Nyob rau hauv lub neej, yeej tsis muaj leej twg zam dhau tej kev sim siab thiab kev txomnyem. Tej lus dag, tej kev xav tsis zoo, lossis tej lub nra hauv lub neej niaj hnub ua rau peb txoj kev ntseeg yoj yees. Thaum peb cia tej kev xav tsis zoo nws nkag los rau hauv peb lub hlwb, peb cia li ua poob qhov kaj ntawm txoj kev cia siab zuj zus mus. Tej kev xav qaug zog, tej kev xav ua xyem xyav, thiab tej kev ntshai cia li voob nkaus peb lub hlwb, ua rau peb tsis muaj zog thiab ua tsis tau dabtsi. Ntawm no yog qhov uas Vajtswv nqua hu peb kom peb tswj peb lub hlwb thiab tuav kom ruaj qhov tseeb.

Hnub no, yog hnub 11/11/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Jessica Teed dhau ntawm Zaj kawm TXHUA LUB TSWV YIM YUAV TAU MLOOG VAJTSWV LUS

“Txawm yog li ntawd los muaj ntau leej ua tsis haum Vajtswv siab, Vajtswv thiaj ua rau lawv tuag pawglug tom tiaj suabpuam” (2 Kauleethaus 10:5)

Kuv tus txiv muaj ib qhov peev xwm tshwj xeeb: Cuag li thaum twg nws twb paub tias kuv tab tom xav tsis zoo txog kuv tus kheej. Txhua zaug uas kuv muab qhov txhua chaw tso lwj liam hauv chaw ua mov lossis ua ib yam dabtsi poob tawg, tamsim ntawd tej kev xav tsis zoo cia li nkag los rau kuv. Thiab kuv tus txiv nyob qhov twg ntawd, nws hais nrov nrov: “Koj niam, koj tsis txhob xav tsis zoo txog koj tus kheej os!” Cuag li Vaj Ntsujplig pub rau kuv tus txiv muaj qhov peev xwm ntawd, yog li nws thiaj paub txhua zaug uas kuv cim civ rau txim rau kuv tus kheej.

“Cov kwvtij, kuv thov xaus Ius li no hais tias nej yuav tsum cim ntsoov tej uas zoo thiab tsimnyog qhuas rau hauv nej lub siab: tsis hais tej uas tseeb, tej uas tsimnyog hwm, tej uas ncaj ncees, tej uas dawbhuv, tej uas ntxim nyiam thiab tej uas yuav tau koob meej, nej yuav tsum khaws tej ntawd cia rau hauv nej lub siab huv tibsi.” (Filipis 4:8).

Vajtswv yeej tabncuab txog peb lub hlwb, vim peb tej kev xav nws yuav cuam tshuam txog peb lo lus hais, peb tej haujlwm thiab kev ntseeg tib si. Yog peb lub hlwb tsis tau tswj kom zoo, tej kev xav phem yuav nqug peb mus rau lub neej uas niaj hnub tsis muaj kev zoo siab. Twb yog vim li no Vajluskub thiaj ntuas kom peb yuav tau “tswj peb txoj kev xav” thiab tsis cia tej ntawd kav peb lub neej.

“Peb yeej nyob hauv ntiajteb no tiag, tiamsis peb tsis tawmtsam li neeg ibtxwm tawmtsam. Thaum peb tawmtsam yeebncuab peb tsis siv tej cuabyeej uas neeg ibtxwm siv. Tiamsis peb siv tej cuabyeej uas Vajtswv tus uas muaj hwjchim muab rau peb, peb thiaj rhuav tau yeebncuab lub yeej kom puastsuaj; peb cern tej neeg uas qhia tsis tseeb kom lawv tsis muaj lus hais. Peb rhuav tej uas neeg muab los thaiv tsis pub sawvdaws paub Vajtswv. Thiab peb coj cov neeg uas ua yeebncuab rau Vajtswv los mloog Yexus Khetos lus.” (2 Kauleethaus 10:3-5).

Tej cuab yeej uas Vajtswv muab pub rau peb tsis yog nyob hauv ntiajteb no, nws yog tej cuab yeej uas dawbhuv muaj zog rhuav tshem txhua txoj kev tav, tsoo tawg tej kev ntseeg cuav, thiab rhuav tshem txhua yam uas xav hla Vajtswv lub hwjchim nyob hauv peb.

Tej zaug twb yog vim li ntawd, Paulus thiaj ntuas peb nyob hauv Loos 12:2, tias txhob cia yus raug nqus mus xyaum raws li tej uas ntiajteb ua. Pauv qhov ntawd, cia peb lub hlwb hloov pauv dua tshiab. Txoj kev uas peb saib peb tus kheej, peb lub neej tamsim, tej neeg ib ncig, thiab peb txoj kev xav txog Vajtswv nws yuav txiav txim siab rau peb lub neej.

Thaum peb cia Vajtswv hloov pauv peb lub hlwb, Vajtswv pub kuv muaj lub zog nyob rau hauv ntsus kev tsov rog tawm tsam kom yeej tej kev dag ntxias thiab yeebncuab tej lus dag ntxias. Leejtxiv ntawm txoj kev dag ntxias yuav siv tej kev xav tsis zoo ntawd los rhuav tshem peb. Yog li, peb yuav tau paub thiab rhuav tshem tej kev xav tsis zoo thaum uas nyuam qhuav pib cuam tshuam tuaj rau hauv peb lub neej.
Vajtswv txojlus yog qhov cuab yeej muaj zog pab kom peb nkag siab txog Vajtswv, kuj zoo li tej cuab yeej ib ncig thiab peb tus kheej. Dhau los ntawd, peb yuav tau pom peb tus kheej raws li Vajtswv qhia, thiab tswj peb txoj kev xav tsis zoo los ntawm tej lus tsis tseeb.

Vajluskub qhia tias txhua feem nyob hauv Vajtswv tej cuab yeej puav leej tseem ceeb. Peb yeej cim civ tawm tsam tsis yeej yeeb ncuab tej lus dag lossis yeebncuab tej tswv yim, tshwj xeeb yog thaum uas Vajtswv tsis tiv thaiv thiab tsis muaj qhov tseeb nyob hauv Vajluskub. Tej cuab yeej uas Vajtswv pub tsis yog nyob hauv ntiajteb no tiamsis yog lub hwjchim dawbhuv muaj zog. Vajtswv txojlus yog ib nyob hauv tej cuab yeej ntawd. Cia li xaiv npaj rau yus tus kheej qhov tseeb nyob hauv Vajtswv txojlus kom yus sawv khov kho ntawm yeebncuab tej cuab yeej, thiab hnav tag nrho Vajtswv tej cuab yeej.

“Thaum kawg no kuv qhia rau nej hais tias nej yuav tsum nrog tus Tswv sib raug zoo, nej thiaj li yuav muaj zog thiab tau nws lub hwjchim uas loj kawg nkaus. Nej yuav tsum muab tej cuabyeej uas Vajtswv pub rau nej lawm los hnav. Yog nej ua li ntawd thaum dab N txwgnyoog tuaj ntxias nej, nej thiaj yuav kovyeej. Rau qhov tsis yog peb tawmtsam neeg, tiamsis yog peb tawmtsam tej dab uas nyob saum nruab ntug, tsis hais cov thawj, tej uas muaj hwjchim loj thiab tej uas muaj hwjchim kav tiam tsaus ntuj. Yog li ntawd, nimno nej yuav tsum muab Vajtswv tej cuabyeej los hnav. Yog nej ua li ntawd thaum dab Ntxwgnyoog los tawmtsam nej, nej thiaj kovyeej. Thiab thaum tej kev tawmtsam ntawd dhau lawm, nej thiaj tseem nyob ruaj nrees (Efexaus 6: 10-13).

Thov caw nrog kuv peb thov Vajtswv ua ke:
Tus Tswv, thaum uas kuv ntsib tej lus dag ntxias thiab tsis zoo tshwm hauv kuv lub hlwb, thov pab kom kuv sawv khov kho thiab tsis cia tej yam tsis zoo ntawd ua rau kuv lub siab ntseeg yoj yees. Thov koj ci rau kuv lub hlwb kom pom kev, pab tshem tej kev xav tsis zoo thiab tuav kom ruaj qhov tseeb nyob hauv Vajtswv tej lus. Los ntawm Tswv Yexus tej cuab yeej, thov pab kom kuv sawv khov kho ntawm tej kev ntxeev ntxias thiab kev sim siab. Kuv thov hauv Tswv Yexus Khetos lub npe. Amees.

Cov kwv tij txhua tus, thaum uas yeebncuab tseb tej lus dag rau hauv peb lub hlwb, nco ntsoov tias peb yeej yuav tsis tawm tsam ib leeg. Vajtswv twb pub rau peb ib qhov cuab yeej muaj zog kom tawm tsam yeej tej kev dag ntxias – ntawd yog Vajtswv tej lus thiab Vajtswv txoj kev tiv thaiv. Thaum peb hnav Vajtswv tej cuab yeej, peb yuav sawv khov kho tawm tsam txhua ntsus kev tsov rog hauv lub neej.

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw: [email protected]. Tswv Yexus hlub koj. Thiab peb xav kom txuas tau nrog koj.