Hơđăng gùng dà ting jat Yang, bŏl he ò di mìng geh họi jà kơrmap gar mơ sền gar bơta dòn he di, mơya kŭng găm pò mpàng tê koñ gơboh tus jơh tơl nă cau. Yang neh rcang kòp nă bŏl he ĭn be ală cau ling tomlơh, ò di mìng sền gar theng Kơnrẵn di mơya găm cèng tus bơta gơn kơnòm mơ bơta dŏng twài tus jơh tơl nă cau. Jơh ală cau gơs tơlik mat tom rài kis bŏl he di gơs kwơ màng diđap mat Yang, ndrom băl mơ di păl nàng dòp git bơta koñ gơboh Kơnrẵn di.

Ngai do, ngai 18/11/2024 bơta Hòi Dăn Kòp Ngai dăn jà ală ồng mò oh mi bơtê bal Jơnau Yàng dê kơnờm dê bơta dong kòl Ben Ledger dê bơh Tơnggume GƠLĂNG JƠH TƠL NĂ CAU ĬN

“Dan Yàng ai bơtơl oh mi in tơngkah tơngkañ nùs kòñ gơboh bal mơ gơp, bal mơ tơl nă cau, kung be bol hi gơwèt mơ oh mi sơl”(I Tesalônika 3:12)

Tŭ găm kơnòm să, ăñ koñ ngăn ală phăn ngùi bơh rài yau or, kòp ngai sền phim bơh ală cau ling mơ kơlôi sơnơng he găm ơm băl tom hơ̆ mo. At dô nơm gai sơñio bơh pềs tà. Jơl tus di bar jơt năm añ gơs tŭ lơmpah cơnđòa ơn jơng tom tiah Châu Âu. Tom tŭ cơnđòa lòt ting hơ̆, ăñ neh hòn chò kơp gơn ngăn nàng geh mat tom toh mat sền dô nơm gơlăng – la bơta gen ăñ jŏ jọng ngăn kơp kỡn.

Dơ̆ sơnrờp ăñ sền bàn dô nơm hiu gơlăng ngăn, ăñ lơh krơi ngăn. Mơya tŭ cơnđòa mut lòt còp rwăng gen sơlơ̆wơl pha is. Tŭ lòt rwat sră geh mut tom mpồng mơ lòt găn blàng jơng gùng dềt, tiah sơnrờp cau lòt còp wăñ geh lăm tus la tiah lơh kir sơnre. Ăñ mut digul ală cau nac crih găm tombơhbơr hon chò bơh jơnau me deh bŏl khai di. Nisơna, ăñ lùp is : “Lài or, ală hiu gơlăng do rơp geh bơt nàng tomdră cau sòtom bơh ală lơgar ndai, mơya tŭ do, ò git nđợ nă cau nac crih lài or la “cau sòtom” gen tŭ do gơlik gơs cau lòt còp.

Bulah sơntom gơlơh dô bă nisơna, mơya hiu gơlăng găm lòt rlau bơta kơp gơn ăñ ji. Krơi is ngăn tŭ sền gŏ ală tềl sơñio rài kis pah rài yau or. Ngai do, hiu gơlăng mìng la tiah ală cau lòt còp rwăng ală nác crih di, mơya lài or – mìng tơnơ̆ hiu duh khoai lơm – bŏl gơ la ală bơta bơt bơtào kas màng ngăn.

Dô nơm hiu gơlăng dơng ơm tom dô bă tiah niăm rlau jơh. Oă hiu gơlăng geh bơt hơđăng ală mơnơm ơm is, jơnhoa hơđăng, hala hơđăng ală blàng sre, mơ ală dòr mơnơm gut dăr hơđơm. Mơya bơta dờng màng rlau jơh la ală bơta gut dăr gơlăng, kŭng be ală ƀòn dềt, ală blàng sre hala tiah cau lơh lŭ. Hala, tiah hơ̆ păl gơs kwơ màng nàng sền gar.

Dơ̆ bar, càng gơs bơta dô nùs dô bă băl ală cau gơs tê chài rgơi lơh, ală cau jak chài mơ ală cau lơh broă băl tơryiang tơryồng. Bơh jak chài nàng rgơi bơt dô nơm hiu gơlăng kơ̆ cê ò di òs mòng nàng gơs is, mơya la cồng nha tŭ jơ jŏ jọng. Mơya, broă bơt dô nơm hiu gơlăng dơng behơ̆ ò di lơh sir tom dô tŭ tơngai liah. Gơ păl dipal gơwèt mơ bơta pràn kơldăng mơ pràn tòm neh lơh.

Lồi dut, bulah kơ̆ cê mbe lơi, dô nơm hiu gơlăng rơp ò gơs kwơ dilah lòi gòi. Cau tơm hiu gơlăng păl ơn ală cau ling kơp gar tiah do. Bŏl khai kŭng càng kah kơlôi tus làng bŏl, rcang tiah ơm rĭng lơngai tom dơrñang tŭ gơs ală cau sò tom brồ lơh. Hiu gơlăng rơp prap ală phăn kas màng ngăn, mơya tơnggume rlau jơh nàng sền gar ală cau găm ơm kis tom dơlăm mơ gut dăr gơ.

Yang ai pà bŏl he ĭn mơnang kơ̆ cê rlau jơh nàng bơtào rài kis. Kòp ngai tŭ bŏl he sơlơ bơtào hơđăng mơnang hơ̆, bơta tơlik mat bềng liu Yang di tơngkah bŏl he lah: bơta duh broă Kơnrẵn ò di tŭ lơi nàng buơn ò, mơya nền cê rơp cèng tus phăn bàn dipal. Mơya, bulah hiu gơlăng bŏl he di rơp kơ̆ cê mbe lơi tom dunnia bềng lơnggơr do, bŏl he ò di mìng bơtào mơ sền gar gơ is să tom he di. Yang neh đơs tom Esai 45: 20, 22:

“Bol mê la ală cau gam kis bơh di ală lơgar, pơjum bal tĕ mơ tus,…Ơ jơh ală cau ơm tòm jơh ală tiah lồi dut plai ù dê, rê wơl tĕ mơ Añ rơp geh dong klàs! Bơh Añ la Yàng Tom Trồ, ò gơs yàng lơi ndai tai.”

Lòt găn Sră Goh hơ băl Yau, bŏl he gŏ Yang Tom Trồ òs sền gar mơ lơh broă digul làng bŏl Israel. Ăñ dòn lah Kơnrẵn neh lòng tiar bŏl khai be ală cau ling, ò di mìng sền gar jơnau sŏng Kơnrẵn di, mơya găm pò ơnang mpồng wă rò ală jơi bơtian ndai, tài bơh jơh tơl nă dipăl lơm nàng geh dŏng klàs.

Ngai do, bơta do găm gơs di ngăn tòm toh gơwèt tus ală cau gut dăr bŏl he – bơh cau ọh mi he tom hiu nhă, gơp bơyô, cau gut dăr bọn, cau òs mòng, cau lơh broă băl, jơl tus di ală cau he geh tìp băl. Kòp nă dipal lơm nàng geh dŏng klàs mơ dipal nàng he săng pràn kơldăng he, săng tŭ jơ nàng dŏng kòl bŏl khai bơtào – hala lơh pa wơl rài kis he hơđăng mơnang kơ̆ cê: Yang Dŏng Klàs Jesu. Mơ bơta koñ gơboh ngăn la bơta chồl pơtrồt bŏl he lơh ală bơta do. Kŭng be ồng Pol tơngkah ală cau dòn Yang tom Tesalônika:

“Dan Yàng ai bơtơl oh mi in tơngkah tơngkañ nùs kòñ gơboh bal mơ gơp, bal mơ tơl nă cau, kung be bol hi gơwèt mơ oh mi sơl.”

Dan jà bol he dô nùs bal tòm bơta hòi dan:
Ưnngai Yang tài bơh kọn geh ơm tom hiu gơlăng dờng mơ kơ̆ cê, hơ̆ la să tom Kơnrẵn. Dăn dŏng kọn rơp khin cha pò ơnang mpàng tê wă rò ală cau gut dăr tus hơ bơta sền gar, jơm ndơp Kơnrẵn di. Dăn tề lăm kọn tus di ală cau càng jòi bơta àng bơta nđàc di mơ bơta dŏng tă Kơnrẵn di. Hoi dăn mơ Yang ai lơngai lơngọ kòp nă ĭn tom mpồl kọn, nàng ală cau gơs tŭ lơmpah lòt găn bơta koñ gơboh mơ jơm ndơp Kơnrẵn di. Kọn jơh nùs họi dăn, kọn ai sơnđăn Yang Jesu Krist. Amen.

Ơ ală ồng mọ ọh mi koñ gơboh, Yang hòi jà bŏl he pò ơnang mpàng tê wă rò ală cau gut dăr he, dŏng bŏl khai jòi bàn mơnang kơ̆ cê tom Yang Dŏng Klàs Jesu. Tŭ bơta koñ gơboh gơlik gơs bơta chồl pơtrut, bŏl he rơp dô nùs dô bă băl kis tom dô nơm hiu gơlăng kơ̆ cê, la tiah ală cau gơs tŭ lơmpah lòt găn bơta nđàc mơ bơta dŏng klàs gen Kơnrẵn neh rcang lài kòp nă bŏl he ĭn. Dô nùs dô bă băl tĕ bơt dô mpồl làng bŏl bềng lìu bơta gơn kơnòm, la tiah kòp nơm mpồng nùs geh sọl pơnđăng bơh bơta koñ gơboh mơ jơm ndơp.

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.