Zaj xwm txheej koob tsheej Tswv Yexus yug yog hais txog ib tug metub tau yug los nyob rau hauv lub dabzaub hauv Npelehees. Yexus Khetos tau yug los zoo li ib tug menyuam mos- Nws lub npe hu ua Emanu-es: Vajtswv nrog peb nyob. Nws los zes tus nplaim taws muaj yeej txhua lub hwjchim tsaus ntuj, pub qhov kaj uas yog kev cia siab rau lub ntiajteb ib zaug ntxiv thiab mus ib txhis.

Hnub no, yog hnub 26/12/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Daphne Delay dhau ntawm Zaj kawm TUS TSWV COJ TUS NPLAIM TAWS MUAJ YEEJ

“…tiamsis tus uas yuav lawv kuv qab los, nws yuav muab nej raus los ntawm Vaj Ntsujplig tus Dawbhuv thiab ntawm hluavtaws. Tus ntawd muaj hwjchim loj dua kuv; kuv twb tsis tsimnyog nqa nws nkawm khau khiab. (Mathais 3:11).

“Pw zoo, tus metub Yexus, qi ob lub qhov muag qaug zog zis cia
Zais yus rau hauv tej kev npau suav hwm Vajtswv ua ntej uas yuav los yug ua neeg.
Maj mam saib dhau ntuj ceebtsheej, so rau hauv txoj kev kaj siab.
Vajtswv Leej Txiv yuav tsis muaj hnub tso koj tseg, Nws yuav tiv thaiv koj tus ntsujplig.
Vim koj txhais taw mus saum nplaim dej, koj lub qhov muag saib dhau qhov tsaus ntuj.
Koj lub siab yuav cawm cov ntsujplig hauv ntiajteb, thiab koj txhais tes muaj cov qhov teeb…
Pw zoo, metub Yexus, vim tsis ntev xwb twb yuav txog lub sijhawm ntawd
Thaum koj kho zoo tus neeg mob ruas, hais cua kom nyob tiaj tus.
Nrog rau txhais ruam zoo thiab kev hlub zoo
Koj yuav kov yeej txoj kev ntshai thiab mus ntawm txoj kev txomnyem
Txawm yog hnub ntawd twb los ze”
“Peb zoo siab caw, tus metub hauv Npelehees,
Muab ntau txoj kev txhaum ntiab tawm, koob tsheej Tswv Yexus yug nyob hauv peb txhua tus”

Cov ntsiab lus no rho hauv zaj nkauj Mary’s Prayer (Malis cov lus thov Vajtswv” uas yog Bebo Norman sau). Zaj nkauj muaj lub suab tiaj tus, zoo kawg nkaus tseg rau los xav txog hnub Tswv Yexus los yug. Tiamsis tsis yog tas li xwb, zaj nkauj tseem yog cov lus ntuas kom peb nco ntsoov tshab xyoo txog qhov khoom plig muaj nqis uas Vajtswv tau muab pub rau peb.

Tswv Yexus los rau hauv ntiajteb hnav cev nqaij zoo li ib tug menyuam mos- ib tug menyuam mos nyob hauv niam xub ntiag. Kuv cim civ nug, tsis paub thaum tseem me, Tswv Yexus puas paub txog tej yam uas tab tom tos nws nyob tom hauv ntej? Lossis Yexus Khetos kuj ib kaujruam maj mam nrhiav pom Nws qhov haujlwm, zoo li txoj kev uas peb nrhiav peb lub neej? Txawm yog lo lus teb yuav yog li cas, los qhov tseem ceeb yeej yog:

“Rau qhov Vajtswv hlub neeg ntiajteb kawg li, nws thiaj txib nws tib Leeg Tub los rau hauv ntiajteb. Tus uas ntseeg nws Leej Tub, tus ntawd yuav tsis tuag, tiamsis yuav tau txojsia ntev dhawv mus ibtxhis” (Yauhas 3:16)

Tus metub ntawd tau yug los ris neeg ntiajteb tej kev txhaum thiab yuav loj hlob dhau los ua tus Cawm Seej.

“Muaj ib tug menyuam twb los yug hauv peb cov lawm! Vajtswv muab ib tug tub pub rau peb! Thiab nws yuav ua tus kav pab, nws lub npe yuav hu ua “Tus Tuavxam, tus uas muaj Txujci” , “Vajtswv tus muaj hwjchim “Vaj Leej Txiv tus uas nyob mus ibtxhis,” “Vajntxwv tus uas muaj kev thajyeeb.” (Yaxayas 9:5).

Tib neeg ntshaw ib tug Cawm Seej. Yog li, Vajtswv thiab tso Nws tib leeg tub los rau hauv ntiajteb. Txoj kev cawm tag nrho tib neeg ntiajteb thaum no pib nyob rau hauv tus metub.

“Ib tug nkaujxwb yuav xeeb tub thiab yuav yug ib tug metub thiab sawvdaws yuav hu nws lub npe hais tias Emanu-ees.”Lub npe no txhais hais tias, “Vajtswv nrog peb nyob” (Mathais 1:23).

Tus nkauj xwb Malis yog tus neeg tau xaiv. Nyob hauv Malis siab, nws hlub tus metub- uas yog Vajtswv tus muajsia zees nyob.

“Tus timtswv hais rau Malis hais tias, “Malis, koj tsis txhob ntshai, Vajtswv twb foom koob hmoov rau koj lawm. Koj yuav xeeb tub thiab yuav yug tau ib tug metub, koj yuav tis nws lub npe hu ua Yexus. Nws yuav ua tus tseemceeb, thiab sawvdaws yuav hu nws lub npe hais tias, yog Vajtswv tus uas muaj hwjchim loj kawg nkaus tus Tub. Tus Tswv uas yog Vajtswv yuav tsa nws ua vajntxwv, ib yam li nws yawgkoob Daviv, nws yuav ua vajntxwv kav Yakhauj cov xeebntxwv mus ibtxhis; thiab nws lub tebchaws yuav nyob mus tsis paub kawg li! (Lukas 1:30-33).

Tus metub Yexus yog tus Emanu-es “Vajtswv nrog peb nyob” Nws yog Vajtswv hnav tib neeg cev nqaij daim tawv. Tus Cawm Seej los yug, tiamsis kuj yuav tau muab nws zais tej hwjchim tsaus ntuj tab tom tau cev lus yuav dhau los muaj tseeb.

Zoo li muaj tug tau hais tias: “Tus metub no tsis yog lub laujkaub cia rau luag hliv rau xwb, tiamsis yog tus nplaim taws tseg taws kom cig”. Tswv Yexus, Vajtswv tus tub tau muab pub rau tib neeg, yog tus nplaim taws nyob rau hauv ntsus kev tsov rog nrog lub hwjchim tsaus ntuj.

Nws los rhuav tshem thiab kov yeej lub hwjchim tsaus ntuj uas tab tom muab tib neeg kaw cia los ntev.

“…tiamsis tus uas yuav lawv kuv qab los, nws yuav muab nej raus los ntawm Vaj Ntsujplig tus Dawbhuv thiab ntawm hluavtaws. Tus ntawd muaj hwjchim loj dua kuv; kuv twb tsis tsimnyog nqa nws nkawm khau khiab. (Mathais 3:11).

Emanu-es yog tus uas taws lub teeb muaj yeej ntawd.

Tiamsis tamsim no qhov no puas tseem yog ib zaj xwm txheej uas xav tsis thoob? Vajtswv tus tub tau yug los ntawm Vaj Ntsujplig yog ib kaujruam loj nyob rau sab ntsujplig. Leej niam uas yug tus metub los, tus metub ntawd tsim muaj txoj kev cawmdim, thiab tus nplaim taws ntawd yuav tau taws kom cig sab hauv.

Muaj ib zaug thaum tab tom qhia, tus neeg uas raug dab nws pom tus nplaim taws nyob ntawm Tswv Yexus:

“…Cov neeg uas tuaj mloog Yexus qhuab qhia, lawv xav tsis thoob li, rau qhov Yexus tej lus qhia tseemceeb heev; nws qhia tsis thooj li cov xibhwb uas qhia Vajtswv txoj Kevcai qhia. Tamsim ntawd muaj ib tug txivneej raug dab los rau hauv tsev sablaj; nws qw nrov nrov hais tias, “Yexus uas yog neeg Naxales, koj tuaj ua kom peb puastsuaj los? Kuv paub koj yog leejtwg, koj yog Vajtswv tus tubtxib uas dawbhuv! ” (Malakaus 1:22-24).

Luag tsuas paub Tswv Yexus yog “Yexus Naxales” – yog Malis thiab Yauxej nkawd tus tub. Tiamsis tom qab txoj kev sib ntsib ntawd, txhua lub hwjchim tsaus ntuj paub tias TXOJ KEV CAWMDIM TSEG RAU TIB NEEG TWB LOS LAWM. tus nplaim taws no nws npog cia thaum no cig meej heev.

Thiab tag nrho puav leej yog pib ntawm ib tug menyuam mos, Nws lub npe yog tus zoo kawg nkaus, tus tuav xam, Vajtswv tus muaj hwjchim, Leej Txiv ib txhis, tus Tswv ntawm txoj kev thaj yeeb.

Thov caw nrog kuv peb thov Vajtswv ua ke:
Ua Vajtswv Leej Txiv tsaug vim Koj tau pub Yexus Khetos – Emanu-es los rau hauv lub ntiajteb tsaus ntuj nti, ci tus duab pom kev muaj yeej rau kuv lub neej. Thov zes tus nplaim taws ntawd hauv kuv lub siab, tus nplaim taws ntawm txoj kev hlub, kev ntseeg thiab lub siab ntshaw ua lub neej raws li Vajtswv lub siab nyiam, kom kuv kov yeej txhua lub hwjchim tsaus ntuj thiab ci koj tus duab tshav thoob ntiajteb. Kuv thov hauv Tswv Yexus Khetos lub npe. Amees.

Cov kwv tij txhua tus, koob tsheej yog lub sijhawm zoo tseg rau peb caw Tswv Yexus los nyob hauv peb lub siab. Nws yog tus menyuam dawbhuv nrog txoj kev hlub tsis muaj nrim, tau coj qhov kaj thiab kev cawmdim los pub rau lub ntiajteb. Thov kom Vajtswv yuav los thiab zes tus nplaim taws ntawd hauv peb lub siab – tus nplaim taws ntawm txoj kev cawm dim, kev ntseeg, cia siab thiab kev hlub. Kom dhau ntawm txhua tus lub neej, qhov pom kev ntawd yuav nthuav tawm, ci rau lub ntiajteb thiab coj txoj kev zoo siab mus qhia rau cov ntsujplig uas tab tom cheem tsum Nws.

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.