Digơlan cau lơi tom bŏl he kŭng neh gơlơh: tòm dơlăm tom hwing nùs nùs he găm gơs bơta hut hung gen dunnia do ò tŭ lơi bur bềng gơ. Bŏl he găm kis kòp ngai, kơlôi rcang, pơnđơl jòi bàn bơta hừh nùs tòm broă lơh, ală bơta gơtòmklac hala ham koñ ĭng rài do di, mơya gơlơh be jơh ală bơta gen ò tơl. Gen behơ̆ tŭ do mo, Yang găm họi jà he cơnđòa mut tom bơta gơtòmklac dềt mềr băl mơ Kơnrẵn – Bơtau mìng dô nă Kơnrẵn lơm rơp lơh bềng bơta hut hung gen he găm rơp jòi.

Ngai do, ngai 10/06/2025 bơta Hòi Dăn Kòp Ngai dăn jà ală ồng mò oh mi bơtê bal Jơnau Yàng dê kơnờm dê bơta dong kòl Sheila Weddle dê bơh Tơnggume YANG GĂM HỌI JÀ

Sră Goh: “Yàng neh sồr bơta dong tơwài làng bol Kơnràñ dê, Neh sồr bơtào bơta ho bal Kơnràñ dê jơl tus sùm sùm. Sơnđan Kơnràñ la sàng goh mơ pal rngòt ngan!” (Đơs Crih 111:9)

Nđợ pọh lài or, ăñ gơs tŭ geh ngùi sa băl tom dô nơm nhà hàng digah dà lềng niam ngăn tŭ mat tơngai lik. Sền ală phăn gut dăr, ăñ kơlôi òm: Yang Krơi is ngăn tŭ crơng mon plai ù be do!” ăñ gŏ ală cau lòt kơñhơl hơđăng digah dà ling, bŏl khai kŭng găm sền rmê mat tơngai rhòi rhòi tơlik. Mơ tom tŭ hơ̆, gơs dô bơta kơlôi nisơna tơlik lọh lang tòm bồ dơngoh ăñ: “Yang găm họi jà kòp nă bŏl khai đal git Kơnrẵn.”

Yang koñ ngăn bŏl he đal git Kơnrẵn. Kơnrẵn koñ bŏl he dòn kơnòm di Kơnrẵn. Ò hệt gŏ Yang gen ò di la Kơnrẵn ò tơlik mat. Mơya, Yang dềt mềr rlau mơ nhờm tă bŏl he di, kis wăñ rlau ală bơta bŏl he neh git. Kơnrẵn koñ bŏl he pò nùs wă rò bơta koñ gơboh Kơnrẵn di.

Yang sum họi jà ală kọn sau Kơnrẵn : “ Tus tĕ hơ Añ, dềt mềr tĕ băl mơ Añ.” Mơya oă dơ̆ bŏl he ò đal git jơnau họi jà Bèp Hơđăng trồ, nàng kư̆ kơlôi sơnơng broă ndai, jòi tus kọn mơnùs hala ală phăn tồ lơh bềng ală bơta găm siơ̆u. Mơya, ngăn ò gơs dô nă cau lơi hala dô bơta lơi rơp lơh bềng hut hung jrô ndơp tòm nùs bŏl he – la tiah mìng geh rcang is dô nă Yang lơm.

Tŭ ò geh hừh nùs, bŏl he buơn ngăn gơlik gơs rọh bơta gơn kơnòm mơ kơlôi lah: “Yang ò koñ gơboh he ò! Kơnrẵn ơm ngài ir, dờng màng ir tồ ò tŭ lơi he jai koar.” Hơ̆ la ală jơnau ma blac. Bŏl he càng bơtê git cah is bơta lơi la jơnau sŏng, bơta lơi la ma blac.

Lơh mbe lơi nàng he git cah is taih? Bŏl he păl kah la Yang koñ gơboh bŏl he rlau ală cau lơi ndai. Bŏl he rơp dòn kơnòm wil tơl di bơta koñ gơboh Yang, di bơta rơndăp tap sèng, gơnap gơnoăr mơ bơta nđàc Kơnrẵn di. Yang Tom Trồ ryŭ ryơm là jơh ală bơta bŏl he păl càng – Kơnrẵn la jơh ală bơta bŏl he jơh tơhir kơp koñ. Tơ’ai lah sềm dềt rhền kŭng ò kŏng ji glọh tŭ lơi ò. Gen Yang càng ngăn kơp koñ bŏl he gơtòmklac dềt mềr băl mơ Kơnrẵn rlau behơ̆ ơ?

Gen păl càng sơntom bơh đah lơi? Mìng càng tus mơ Kơnrẵn mơ ràng tơlik nùs he dô bă sŏng ngăn. Bŏl he rơp jào phi wil tơl hwềng nùs he Yang ĭn, bơh Kơnrẵn git jơh ală bơta ơm tòm hwềng nùs bŏl he, mơ Kơnrẵn koñ sơmbòi ală bơta tềl sồt. Oă ngăn bơta kơp koñ tòm hwềng nùs he tài bơh Yang neh ơn tom hơ̆ – mìng bŏl he ò hệt tơl dòn kơnòm tồ đal git ală bơta hơ̆ la nùs koñ sàng gọh Kơnrẵn di hơđăng rài kis he.

Bŏl he rơp sơntom bơh jơnau họi dăn dềt rhền : “Khoai Yang, dăn ai pà kọn ĭn dô nơm hwềng nùs sàng gọh. “ Kơnrẵn rơp lơbơn niăm was gọh ală bơta jrô ndơp să tom bŏl he ò geh lơh sàng gọh is. Bulah ală bơta gơlik gơs bơh să tom bŏl he mơ gơs, mơya Yang rơp găm lơh gọh bơh bơta koñ gơboh dờng ơnang Kơnrẵn di, tồ hwềng nùs bŏl he geh rĭng lơngai, hòn chò mơ sơlơ ngai sơlơ dòn kơnòm, tòm klac jrô ndơp dềt mềr băl mơ Kơnrẵn.

Đah bơdih Yang gen ò gơs cau lơi ndai rơp lơh bềng tơl hut hung tom hwềng nùs bŏl he. Kơnrẵn koñ bŏl he dòn kơnòm wil tơl di Kơnrẵn mơ di bơta koñ gơboh Kơnrẵn ai pà bŏl he in. Ò gơs bơta lơi păl rngòt rngơt ò, tài bơh Yang Dŏng Jesu neh đơs:“Añ neh tus tồ belàt in geh bơta kis mơ bơta kis tơngkah tơngkañ.” (Jang 10:10)

Sac rwah tĕ pò hwềng nùs he wă rò bơta tơlik mat Yang di. Cơnđòa mut tòm bơta gơtòmklac jrô ndơp băl mơ Kơnrẵn mơ git lăm tĕ bơta hon chò băl mơ bơta lơngap lơngai tòm rài kis tơngkah tơngkañ Yang găm họi jà. Do la nùs koñ Kơnrẵn di, ò di nùs koñ is bŏl he di.

Bơta bŏl he păl càng lơh la ò pơndăng mơ dòn bơr tĕ Sră Goh bơtọ: “Ơm tĕ sùm tòm Añ gen Añ rơp ơm sùm tòm bol mê.”

Diđap bŏl he là gùng dà krơi is ngăn, dô bơta păl càng bŏl he păl lơh lah lơh nền cơnđòa mut.

Dan jà bol he dô nùs bal tòm bơta hòi dan:
Khoai Yang, kon ưnngai Kơnrẵn bơh bơta koñ gơboh krơi is ngăn Kơnrẵn òs rcang kon ĭn. Bulah gơs ală tŭ kọn jòi bơta hon chò mơ bơta kwơ màng di tom dunnia do, mơya tòm dơlăm hwing nùs kọn, kọn git mìng Kơnrẵn lơm rơp lơh bur bềng tơl ală bơta hut hung di tom hwing soan kọn. Dăn Yang dŏng kọn pò hwing nùs he nàng dòp rọ Kơnrẵn, dòn kơnòm di bơta koñ gơboh mơ bơta nđàc Kơnrẵn. Dăn Yang Hwềng Gọh lơh gọh hwing soan kọn, lăm kọn cơnđòa mut tòm bơta gơtòmklac dềt mềr băl mơ Kơnrẵn, tồ kọn đal git bơta hon chò, bơta lơngai lơngai mơ bơta kis tơngkah tơngkăñ gen Kơnrẵn neh ho ai. Kọn jơh nùs họi dăn, kon ai sơnđăn Yang Jesu Krist, Amen.

Ơ ală ồng mọ ọh mi koñ gơboh, Yang neh sum jòi mơ kơp gơn he bơh lài or rau. Kơnrẵn lơbơn niăm họi jà he ho wơl bơta koñ gơboh Kơnrẵn di. Bơta ho wơl la ơm tom he di. Tŭ do mo, gen he rơp rcang sir pò nùs he, tồ Yang mut ơm, lơh bềng ală bơta hut hung tom he bơh bơta rĭng lơngai, hòn chò, bơta kis tơngkah tơngkăñ Kơnrẵn di sơl? Tŭ do mo, pò tĕ hwing nùs he mơ jà Yang lăm he cơnđòa mut tòm gùng dà niăm rlau jơh rài kis he di.

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.