lụp ngai do lah : “ Ồng mọ oh mi kờn gơboh mơ jong rơ Yang ò ơ? Ồng mọ oh mi kơp kờn gơlik gơs be Yang sơl ơ?

Ngai do, ngai 08/11/2024, Bơta Hoi Dan Kơp Ngai dan jạ ală ông mọ oh mi bơtê băl jơnau Yàng dê kơnơm dê bơta dong kòl ông Benjamin Brittain bơh tơnggume: ALĂ CAU ĐÒM JAT YANG

“Behơ̆, bơh oh mi la kòn sau kòñ gơboh Yàng Tom Trồ dê, gen đòm jat tĕ Kơnràñ. Cơnđòa lòt tĕ tòm bơta kòñ gơboh, kung be Bơtau Krist neh kòñ gơboh di bol he mơ phi să tòm Kơnràñ dê bơh bol he, nàng lơh gơs phan ơn mơ phan ơn duh khoai gơs ƀô bơlhu Yàng Tom Trồ in.” (Ephesô 5:1-2)

Tú ăn dờng, ăn sền bar nă oh klau sùm đòm jat ăn tom jơh ală pơnah tòm rai kis ăn jê. Bơh đah bơ dih, bơta tơmbơh bơr, ală mon the thao ăn kờn, kung be jơh ală phim rụp ăn kờn, tro choi điên tư, ală chò mơ ală bơta ndai ăn kờn: mơ ală bơta hớ gơlơh ăn in sờ ệt sờ êl ngan! Jơ do bol he găm dơng rau, kợp nă bol he gơs nus nhờm mơ kờn broă pha is, ò cau lơi drờm be cau lơi, gen ăn gơlơh kơp kờn bol he gơs bơta kơlôi sơ nơng băl kung be bơta kờn drờm bawl.

Yang Tơm Trồ ò moat jrung tú he kis mơ lơh jat be Yang. Rlau mơ hớ, Yang hòi jạ kon sau Yang dê đòm jat té Yang! dô lah dô nơm broă kălkle, mơya Yang Jêsu lah dô nơm krơh sôr bơtrut bol he đòm jat Yang. Bơh Bơtau lơh gơlik gơs sàng goh bal mơ ală cau gơlik gơs sàng goh, la bơh dô nă Bèp mơ gơlik gơs. Gen tàng Yàng Jesu ò ƀàssìl sơnđan bol khai la oh mi (Hebrơ 2:11).

Mơya đòm jat Yang lah gơlik gơs mbe lơi tom rài kis he? Dilah bol he sền đok tai tom sră Ephesô tap 5, sèn sră Goh yăl he in git ală bơta kơlôi rcăng he dê.

Sèng 8-10 cih lah : “Bơh lài òr oh mi la klam jơngo, mơya tŭ do oh mi la àng tòm Yàng; lơh lòt tĕ be cau ơm tòm bơta àng, (bơh plai bơta àng dê ơm tòm jơh ală bơta lơbơn niam, song ring, mơ song ngan), mơ sền sơwì tĕ bơta lơi niam nùs Yàng”. Bol he geh hoi ja nàng kis tom bơta àng mơ sol pơnđăng dunnia in git Yang bơh nus nhờm niam, song ring, don song, mơ bơh hớ ràng tơlik bơta klăm jơngo.

E phe sô 5: 15-16 đơs tai lah: “ Behơ̆ kơrhia tĕ bơh bơta lơh lòt oh mi dê, bañ lơh be cau ò jak chài, mơya lơh be cau jak chài. Pơlai tĕ tŭ tơngai, tài bơh ală ngai la iơh”. Tú do, bol he git bol he geh hoi ja gơlik gơs bơta àng mơ kis jak chài tom dunnia do. Do ò di là gơnoar sôr bol he lơh lè lè. Kah té, “ ală ngai la iơh”. Tài be hớ, jơnau hòi ja đòm jat Bơtau Krist lah jơnau mhăr lơh. Bol hè ò càng sền di tiah ngài mơ gó bơta tồi glài kòn mơnus dê, Bơta iơh bơsak , tồi glai geh tơlik làm dunnia. Tòm dră wơl mơ gơ ming lah kơp tú lơm pah bol he păl sol pơnđăng bơta ang Jơnau Niam Yang Jesu dê tus di tiah klă jơngo.

Be hớ, ơ oh mi, bol he păl mhăr mhăr kis dô bă jak chai mơ ơm tơm bơta àng, đòm jat Yang Jesu bol he dê.

Dan jà bol he dô nùs bal tòm bơta hòi dan:
Kon ưn ngai Yang bơh Yang kờn gơboh mơ dong klas kon. Dan ai kon in bơta jak chai mơ bơta pran nàng kon kis đòm jat Yang, kis lah bơta àng hiu nhă mơ gơp bon kon in. Dan Yang kơp ngai tơm gơl kon bơh Jơnau Yang, nàng rài kis kon dê ràng tơlik bơta niam Yang dê tus ală cau ơm gut dăr kon. Ơ Yang, dan ngùi kon nàng tề lam oă ală cau rê wơl mơ Yang. Kòn ai sơnđan Yàng Jesu Krist, hòi dan mơ Yàng Bèp. Amen.

Ơ ală ồng mò oh mi kòñ gơboh, Yang geh tơm kah oh mi bơh dô pơnah lơi păl càng tờm gơl ò ơ? hala oh mi geh sôr bơtrut nàng joi jat Yang rlau tai? Bol he geh hoi ja gơlik gơs cau đòm jat Yang, jat dơng Yang, kis kờn gơboh mơ ràng tơlik bơta àng Yang dê. Bol he geh hoi ja nàng kis be Bẹp bol he dê. Kơp kờn bol he lơh nền hala lơh jat dô nơm broă lơi tom ngai do nàng ràng tơlik bơta kơp kờn đòm jat Yang bol he dê.

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.