Rai kis bà gơs tú ceng tus ală bơta gơlong bol glar mơ kal ke lơh bol he in bòl. Bơh hớ, lơh bol he roh bơta dòn tòm ală bơta niam. Mơya, tòm ală tú hớ, bơta kỡn gơboh mơ bơta nđàc bơh Yàng la bơta pràn kơldang dong bol he ntào kớ mơ cơnđoà lòt pơnjat. Yàng sùm ai pà ală bơta niam rlau jơh bol he in, bol he ming jơh nùs hòi dan mơ kớ bơta dòn tòm Kơnrẵn lơm.

Ngai do, ngai 12/11/2024, Bơta Hòi Dan Kòp Ngai dăn jà ală ồng mò oh mi bơtê bal jơnau Yàng dê kơnòm dê bơta dong kòl Rich Miller dê bơh tơnggume: KỚ NÙS TỒ DÒP GEH BƠTA LƠNGAI

“Añ dòn nền ngan lah Bơtau neh sơntòm lơh broă niam tòm ală oh mi kung rơp lơh wil tơl jơl tus di ngai Yàng Krist Jesu dê.” (Philip 1:6)

Tơnớ mơ bơta pơjum tòm Hiu Jum Goh, ẵn gơboh ngan ơm jơnum bal gơp bơyô mơ hiu nhă nàng sào bal. Gơs tú bol he rcang ală phan sa tòm hiu is, mơya kung gơs tú ò sào tòm hiu mơ sào tòm quán. Oă tú lòt blơi phan sào hớ, pa mơ at rơndeh tus lơm gen kơlôi lài phan sa bô bơkah ngan mơ bơkah ală phan sa he mor hòi, bè la gơ kơp lài he nàng sào.

Mang hớ, ẵn lơh nền mut tòm quán gà rán tiơng pơnro nàng ruat phan sào. Tú ẵn pa tus, dô nă cau tac phan đơs lah di đap ẵn la cau tac phan lồi dut. Tú hớ kung neh tus jơ til mpồng, digơlan me ló hớ neh bol ngan mơ kơp kỡn jơh mhar jơ lơh broă. Ẵn git bơta hớ, mơya tiah quán gam ơn mpàn pò mpồng, mơ ẵn kơlôi lah khai ò di la cau lơh nền lôi dut. Behớ, ẵn ưnngài mơ at rơndeh tus mpồng dơng nàng sên bơta bơtoah bơtoai.

Tú tus mpồng, cau sên gar tìp ẵn. Ẵn lùp lah ẵn rgơi ruat phan sa sơl, bơl gam gơs mpàn hớ hơđang mpồng. Ẵn đơs wơl mơ khai ală jơnau cau tac phan sa đơs mơ ẵn. Tú hớ ồng mhar lùp ẵn lah ẵn kỡn sa nchi lơi tòm mang hớ. Tòm bồ ẵn kah kơlôi tơn tus gà rán mơ khoai tây chiên giòn.

Cau sên gar hớ rê wơl mơ phan sa phan hùc ẵn jê, khai kung ò húi dan să bơh ală bơta neh gơlik gơs. Ẵn ưnngai ồng mơ ai priă nàng tơm. Mơya ồng ò dòp pră, ồng đơs lah: “Ngai do ẵn jà ồng sa. Kơp kỡn ồng gơs dô mang lơngap lơngai!” Di đap ală bơta hớ lơh ẵn in nrất nrô ngan, ẵn ming git nõ mơ ưnngai Yàng bơh bơta nđàc Kơnrẵn pà ai. Bơh bơta do, ẵn gơs bơta bơtê dơng mang ẵn in: kừ pơnđơl pràn, ẵn sơlo gó loh lang bơta niam mơ bơta lơngai Yàng ai rai kis ẵn in.

Ẵn dòn lah do kung la bơta mơ ồng Pol neh chồl bơtrut oă Hiu Jum Goh tòm Sră Goh Ho Bal Pa. Tòm sră Philip 1, ồng Pol ràng tơlik mơ Hiu Jum Goh bơh broă ồng sùm ơn jơnau ưnngai Yàng bơh bơta kỡn gơboh mơ bol khai neh ràng tơlik mơ ồng. Hiu Jum Goh hớ gơs tiơng pơnro la dô hiu jum goh gơs nùs dơng ơnang, sùm jòi tú nàng dong kơl ồng. Ho wơl, ồng Pol ai lơngai bol khai in, rang tơlik lah bol khai rơp bal mơ ồng dòp bơta dong kơl bơh Yàng, mơ kòp cơnđoà lòt bal tòm bơta nđàc Kơnrẵn dê.

Bulah dồ nơm phan sa kờn sa, hala ală bơta kơp kờn tòm bơta bơtê hala broă lơh, an dờn Yàng sùm kờn ai bơta niam rlau jơh bol he in. kơp kờn ngan bol he kơ dơn jòi jat tu lơmpah, jơl tus dê tú bơta dờn bol he dê geh dờng nàng đal git Yàng oă rlau, tú hớ Yàng rơp tuh bơta nđàc bềng lìu tus hơđang rài kis he dê.
An ờ rgơi jơh kơlôi tus dê bơta tìp mat ngai hớ tềng hìu ngui sa dê, mơ an dờn nền lah Yàng sùm kờn pà ai kòn sau Yàng dê ală bơta dờng rlau tai. Ngan he khin cha nàng dan bơta he kơp kờn sơl ơ? Dơn kơ nờm dê Yàng te, tài bơh Kơnràn rơp ờ lời he in roh nùs!

Kòp dơ̆ añ kah oh mi gen añ ưnngài Yàng Tom Trồ añ jê; kòp dơ̆ hòi dan mơ Yàng, gen añ òs hòi dan jơh ală oh mi in dô bă hòn chò, Añ dòn nền ngan lah Bơtau neh sơntòm lơh broă niam tòm ală oh mi kung rơp lơh wil tơl jơl tus di ngai Yàng Krist Jesu dê. Añ kah jơh ală oh mi behơ̆ la di ngan, tài bơh añ jơh nùs kòñ gơboh di oh mi; bulah tòm tŭ añ ơm jàm, hala tòm tŭ tò să mơ lơh cơng bơh Jơnau Niam, gen jơh ală oh mi kung dòp geh bơta nđàc bơh Yàng Tom Trồ be añ sơl. (Philip 1:3-4, 6-7)

Dan jà bol he dô nùs bal tòm bơta hòi dan:
Khoai Yàng, dan dong kon sùm git ơn bơta dờn dên Yàng, nàng kon pràn kơldang cơn đoà tòm bơta tề lăm Kơràn dê, mơ sền go bơta nđàc tuh hơđang kòn. Tu kon tìp bơta kalke, dan dong kon kah lah Yàng sùm gơs rơndap niam mơ rơp ờ tu loi sang loi kon. Dan bơta dờn kon dê geh guh dờng kờp ngai, mơ nùs nhơm kon sùm pờ dờng ơ nàng tồ dờn dờp ală bơta lơngap lơngai bơh Kơnràn. Kon hòi dan, ai sơnđăn Yàng Jêsus Christ, Amen.

Ơ ală ồng mọ oh mi kờn gơboh, bulah bol he tìp ală broă kalke lơi tòm rài kis do, Yàng sùm chò nùs bơtơl bơta nđàc mơ tề lăm bol he lòt gan. Pràn kơl dang te tòm bơta hòi dan mơ Yàng mơ kơ nùs dơn kơ nờm dê Kơnràn, bơh tú bơta dờn bol he dê geh ràng tơlik kung la tú Yàng kờn túh ală bơta lơngap lơngai mơ pờ ală gùng bềng bơta gơn kơ nờm he in. kơ dơn té cơn đoà lòt jat Yàng, mơ ală bơta niam rlau jơh ngan rơp tus!

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.