Jơnau Yàng bơto ‘‘Pà ai gen geh lơngai rlau mơ dòp leng’. Tú pà gòi, bol he ờ di mìng dong cau ndai mơ ya kung dờp geh bơta chò hòp, hừ nùs mơ lơngap lơngai Yàng ai. Pà gòi dồ bă dờng ơ nàng hớ la pơnah bol he kis wil tơl bơh bơta kờn gơboh mơ Yàng neh ơn tòm nùs nhơm bol he dê.

Ngai do, ngai 19/11/2024, Bơta Hòi Dan Kòp Ngai dăn jà ală ồng mò oh mi bơtê bal jơnau Yàng dê kơnòm dê bơta dong kòl Kathy Schultz dê bơh tơnggume: NÙS DƠNG ƠNANG

“Añ hòi dan mơ Kơnràñ ai bơta gơtòmklac bal tòm bơta dòn bi dê mơ tơnggơs bơta git wă jơh ală bơta niam bol he geh tòm Bơtau Krist. 7Mơ tai, ơ bi, añ neh geh hòn chò mơ pơndòm pơniang oă ngan bơh nùs kòñ gơboh bi dê, tài bơh kơnòm di bi mơ nùs ală cau sàng goh neh geh rài bòl.” (Philemon 6-7)

“Añ hòi dan mơ Kơnràñ ai bơta gơtòmklac bal tòm bơta dòn bi dê mơ tơnggơs bơta git wă jơh ală bơta niam bol he geh tòm Bơtau Krist. Mơ tai, ơ bi, añ neh geh hòn chò mơ pơndòm pơniang oă ngan bơh nùs kòñ gơboh bi dê, tài bơh kơnòm di bi mơ nùs ală cau sàng goh neh geh rài bòl.” (Philemon 6-7)

Rlau 7 nam lài đap, an neh geh tú lơmpah niam ngan: lơmpah nàng geh cih jat nùs kờn bơh nùs nhơm kờn dong ală cau gam gơkòl rài kis kalke. La cau biên tập lơh broă tềng tiah Công tác xã hội pơnah gơnoar broă CBN, an rgơi lòt lơh broă kờp ngai bơh bơta dờn nền cê lah: ngan he neh mơ gam ơn ală broă niam tus dê dunnia ngai do.

Broă hớ cèng gơtha dờng ngan an in!
Tòm gơnoar broă la cau duh broă di gul kon mơnùs, ẵn gơs oă ngan bơta nàng kơlôi sơnưng bơh bơta kỡn gơboh, nùs nđàc sơngit, bơta pà ai mơ nùs dơng ơnang. Sră Goh đơs lah bơta kỡn gơboh la bơta tòm tòm broă lơh he dê (IKôrintô 16:14). Jơnau Yàng chôl bơtrut bol he pal pò nùs dơng ơnang, mơ tơng kah bol he lah Yàng kỡn gơboh ală cau chò nùs pà phan (II Kôrintô 9:7). Tú sền nền nề, bol he rơp sên gó bơta dơng mang bơta pà ai dê. Nùs dơng ơnang pà ai geh ràng tơlik la ò kòp ò yà.

Mơya “dơng ơnang” kung gơs gơtha ndai tai la: dơng ryú, bêng tơl hala oă bơta.

Yàng bol he dê la Yàng Tòm Trồ dơng ơnang. Bơta crơnggơs Yàng dê hớ la têl sơnio loh lang bơh bơta kỡn gơboh dơng ơnang hớ. Bơh tú sơnròp tòm sươn Êđen, Ađam mơ Êva neh kis tòm bơta bêng tơl mơ hang mơné mơ Yàng neh pà ai. Mơ ală phan Yàng crơnggơh duh tòm bơta ơniai, Yàng Tòm Trồ neh lơh bơta lơi? Kơnrẵn ò pơrlài Kòn Dul Kơnrẵn dê nàng bol he in dòp geh bơta kis gam sùm sùm. Hớ la têl sơnio loh lang rlau jơh bơta kỡn gơboh dơng ơnàng dê! Tú do, bol he kung geh hòi jà nàng tus hơ bơta kis dơng ơnang, pà ai bơh nùs dơng ơnang mơ Kơnrẵn neh pà ai.

Tú bol he pà ai, Yàng rơp ai lơngai wơl bol he in – hớ la bơta òs tòm rai kis. Bơta pà ai lơh hwềng soan he in bêng liu bơta hòn chò, bơta kỡn gơboh, mơ bơta hừ nùs. Kung gơs tú, ală bơta hớ tus lài mơ phan bàn bơh đah pơnah poac să.

Bơta pà ai ò di ming đah poac să lơm ò; hớ kung la tú jơ, bơta duh broă, bơta ràng tơlik nùs nhơm hala pò bơr yal tơnggit ală cau pal cang bơta dong kơl. Hớ la dô êt pơnyơu tòm oă bơta đơs bơh bơta pà ai.
Tòm dô êt ngai neh rlau, ẵn tìp dô hiu nhă kis tòm hiu ơpah dềt tòm poan sơnam rau. Kòp tú cau mè pơnđơl pràn joi hiu niam rlau nàng mò mơ poan nă kon in iwm, mơya ală bơta tơrlah tơrlup. Khai neh bol.
Rlau mơ ală bơta, khai kơp kỡn gơs cau ntao di gah khai, yò đo mpang tê bol glar khai dê. Mơ Yàng neh ơn tòm ẵn bơta kơp kỡn lah ẵn pal dong kơl cau mò do. Bơta hớ ò buôn soh. Gơ pal cang tú jơ, bơta pràn kơldang, mơ bơta lơh nền. Ẵn pơnđơl pràn nàng hòi jà bơta dong kơl jền priă mơ chôl bơtrut nùs nhơm khai, Mơya khai kung pal pơnđơl pràn, bơta hớ ming chồl khai in lơm, dong khai gơs wơl bơta pràn kơldang mơ lòt gan ală bơta gơlong bol glar hơđap.

Tòm ală ngai tơnớ hớ, khai mơ ală kon khai dê tus ơm tòm hiu gơs pe tiah bic ing, hòm ram mơ bêng tơl – dô bă tiah la hiu ơm. Mơ đơs ngan lah, ẵn gó chò hòp bal ò di ming bol khai lơm.

Bơta dong kơl jền priă kung dơng mang ngan gơwèt mơ Yàng. Hớ la gung dà bol he sơnio loh lang lah lôi dut, ală bơta gơrê mơ Kơnrẵn, mơ bol he rcang sir nàng pà ală bơta lơngai mơ Kơnrẵn neh ai ală cau pal cang. Yàng ò sền bơta pơnah phan pà, mơya nền cê la Kơnrẵn sên dơng mang bơta phi să he dê. Yàng sền đah dơrlam, ò sền đah bơdih. Bơh hớ, tú sền gó jền priă dềt rhên cau ur pơnrau dê ơn Kơnrẵn in, Kơnrẵn neh ràng tơlik lah hớ la phan pà dơng mang rlag mơ dơng ơnang rlau jơh.

Behớ, he kừ pà ai mơ nùs dơng ơnang, mơ dòp geh bơta lơngai jrô ndơp mơ bơta pà ai ceng wơl ồng mò oh mi in!

Dan jà bol he dô nùs bal tòm bơta hòi dan:
Ơ Yàng, dan Kơnrẵn pà ai kon in dô nùs nhơm kỡn gơboh mơ pà ai. Dan bơto kon pà ai mơ nùs dơng ơnang, ò cang dòp wơl, ming kỡn lơh chò nùs Kơnrẵn mơ dong kơl cau ndai. Dan tề lam kon nàng kon git ngui ală bơta Yàng ai nàng dong kơl cau ndai. Kon hòi dan Yàng ai lơngai jơh tơl nă cau pal cang dong kơl, nàng bol khai dòp geh bơta kỡn gơboh mơ bơta pơndòm pơniang bơh Kơnrẵn. Kon jơh nùs hòi dan tòm sơnđan Yàng Jesus Krist, Amen.

Ơ ală ồng mò oh mi kỡn gơboh, kah wơl té dô dớ mơ ồng mò oh mi neh pà ai hala ơn dô bă chò nùs. Tú hớ, nùs nhơm ồng mò oh mi dê gơlơh mbe lơi? Digơlan, ram bêng tơl tòm nùs ồng mò oh mi dê, ngan sơl? Mơ tơnớ hớ gen mbe lơi? Gơs tú lơi ồng mò oh mi pà ai rau mơ gó pơrlai sơl? Dilah gơs gen bơta lơi lơh ồng mò oh mi in pơrlai taih? Dan Yàng ai bol he in dô nơm nùs nhơm dơng ơnang nàng bol he rgơi ơn jơh Kơnrẵn in mơ ò pơrlai!

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.