Lub neej qee zaug yuav coj txoj kev sim siab thiab kev txomnyem los ua rau peb hnov qaug zog. Xwb tim, peb cia li pib poob kev ntseeg rau tej yam uas zoo. Tiamsis nyob rau tej lub sijhawm ntawd, twb yog Vajtswv kev hlub thiab koob hmoov zoo los ntawm Vajtswv los thiab yog lub hauv paus muaj zog pab kom peb sawv taus thiab txhais ruam txuas ntxiv. Vajtswv yeej zoo siab hlo pub yam uas zoo tshaj plaws rau peb, thiab ua siab ntev thov Vajtswv thiab ruaj siab rau ntawm Nws.

Hnub no, yog hnub 12/11/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Cassey Nathan dhau ntawm Zaj kawm UA SIAB NTEV KOM TXAIS TAU KOOB HMOOV ZOO

“Yog li ntawd kuv thiaj cia siab hais tias, Vajtswv tus uas pib ua haujlwm zoo rau hauv nej lub siab lawm, nws yeej yuav ua kom tes haujlwm ntawd tiav rau hnub uas Yexus Khetos los” (Filipis 1:6).

Tom qab txhua zaug kev pehawm xaus hauv Pawg Ntseeg, kuv nyiam nyob ua ke ntawm tej phooj ywg thiab tsev neeg koom noj haus ua ke. Muaj tej lub sijhawm peb npaj mov noj hauv tsev sov so, tiamsis kuj muaj qee hnub peb maj nroos noj tom tej kev xwb. Txhua zaug mus yuav tej khoom noj uas luag ua li ntawd, nyuam qhuav tsav tsheb txog ntawm chaw nres xwb los kuv twb hnov tus ntxhiab tsw qab uas kuv yuav hu los noj, zoo yam li nws tos ntsoov kuv tau saj!

Hmo ntawd, kuv txiav txim siab mus hauv ib lub tsev muag qaib ci nto npe yuav ib mentsis khoom noj. Thaum nyuam qhuav tsav tsheb mus txog, ib tug ua haujlwm nws tawm tuaj hais qhia rau kuv tias, tus qhua sawv tom kuv ntej yog tus qhua kawg uas tau cai yuav lawm xwb. Thaum ntawd twb yuav txog sijhawm kaw qhov rooj, tej zaug tus ua haujlwm ntawd twb sab dhau heev lawm thiab tos ntsoov txog lub sijhawm kaw qhov rooj lawm xwb. Kuv nkag siab qhov no, tiamsis lub tsev muag zaub mov no tseem dai daim ntawv tias tseem qhib qhov rooj sab nraum, thiab kuv xav tias nws tsis yog tus uas yuav txiav txim siab tias leej twg yog tus qhua kawg tau yuav khoom. Yog li kuv ua nws tsaug tas tsav kiag tsheb mus rau ntawm qhov rooj seb puas tau.

Thaum mus txog ntawm qhov rooj, tus saib xyuas tawm tuaj txais kuv. Kuv nug saib kuv puas tseem tau cai yuav khoom. Vim daim ntawv tseem nyob ntawd. Kuv tham qhia rau tus saib xyuas paub tias nws tus qhev qhia paub tias twb tsis muaj khoom muag lawm. Tamsim ntawd yawg hais tias, kuv xav noj dabtsi rau hmo no. Hauv kuv lub hlwb xav txog tej qos nthee thiab qaib nthee!

Tus saib xyuas nws nqa kuv tej khoom los rau kuv thiab thov txim rau qhov tsis zoo no. Kuv ua nws tsaug thiab muab nyiaj los them. Tus saib xyuas luag thiab hais tias: “Hnub no cia kuv caw koj noj. Thov kom koj muaj ib hmos zoo!” Los ntawm qhov haujlwm no, kuv tsuas paub luag thiab cia li ua twjywm ua Vajtswv tsaug rau Vajtswv tej koob hmoov Vajtswv pub. Los ntawm zaj xwm txheej no, kuv nrho tau ib zaj kawm muaj nqis: Yim ua siab ntev, kuv yuav pom Vajtswv txoj kev zoo thiab Vajtswv tej koob hmoov Vajtswv pub hauv kuv lub neej.

Kuv ntseeg tias ntawm no kuj yog txoj kev uas Paulus tau txhawb ntau lub Pawg Ntseeg nyob hauv Vajluskub Tshiab zog. Hauv Filipis tshooj 1, Paulus ua tim khawv rau Pawg Ntseeg paub txog tej lus uas yawg niaj hnub ua Vajtswv tsaug vim txoj kev hlub uas lawv tau ua pub rau yawg. Pawg Ntseeg ntawd nto npe yog ib Pawg Ntseeg muaj lub siab dav, nrhiav txhua lub sijhawm los pab Paulus. Paulus thiaj foom hmoov rau lawv, hais tiaws lawv yuav tau nrog Paulus txais tej koob hmoov uas Vajtswv pub rau yawg, thiab mus nrog Vajtswv txoj koob hmoov.

Txawm yog yam khoom noj kuv nyiam, lossis tej kev cheem tsum hauv kev kawm, hauv kev ua haujlwm los, kuv ntseeg tias Vajtswv xav pub yam uas zoo tshaj plaws rau peb. Ntseeg tias peb yuav ua siab ntev nrhiav lub sijhawm txog thaum peb txoj kev ntseeg loj txaus chwv txog Vajtswv, lub sijhawm ntawd Vajtswv yuav nchuav koob hmoov nplua mias los rau hauv peb lub neej.

Kuv yeej xav ntsoov txog txoj kev sib ntsib sai sai ntawm lub tsev muag khoom ntawd, thiab kuv ntseeg tias Vajtswv tseem xav pub yam uas zoo tshaj plaws rau Vajtswv tej menyuam. Koj puas muaj txaus siab tawv los taij thov yam uas yus ntshaw xwb? Cia li ntseeg siab rau Vajtswv, vim Vajtswv yuav tsis muaj hnub ua rau koj tag kev cia siab!

“Txhua zaus uas kuv nco txog nej sawvdaws, kuv nco ntsoov ua kuv tus Vajtswv tsaug; thiab txhua zaus uas kuv thov Vajtswv pab nej , kuv zoo siab kawg li… Yog li ntawd kuv thiaj cia siab hais tias, Vajtswv tus uas pib ua haujlwm zoo rau hauv nej lub siab lawm, nws yeej yuav ua kom tes haujlwm ntawd tiav rau hnub uas Yexus Khetos los. Qhov uas kuv nco ntsoov nej txhua tus ntawd yeej tsimnyog lawm, rau qhov kuv hlub nej txhua tus! Nej sawvdaws puavleej nrog kuv tau txoj koob hmoov uas Vajtswv pub rau kuv, tsis hais thaum kuv raug kaw rau hauv tsev lojcuj thiab thaum luag tso kuv tawm los hais daws tej uas luag thuam txojmoo zoo, thiab ua kom sawvdaws paub hais tias txojmoo zoo yeej tseemceeb” (Filipis 1:3-4; 6-7).

Thov caw nrog kuv peb thov Vajtswv ua ke:
Tus Tswv, thov pab kom kuv paub tso kuv txoj kev ntseeg rau ntawm koj, kom kuv muaj siab tawv nyob rau hauv Koj txoj kev coj, thiab ntsia pom Vajtswv tej koob hmoov nchuav los rau hauv kuv lub neej. Thaum kuv ntsib kev txomnyem, thov pab kom kuv nco ntsoov tias Vajtswv muaj homphiaj zoo thiab yuav tsis muaj hnub tso kuv tseg. Thov kom kuv txoj kev ntseeg loj hlob txhua hnub, thiab kuv qhib kuv lub siab dav los txais yuav tej koob hmoov los ntawm koj los. Kuv thov hauv Tswv Yexus Khetos lub npe. Amees.

Cov kwv tij txhua tus, txawm yog peb yuav ntsib tej kev txomnyem twg hauv lub neej los, Vajtswv yeej zoo siab hlo pub koob hmoov thiab coj peb kom tiv dhau. Yuav tau muaj lub siab tawv thov Vajtswv thiab ruaj siab rau ntawm Nws, los ntawm peb txoj kev ntseeg tau nthuav tawm yog lub sijhawm uas Vajtswv yuav ncuav koob hmoov los thiab qhib ib txoj kev puv npo kev cia siab rau peb. Ua siab tawv nrog tus Tswv mus, thiab yam uas zoo tshaj plaws yuav los!

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw: [email protected]. Tswv Yexus hlub koj. Thiab peb xav kom txuas tau nrog koj.