Vajtswv txojlus qhia tias “muab pub mus tau koob hmoov dua li txais los”. Thaum muab pub, peb tsis yog tsuas pab lwm tus xwb tiamsis yus tseem lo saj txoj kev zoo siab, kev txaus siab thiab kev kaj siab uas Vajtswv muab pub. Muab pub los ntawm lub siab dav yog txoj kev pab kom peb ua lub neej zoo rau txoj kev hlub uas Vajtswv tau muab tso rau hauv peb txhua tus.

Hnub no, yog hnub 19/11/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Kathy Schultz dhau ntawm Zaj kawm LUB SIAB DAV

“Koj thiab wb puavleej yog tus ntseeg thiab nrog Yexus Khetos sib raug zoo. Yog li ntawd kuv thov Vajtswv pab peb cov uas ntseeg Yexus Khetos, kom peb paub tej uas Vajtswv qhia rau peb heev zuj zus ntxiv. Tus kwv, qhov uas koj muaj lub siab hlub cov ntseeg Vajtswv, thiab koj tau txhawb lawv txhua tus lub zog, qhov ntawd txhawb tau kuv lub zog thiab ua rau kuv zoo siab kawg li.” (Filemoos 6-7)

“Koj thiab wb puavleej yog tus ntseeg thiab nrog Yexus Khetos sib raug zoo. Yog li ntawd kuv thov Vajtswv pab peb cov uas ntseeg Yexus Khetos, kom peb paub tej uas Vajtswv qhia rau peb heev zuj zus ntxiv. Tus kwv, qhov uas koj muaj lub siab hlub cov ntseeg Vajtswv, thiab koj tau txhawb lawv txhua tus lub zog, qhov ntawd txhawb tau kuv lub zog thiab ua rau kuv zoo siab kawg li (Filemoos 6-7).
Tau xya xyoo dhau los kuv muaj ib lub caijnyoog zoo: Caijnyoog zoo ntawd yog siv kuv qhov kev sau ntawv thiab mus pab cov neeg uas txomnyem. Yog ib tug sau xov xwm koom tes rau hauv xov tooj cua CBN, kuv mus ua haujlwm txhua hnub nrog txoj kev ntseeg tias kuv tab tom pab yam uas zoo tshaj plaws rau lub ntiajteb.

Qhov no muaj nqis heev rau kuv!

Sawv cev yog ib tug ua txoj haujlwm pab rau sab nraud, kuv muaj ntau sijhawm los xav txog kev hlub, kev ua siab ntev, kev muab pub thiab lub siab dav. Vajluskub hais meej meej tias kev hlub yuav tsum yog tus cag nyob rau hauv peb txhua tes haujlwm (1 Kauleethaus 16:14). Vajtswv txojlus txhawb kom peb qhib siab dav fo, thiab ntuas peb tias Vajtswv hlub tus uas muab pub los ntawm lub siab dav fo (2 Kauleethaus 9:7). Thaum saib kom tob, peb yuav nrhiav tau lub ntsiab zoo ntawm txoj kev muab pub. Lub siab dav tau nthuav tawm dhau los ntawm txoj kev muab pub tsis xam.

Tiamsis “siab dav” tseem muaj dua lwm lub ntsiab yog: ntau lossis loj, puv ntoob.

Peb tus Vajtswv yog tus Vajtswv uas siab dav. Ib puas tsav yam uas Vajtswv tsim los yog qhov pov thawj meej meej rau Vajtswv txoj kev hlub tsis muaj nrim ntawd. Thaum pib nyob hauv lub vaj Edees, Adas thiab Evas nkawd tau ua ib lub neej puv ntoob zoo kawg nkaus uas Vajtswv muab pub thiab thaum uas tib neeg poob kev txhaum, Vajtswv tau ua dabtsi? Vajtswv tso Nws tib leeg tub los pab kom peb txais tau txojsia ib txhis. Ntawd yog qhov siab ntawm lub siab dav! Thaum no, peb tau hu los ua lub neej nrog lub siab dav, muab pub ntawm peb lub siab dav fo hauv lub siab uas Vajtswv tau muab pub.

Txoj kev muab pub tsis yog tas rau ntawm tej khoom ntiajteb; tej zaug nws yog sijhawm, yog pab, yog sib pab ris nra, thiab tawm suab rau cov neeg uas cheem tsum kev pab. Ntawm no tsuas yog qee qhov piv txwv me nyob hauv ntau tes haujlwm uas muab pub.

Thaum no, kuv ntsib ib tsev neeg nyob hauv ib lub tsev nqaim nqaim tau plaub xyoo. Txhua zaug leej niam yeej siv zog nrhiav kom tau ib lub tsev zoo dua rau nws thiab plaub tug menyuam, tiamsis txhua yam cuag li tsis tau. Nws rov qab tas zog.

Tshaj txhua yam, nws cheem tsum muaj ib tug nyob ntawm ib sab, rub nws txoj kev qaug zog. Thiab Vajtswv tau tso lub siab hlub tshua rau hauv kuv lub siab, tias kuv yuav tau pab tus pojniam no. Qhov no yeej tsis yooj yim. Nws yuam kom yuav tau siv sijhawm, dag zog thiab kev txiav txim siab. Kuv siv zog txuas nrog tej zej zog, nqua hu sawv daws pab nyiaj txiag thiab txhawb tus niam tsev ntawd zog. Txawm yog nws yuav tau cim civ siv zog nws los, txoj kev pab ntawd tau ntxiv zog thiab pab nws kom nws muaj zog tiv taus tej kev sim siab tom ntej.

Tsib hli tom qab, nws nrog nws cov menyuam txav chaw mus nyob rau ib lub tsev loj dua muaj peb chav pw. Ntawm yog ib lub tsev dav, sov so, muaj txaus txhua yam – yog ib qhov chaw sov siab. Thiab hais tiag mas, kuv kuj zoo siab ib yam li lawv thiab.

Qhov uas fij nyiaj nws tseem ceeb heev rau Vajtswv. Ntawd yog txoj kev uas peb lees hais tias thaum kawg txhua yam puav leej yog Vajtswv li, thiab peb zoo siab hlo faib tej koob hmoov uas Vajtswv tau pub rau peb lawm rau cov neeg cheem tsum. Vajtswv tsis saib qhov khoom plig loj lossis me, tiamsis Vajtswv saib taus qhov uas peb kam muab. Vajtswv tshuaj xyuas peb lub siab. Yog li, thaum ntsia pom tus pojntsuam cov nyiaj tsawg tsawg uas tau fij rau Nws, Tswv Yexus hais tias ntawd yog qhov khoom plig uas muaj nqis tshaj thiab zoo siab hlo muab pub.

Yog li, kav tsij muab pub mus ntawm lub siab dav, thiab txais yuav tej koob hmoov uas koj muab pub lawm tau foom rau koj lub neej!

Thov caw nrog kuv peb thov Vajtswv ua ke:
Tus Tswv thov pub kom kuv muaj lub siab paub hlub thiab paub faib. Thov qhia kuv txoj kev muab pub los ntawm lub siab dav fo, tsis tos yuav rov tau txais ib yam dabtsi dhau ntawm tej uas kuv ua kom haum Vajtswv koj siab thiab pab lwm tus. Thov qhia kuv kom kuv paub siv tej uas koj tau pub rau kuv lawm mus pab rau lwm tus. Kuv thov kom koj foom koob hmoov rau txhua tus uas tab tom cheem tsum kev pab, kom lawv txais tau txoj kev hlub thiab kev txhawb zog los ntawm koj los. Kuv thov hauv Tswv Yexus Khetos lub npe. Amees.

Cov kwv tij txhua tus, sim nco txog zaum uas koj tau muab pub lossis muab fij los ntawm lub siab dav. Thaum ntawd koj lub siab zoo li cas? Tej zaug lub siab sov so yuav puv npo hauv koj puas yog? Thiab tom qab ntawd zoo li cas? Koj puas tau muaj zaum twg muab pub tas ho hnov khuv xim lawm tau? Yog tias muaj, yam dabtsi ua rau koj khuv xim? Thov Vajtswv pub rau peb kom muaj lub siab muab pub dav fo muab fij yam tsis khuv xim dabtsi!

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.