Puas muaj zaum twg koj zam tau tej yam yuam kev loj dhau los ntawm lwm tus cov lus ceeb toom nruj nruj lawm tau? Vajtswv Txojlus kuj ib yam li ntawd. Tsis yog thaum twg Vajluskub twb siv cov lus mos muag los txhawb. Ntau zaug, cov lus ceeb toom nruj yuav nyob hauv Vajluskub ua rau peb ib ce tshee nyo. Tiamsis tsis paub peb puas nkag siab tias, tomqab cov lus ceeb toom ntawd, yog Vajtswv txoj kev hlub – ib txoj kev hlub npaj txhij ua txhua yam kom peb tau txais kev cawmdim?

Hnub no, yog hnub 08/01/2025, kev Thov Vajtswv Txhua Hnub thov caw sawv daws nrog kawm Vajtswv Txojlus ua ke nrog tus qhia Sally Buckner dhau ntawm Zaj kawm VAJTSWV COV LUS CEEB TOOM

“Tus Tswv saib xyuas cov neeg ncajnncees thiab coj lawv txoj hau kev, tiamsis cov neeg ua phem tabtom taug txojkev puastsuaj” (Ntawv Nkauj 1:6)

Pollyanna yog ib zaj movies zoo heev ntawm pawg Disney rau xyoo 1960, los ntawm Hayley Mills nws yog tus menyuam ntxhais Pollyanna, nrog rau cov neeg ua yeebyam muaj suab npe. Yog koj tsis tau saib, cia siab tias koj yuav tseg sijhawm los nrog tsev neeg saib ua ke, tshwj xeeb yog koj cov menyuam.

Kuv thov hais mentsis txog lub ntsiab lus ntawm zaj movies: tomqab niam txiv tuag tas, Pollyanna mus nrog nws tus niam ntxawm uas nplua nuj nyob. Niam ntxawm Polly nws tswj txhua yam hauv nroog, tej ntsiab lus ntawm zaj lus qhuab qhia hnub so tib si, thaum tseem ua neej nyob, Pollyanna txiv yog ib tug xibhwb nws niaj hnub qhia txog tej yam zoo nyob hauv Vajluskub. Yog li, nws thiaj hnov tsis txaus siab rau tej kev qhia tsis zoo uas tus niam ntxawm Polly tau qhia – siv tej kev ntshai thiab kev txhaum los tswj lwm tus.

Muaj ib ntu uas kuv nyiam heev nyob hauv zaj movies yog thaum uas xibhwb qhia txog “hluav taws thiab leej faj” yog ib txoj kev puv npo lub siab kub lug.

Kuv tab tom zaum saum tshooj peb saib movies, so thiab nyob ua si thaum yav tsaus ntuj sov so ntawd. Tshuav kuv tus txiv nyob hauv pem teb kho lub txhua khaub ncaws. Ncaj kiag rau lub sijhawm uas xibhwb qhuab qhia siv lub suab muaj hwjchim “Txoj kev tuag los thaum tsis faj!” ces hauv tsev xwb tim tawg ib suab nrov heev, txog qhov uas lub tsev cig pom kev tib si. Kuv ceeb khiav los ntawm tus ntaiv saib, xav tias kuv tus txiv ua cas. Ua Vajtswv tsaug, kuv tus txiv tsis ua cas – tsuas yog nws txuas yuam kev cov hluav taws xob ua rau cig tawg tuaj xwb.

Qhov no kuj txaus luag tiamsis nws kuj txaus ntshai – xibhwb cov lus qhuab qhia, qhov uas tawg nrov nrov ntawd, thiab lub sijhawm cas nws yuav sib ncaj ua ke ua luaj xav tsis thoob! Tiamsis twb yog los ntawm tej lus ceeb toom ntawd ua rau kuv yuav tau xov txog tias. Yog txoj kev tuag nws los txog rau lub sijhawm ntawd, ces nws yog ib yam uas tsis “faj txog”.

Thaum pib kuv xav sau tias Vajtswv tsis cheem tsum tej lus qhuab qhia zoo li Pollyanna – txhais tias tsuas qhia txog tej zaj lus qhuab qhia mus rau feem zoo ua poob tej feem tseem ceeb xws li kev txhaum, kev teem txim lossis txoj kev cheem tsum yuav tau lees kev txhaum. Thaum tshawb nrhiav Vajluskub kuv pom tias tej lus ceeb toom txog “hluav taws thiab leej faj” nws tshwm meej meej heev, los ceeb toom kom peb tsim. Txawm yog cov lus ceeb toom ntawd nws mus nrog lub ntsiab lus kev hlub thiab kev cia siab los, Vajtswv twb npaj txhij ib txoj kev yuav cawm kom peb dim.

“Cov neeg uas tau koob hmoov yog cov neeg uas tsis ua raws li cov neeg siab phem tej lus haub ntxias, thiab tsis xyaum ua raws li cov neeg txhaum ua lossis tsis nrog cov neeg uas tsis hwm Vajtswv koom ua ib lub siab. Tiamsis cov uas tau kev kaj siab cov uas hwm tus Tswv txoj Kevcai thiab kawm txoj kevcai ntawd nruab hnub hmo ntuj. Lawv zoo ib yam li tej ntoo uas cog ze rau ntawm ntug dej uas txi txiv raws caij raws nyoog tej nplooj los tsis qhuav li. Thiab txhua yam uas lawv ua puavleej tiav. Tiamsis cov neeg siab phem tsis zoo li ntawd, lawv zoo ib yam li cov npluag nplej uas cua ntsawj ya ri niab. Vajtswv yuav rau txim rau cov neeg ua phem thiab muab lawv cais tawm ntawm Vajtswv haivneeg. Tus Tswv saib xyuas cov neeg ncajnncees thiab coj lawv txoj hau kev, tiamsis cov neeg ua phem tabtom taug txojkev puastsuaj (Ntawv Nkauj 1:1-6).

“Ces tus Tswv thiaj ua kom xob nroo saurn ntuj tuaj, thiab hnov tus uas muaj hwjchim loj kawg nkaus lub suab. Nws tua nws xibxub tuaj thiab ua rau nws cov yeebncuab tawg ri sua, nws ua kom xob laim ci ntsa iab raws lawv khiav. Tus Tswv, thaum koj cern koj cov yeebncuab thiab nyooj rau lawv ntawm koj txojkev chim, ua rau qab thu dej hiavtxwv khoob lug thiab lub ntiajteb nyob do dus tsis muaj dabtsi thaiv. Tus Tswv thiaj cev tes puag saum nruab ntug tuaj tuav kuv hauv qab thu no, nws thiaj rub kuv tawm hauv qab thu dej qhov tob tshaj plaws los Nws cawm kuv dim ntawm kuv cov yeebncuab lub hwjchim, thiab dim ntawm cov neeg uas ntxub kuv, rau qhov lawv muaj zog dua kuv. Thaum kuv raug kev nyuaj siab, lawv txawm tuaj ntaus kuv ntag, tiamsis tus Tswv tsomkwm kuv. Nws pab kuv tawm hauv txojkev puastsuaj, nws cawm kuv rau qhov nws txaus siab rau kuv (Ntawv Nkauj 18:13-16)

“Vajtswv txojlus tsis yog thaum twg twb yog “mos muag”, tiamsis ntau zaug yog cov lus ceeb toom muaj zog, vim ntawm no yog qhov teeb meem tseem ceeb – txog koj txojsia ib txhis. Tiamsis zoo kawg nkaus, koj tsis tas yuav ua neej nyob hauv txoj kev ntshai lossis txaj muag rau txoj kev txhaum ntxiv. Cawm Seej Tswv Yexus twb ris tag nrho txhua yam kom peb tau muaj sia ua neej nyob.

Nws yog txoj kev, qhov tseeb thiab txojsia, peb txoj kev zoo siab thiab txojsia puv ntoo yeej npaj txhij tseg rau koj. Zoo kawg nkaus thaum uas paub tias Vajtswv hlub peb npaum cas, thiab Vajtswv zoo siab hlo ua txhua yam kom peb tau txais txoj kev kaj siab ib txhis. Zoo kawg nkaus thaum peb tau pehawm ib tug Vajtswv loj kawg nkaus li ntawd!

Thov caw nrog kuv peb thov Vajtswv ua ke:
Tus Tswv yog tus muaj kev hlub, thiab Kuj yog tus ncaj ncees. Kuv ua Koj tsaug vim Koj tau siv Vajluskub los ceeb toom kuv los qhuab ntuas kuv, pab kom kuv txav dej txoj kev txhaum, pab kom kuv qhib siab los mloog thiab txais yuav txhua yam uas koj qhia, txawm yog tej ntawd yeej tsis yooj yim mloog. Thov qhia rau kuv txhua yam uas koj ua puav leej yog kev hlub tsis muaj nrim koj tseg rau kuv. Thov pab kom kuv yuav mloog lus thiab txais yuav txoj kev zoo siab nplua mias uas koj pub. Kuv thov hauv Tswv Yexus Khetos lub npe. Amees.

Cov kwv tij, nyob rau lub ntiajteb tsis muaj sijhawm khoom no, peb yooj yim ua poob lossis saib qhov tseeb uas yog txojsia ib txhis tsis tseem ceeb. Hnub no, cia li cim civ nug tus kheej: “Kuv tab tom ua lub neej zoo li cas? Kuv tab tom ntsib tej lus ceeb toom twg nyob hauv Vajtswv tej lus? Kuv puas tau npaj txhij sawv ntawm Vajtswv xub ntiag hnub no? Cia siab tias peb yuav tsis hla dhau tej lus ceeb toom los ntawm Vajtswv los, thiab tej lus muaj hwjchim pab kom peb lub neej tau hloov pauv thiab txhais ruam mus hauv txoj kev ncaj ncees, tuav txoj kev ntseeg kom ruaj ntawm Tswv Yexus txog hnub kawg. Peb tsis tas yuav ua neej nrog txoj kev ntshai, tiamsis xaiv mus hauv txoj kev kaj siab, ntseeg siab rau Vajtswv. Peb tus Cawm Seej Tswv Yexus twb ua txhua yam kom koj thiab kuv yuav txais tau txoj kev cia siab ntawd. Tsis paub koj puas zoo siab hlo txais yuav cov lus ceeb toom ntawd, kuj yog Vajtswv txoj kev hlub hnub no?

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.