Jòng rơ mơ duh khoai Yàng ò kòl bơ-klơn bơh ơnih tiah hala bơta gơlik gơs, bulah gam tòm blang ñhơt tơ-lìr niam hala tòm sơn-diang bơta chơt, tòm ngai chò hờp hala tòm ngai moàt -jrung. Yàng gam tơlik mat mơ cèng bơta pờn-dờm pơn-iang ai bol he in tòm ală tŭ tơngai hơ̆ gan di bơta jòng rờ mơ jòi muh-mat Kơnràñ.

Ngai do, ngai 09/11/2024, tơnggu hòi dan kòp ngai dan ja òng mo oh mi kờñ gơboh dô nù bal kơlồi sơnờng Jơnau Yàng mơ cau cih Merle Mills gan tơnggu mè NÙ NHỜM JÒNG RƠ

“Ngui ală bơta đơs crih, bơta đơs chò, mơ sèng đơs chò đah hwềng mơ đơs chò bal, bơr đơs chò mơ nùs jòng rơ Yàng.” (Ephesô 5:19)

Añ neh tùs tòm hiu sơnờm nàng lơh ală xét nghiệm bơ-dih jat ngaI neh rơn-dap: chụp X-Quang mơ chụp CT. Ală bơta rơn-dap lơh xét nghiệm sùm lơh añ ĭn rngòt-rngơt. Bơh ơdŭ ờm hơn jơl tus di ală phan ơm tòm hơ̆, jơh ală bơta cèng wơl añ ĭn dô bơta gơ lơh be noàt mrềt. Tòm tŭ ờm gơn cau gơnoar sơnơm tùs nang sơwì, añ dơp git bơta rngòt-rngơt tùs tòm kờp tŭ tă nhờm he dê.

Añ ò dờp git gơs cau tòm ơdŭ digah jơl tùs di tŭ kơno dô jơnau cau ùr đơs lơbơñ, bềng tơl ơdŭ noàt-mrềt hơ̆ mơ jơnau Jòng rơ Yàng. Sèng chò hơ̆ gơs sơnđăn la “Mùt Tòm Tiah Sàng Goh” geh cih bơh Geron Davis. Do la sèng đơs chò mòng tòm ală bơta pơ jum tòm hiu Jum Goh añ jê. Jơnau đơs chò sùm tơngkah añ bơh bơta gơs mat Yàng dê. Bulah añ gam ơm di gah lơi, gèn tiah hơ̆ kŭng gơs mat sang goh Kơnràñ dê. Nùs nhờm añ jê geh gơlik gơs răm wơl bơh ală jơnau jòng rơ geh ràng tơlik bơh nù nhờm rcăng sìr bơta jòng rờ ĭn, dŏng añ tă tơlik bơta rngòt-rngờt, kơlôi rcăng mơ ơn bơta Bèp añ ĭn ơm hơđăng trồ.

Tòm tŭ geh Yàng Tòm Trồ dŏng kòl mơ dŏng tă lik bơh tề cau Ejiptơ, Mi-ri-am mơ jơh ală cau ùr lòt jatmò tơnơ̆ hơ̆ neh đơs chò dô sèng đơs chò pha lin geh gơ chồl bơh tom nùs. Bơh lai, làng bol ming ơn nùs bol khai tom broă lơh dĭ kờñ-jơ̆ mơ oă bơta sràt-bơtăng bol khai păl kŏng(Lik-ejiptơ 1:14). Mơya tŭ do, bol khai neh tơng-gờr mat he tòm gơnăp gơnoăr Yàng Tom Trồ dê:

“Đơs chò tĕ Yàng Jehôwa ĭn, bơh Kơnràñ neh geh yò tơngguh hơđang jòng. Kơnràñ neh sơrbì tom dà lềng ơseh mơ cau hao ơseh.” (Lik Ejiptơ 15:21)

Sră Goh kùng neh ai bol he ĭn git Pol mơ Sila bulah kol krơ̆ tòm hiu jam, kol pù lơh, kòl sơrbì tòm hiu jam,, pơgap dê gùl mơnang, bàr nă òng ơm hòi dan mơ jòng rơ Yàng Tom Trồ, jơh ală bơta lik bơh nùs nhờm. Bơta jòng rơ hơ̆ ò dê mìng lơh ală mpòng gơ pò jơh, mơ che srèng ală cau ơm jàm gơhồ sơntă jơh; Cau ăt bồ hiu jàm geh hòi lùp bơh gơnăp gơnoăr Yàng Tom Trồ mơ jơh hìu nhă khai dòp rò Yàng tơnơ̆ mơ tŭ geh kơnò Jơnau Niam. (Broă 16: 25-43)

Jơnau Yàng chồl bơ-trồt bol he pal jòng rơ bơh dô nùs nhờm kờñ jòng rơ Yàng:

“Đơs chơ tĕ dô bơta đơs chò pa Yàng Jehôwa ĭn; Ơ jơh plai ù, đơs chò tĕ Yàng Jehôwa ĭn. (Đơs Crih 96:1)

“Ngui ală bơta đơs-crih, bơta đơs-chò, mơ sèng đơs chò đah hwềng mơ đơs chò bal, bơr đơs chò mơ nùs jòng rơ Yàng.”( Ephesô 5: 19)

Bơtau Dabit neh sền bơta jòng rơ be la dô pơnah tom rai kis he dê, be la dô bơta lơh nền jơl jơh rài kis:

“Dilah añ kis jŏ kàr lơi, gen añ ròp đơs-chò Yàng Jehôwa ĭn kàr hơ̆; Dilah añ gam kàr lơi, gèn añ rơp đơs chò jong rơ Yàng Tom Trồ añ jê kàr hơ̆ sơl.” (Đơs-crih105:33)

Bulah cồng nha chup X-Quang mơ chup CT añ jê gơs tềl sơñio dô pơnah ò niam, mơya añ git ưn ngai Yàng tai bơh tơl jơh pơnah kung neh sền sơì mơ dŏng sơm. Añ dòn Yàng neh ngui jơnau jòng-rơ bơh ơduh di gah nang tơngkah añ bơh bơta gơs mat Kơnràñ dê, lơh nùs nhơm añ geh pơn dòm pơn-iang mơ joi geh bơta rìng lơngai tòm bơta ò lơngai să tòm he dê. Bulah mìng la seng đơs chò bă liă lơm, ò geh rcang sìr, ò ai lơh cih crai, mìng ràng tơlik bơh nùs nhờm, mơya dŏng añ wơl tơng gờr sền hơ dô Bơtau Gơnăp Gơnoăr, tòm bơta kờñ gơboh ò rgơi kờp Kơnràñ dê, tòm gơnoăr pran lơh roh bơta rngot rgơt, sơm bời mơ bơntơl pràn dô bă cih crài.

Añ rờp ò tŭ lơi rgơi git sơnđăn cau ùr hơ̆ dê neh jòng-rơ Yàng tòm nhmgai hơ̆ dê. Mơ di gơlăn mò hơ̆ kŭng ò tŭ lơi rgơi git hala kơlồi tùs lah bơta jòng -rơ Bèp Hơđang Trồ gơs ơn dô nơm sèng đơs chò lơ tom nùs ồng mò oh mi sơl? Sèng chơ̆ hơ̆ bulah bă-ră barai mơya rgơi chồl bơtrồt ồng mò oh mi, hala cau ơm rềp gah he, lơh bèng liu ală nus mhờ ală nùs nhờm, dòp ală bơta, rngòt rngơt, kơlôi rcang roh jơh di đăp bơta gơs mat Yàng dê.

Dan jà bol he dô nùs bal tòm bơta hòi dan:
Ơ Yàng, dan bơtô kòn git jòi Kơnràn tòm ală vơta kơlồi-rcăng he dê mw jơnau jòng rơ bơh nùs nhờm. Dan rài kis kòn la rài kis dùb khoai Kơnràñ, cng tùs bơta chơ hòp, chồl bơ-trồt ală cau ơm gùt dàr kòn.
Kòn jơh nùs hòi dan tòm sơđăn Yàng Jesu Krist, Amen.

Ơ ală ồng mò oh mi kờñ gơboh, ală bơta kơlôi rcang mơ rngòt rngờt ồng mò oh mi dê ò gam la ñchi tòm tŭ ồng mò oh mi git dòn duh Yàng mơ tùs di đap bơta gơs mat Yàng dê. Bulah tòm ngai chò hòp hala mòat jrum, kùng kah tĕ lah Yàng Hwềng Goh lơh nùs òng mò oh mi sùm pa wơl, kơnòm tìng hơ̆ ồng mo oh mi rgơi tùs mơ Kơnràñ tòm bơta ngăn rlau jơh he dê, tòm bơta jòng rơ mơ dùh khoai Kơnràñ jơh nùs!

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.